ଜନ୍ମରୁ ତାଙ୍କର ଦୁଇଟି ଯାକ ଗୋଡ଼ ନାହିଁ । ପିଲାଟି ଦିନରୁ ଗୋଡ଼କୁ ସେ ହାତ ଭଳି ବ୍ୟବହାର କରି ଆସିଛନ୍ତି । ସେ ଗୋଡ଼ରେ ଲେଖି ସ୍ନାତ୍ତକ ଯାଏ ଗଲେଣି । ଆଗକୁ ପ୍ରଶାସନିକ ଅଧିକାରୀ ଟିଏ ହେବାର ସ୍ବପ୍ନ ନେଇ ସିଏ ଆଗକୁ ବଢୁଛନ୍ତି। ଦୁଇଟି ହାତ ନ ଥାଇ ଜନ୍ମ ହୋଇଥିବା ମମତାଙ୍କୁ ତାଙ୍କ ବାପା ଗୋଡ଼ରେ ଲେଖା ଶିଖାଇଥିଲେ ।ସ୍କୁଲରେ ଗୋଡ଼ରେ ଲେଖୁଥିବା ଦେଖି ହସୁଥିଲେ ସହପାଠୀ । କିନ୍ତୁ ଗୋଟିଏ ପରେ ଗୋଟିଏ ଶ୍ରେଣୀରେ ତାଙ୍କ ସଫଳତା ସହପାଠୀଙ୍କ ପରିହାସ କୁ ପ୍ରେରଣାରେ ବଦଳାଇଦେଇଥିଲା । ପାଠ ପଢିବାରେ ତାଙ୍କର ଆଗ୍ରହ ପ୍ରତିବନ୍ଧକ କୁ ଅଟକାଇପାରିନଥିଲା ।

ମମତା ଙ୍କ ଘର ମଧ୍ୟପ୍ରଦେଶ ର ଛତ୍ରପୁର ଜିଲ୍ଲାର ଏକ ଗ୍ରାମୀଣ ଅଂଚଳରେ । ତାଙ୍କ ବାପା ଜଣେ ଖଂଡର ବ୍ୟବସାୟୀ ।ମମତା ଜନ୍ମରୁ ଦୁଇଟି ହାତ ନ ଥାଇ ଜନ୍ମ ହୋଇଥିଲେ। କିନ୍ତୁ ତାଙ୍କ ବାପା ଝିଅକୁ ସ୍ନେହ ଓ ଭଲପାଇବାରେ ସାମାନ୍ୟ ଉଣା କରିନଥିଲେ । ସାଧାରଣ ସ୍କୁଲ ରେ ବିନା ହାତରେ ପଢ଼ିବାର ସଂଘର୍ଷ ଶିଖିଯାଇଥିଲେ ମମତା  । ନିର୍ଭୁଲ ଭାବରେ ଓ ଦ୍ରୁତ ଗତିରେ ଯେଉଁଦିନ ସେ ଗୋଡ଼ରେ ଲେଖିଥିଲେ ସେଦିନର ଖୁସିକୁ ମନେପକାଇ ଆନନ୍ଦର ଅଶ୍ରୁ ଗଡାଇଥିଲେ ମମତା ।