ବାତ୍ୟା ପୂର୍ବ ରାତି ଅର୍ଥାତ ମେ ୨ରେ ପୁରୀରୁ ବନ୍ଦ ହୋଇଯାଇଥିଲା ବିଜୁଳି ଯୋଗାଣ । ୧୩ ଦିନ ହେଲା ପୁରୀବାସୀ ପ୍ରବଳ ଗରମ ସାଙ୍ଗକୁ ବିଦ୍ୟୁତ ବିନା ହନ୍ତସନ୍ତ ହେଉଛନ୍ତି । ବୁଧବାର ପୁରୀ ବଡଦାଣ୍ଡ ସମେତ ଅନ୍ୟ କେତେକ ଅଞ୍ଚଳରେ ବିଜୁଳି ଯୋଗାଣ ହେବ ବୋଲି ନିର୍ବାହୀ ଯନ୍ତ୍ରୀ ଶିବ ପ୍ରସାଦ ସ୍ବାଇଁ କହିଛନ୍ତି । ପୂର୍ବରୁ ୧୨ ତାରିଖରେ ବିଜୁଳି ଯୋଗାଣ ର ପ୍ରତିଶ୍ରୁତି ଦିଆଯାଇଥିଲା।ପୁରୀ ଜିଲ୍ଲାରେ ବିଦ୍ୟୁତ କୁ ସ୍ୱାଭାବିକ କରିବା ପାଇଁ ୪ ହଜାର କର୍ମଚାରୀ ନିୟୋଜିତ ହୋଇଛନ୍ତି । ସ୍ୱେସୁ,ସାଉଥକୋ,ଏବଂ ୱେସ୍କୋ ର ୭୪ ଜଣ ଅଫିସରଙ୍କ ସମେତ ଆନ୍ଧ୍ରପ୍ରଦେଶ ର ୬୦ ଜଣ ଅଫିସର ନିୟୋଜିତ ହୋଇଛନ୍ତି । ସାମୁଦ୍ରିକ ବାତ୍ୟା ପୁରୀ କୁ ଉଜାଡି ଦେଇଛି ।ସବୁଠୁ ବେଶୀ ପ୍ରଭାବିତ ହୋଇଛି ପୁରୀ ଓ ତାର ବିଦ୍ୟୁତ ଭିତ୍ତିଭୂମି ।ପୁରୀ ରେ ୯୦୦୦୦ ବିଦ୍ୟୁତ ଖୁଣ୍ଟ ଲୋଟି ପଡିଛି। ୩୩ କେଭି ର ୧୬୯ କିମି ,11 କେଭି ର ୨୫୬୦ କିମି ଏଲଟି ଲାଇନ ର ୩୦୧୧ କିମି ସମ୍ପୂର୍ଣ୍ଣ ଭାବେ ନଷ୍ଠ ହୋଇ ଯାଇଛି । ତା ସାଙ୍ଗକୁ ୬,୩୨୦ଟି ଟ୍ରାନ୍ସଫର୍ମର ବଦଳାଯିବ ।
15/05/2019