ରାଜ୍ୟରେ ୫୦୦ କମ୍ପ୍ରେସଡ଼୍ ବାୟୋଗ୍ୟାସ (ସିବିଜି) ପ୍ଲାଣ୍ଟ ପ୍ରତିଷ୍ଠା ହେବ । ଏଥିପାଇଁ ପ୍ରାୟ ୧୦ ହଜାର କୋଟି ଟଙ୍କା ଖର୍ଚ୍ଚ ହେବ ।  ଶୁକ୍ରବାର ଇଣ୍ଡିଆନ ଅଏଲର ସିଜିଏମ ପ୍ରୀତିଶ ଭରତ ଏକ ସାମ୍ବାଦିକ ସମ୍ମିଳନୀରେ ଉପରୋକ୍ତ ସୂଚନା ପ୍ରଦାନ କରିଛନ୍ତି । ପ୍ରୀତିଶ ଭରତଙ୍କ ସୂଚନାନୁଯାୟୀ ବାୟୋଗ୍ୟାସ ପ୍ଲାଣ୍ଟ ଗୁଡ଼ିକ ଗୋବର, ବର୍ଜ୍ୟବସ୍ତୁ ଓ କୃଷିବର୍ଜ୍ୟରୁ ପରିଚାଳିତ ହେବ । ପ୍ରଥମ ପର୍ଯ୍ୟାୟରେ ଓଡ଼ିଶାରେ ୧୦୦ଟି ସିବିଜି ପ୍ଲାଣ୍ଟ ପ୍ରତିଷ୍ଠା ହେବ । ପରେ ଆଉ ୪୦୦ଟି ପ୍ଲାଣ୍ଟ ପ୍ରତିଷ୍ଠା କରାଯିବ । ଗୋଟିଏ ଏଭଳି ପ୍ଲାଣ୍ଟ ପ୍ରତିଷ୍ଠା ପାଇଁ ୨୦ କୋଟି ଟଙ୍କା ଖର୍ଚ୍ଚ ହେଉଥିବା ପ୍ରୀତିଶ ସୂଚନା ଦେଇଥିଲେ ।