ଆଜି ବିଶ୍ୱ ରକ୍ତଦାନ ଦିବସ,ରକ୍ତଦାତା ମାନଙ୍କୁ କୃତଜ୍ଞତା ଜଣାଇବାର ଦିନଟିଏ
ଆଜି ସାରା ବିଶ୍ୱରେ ପାଳିତ ହେଉଛି ବିଶ୍ୱ ରକ୍ତଦାତା ଦିବସ । ୨୦୦୪ ମସିହା ଠାରୁ ପ୍ରତିବର୍ଷ ଜୁନ ୧୪ କୁ ବିଶ୍ୱ ରକ୍ତଦାତା ଦିବସ ଭାବେ ପାଳନ କରାହୋଇ ଆସୁଛି । ନିରାପଦ ରକ୍ତ ଓ ବିଭିନ୍ନ ରକ୍ତ ଉତ୍ପାଦର ଆବଶ୍ୟକତା ପୁରାଣ କ୍ଷେତ୍ରରେ ରକ୍ତଦାତା ମାନଙ୍କ ଅବଦାନ ବାବଦରେ ସଚେତନତା ସୃଷ୍ଟିକରିବା ଏବଂ ସେମାନଙ୍କ ପ୍ରତି କୃତଜ୍ଞତା ଜ୍ଞାପନ ପାଇଁ ଏହି ଦିନଟି ପାଳନ କରାଯାଉଛି । ନୋବେଲ ବିଜେତା କାର୍ଲ ଲାଣ୍ଡ ସ୍ଟେନର ଏ ବି ଓ ବ୍ଲଡ଼ ଗ୍ରୁପ ସିଷ୍ଟମ କୁ ଚିହ୍ନଟ କରିଥିଲେ। ତାଙ୍କ ଜନ୍ମ ଦିନରେ ଏହି ଦିନଟିକୁ ପାଳନ କରାଯାଉଛି । ୬୦ ଟି ଦେଶରେ ସ୍ବେଛାକୃତ ରକ୍ତଦାତାଙ୍କରକ୍ତ ବ୍ୟବହୃତ ହେଉଥିବା ବେଳେ ୭୩ ଟି ଦେଶରେ ଏବେବି ସମ୍ପର୍କୀୟ ତଥା କିଣା ରକ୍ତ ଉପରେ ନିର୍ଭର କରାଯାଉଛି । ୨୦୨୦ ସୁଦ୍ଧା ସାରା ବିଶ୍ୱରେ ସ୍ବେଛାକୃତ ରକ୍ତଦାତାଙ୍କ ମାଧ୍ୟମରେ ରକ୍ତ ସଂଗ୍ରହ କରିବାର ଲକ୍ଷ ରହିଥିବା ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ।ରକ୍ତର ବିକଳ୍ପ ନାହିଁ ।କଳକାରଖାନାରେ ତିଆରି ହୋଇପାରିବନି ରକ୍ତ । ସ୍ବେଛାକୃତ ରକ୍ତଦାତା ମାନଙ୍କ ସଂଖ୍ୟା ବୃଦ୍ଧି କରାଯିବା ସାଙ୍ଗକୁ ରକ୍ତଦାନ ଶିବିର ଗୁଡିକୁ ଗ୍ରାମାଭିମୁଖୀ କରାଇବାକୁ ପଡିବ ।
14/06/2019