ଟେଷ୍ଟିଙ୍ଗ ପାଇଁ ବୁଲିବ ଗାଡି
ରାଜ୍ୟର ବିଭିନ୍ନ ଅଞ୍ଚଳରେ ମୋବାଇଲ ଭ୍ୟାନ ଜରିଆରେ କୋରନା ଟେଷ୍ଟିଂ ଲାଗି ପ୍ରସ୍ତାଵ ରହିଛି । ଏବେ ଗଞ୍ଜାମରେ ମୋବାଇଲ ଭ୍ୟାନ ମାଧ୍ୟମରେ ଆଣ୍ଟିଯେନ ଟେଷ୍ଟ ହେଉଛି । ସରକାର ଏନେଇ ଚୂଡାନ୍ତ ନିଷ୍ପତ୍ତି ନେବେ କରୋନାର ସ୍ଥିତି ବର୍ତ୍ତମାନ ରାଜ୍ୟରେ ଶିଖର ଛୁଇଁଛି ।ଏହାକୁ ନେଇ ସାରା ରାଜ୍ୟରେ ଉଦାସ ଓ ଚିନ୍ତାର ଛାପ ଦେଖିବାକୁ ମିଳିଛି । ତିନୋଟି ଜିଲ୍ଲା ଗଞ୍ଜାମ, ଖୋର୍ଦ୍ଧା ଓ କଟକରୁ ଦୈନିକ ବହୁ ରୋଗୀ ଚିହ୍ନଟ ହେଉଛନ୍ତି । ତେଣୁ ଏସବୁ ଜିଲାରେ ଅଧିକ ସଂଖ୍ୟା ବଡୁଛି । ଏସବୁ ଜିଲ୍ଲାରେ କମିଲେ ରାଜ୍ୟରେ କମିବ । ସେରୋ ସର୍ଭିଲାନ୍ସ ରିପୋର୍ଟ ଅନୁସାରେ ଅଗଷ୍ଟ ମାସରୁ ଦୈନିକ ୧୫୦୦୦ ଟେଷ୍ଟ କରିବାକୁ କୁହାଯାଇଛି । ଆଇ ସି ଏମ ଆର ମଧ୍ୟ ଟେଷ୍ଟ ବଢାଇବା ନିଷ୍ପତ୍ତି ନେଇଛି । ସେ ଅନୁସାରେ ରାଜ୍ୟ ସରକାର ବି ଟେଷ୍ଟ ସଂଖ୍ୟା ବୃଦ୍ଧି କରିବେ । କେବଳ କରୋନା ନୁହଁ ଏକାଧିକ ରୋଗ ଥିବାରୁ କରୋନା ସଂକ୍ରମିତ ବ୍ୟକ୍ତିଙ୍କ ଜୀବନ ଯାଉଛି । ଖୁବଶୀଘ୍ର ଆଇଏଲସ ଆଣ୍ଟି ଡ୍ରଗ୍ସ ପରିକ୍ଷା ଲାଗି ଏକ ଷ୍ଟାଣ୍ଡାର୍ଡ ଅଫ ପ୍ରାକ୍ଟିସ ଆସୁଛି । ତାରି ଆଧାର ରେ ଅଗଷ୍ଟରେ ଏହା ଆରମ୍ଭ ହେବ । ଗଂଜାମ ପରି ଯଦି କଟକ ଓ ଖୋର୍ଦ୍ଧାରେ କରୋନା ଯାଞ୍ଚ ପାଇଁ ଭ୍ରାମ୍ୟମାଣ ଗାଡି ବୁଲିବ ତେବେ ସବୁ ରୋଗୀ ଚିହ୍ନଟ ହେବ ସହ ଆମେ ଏହି ଯୁଦ୍ଧ ଜିତିପାରିବା ।
27/07/2020