ଫୁଡ଼୍‌ ଡେଲିଭରି କମ୍ପାନୀ  ଜୋମାଟୋ ଖୁବଶୀଘ୍ର ଘର ତିଆରି ଖାଦ୍ୟ  ତାର ଉପଭୋକ୍ତାମାନଙ୍କୁ ଯୋଗାଇବାକୁ ଯାଉଛି । ଏବେ ଉପଭୋକ୍ତାମାନେ ଅନଲାଇନ ମାଧ୍ୟମରେ ହୋଟେଲ ଖାଇବା ନୁହେଁ କମତେଲ,ମସଲା ଯୁକ୍ତ ଘରୋଇ ଖାଦ୍ୟ  ଖାଇବା ମଗାଇ ପାରିବେ । ଏଥିରେ ବୟସ ହିସାବରେ ଟିଫିନ୍‌ ସେବା ମିଳିପାରିବ । ବିଶେଷ କରି ଛାତ୍ରଛାତ୍ରୀ ଚାକିରିଆ ଲୋକଙ୍କ ପାଇଁ ଏହି ସେବା ବିଶେଷ ଫଳପ୍ରଦ ହେବ। ନିକଟରେ ଜୋମାଟୋ ପକ୍ଷରୁ ଏକ ଟୁଇଟ୍‌ କରାଯାଇଥିଲା । ଟୁଇଟରେ ଉଲ୍ଲେଖ କରାଯାଇଥିଲା ଯେ, ବେଳେ ବେଳେ ଆମ ମାନଙ୍କୁ ଘର ଖାଇବା ମନେ ପଡେ, ଏହା ଖାଇବା ମଧ୍ୟ ଦରକାର । ଏହି ଟୁଇଟ୍‌ ପରେ କମ୍ପାନୀର ସିଇଓ ଦିପିନ୍ଦର ଗୋଏଲ ଟୁଇଟ୍‌ କରିଥିଲେ ଯେ, ଏହି ଟୁଇଟ୍‌ କିଏ କରିଛି? ଟୁଇଟ୍‌ ଭଲ ଥିଲା । ବର୍ତ୍ତମାନ ଜୋମାଟୋର ପ୍ରତିଦ୍ୱନ୍ଦ୍ୱୀ ସ୍ୱିଗିି ଗୁରୁଗ୍ରାମରେ ଏକ ହଜାରରୁ ଅଧିକ ଉପଭୋକ୍ତାଙ୍କୁ ନିଜର ନୂଆ ଆପ୍‌ ମାଧ୍ୟରେ ଟିଫିନ୍‌ ସେବା ଏବଂ ଘର ତିଆରି ଖାଇବା ସୁବିଧା ଯୋଗାଇଆସୁଛି, ତେଣୁ ଜୋମାଟୋର ଏହି ଟୁଇଟ୍‌ ପରେ ଆଶା କରାଯାଉଛି ଯେ, ଖୁବଶୀଘ୍ର ଜୋମାଟୋ ମଧ୍ୟ ଏହି ସେବା ଆରମ୍ଭ କରିବ ।