ବିବାହର ୧୮ ବର୍ଷ ପରେ ପୁଅ ସହ ପରୀକ୍ଷାଦେଇ ମା ହେଲେ ମାଟ୍ରିକ ପାସ
ମାଲକାନଗିରି ଜିଲା କୋରୁକୋଣ୍ଡା ବ୍ଲକ ତରଲାକୋଟ ପଂଚାୟତ ର ସି କଲୋନୀ ରେ ବିଗତ ଦୁଇ ତିନିଦିନ ହେଲା ଖେଳିଯାଇଛି ଆନନ୍ଦ ।ଏହି କଲୋନୀ ର ବାସିନ୍ଦା ବାସନ୍ତୀ ମୁଦୁଲି ନିଜ ପୁଅ ଶିବାନନ୍ଦ ସହିତ ମାଟ୍ରିକ ପରୀକ୍ଷା ଦେଇ ସଫଳତା ପାଇଥିବା ନେଇ ଏବେ ବି ଗାଁରେ ଚର୍ଚ୍ଚା ଲାଗିରହିଛି । ତରଲାକୋଟ ଗାଁର ବାସନ୍ତୀ ମୁଦୁଲି ବିବାହ ର ୧୮ ବର୍ଷପରେ ଚଳିତ ବର୍ଷ ନିଜ ପୁଅ ସହିତ ମାଟ୍ରିକ ପରୀକ୍ଷା ଦେଇଥିଲେ । ଅଙ୍ଗନବାଡି ବୃତ୍ତିରେ ନିୟୋଜିତ ବାସନ୍ତୀ ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ ପାଠ୍ୟକ୍ରମରେ ପରୀକ୍ଷା ଦେଇ ୨୦୩ ମାର୍କ ରଖିବାରେ ସମର୍ଥ ହୋଇଛନ୍ତି । ତାଙ୍କୁ ଦି ଗ୍ରେଡ଼ ମିଳିଛି । ଅପର ପଟରେ ବାସନ୍ତୀଙ୍କ ପୁଅ ଶିବାନନ୍ଦ ସ୍ଥାନୀୟ ତରଲାକୋଟ ସରକାରୀ ସ୍କୁଲ ରେ ନିୟମିତ ଛାତ୍ର ଭାବେ ପରୀକ୍ଷାଦେଇ ୩୪୦ ମାର୍କ ସହିତ ସି ଗ୍ରେଡ଼ ରେ ଉତ୍ତୀର୍ଣ୍ଣ ହୋଇଛନ୍ତି । ମା ପୁଅଙ୍କ ଏଭଳି ଏକାଠି ସଫଳତା ଗ୍ରାମବାସୀଙ୍କୁ ଖୁସି ଆଣିଦେଇଛି ।
26/05/2019