ଆଜି ଓଡ଼ିଶାର ପୁରପଲ୍ଲୀରେ ପାଳିତ ହେଉଛି ରଜପର୍ବ । ମାଟିର ପର୍ବ ରଜ କୁ ନେଇ ଚଳଚଂଚଳ ହୋଇଛି ଗାଁ ଠାରୁ ରାଜଧାନୀ । ତିନିଦିନିଆ ଏହି ଗଣପର୍ବ ଉପକୂଳ ଓଡ଼ିଶାରେ ଯେଭଳି ଜାକଜମକରେ ପାଳନ କରାଯାଏ ଉତ୍ତର ଓଡିଶା ବିଶେଷ କରି ବାଲେଶ୍ୱର,ମୟୁରଭଞ୍ଜ ଓ କେନ୍ଦୁଝର ଜିଲ୍ଲାରେ ବି ସେମିତି ପୁରା ଗାଁ ଏକାଠି ହୋଇ ଏହି ପର୍ବ ମନାନ୍ତି ।ରାଜଧାନୀ ଭୁବନେଶ୍ୱର,କଟକ ସହର ଓ ପୁରୀ ରେ ମଧ୍ୟ ନିଆରା ଢଙ୍ଗରେ ପାଳିତ ହୁଏ ରଜ । ରାଜଧାନୀରେ ବିଭିନ୍ନ ଅନୁଷ୍ଠାନ ପକ୍ଷରୁ ରଜ ପର୍ବ ପାଳନ କରାଯାଇଥାଏ । ପାନ୍ଥ ନିବାସଠୁ ଆରମ୍ଭ କରି ରବୀନ୍ଦ୍ର ମଣ୍ତପ, ପ୍ରଦର୍ଶନୀ ପଡ଼ିଆ, ବିଭିନ୍ନ ମଲ୍, ବସ୍ତି, ବରମୁଣ୍ତାସ୍ଥିତ ବିଜୁ ପଟ୍ଟନାୟକ ଖେଳ ପଡ଼ିଆ, ବଡ଼ଗଡ଼ ବ୍ରିଟ୍ କଲୋନି ଥାନା ପାଖ ପଡ଼ିଆ ଓ ବିଶେଷ କରି ପାତ୍ର ପଡା ପଡିଆରେ ଦୋଳି ଖେଳିବା ପାଇଁ ଏହି ପର୍ବ ତିନିଦିନ ଭିଡ଼ ଦେଖିବାକୁ ମିଳିବ । କବାଡ଼ି, ପୁଚି ଭଳି ପ୍ରତିଯୋଗିତାର ଆୟୋଜନ ରାଜଧାନୀବାସୀଙ୍କୁରଜ ମନସ୍କ କରାଇଦେବ । ଓଡ଼ିଶାର ଗାଁଗଣ୍ଡାରେ ରଜ ର ମହକ କୁ ବିଶେଷ ଭାବେ ଅନୁଭବ କରାଯାଇଥାଏ ।
14/06/2019