ଚେନ୍ନାଇ ରେ ବିଗତ ୪ ମାସ ହେଲା ଉତ୍କଟ ଜଳସଂକଟ ଲାଗି ରହିଛି । ଦୈନିକ ୨୦୦ ମିଲିୟନ ଜଳର ଅଭାବ ଅନୁଭବ କରୁଛି ଦକ୍ଷିଣ ଭାରତରଏହି ପ୍ରମୁଖ ସହର । ସହରକୁ ଜଳ ଯୋଗାଉଥିବା ୪ ଟି ହ୍ରଦ ଶୁଖିଯାଇଛି । ଜଳ ସଙ୍କଟ ସହର ରେ  ଏତେ ତୀବ୍ର ହୋଇଛି ଯେ ରୋଗୀଙ୍କ ଅପରେସନ ପାଇଁ ଡାକ୍ତରଖାନା ଗୁଡିକ ଆବଶ୍ୟକୀୟ ପରିମାଣର ଜଳ ପାଉନାହାନ୍ତି ।ସୁଦାର ହସ୍ପିଟାଲ ର ମୁଖ୍ୟ କହନ୍ତି ଆମେ ୧୨ହଜାର ଲିଟର ଜଳକୁ ମାର୍ଚ୍ଚ ମାସରେ ୧୨୦୦ ଟଙ୍କାରେ କିଣୁଥିଲୁ,ଏବେ ସେତିକି ପରିମାଣର ଜଳର ଦାମ ୬ହଜାର ଟଙ୍କା ହୋଇଯାଇଛି ।ଏବେ ରୋଗୀ ଅଧିକ ଟଙ୍କା ଦେଲେ ବି ଜଳର ଅଭାବ କାରଣରୁ ଅପରେସନ କରାଯିବ ସମ୍ଭବ ନୁହେଁ ବୋଲି ସେ ସୁଚାଇଛନ୍ତି। ସେହିପରି ଜଳର ଅଭାବ ଯୋଗୁଁ ଆଇଟି କମ୍ପାନୀ ମାନେ ନିଜ କର୍ମଚାରୀଙ୍କୁ ଘରେ ରହି କାମ କରିବା ପାଇଁ ପରାମର୍ଶ ଦେଇଛନ୍ତି । ଚେନ୍ନାଇ ର ହୋଟେଲ ଗୁଡିକ ରେ ଏବେ ଥାଳି ଓ ଟ୍ରେ ବଦଳରେ କଦଳୀ ପତ୍ର ରେ ଭୋଜନ ପରଷା ଯାଉଛି ।ଏଭଳି ସ୍ଥିତି ଦେଖି ତାମିଲନାଡୁ ମୁଖ୍ୟମନ୍ତ୍ରୀ ପାଲାନି ସ୍ୱାମୀ ଭେଲୋର ରୁ ଟ୍ରେନ ଦ୍ୱାରା ପାଣି ଯୋଗାଇ ଦେବେ ବୋଲି ପ୍ରତିଶ୍ରୁତି ଦେଇଥିଲେ ।ଭେଲୋର ର ଯୋଲରପେଟରୁ ଠାରୁ ଏକ ସ୍ୱତନ୍ତ୍ର ଟ୍ରେନ ରେ ୨.୫ ନିୟୁତ ଲିଟର ଜଳ ଆସି ଚେନ୍ନାଇ ର ବିଲ୍ଲିବକକମ ଷ୍ଟେସନ ରେ ପହଂଚିଛି । ତେଣେ ବୁଧବାର ଦିନ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଥିଲା ,ହେଲେ ବର୍ଷା ହୋଇ ନ ଥିଲା। କେବଳ ଚେନ୍ନାଇ ଆକାଶ କୁ ମେଘ ଘୋଡାଇ ରଖିଥିଲା  ।