ଖରାପ ଆଚରଣକୁ ନେଇ ଟିଟିଇ ମାନେ ମୁଖତଃ ପରିଚିତି ପାଉଥିବା ବେଳେ ଜଣେ ଭଦ୍ର ଓ ପରୋପକାରୀ ଟିଟିଇ ଙ୍କ କଥା ଏବେ ସାମ୍ମା କୁ ଆସିଛି  । ଟ୍ରେନ ରେ ଯାତ୍ରା କରୁଥିବା ଜଣେ ମହିଳା ପ୍ରସବ ବେଦନାରେ ଛଟପଟ ହେଉଥାନ୍ତି । ଖବର ପହଁଚିଲା ଜଣେ ଟିଟିଇ ଙ୍କ ପାଖରେ  । ଟିଟିଇ ଜଣକ କାଳେ ଟ୍ରେନ ରେ କୌଣସି ଡାକ୍ତର ଯାଉଥିବେ ଭାବି  ନାଁ ଖୋଜିଲେ। ସେ କିନ୍ତୁ କୌଣସି ଯାତ୍ରୀଙ୍କ ଭିତରେ ଡାକ୍ତର ଥିବା ଜାଣି ପାରିଲେ ନାହିଁ  । କିନ୍ତୁ ଟିଟିଇ ଜଣଙ୍କ ହତାଶ ହୋଇନଥିଲେ  । ସାହାଯ୍ୟ କରିବା ମନୋବୃତ୍ତି ଥିବାରୁ ସେ ଅନ୍ୟ କେତେ ଯାତ୍ରୀଙ୍କ ସହାୟତାରେ ପ୍ରସବ ପୀଡା ଭୋଗୁଥିବା ମହିଳା ଜଣଙ୍କୁ ସେବା କରିବା ଆରମ୍ଭ କରିଦେଇଥିଲେ  । କିଛି ସମୟ ପରେ ମହିଳା ଜଣଙ୍କ ଏକ ଶିଶୁ ସନ୍ତାନ କୁ ପ୍ରସବ କରିଥିଲେ । ଯନ୍ତ୍ରଣା ଜର୍ଜରିତ ମହିଳା ଜଣଙ୍କ ପ୍ରସବ କରିବା ପରେ ଟ୍ରେନ ରେ ଖୁସିର ଲହରୀ ଖେଳି ଯାଇଥିଲା  । ଏହିଭଳି ଏକ ଘଟଣା ଘଟିଥିଲା  ଚଳନ୍ତା ଟ୍ରେନ ରେ  । ରେଳବାଇର ଦିଲ୍ଲୀ ଡିଭିଜନର ଟିଟିଇ ଏଚଏସ ରାଣା ଯାତ୍ରା ସମୟରେ ଟ୍ରେନରେ  ଜଣେ ମହିଳାଙ୍କୁ ଏଭଳି ସହାୟତା କରି ଚର୍ଚାକୁ ଆସିଛନ୍ତି । ଟିଟିଇ ଏଚଏସ ରାଣାଙ୍କ ଏହି ମହାନ କାମ ପାଇଁ ରେଳ ମନ୍ତ୍ରାଳୟ ତାଙ୍କର ଖୁବ ପ୍ରଶଂସା କରିଛନ୍ତି । ରେଳ ମନ୍ତ୍ରାଳୟ ସୋସିଆଲ ମିଡ଼ିଆ ଜରିଆରେ ଟ୍ୱିଟରରେ ଟ୍ୱିଟ କରି କହିଛନ୍ତି ଯେ, ରାଣାଙ୍କ ମାନବିକତା ପାଇଁ ରେଳ ମନ୍ତ୍ରାଳୟ ଗର୍ବାନ୍ବିତ । ଅସୁବିଧା ସମୟରେ ସେ ଯେଉଁଭଳି ମହିଳାଙ୍କ ସାହାଯ୍ୟ କରିଛନ୍ତି ତାହା ପ୍ରଶଂସନୀୟ ।