ଡାକ୍ତର ଅଭାବ କୁ ସାମ୍ନା କରୁଥିବା ୟୁପି ରେ ଏବେ ଇ ହସ୍ପିଟାଲ ପାଇଁ ପ୍ରୟାସ ଆରମ୍ଭ ହୋଇଛି।ଏଥିପାଇଁ ପରୀକ୍ଷାମୂଳକ ଭାବେ ୧୦ ଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର କୁ ଚୟନ କରାଯାଇଛି ।ଯେଉଁଠି ରୋଗୀଙ୍କୁ ବିନା ଡାକ୍ତର ରେ ଚିକିତ୍ସା ସେବା ମିଳିବ । ଏଠାରେ ଆବଶ୍ୟକୀୟ ମେସିନ ମାନ ଲଗାଯାଉଛି । ରୋଗୀ ପହଂଚିବା ପରେ ନର୍ସ ସେମାନଙ୍କୁ ପଂଜିକୃତ କରାଇ ୱେବ କ୍ୟାମେରା ସାମ୍ନାରେ ବସାଇବେ । ମେସିନ ତାଙ୍କର ରକ୍ତଚାପ ମାପିବ,ରକ୍ତ ପରୀକ୍ଷା କରାଇବ। ଟେଲି କନଫରେନସିଂ ଜରିଆରେ ଡାକ୍ତର ରୋଗୀ ସହ କଥା ହେବେ ଓ ଔଷଧ ଚିଠା ଲେଖିବେ । କମ୍ପ୍ୟୁଟର ରୁ ଡାଉନଲୋଡ଼ କରି ରୋଗୀ ଓ ସେମାନଙ୍କ ସମ୍ପର୍କୀୟ ଔଷଧ ଚିଠା ସଂଗ୍ରହ କରିବେ । ଏଭଳି ଭାବେ ଦୂର ରେ ଥିବା ଡାକ୍ତର ରୋଗୀଙ୍କ ସହ କଥା ହୋଇ ତାଙ୍କ ରିପୋର୍ଟ ଦେଖି ଔଷଧ ଓ ପରାମର୍ଶ ଦେଇପାରିବେ । ପ୍ରଥମ ପର୍ଯ୍ୟାୟରେ ଗୋରଖପୁର,ରାମପୁର,ବାରାଣସୀ,ବଳରାମପୁର,ସିଧାର୍ଥ ନଗର,ଚାଂଦଲି ,ସୋନଭଦ୍ରା,ଚିତ୍ରକୂଟ,ଏବଂ ଫତେପୁର ର ଗୋଟିଏ ଲେଖାଏଁ ହସ୍ପିଟାଲ କୁ ଏଥିପାଇଁ ଚୟନ କରାଯାଇଛି।
10/08/2019