ଫୋନି ବାତ୍ୟାର ଫୁତ୍କାର ରେ ଟଳିପଡିଛି ଲକ୍ଷ ଲକ୍ଷ ଗଛ । ଦିନ ରାତି ଏକା କରି ସେସବୁ କାଟି ରାସ୍ନା ସଫା କରାଇଛନ୍ତି ଓଡିଆରଏଫ ଓ ଏନଡିଆରଏଫ ର କର୍ମଚାରୀମାନେ । ଟଳିପଡିଥିବା ଗଛକୁ କାଟିବା ଦୃଶ୍ୟ ବିଗତ ୩ ତାରିଖ ସଂଧ୍ୟାପରଠାରୁ ଦେଖିବାକୁ ମିଳୁଛି । ହେଲେ ଏହାର ଏକ ନିଆରା ଦୃଶ୍ୟ ଦେଖିବାକୁ ମିଳିଛି ଉତ୍କଳ ବିଶ୍ୱବିଦ୍ୟାଳୟ ବାଣୀବିହାର ପରିସରରେ । ବାଣୀବିହାର ପରିସର ର ସବୁଜିମା କୁ ଧ୍ୱସ୍ତ କରିଦେଇଛି ଫୋନିବାତ୍ୟା । କ୍ୟାମ୍ପସ ରେ ଥିବା ବ୍ୟାପକ ଗଛ ଧରାଶାୟୀ ହୋଇଛି । ଏ କ୍ରମରେ ସେଣ୍ଟ୍ରାଲ କ୍ୟାଣ୍ଟିନ ନିକଟରେ ପଡିଥିବା ଏକ ବଉଳ ଗଛକୁ କାଟିବା ପାଇଁ    ଏନଡିଆରଏଫ ର କର୍ମଚାରୀମାନେ କଟରଓ ଅନ୍ୟାନ ସାମଗ୍ରୀ ମାନଧରି ପହଂଚିଥିଲେ । ଗଛଟିକୁ କାଟିବା ପାଇଁ ପ୍ରୟାସ ଆରମ୍ଭ ହୋଇଥିବା ବେଳେ ବିଶ୍ୱବିଦ୍ୟାଳୟର ଅଧ୍ୟାପକ ଓ କର୍ମଚାରୀମାନେ ଗଛଟିକୁ ନ କାଟି ତାକୁ ପୁନଃ ରୋପଣ ପାଇଁ ପରାମର୍ଶ ଦେଇଥିଲେ   । ମହାବାତ୍ୟା ସମୟରେ କ୍ୟାମ୍ପସରେଅନୁରୂପ ପଦକ୍ଷେପ ନିଆଯାଇଥିବା ସେମାନେ କହିବା ପରେଏନଡିଆରଏଫ ପକ୍ୱୟରୁ ଜେସିବି ମଗାଇଗଛଟିକୁ ଠିଆକରାଯିବାର ଉଦ୍ୟମ ଆରମ୍ଭ ହେଲା  । ଯେତିକି ସମୟରେ ଗଛଟି କଟାଯାଇଥାନ୍ତା ସେତିକି ସମୟରେ ତାର ପୁନଃରାପନ ହୋଇଯାଇଥିଲା  ।ଏଭଳି ଉଦ୍ୟମରେ ବଉଳ ଗଛଟି ନୁଆଁ ଜୀବନ ପାଇଥିଲା  ।