ଛତିଶଗଡ଼ ରାଜ୍ୟର ଆମ୍ବିକାପୁର କୁ ପ୍ଲାଷ୍ଟିକ ପ୍ରଦୂଷଣରୁ ମୂକ୍ତପାଇଁ ଏକ ଅଭିନବ ଉଦ୍ୟମ କରାଯାଇଛି। ପ୍ରଶାସନ ପକ୍ଷରୁ ସେଠାରେ ସ୍ଥାପନ କରାଯାଇଛି ଏକ ଗାରବେଜ କେଫ। ଏଠାରେ ପ୍ଲାଷ୍ଟିକ ବର୍ଜ୍ୟ ବଦଳରେ ଜଳଖିଆ ଓ ପେଟପୁରା ଭୋଜନ ଦେବାର ବ୍ୟବସ୍ଥା କରାଯାଇଛି ।ଭଙ୍ଗାକାଚ,ଚିରାଫଟା କାଗଜ,ପ୍ଲାଷ୍ଟିକ ମୁଣା ରାସ୍ତାକଡ଼ରୁ ଗୋଟାଉଥିବା ଶିଶୁ ଓ ମହିଳା ମାନେ ଏହାର ପ୍ରତିବଦଳରେ ଭୋଜନ ପାଇପାରୁଥିବା ଜଣାଯାଇଛି ।  ଦେଶରେ ସ୍ବଚ୍ଛତା ଓ ପରିବେଶ ପ୍ରଦୂଷଣ ମୁକ୍ତ କରିବାକୁ ରାଜ୍ୟ ଓ କେନ୍ଦ୍ର ସରକାର ନୂଆ ନୂଆ ପଦକ୍ଷେପ ଗ୍ରହଣ କରୁଥିବା ବେଳେ ଆମ୍ବିକାପୁର ର ଏହି ଉଦ୍ୟମ ପ୍ରସଂଶନୀୟ ହୋଇପାରିଛି । ପ୍ଲାଷ୍ଟିକ୍‌କୁ ପୁନଃ ବ୍ୟବହାର ଉପଯୋଗୀ କରିବା ପାଇଁ ଏହି ଉଦ୍ୟମ ବେଶ ଫଳପ୍ରଦ ବୋଲି ମତପ୍ରକାଶ ପାଇଛି । ଅମ୍ବିକାପୁର ନଗର ନିଗମ ସହରର ଗରିବ ଲୋକଙ୍କୁ ପ୍ଲାଷ୍ଟିକ୍‌ ବଦଳରେ ଭୋଜନ ଦେବାର ବ୍ୟବସ୍ଥାରେ ଅନେକ ଜାରିଗୋଟାଳୀ ସାମିଲ ହୋଇ ସହର ରେ ପଡିଥିବା ଜାରି ସଂଗ୍ରହ କରି ସହରକୁ ପ୍ଲାଷ୍ଟିକ ମୁକ୍ତ ଦିଗରେ ଲାଗିଛନ୍ତି । ଯିଏ ରାସ୍ତା ଉପରେ ପଡ଼ିଥିବା ୧ କିଲୋ ପ୍ଲାଷ୍ଟିକ୍‌ ଥଳି ଆଣିବ ସେମାନଙ୍କୁ ମାଗଣାରେ ଭୋଜନ ଦିଆଯିବ। ଆଉ ଯିଏ ଅଧା କିଲୋ ପ୍ଲାଷ୍ଟିକ ଥଳି ଆଣିବ ସେମାନଙ୍କୁ ପେଟପୂରା ଜଳିଖିଆ ମିଳିବ ବୋଲି କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି । ସୋମବାର ନଗର ନିଗମ ବଜେଟରେ ଏହି ଯୋଜନା ପାଇଁ ସାଢ଼େ ୫ଲକ୍ଷ ଟଙ୍କା ଅନୁମୋଦନ କରାଯାଇଛି। ଯଦି ଏହି ଯୋଜନା ପାଇଁ ଆହୁରି ଟଙ୍କା ଆବଶ୍ୟକ ହୁଏ ତେବେ ଜନପ୍ରତିନିଧିମାନଙ୍କର ସାହାର୍ଯ୍ୟ ଲୋଡାଯିବ ବୋଲି କୁହାଯାଇଛି ।