ଦରଦାମ କମିବା ବଢିବା ମୁଖ୍ୟତ ପାଣିପାଗ ସହ ଜଡିତ । ଶସ୍ୟକୁ ସୁହାଇଲା ଭଳି ଯଦି ଜଳବାୟୁ ନ ରୁହେ ତେବେ ଉତ୍ପାଦନ ହ୍ରାସ ପାଇବ । ଜଳବାୟୁ ପରିବର୍ତ୍ତନ ଜନିତ ପ୍ରଭାବ  ଓ ଜଳ ସଙ୍କଟ ଯୋଗୁଁ ଉତ୍ପାଦନ କମୁଛି । ସେପଟେ ଜନସଂଖ୍ୟା ବଢ଼ିବାରେ ଲାଗିଛି । ଫଳରେ ଚାହିଦା ଅନୁଯାୟୀ ଯୋଗାଣ ହେଉନଥିବାରୁ ମୁଦ୍ରୀସ୍ପୀତି ହାର ବୃଦ୍ଧି ପାଉଛି ।ଏଭଳି ଦୃଶ୍ୟପଟ୍ଟରେ ଜାତିସଂଘ ପକ୍ଷରୁ ଉତ୍ପାଦନ ହ୍ରାସ ଓ ଦରଦାମ ବୃଦ୍ଧି କୁ ନେଇ ପୂର୍ବାନୁମାନ କରାଯାଇଛି । ଋତୁ ପରିବର୍ତ୍ତନର ପ୍ରଭାବକୁ ନେଇ ୟୁଏନ ଏନେଇ ୧୯୩ ଟି ଦେଶକୁ ରିପୋର୍ଟ ପଠାଇଛି । ରିପୋର୍ଟ ଅନୁଯାୟୀ, ବିଶ୍ବ ତାପମାତ୍ରା୨ ଡିଗ୍ରୀ ସେଲସିୟସ ବଢିଲେ ଜଳ ସଙ୍କଟ ଓ ମରୁଡି ଭଳି ପ୍ରାକୃତିକ ଦୁର୍ବିପାକ ଯୋଗୁଁ ପ୍ରାୟ ୫୨ କୋଟି ଲୋକ କ୍ଷତିଗ୍ରସ୍ତ ହେଉଛନ୍ତି । ପାଣିପାଗରେ ଅସ୍ୱାଭାବିକ ପରିବର୍ତ୍ତନ ହେଲେ କୃଷି ସ୍ଥିତିପରିବର୍ତ୍ତିତ ହେବ । ଜମିର ମାନ ଦୁର୍ବଳ ହେବ । ଫଳରେ ଶସ୍ୟର ପରିମାଣ ହ୍ରାସ ପାଇବା ସହ ଅର୍ଥନୀତି ରୁଗଣ ହେବ ।