ପୁରୀ, ଭୁବନେଶ୍ବର, କଟକ ସମେତ ବିଭିନ୍ନ ଗ୍ରାମାଞ୍ଚଳରେ ସବୁଜ ବଳୟ ନଷ୍ଟ କରି ଦେଇଛି । ଟିକେ ଛାଇ,ଓ ପବନ ତଥା ଅନୁକୂଳ ପରିବେଶ ସୃଷ୍ଟି ପାଇଁ ସବୁଜିମା ଗୁଡିକର ପୁନରୁଦ୍ଧାର ଅପରିହାର୍ଯ୍ୟ। ଏହାକୁ ଦୃଷ୍ଟିରେ ରଖି ଚଳିତ ବର୍ଷ ୨୦୧୯-୨୦ରେ ୧ କୋଟି ୩୦ ଲକ୍ଷ ୫୦ ହଜାର ଗଛ ଚାରା ରୋପଣ କରାଯିବ। ଏଥିପାଇଁ ୧୮୮ କୋଟି ଟଙ୍କା ବ୍ୟୟ ଅଟକଳରେ ଏକ ପାଞ୍ଚବର୍ଷିଆ କାର୍ଯ୍ୟ ଯୋଜନା ପ୍ରସ୍ତୁତ ହୋଇଛି।
ଶୁକ୍ରବାର ସଚିବାଳୟରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ଏ ଦିଗରେ ଉଭୟ ସ୍ବଳ୍ପ ଓ ଦୀର୍ଘ ମିଆଦୀ ଯୋଜନାର ସୂଚନା ଦେଇଛନ୍ତି । ପାଞ୍ଚ ବର୍ଷିଆ କାର୍ଯ୍ୟ ଯୋଜନାର ରୂପରେଖ ଚୂଡ଼ାନ୍ତ ହୋଇଛି। ସମୁଦ୍ର ଉପକୂଳରେ ସବୁଜ ପ୍ରାଚୀର ସୃଷ୍ଟି କରାଯିବ। ଉପୁଡ଼ା ଗଛଗୁଡ଼ିକମଧ୍ୟରୁ ବଂଚିବା ସମ୍ଭାବନା ଥିବା ଗଛଗୁଡ଼ିକ ପୁନଃରୋପଣ କରାଯିବ। ରୋପଣ ଓ ନୂଆ ସବୁଜିମା ସୃଷ୍ଟି କାର୍ଯ୍ୟରେ ଜନସାଧାରଣ ଓ ସ୍ବେଚ୍ଛାସେବୀମାନଙ୍କୁ ସାମିଲ କରାଯିବ। ଚଳିତ ବର୍ଷ ୧୩୦.୫୦ ଲକ୍ଷ ଚାରାରୋପଣ କରାଯିବ ନିଷ୍ପତ୍ତି ହୋଇଛି । ସେଥିମଧ୍ୟରୁ ୮୦.୫୦ ଲକ୍ଷ ଚାରା ବିଭାଗ ମାଧ୍ୟମରେ ଏବଂ ୫୦ ଲକ୍ଷ ବିଭିନ୍ନ ଶିକ୍ଷାନୁଷ୍ଠାନ, ଶିଳ୍ପାଞ୍ଚଳ, ଘରୋଇ ଜମିବାଡ଼ିରେ ରୋପଣ ପାଇଁ ବଣ୍ଟନ କରାଯିବ। ବାଲୁଖଣ୍ଡ ସଂରକ୍ଷିତ ଜଙ୍ଗଲ, ଭୁବେନଶ୍ବର, ପୁରୀ, କଟକ ଆଦି ସହରାଞ୍ଚଳର ପାର୍କ, ରାସ୍ତାକଡ଼ରେ ପ୍ରାୟ ୧ ଲକ୍ଷ ଗଛ ଲଗାଯିବ। ଅତି ପ୍ରବଳ ବାତ୍ୟା ଫୋନି ଭୁବନେଶ୍ୱର,ପୁରୀ,କଟକ,ଜଗତସିଂହପୁର ଓ ଅନ୍ୟାନ ଜିଲ୍ଲାର ବ୍ୟାପକ ଗଛକୁ ଧରାଶାୟୀ କରାଇଦେଇଛି ।
18/05/2019