ସୌମ୍ୟ ରଞ୍ଜନ ବିଶ୍ୱାଳ ଓ ଦିଲୀପ କୁମାର ବିଶ୍ୱାଳ ଙ୍କ ବୟସ ଯଥାକ୍ରମେ ୨୨ ଏବଂ ୨୦। କିନ୍ତୁ ସେମାନେ ଯେଉଁ କାମରେ ଲାଗିଛନ୍ତି ତାହା ବଡ଼ ବଡ଼ ଲୋକେ ବି କରିବାକୁ ପଛଘୁଞ୍ଚା ଦେବେ । ଉଭୟ ବନ୍ଧୁ ସାମୁଦ୍ରିକ ଜୀବ ମାନଙ୍କ ଜୀବନ ବଂଚାଇବା ର ପଣ କରିଛନ୍ତି । ବିରଳ ଅଲିଭରିଡ଼ଲେ କଇଛ ଙ୍କ ପାଇଁ ଏକ ସୁରକ୍ଷିତ ବେଳାଭୂମି ସୃଷ୍ଟି ଦିଗରେ ସେମାନେ ମନୋନିବେଶ କରିଛନ୍ତି । ଦିଲୀପ କହନ୍ତି ସେ ନିଜର ୧୦ ବର୍ଷ ବୟସରୁ ବେଳାଭୂମିରେ ବୁଲି ବୁଲି ପ୍ଲାଷ୍ଟିକ ଜରି ଗୋଟାଇବା ସହ ଅଣ୍ଡା ଗୁଡିକୁ ଅନ୍ୟ ଜୀବଜନ୍ତୁଙ୍କ କବଳରୁ ରକ୍ଷାକରି ଆସୁଛନ୍ତି  । ପ୍ରତିବର୍ଷ  ସମୁଦ୍ରରେ ପ୍ରାୟ ୮ ମିଲିୟନ ମେଟ୍ରିକ ଟନ ପ୍ଲାଷ୍ଟିକ ବର୍ଜ୍ୟ ମିଶିଥାଏ  । ଏହାକୁ ଖାଇ ଅନେକ ଜଳଚର ପ୍ରାଣୀ ଓ ପକ୍ଷୀଙ୍କ ମୃତ୍ୟୁ ଘଟିଥାଏ । ଜଳରେ ଭାସୁଥିବା ପ୍ଲାଷ୍ଟିକ ବର୍ଜ୍ୟ ୬୦ ପ୍ରତିଶତ ପକ୍ଷୀ ଓ ସମସ୍ତ ପ୍ରକାର କଇଛ ଙ୍କ ଜୀବନ ପାଇଁ ବିପଦ ସାବ୍ୟସ୍ତ ହୋଇଛି । ଫେବୃଆରୀ ମାସରେ କଇଛ ମାନେ ଓଡ଼ିଶାର ବିଭିନ୍ନ ବେଳାଭୂମିକୁ ଗଣଅଣ୍ଡାଦାନ ପାଇଁ ଆସି ବିଭିନ୍ନ ପ୍ରକାର ବିପଦରେ ପଡ଼ିଥାନ୍ତି । ସେମାନଙ୍କୁ ସୁରକ୍ଷା ଦେବା ଦିଗରେ ଏହି ଦୁଇବନ୍ଧୁ ନିଷ୍ଠାପର ଭୂମିକା ତୁଲାଇଥାନ୍ତି । କଇଛଙ୍କ ପରି ପୋଷାକ ପିନ୍ଧି ଏହି ଦୁଇବନ୍ଧୁଙ୍କ ସଚେତନତାକୁ ବନବିଭାଗ ତାରିଫ କରିଛି  ।