ଅତିପ୍ରବଳ ସାମୁଦ୍ରିକ ବାତ୍ୟା ଫୋନି ରେ କ୍ଷତି ହୋଇଥିବା ଘର ବଦଳରେ ପକ୍କାଘର ଯୋଗାଇ ଦିଆଯିବ । ଜୁନ ପହିଲାରୁ ହିତାଧିକାରୀଙ୍କୁ କାର୍ଯ୍ୟାଦେଶ ପ୍ରଦାନ କରାଯିବ । କମ ସମୟ ମଧ୍ୟରେ ସର୍ଭେ ଓ କାର୍ଯ୍ୟାଦେଶ ପ୍ରଦାନ କରାଯାଉଥିବାରୁ ଯେମିତି ଅନିୟମିତତା ନ ହୁଏ ସେଥିପ୍ରତି ଦୃଷ୍ଟି ଦିଆଯାଇଛି । ଘରଭଙ୍ଗା ସର୍ଭେ ବେଳେ ପ୍ରତି ଘର କୁ ଜିଓ ଟ୍ୟାଗିଙ୍ଗ କରାଯିବ।
୧୫ ତାରିଖରୁ ରାଜସ୍ବ ନିରୀକ୍ଷକ ମାନେ ଘର ଘର ବୁଲି ସର୍ଭେ କରୁଛନ୍ତି।ଆମ ଘର ନାମରେ ଏକ ମୋବାଇଲି ଆପ ବିକଶିତ କରାଯାଇଛି ।ଏଥିରେ ଭଙ୍ଗାଘର ର ଫୋଟୋ କୁ ଅପଲୋଡ଼ କରି ଗ୍ରାମୀଣ ବାସଗୃହ ଯୋଜନା ପାଇଁ ପୂର୍ଵରୁଥିବା ୱେବ ସାଇଟ ଆର ଏଚ ଓଡିଶା ପୋର୍ଟାଲ ରେ ମେଳ କରାଯିବ । ଫଳରେ ଆଉ କୌଣସି ପ୍ରକାର ଜାଲିଆତି ହୋଇପାରିବନାହିଁ । ଜିଓ ଟ୍ୟାଗିଙ୍ଗପାଇଁ ଘରପିଛା ୫୦ ତାଙ୍କ ଲେଖାଏଁ ପାରିଶ୍ରମିକ ସର୍ଭେକାରି ମାନେ ପାଇବେ।ଏହି ଅର୍ଥ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ)ପାଣ୍ଠିରୁ ଖର୍ଚ୍ଚ ହେବ । ବିଜୁ ଯୁବ ବାହିନୀ ଙ୍କୁ ଏହି ସର୍ଭେ କାମରେ ନିୟୋଜିତ କରାଯାଉଥିବା ଜଣାପଡିଛି ।
18/05/2019