ପ୍ରତି ମୁହୂର୍ତ୍ତରେ ବଢି ଚାଲିଛି ଜନସଂଖ୍ୟା । ୨୦୧୭ ରେ ବିଶ୍ୱ ଜନସଂଖ୍ୟା ୭୬୦ କୋଟି ଥିବା ବେଳେ ଗତ ୧୨ ବର୍ଷ ମଧ୍ୟରେ ଏଥିରେ ଆଉ ୧୦୦ କୋଟି ଜନସଂଖ୍ୟା ଯୋଡି ହୋଇ ଯାଇଛି । ପ୍ରତିବର୍ଷ ବିଶ୍ୱରେ ଅଧିକ ୮.୩ କୋଟି ଜନସଂଖ୍ୟା ଯୋଡି ହେବାରେ ଲାଗିଛନ୍ତି । ଆଜି ସାରା ବିଶ୍ୱରେ ବିଶ୍ୱ ଜନସଂଖ୍ୟା ଦିବସ ପାଳନ ପରିପ୍ରେକ୍ଷୀରେ ଏହି ତଥ୍ୟ ସାମନାକୁ ଆସିଛି । କାଟିସଙ୍ଘର ଅନୁମୋଦନ କ୍ରମେ ୧୯୯୦ ପରଠାରୁ  ପ୍ରତିବର୍ଷ ଜୁଲାଇ ୧୧ କୁ ବିଶ୍ୱ ଜନସଂଖ୍ୟା ଦିବସ ଭାବେ ପାଳନ କରାଯାଇଥାଏ । ପରିବାର ନିୟୋଜନ ,ଲିଙ୍ଗଗତ ସାମନ୍ତ,ଦରିଦ୍ର,ମାତୃସ୍ୱସ୍ଥ୍ୟ ,ମାନବିକ ଅଧିକାର ଆଦି ବାବଦରେ ସଚେତନତା ଏହି ଦିବସ ପାଳନର ଆଭିମୁଖ୍ୟ । ଜନସଂଖ୍ୟା ବୃଦ୍ଧି ଅନେକ ସମସ୍ୟାର କାରଣ ହୋଇଥିଲେ ହେଁ ଏହାକୁ ନିୟନ୍ତ୍ରିତ କରାଯାଇ ପାରୁନି । ୨୦୩୦ ସୁଦ୍ଧା ବିଶ୍ୱ ଜନସଂଖ୍ୟା ୮୬୦ କୋଟି,୨୦୫୦ ସୁଦ୍ଧା ୯୮୦ କୋଟି ଏବଂ ୨୧୦୦ ସୁଦ୍ଧା ୧୧୨୦ କୋଟିରେ ପହଂଚିବ। ବିଶ୍ୱ ଜନସଂଖ୍ୟର ଏବେ ୫୦.୪ ପ୍ରତିଶତ ପୁରୁଷ ଏବଂ ୪୯.୬ ପ୍ରତିଶତ ମହିଳା ଥିବା ଜଣାଯାଇଛି । ଲିଙ୍ଗଗତ ସମାନତା ଓ ମହିଳା ସ୍ୱାସ୍ଥ୍ୟ ଏବେ କେତେକ ଦେଶ ପାଇଁ ପ୍ରମୁଖ ଚିନ୍ତାର କାରଣ ହୋଇଛି ।