ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ଚଳିତ ବର୍ଷର ହାଇସ୍କୁଲ ବୋର୍ଡ ର ଦଶମ ଶ୍ରେଣୀ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି ।  ପୂର୍ବବର୍ଷ ତୁଳନାରେ ଏଥର ପାସ୍‌ ହାର ହ୍ରାସ ପାଇଥିବା ବେଳେ ପୁଅ ମାନଙ୍କ ତୁଳନାରେ ଅଧିକ ସଂଖ୍ୟକ ଝିଅ ପାସ କରିଥିବା ଜଣାଯାଇଛି । ୨୦୧୮ ରେ  ପାସ୍‌ ହାର ୭୬.୨୩% ରହିଥିଲା ବେଳେ ଚଳିତ ଥର ୭୦.୭୮% କୁ ଖସି ଆସିଥିବାରୁ ଛାତ୍ର ଛାତ୍ରୀଙ୍କ ମନରେ ନୈରାଶ୍ୟ ଭାବ ପ୍ରକାଶ ପାଇଛି । ୪ଟି ସେଟ୍‌ର ସମାନ୍ତରାଳ ପ୍ରଶ୍ନପତ୍ର ଏବଂ କପି ରୋକିବାକୁ ନିଆଯାଇଥିବା ପଦକ୍ଷେପ ଯୋଗୁ ପାସ୍‌ ହାର ହ୍ରାସ ପାଇଥିବା ଗଣଶିକ୍ଷା ବିଭାଗ ପକ୍ଷରୁ କୁହାଯାଇଛି।

ଚଳିତ ଥର  ପାସ୍‌ କରିଥିବା ମୋଟ ଛାତ୍ରୀଛାତ୍ରଙ୍କ ମଧ୍ୟରୁ ଝିଅଙ୍କ ସଂଖ୍ୟା ୨ ଲକ୍ଷ ୫ ହଜାର ୪୭୦ ରହିଥିବାବେଳେ ପୁଅଙ୍କ ସଂଖ୍ୟା ୧ ଲକ୍ଷ ୯୧ ହଜାର ୬୫୫ରହିଛି  । ରାଜ୍ୟର ୨୮୯ଟି ସ୍କୁଲ ରେ  ପାସ୍‌ ହାର ଶତପ୍ରତିଶତ ଥିବା ଜଣ ଯାଇଛି ।୮୨ ଟି ସ୍କୁଲ ରେ କେହି ଜଣେ ବି ପାସ କରି ନ ଥିବା ଜଣାଯାଇଛି ।