ରାଜ୍ୟରେ ନବୀନ ସରକାର ଦୋମୁହାଁ ନୀତି ଧରିଛନ୍ତି।ଏପଟେ ମହିଳା ସଶକ୍ତି କାରଣ କଥା କହୁଛନ୍ତି,ସେପଟେ ଦ୍ୱାର ମୁହଁ ରେ ମଦ ଉପଲବ୍ଧ କରାଇ ମହିଳାଙ୍କ ପେଟ ଓ ପିଠିରେ ଲାତ ମରାଯାଉଛି । ମଦ ଏବେପାରିବାରିକ ହିଂସା କୁ ବ୍ୟାପକ ରୂପ ଦେଇଥିବା ବେଳେ ପରିବାର ଉଜୁଡ଼ିବାରେ ଲାଗିଛି । ବ୍ୟାଙ୍କ ରୁ କିମ୍ବା ଦଳରୁ ଋଣ ନେଇ ଜୀବିକା ନିର୍ବାହ ଚିନ୍ତା ଥିବା ବେଳେ ଗାଁ ଗାଁ ରେ ମଦ ପାଇଁ ମହିଳା ମାନଙ୍କ ଜୀବନ ଦୁର୍ବିସହ ହୋଇ ଉଠିଛି । ଗାଁ ନିକଟ ରେ ଖୋଲିଥିବା ମଦ ଭାଟି କୁ ବନ୍ଦ କରିବା ପାଇଁ ମହିଳା ମାନେ ସଂଘର୍ଷ ଜାରି ରଖିଛନ୍ତି । ଏଭଳି ଏକ ଘଟଣା କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ରେ ଦେଖିବାକୁ ମିଳିଛି ।  ରାଜନଗର ବ୍ଲକର ଭିତରଗଡ ଛକଠାରେ ଖୋଲାଯାଇଥିବା ଠିପିବନ୍ଦ ବିଦେଶୀ ମଦଦୋକାନ ଉଚ୍ଛେଦ ଦାବିରେ ମହିଳାମାନେ ରାସ୍ତାକୁ ଓହ୍ଲାଇଛନ୍ତି। ପ୍ରବଳ ବର୍ଷାରେ ୨ଶହରୁ ଅଧିକ ମହିଳା ବୁଧବାର ଦିନତମାମ ଅନଶନରେ ବସି ରହି ପ୍ରତିବାଦ କରିଛନ୍ତି ।  ସୂଚନା ଅନୁଯାୟୀ ରାଜନଗର ବ୍ଲକର ଚାନ୍ଦିବାଉଁଶମୂଳ ପଂଚାୟତର ଜରିମୂଳ ଠାରେ ଠିପିବନ୍ଦ ବିଦେଶୀ ମଦ ଦୋକାନ ଓ ଚାନ୍ଦିବାଉଁଶମୂଳ ଠାରେ ଠିପି ଖୋଲା ମଦ ଦୋକାନ ଥିଲା। ମହିଳାମାନଙ୍କ ଆନ୍ଦୋଳନ ଫଳରେ ୩ ମାସ ତଳେ ୨ଟି ମଦଦୋକାନକୁ ବନ୍ଦ କରାଯାଇଥିଲା। ଗତମାସ ୨୪ ତାରିଖ ଠାରୁ ଠିପି ବନ୍ଦ ବିଦେଶୀ ମଦ ଦୋକାନ ଭିତରଗଡ ଛକ ଠାରେ ଖୋଲାଯାଇଛି। ଏହାକୁ ବିରୋଧ କରି ବୁଧବାର  ଠାରୁ ପଂଚାୟତ ମିଶନ ଶକ୍ତି ଫେଡେରେସନର ସଭାପତି ସୁକାନ୍ତି ଜେନା, କଲ୍ୟାଣି ଜେନା, ନିର୍ମଳା ଦାସ, ପ୍ରତିଭା ଜେନା, ବିନୋଦିନୀ ରାଉତରାୟ, ବିନୋଦିନୀ ଚଣ୍ତ, ସବିତା ପ୍ରଧାନ, ସୁକାନ୍ତି ରାଉତରାୟ ପ୍ରମୁଖଙ୍କ ନେତୃତ୍ବରେ ୨ଶହରୁ ଉର୍ଦ୍ଧ୍ବ ମହିଳା ବୁଧବାର ଭୋର ୫ଟା ରୁ ଆମରଣ ଅନଶନରେ ବସିଛନ୍ତି। ବିଦେଶୀ ଠିପି ବନ୍ଦ ମଦ ଦୋକାନ ସମ୍ମୁଖ ରାଜନଗର– ତାଳଚୁଆ ମୁଖ୍ୟରାସ୍ତାକୁ ଅବରୋଧ କରି ମହିଳାମାନେ ବସି ରହିଛନ୍ତି। କେନ୍ଦ୍ରାପଡା ଜିଲ୍ଲାପାଳ ଘଟଣାସ୍ଥଳରେ ପହଁଚି ଲିଖିତ ପ୍ରତିଶ୍ରୁତି ନଦେବା ଯାଏଁ ଏହି ଆମରଣ ଅନଶନ ଜାରି ରହିବ ବୋଲି ମହିଳାମାନେ କହିଛନ୍ତି।