ଅଲିଅଳି ଝିଅ ଯୋଜନା,ଉତ୍କର୍ଷ ସିଏସଆର ପାଇଁ ନାଲକୋ କୁ ମିଳିବ ରାଷ୍ଟ୍ରପତି ପୁରସ୍କାର
ସିଏସଆର କ୍ଷେତ୍ରରେ ଉତ୍କର୍ଷତା ପାଇଁ ନାଲକୋ କୁ ରାଷ୍ଟ୍ରପତି ପୁରସ୍କାର ମିଳିବ । ନାଲକୋ ର ଅଲିଅଳି ଝିଅ ଭଳି ଯୋଜନାର ପ୍ରଣୟନ ଓ କାର୍ଯ୍ୟାନ୍ୱୟନ ପାଇଁ ଏହି ପୁରସ୍କାର ପ୍ରଦାନ କରାଯିବ । ଏହିଭଳି ଅଭିନବ ସାମାଜିକ କଲ୍ୟାଣକାରୀ ଯୋଜନାର ପ୍ରଣୟନ କରିଥିବାରୁ ନାଲକୋ ପ୍ରଶଂଶାର ପାତ୍ର ହୋଇଛି । ବାଳିକା ଶିକ୍ଷାକୁ ପ୍ରୋତ୍ସାହନ ଦେଇ ସେମାନଙ୍କୁ ସଶକ୍ତ କରିବା ଦିଗରେ ଏକ ଉଦାହରଣ ସାଜିଛି । ଏହି ଯୋଜନା ଅଧୀନରେ ବାଳିକା ମାନଙ୍କୁ ଶିକ୍ଷା ପାଇଁ ଆର୍ଥିକ ସହାୟତା ପ୍ରଦାନ କରିବାସହ ସେମାନଙ୍କୁ ସ୍ୱାବଲମ୍ବୀ କରିବାପାଇଁ ସହଯୋଗ କରାଯାଉଛି ।ନାଲକୋ ପକ୍ଷରୁ ଅନୁଗୋଳ ଓ ଦମନଯୋଡି ଅଞ୍ଚଳର ୬୬ ଗ୍ରାମର ୪୧୬ ଛାତ୍ରୀଙ୍କୁ ଅଳିଆଲା ଝିଅ ଭାବେ ଗ୍ରହଣ କରାଯାଇ ସହାୟତା କରାଯାଉଛି । ଏହି ଛାତ୍ରୀମାନଙ୍କୁ ଅଷ୍ଟମରୁ ୧୦ମ ଶ୍ରେଣୀ ପର୍ଯ୍ୟନ୍ତ ପାଠ୍ୟ ଉପକରଣ ପ୍ରଦାନ ସହିତ ଅନ୍ୟାନ ସାମଗ୍ରିକ ବିକାଶ କ୍ଷେତ୍ରରେ ପଦକ୍ଷେପ ନେଇଛି ନାଲକୋ।
30/06/2019