ଅତି ଭୀଷଣ ସାମୁଦ୍ରିକ ବାତ୍ୟା ଫୋନି ଶୁକ୍ରବାର ସମଗ୍ର ଉପକୂଳ ଓଡ଼ିଶାରେ ପ୍ରବଳ କ୍ଷୟକ୍ଷତି ଘଟାଇଛି । ପୁରୀ, ଖୋର୍ଦ୍ଧା, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ ଆଦି ଜିଲ୍ଲାରେ ଧ୍ୱଂସର ତାଣ୍ଡବ ରଚାଇଛି । ଫନି ପ୍ରଭାବରେ ରାଜ୍ୟର ବିଭିନ୍ନ ଅଞ୍ଚଳରୁ ପ୍ରାୟ ୧୦ ଜଣ ଲୋକ ମୃତ୍ୟୁ ବରଣ କରିଥିବା ଜଣାଯାଇଛି । ଆହୁରି ଅନେକ ସ୍ଥାନରେ ଲୋକମାନେ ଫସିରହିଥିବାରୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ଭୁବନେଶ୍ୱର ରେ କେବଳ ମୃତ୍ୟୁସଂଖ୍ୟା ୭ ବୋଲି କୁହାଯାଉଛି । ସକାଳ ୮ଟା ସମୟରେ ବାତ୍ୟା ର କୁଳଛୁଇଁବା ପ୍ରକ୍ରିୟା ଆରମ୍ଭ ହୋଇଥିଲା । ଦିନ ପ୍ରାୟ ୧୦ଟା ସମୟରେ ଫନିର ଆଖି ସ୍ଥଳଭାଗ ଛୁଇଁଥିଲା । ପୁରୀରେ ପବନର ବେଗ ଘଣ୍ଟାପ୍ରତି ୨୦୦ କିମି ଛୁଇଁଛି । ଏପରିକି ଭୁବନେଶ୍ୱରରେ ମଧ୍ୟ ପ୍ରାୟ ୧୪୦ ରୁ ଅଧିକ କିମି ବେଗରେ ପବନ ବୋହିବାରୁ ପ୍ରବଳ କ୍ଷୟକ୍ଷତି ହୋଇଛି । ବିଭିନ୍ନ ସ୍ଥାନରେ ଗଛପଡି ରାସ୍ତା ଅବରୋଧ ହୋଇଛି । ବିଦ୍ୟୁ ସରବରାହ ବନ୍ଦ ରହିଛି । ବାତ୍ୟା ଧୀରେ ଧୀରେ ଏହା ଉତ୍ତର ପୂର୍ବ ଦିଗରେ ଗତି କରି ପଶ୍ଚିମବଙ୍ଗ ଓ ଶନିବାର ସଂଧ୍ୟା ସୁଦ୍ଧା ବାଂଲାଦେଶ ଛୁଇଁବା ସମ୍ଭାବନା ରହିଛି ବୋଲି ପାଣିପାଗ ବିଭାଗ କହିଛି । ଫୋନି ପ୍ରବାହ ରୁ ରାଜ୍ୟରେ ହଜାର ହଜାର ଗଛ ଧରାଶାୟୀ ହୋଇପଡିଛି । ଭୁବନେଶ୍ୱର ସୌନ୍ଦର୍ଯ୍ୟକରଣ ସମ୍ପୂର୍ଣ୍ଣ ରୂପେ ବିଧ୍ୟସ୍ତ ହୋଇପଡିଥିବା ବେଳେ ପର୍ଯ୍ୟଟନ ଶିଳ୍ପ ଗୁଡିକ ଉପରେ ବି ଭୟଙ୍କର ପ୍ରଭାବ ପଡିଛି । ୨୪ ଘଣ୍ଟା ପରେ ବି ରାଜଧାନୀର ବାତ୍ୟା ବିଧ୍ୱସ୍ତ ଅଂଚଳ ରେ ବିଦ୍ୟୁତ,ପାନୀୟଜଳ,ଇଣ୍ଟର୍ନେଟ ସେବା କୁ ନିଶ୍ଚିତତା କରାଯାଇପାରିନି । ରାଜଧାନୀର ୮୫ ହଜାର ଲୋକ ରିଲିଫ ଶିବିର ରେ ଥିବାବେଳେ ରାସ୍ତା ଅବରୋଧ କାରଣରୁ ପରିବହନ ସେବା ସୁଗମ ହୋଇପାରିନି । ପୁରୀ,କୋଣାର୍କ ମେରାଇନ ଡ୍ରାଇଭ ରାସ୍ତା ରେ ଶହ ଶହ ଗଛ ପଡ଼ିରହିଛି ।୧୯୯୯ ମହାବାତ୍ୟା ପରେ ରାଜଧାନୀ ବାସି ଆଉ ଏକ ଦୁର୍ଦଶା କୁ ସମାନ କରିଛନ୍ତି । ତେଣେ ଫୋନି ପ୍ରଭାବ ରେ ପୁରୀ,ଭୁବନେଶ୍ୱର,ଜଗତସିଂହପୁର,ବାଲେଶ୍ୱର,ଆଦି ଜିଲାରେ ହଜାର ସଂଖ୍ୟକ ଘର ଭାଙ୍ଗିପଡିଥିବା ବେଳେ ଗୃହପାଳିତ ପଶୁ ମାନେ ଅଧିକ ସଂଖ୍ୟାରେ ବେଘାର ହୋଇପଡିଛନ୍ତି ।
04/05/2019