ନିକଟରେ ପୁରୀ ବେଳାଭୂମି କୁ ମିଳିଛି ବ୍ଲୁଫ୍ଲାଗ ଟ୍ୟାଗ। ଓଡ଼ିଶାର ଏହି ଅପରୂପ ବେଳାଭୂମି ରେ ଶନିବାର ଯୋଗଅଭ୍ୟାସ କରିଛନ୍ତି କିଛି କୋଭିଡ ଯୋଦ୍ଧା । କୋଭିଡକୁ ପରାଜିତ କରିଥିବା ଏହି ଯୋଦ୍ଧାମାନେ ପୁରୀ ବ୍ଲୁଫ୍ଲାଗ ବିଚ୍ରେ ଏକାଠି ହୋଇ ଯୋଗ କରିଛନ୍ତି ।ଏଭଳି ଏକ ନିଆରା କାର୍ଯ୍ୟକ୍ରମ ଆୟୋଜନ କରିଛି ପୁରୀଜିଲ୍ଲା ପ୍ରଶାସନ । ଏହି କାର୍ଯ୍ୟକ୍ରମର ନାଁ ରହିଥିଲା ‘ମୋ ବିଚ୍ ମୋ ଯୋଗ’ । ଅନ୍ୟ ଆକ୍ରାନ୍ତଙ୍କୁ ସାହାସ ଯୋଗାଇବା ସହ ଯୋଦ୍ଧଙ୍କ ମନୋବଳ ବଢ଼ାଇବା ଲକ୍ଷ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ସାଧାରଣ ଲୋକଙ୍କଠାରୁ ଆରମ୍ଭ କରି ସେବାୟତ, ସରକାରୀ କର୍ମଚାରୀ ଓ ବିଭିନ୍ନ ବର୍ଗର ବ୍ୟକ୍ତି ବିଶେଷ ଏଥିରେ ସାମିଲ ହୋଇଥିଲା ।
17/10/2020