ମାନସିକ ନଡ଼ିଆ। ଭକ୍ତଟିଏ ଭରସା କରି ମାଙ୍କ ଉଦେଶ୍ୟରେ ନଡ଼ିଆଟିଏ ମନାସି ଥାଏ। ଆଶା କରିଥାଏ ମା’ ତା’ ଦୁଃଖ ଦୁରକରିବେ । ପରିବାରକୁ ଘଣ୍ଟ ଘୋଡ଼ାଇ ରଖିବେ ମା । ମାତ୍ର କରୋନା ପାଇଁ ତାଲା ବନ୍ଦ ପରଠୁ ଦୁଃଖୀର ମାନସିକ ନଡ଼ିଆ ଠାକୁରାଣୀଙ୍କ ପାଖରେ ପହଞ୍ଚି ପାରିନାହିଁ।

ଓଡିଶା ର ସବୁ ଜିଲ୍ଲାରେ କୋଭିଡ ହସପିଟାଲ ପ୍ରତିଷ୍ଠା କରାଯାଇଥିଲା । କୋଭିଡ ହସପିଟାଲ ପ୍ରତିଷ୍ଠା ପାଇଁ ଦୁଇଟି ଘରୋଇ ହସପିଟାଲ ସହ ଏମଓୟୁ ସ୍ୱାକ୍ଷର କରିବାରେ ପ୍ରଥମ ରାଜ୍ୟ ହୋଇଥିଲା ଓଡିଶା । ଓଡିଶାର ସଫଳ କୋଭିଡ ପରିଚାଳନା ନୀତି ଆୟୋଗର ପୁସ୍ତକ –‘ମିଟିଗେସନ ଆଣ୍ଡ୍ ମ୍ୟାନେଜମେଂଟ୍ ଅଫ କୋଭିଡ-୧୯’ରେ ସ୍ଥାନ ପାଇଛି । କୋଭିଡ-୧୯ ମହାମାରୀର ମୁକାବିଲା ନିମନ୍ତେ ରାଜ୍ୟର ନବୀନ ସରକାର କିଭଳି ଆଗୁଆ ପଦକ୍ଷେପ ସବୁ ନେଇଥିଲେ,ତାହା ନୀତି ଆୟୋଗର ପୁସ୍ତକରେ ସ୍ଥାନ ପାଇଛି ।

କଥାରେ ଅଛି ଅଗର୍ କିସି ଚିଜ୍‌କୋ ଦିଲ୍ ସେ ଚାହୋ , ତୋ ପୁରି କାୟାନାତ୍ ଉସେ ତୁମ୍‌ସେ ମିଲାନେକି କୋସିସ୍ ମେଁ ଲଗ୍‌ଜାତିହେ ..।। ଏହି ଉକ୍ତିଟି ବଲିଉଡ୍ ଅଭିନେତା ସୋନୁ ସୁଦ୍‌ଙ୍କ ପାଇଁ ଆଜି ସତ ପ୍ରମାଣିତ ହୋଇଛି ..। ଲକ ଡାଉନ ସମୟରେ ଅସହାୟ ମାନଙ୍କ ପାଖରେ ସହାୟତାର ହାତ ବଢାଇଥିଲେ ସୋନୁ ।କାହାକୁ ଘରକୁ ଫେରିବା ପାଇଁ ଗାଡି ସୁବିଧା କରାଇଥିଲେ ତ କାହାକୁ ଚାଷ କରିବା ପାଇଁ ଯୋଗାଇଦେଇଥିଲେ ଟ୍ରାକ୍ଟର ।ଅନେକ ବିଦ୍ୟାର୍ଥୀଙ୍କ ଅନଲାଇନ ଶିକ୍ଷାଦାନ ପାଇଁ ମୋବାଇଲି ଯୋଗାଇ ସୋନୁ ସୁଦ ଲକ ଡାଉନ ସମୟର ଭଗବାନ ବୋଲି ବିବେଚିତ ହୋଇଥିଲେ।

ଭାରତୀୟ ସମ୍ବିଧାନ ସମସ୍ତଙ୍କୁ ବାକ୍ ସ୍ୱାଧୀନତା ଏବଂ ମୌଳିକ ଅଧିକାର ଦେଇଛି । ତେଣୁ 'ସମ୍ବିଧାନ ଦିବସ'କୁ ଏକ ଉତ୍ସବ ଭାବରେ ସମସ୍ତେ ପାଳନ କରିବାର ଆବଶ୍ୟକତା ରହିଛି ବୋଲି ଗୁରୁବାର ଭୁବନେଶ୍ୱର ଠାରେ ଭାରତୀୟ ସମ୍ବିଧାନର ପ୍ରଣେତା, ସମାଜସେବୀ ତଥା ଭାରତରତ୍ନ ଡା ବି.ଆର୍‌ ଆମ୍ବେଦକରଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଦେବା ଅବସରରେ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି ଯେ ଆଜି ସବୁ ଭାରତୀୟଙ୍କ ପାଇଁ ଗୌରବର ଦିନ ।

ରାଜ୍ୟରେ ୨୫୪୦ ଜଣ କିନ୍ନରଙ୍କୁ ଚିହ୍ନଟ କରାଯାଇଛି। ମୟୂରଭଞ୍ଜରେ ସର୍ବାଧିକ ୩୬୬ ଜଣ କିନ୍ନର ଥିଲା ବେଳେ ବାଲେଶ୍ବରରେ ୩୦୨ ଓ ରାୟଗଡ଼ାରେ ୨୦୮ ଜଣ କିନ୍ନର ଅଛନ୍ତି। ନୂଆପଡ଼ା ଜିଲ୍ଲାରେ ସର୍ବନିମ୍ନ ୪ ଜଣ କିନ୍ନର ଅଛନ୍ତି। ବିଧାନସଭାରେ ବିଧାୟକ ମୌଷଧି ବାଗ୍‌ଙ୍କ ଲିଖିତ ପ୍ରଶ୍ନର ଉତ୍ତରରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ମନ୍ତ୍ରୀ ଅଶୋକ ପଣ୍ଡା ଏହି ତଥ୍ୟ ଦେଇଛନ୍ତି। ତେବେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ପକ୍ଷରୁ କିନ୍ନରମାନଙ୍କ ଚିହ୍ନଟ ପ୍ରକ୍ରିୟା ଜାରି ରହିଛି ବୋଲି ମନ୍ତ୍ରୀ କହିଛନ୍ତି ।

ସାମାଜିକ ଓ ଅର୍ଥନୈତିକ ବିକାଶ ଦିଗରେ ଅଂଶୀଦାର ହେବା ସହ ଅବହେଳିତଙ୍କୁ ସହଯୋଗର ହାତ ବଢ଼ାଇବା ଉଦ୍ଦେଶ୍ୟ ନେଇ ଆରମ୍ଭ ହୋଇଛି ସାମାଜିକ ଅନୁଷ୍ଠାନ ‘ସୁ‌ଯୋଗ’। ଗଜପତି ମହାରାଜ ଦିବ୍ୟସିଂହ ଦେବ, ଋଷିକେଶର ସ୍ବାମୀ ନିର୍ଲିପ୍ତାନନ୍ଦ ମହାରାଜ, ସ୍ବାମୀ ଶିବଚିଦାନନ୍ଦଙ୍କ ଶୁଭାଶିଷ ସହ ଶିବାନନ୍ଦ ଶତବାର୍ଷିକ ବାଳକ ଉଚ୍ଚ ବିଦ୍ୟାଳୟରେ ଏହାର ଶୁଭାରମ୍ଭ କରାଯାଇଛି।

ଅହମଦାବାଦସ୍ଥିତ ସତ୍ୟସାଇ ହାର୍ଟ ହସ୍ପିଟାଲରେ ରାଜ୍ୟର ଗରିବ ଶିଶୁମାନଙ୍କ ମାଗଣା ହୃଦ୍‌ରୋଗ ଚିକିତ୍ସା ଜାରି ରହିଥିବା ବେଳେ ଏନେଇ ପ୍ରଶାନ୍ତି ମେଡିକାଲ ସେବା ଓ ଗବେଷଣା ଫାଉଣ୍ଡେସନ୍‌ ସହ ରାଜ୍ୟ ସରକାରଙ୍କ ହୋଇଥିବା ଚୁକ୍ତିକୁ ଆଜି ସଂପ୍ରସାରଣ କରାଯାଇଛି। ଫଳରେ ଆହୁରି ୨ବର୍ଷ ପାଇଁ ରାଜ୍ୟର ଗରିବ ଶିଶୁ ମାଗଣାରେ ହୃଦ୍‌ରୋଗ ଚିକିତ୍ସା ପାଇପାରିବେ।୨୦୧୮ ମସିହାରେ ଅନୁଷ୍ଠାନ ସହ ରାଜ୍ୟ ସରକାରଙ୍କ ଚୁକ୍ତି ସ୍ବାକ୍ଷରିତ ହୋଇଥିଲା।

ରାସ୍ତାକଡ଼ରେ ପଡ଼ିଥିଲା ୪ଦିନର ଶିଶୁପୁତ୍ର। ନା ଥିଲା ବାପା, ମା’ଙ୍କ ପରିଚୟ, ନା ଥିଲା ଘରର ଠିକଣା। ଏହି ଅଲୋଡ଼ା ଶିଶୁକୁ ଆଣି ଶିଶୁ ପରିଚର୍ଯ୍ୟା କେନ୍ଦ୍ରରେ ରଖିଥିଲା ପ୍ରଶାସନ। ଏହି ଶିଶୁପୁତ୍ରକୁ ଏବେ ଦୁଇବର୍ଷ । ସ୍ପେନ୍‌ର ଏକ ଦମ୍ପତି ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି। ନୂଆ ପରିଚୟ ପାଇଛି ଏହି ୨ବର୍ଷର ଶିଶୁ ଆଦିତ୍ୟ। ସ୍ପେନ୍‌ର ଏକ ନିଃସନ୍ତାନ ଦମ୍ପତି ଭାରତରୁ ଜଣେ ଶିଶୁକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବାକୁ ଚାହୁଥିଲେ।

ପଶ୍ଚିମବଙ୍ଗର ସିବୋକ-ଗୁଲାମା ଖଣ୍ଡରେ ଏକ ହାତୀ ଛୁଆ ସମେତ ୩ ଟି ହାତୀ ରେଳଧାରଣା ପାର କରୁଥିଲେ। ସେହି ସମୟରେ ଦ୍ରୁତ ଗତିରେ ମାଡ଼ିଆସୁଥିଲା ଟ୍ରେନ ।ଗାଡିର ଗତି ଏମିତି ଥିଲା ଯେ ଧକ୍କା ହେବ ମାତ୍ରେ ଚାଲିଯାଇଥାଆନ୍ତା ଟ୍ରେନ ଲାଇନ ପାର ହେଉଥିବା ଏହି ହାତୀଙ୍କ ଜୀବନ ।

ବେଲଜିୟମର ବ୍ରୁସେଲ୍ସ ସହରରେ ପକ୍ଷୀଙ୍କ ସୁରକ୍ଷା ନିମନ୍ତେ କାର୍ଯ୍ୟ କରୁଥିବା ଏକ ସଙ୍ଗଠନ ପିଜନ୍ ପାରାଡ଼ାଇଜ ପକ୍ଷରୁ ରବିବାର ଅନଲାଇନରେ କିଛି ପକ୍ଷୀଙ୍କୁ ନିଲାମ କରାଯାଇଥିଲା । ଏହି ପ୍ରକ୍ରିୟା ରେ ଚୀନର ଜଣେ ବ୍ୟକ୍ତି ୧.୬ ନିୟୁତ ୟୁରୋ ଅର୍ଥାତ ଭାରତୀୟ ଟଙ୍କାରେ ୧୪ କୋଟି ଦେଇ ମାଇ ପାରା ‘ନ୍ୟୁ କିମ୍’କୁ କିଣିବାକୁ ଡ଼ାକ ଦେଇଥିଲେ । ବର୍ତମାନ ସୁଦ୍ଧା କୌଣସି ପାରା ବିକ୍ରି ନିମନ୍ତେ ଏହା ହେଉଛି ସର୍ବୋଚ୍ଚ ଡ଼ାକ ।

ଜଳ ସଂରକ୍ଷଣ ଓ ପରିଚାଳନା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ଲାଗି ଝାଡ଼ଖଣ୍ଡର ଦେଓଘରସ୍ଥିତ ଠାକୁର ଅନୁକୂଳ ଚନ୍ଦ୍ରଙ୍କ ସତସଙ୍ଗ ଅନୁଷ୍ଠାନ କୁ ଜାତୀୟ ଜଳ ପୁରସ୍କାର ପ୍ରଦାନ କରାଯାଇଛି। କେନ୍ଦ୍ର ଜଳଶକ୍ତି ମନ୍ତ୍ରାଳୟ ପକ୍ଷରୁ ପ୍ରତି ବର୍ଷ ପ୍ରଦାନ କରାଯାଉଥିବା ଏହି ପୁରସ୍କାରର ଧାର୍ମିକ ଅନୁଷ୍ଠାନ ବର୍ଗରେ ନିଜ ପରିସର ରେ ଶ୍ରେଷ୍ଠ ଜଳ ସଂରକ୍ଷଣ ଓ ପରିଚାଳନା ଲାଗି ଚଳିତ ବର୍ଷ ସତସଙ୍ଗ ଆଶ୍ରମ ପ୍ରଥମ ପୁରସ୍କାର ଲାଭ କରିଛି ।

ବିଗତ ୨୦ ବର୍ଷ ମଧ୍ୟରେ ଦେଶରେ ୬୦ ବର୍ଷରୁ ଊର୍ଦ୍ଧ୍ବ ବ୍ୟକ୍ତିଙ୍କ ସଂଖ୍ୟା ବେଶ୍‌ ବୃଦ୍ଧି ପାଇଥିବା ବେଳେ ଜୀବନ ଧାରଣର ମାନରେ ମଧ୍ୟ ପରିବର୍ତ୍ତନ ଯୋଗୁ ଏହି ଧାରା ଆଗକୁ ବି ଜାରି ରହିବ। ଏଭଳି ସ୍ଥିତିରେ ବୃଦ୍ଧାବସ୍ଥାରେ ଲୋକଙ୍କ ସ୍ବାସ୍ଥ୍ୟ, ସାମାଜିକ, ଶୈକ୍ଷିକ ଆଦି ପ୍ରସଙ୍ଗକୁ ନେଇ ଗବେଷଣାର ଆବଶ୍ୟକତା ରହିଛି। ଏହି ବୃଦ୍ଧାବସ୍ଥା ସମ୍ପର୍କରେ ଗବେଷଣା ପାଇଁ ଗଙ୍ଗାଧର ମେହେର ବିଶ୍ବବିଦ୍ୟାଳୟ ଦେଇଥିବା ପ୍ରସ୍ତାବକୁ ସରକାର ମଞ୍ଜୁର କରିବା ପରେ ଏଠାରେ ବୃଦ୍ଧାବସ୍ଥାକୁ ନେଇ ରାଜ୍ୟର ପ୍ରଥମ ବହୁମୁଖୀ ଗବେଷଣା କେନ୍ଦ୍ର ଗଠନ ହୋଇଛି।

ମୋ ସ୍କୁଲ୍ ଅଭିଯାନରେ ୨୫ଟି ଜିଲ୍ଲାର ୧୬୧୦ଟି ସ୍କୁଲ୍ ସାମିଲ ହୋଇସାରିଛି। ଆଜି ପରିଚାଳନା ସଙ୍ଗଠନର ୧୮ତମ କାର୍ଯ୍ୟକାରୀ କାଉନସିଲ୍ ବୈଠକରେ ଏହି ସୂଚନା ଦିଆଯାଇଛି। ଭର୍ଚୁଆଲ୍‌ରେ ଅନୁଷ୍ଠିତ ହୋଇଥିବା ଏହି ବୈଠକରେ ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁ ଅଧ୍ୟକ୍ଷତା କରିଥିଲେ। ଏହି ସମସ୍ତ ବିଦ୍ୟାଳୟମାନଙ୍କର ଉନ୍ନୟନ କାର୍ଯ୍ୟ ପାଇଁ ପୁରାତନ ଛାତ୍ରଛାତ୍ରୀମାନେ ୨କୋଟି ୪୬ଲକ୍ଷ ୯୦ହଜାର ୨୦ଟଙ୍କା ପ୍ରଦାନ କରିଛନ୍ତି ବୋଲି ଜଣାପଡ଼ିଛି।

ଦେଶର ଅଗ୍ରଣୀ ସଫ୍ଟୱେର କମ୍ପାନୀ ଟିସିଏସ୍ ଓଡ଼ିଶାରେ ନବମ ଓ ଦଶମ ଶ୍ରେଣୀ ପିଲାଙ୍କୁ ମାଗଣା ଅନଲାଇନ ଶିକ୍ଷା ଦେବ। ଏନେଇ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ସହ ଟିସିଏସ୍ ଚୁକ୍ତି ସ୍ୱାକ୍ଷରିତ କରିଛି । ତେବେ ଏହା କେବଳ ୨୧୪ଟି ଆଦର୍ଶ ବିଦ୍ୟାଳୟ ଓ ୧୦୧ ଉତ୍କର୍ଷ ବିଦ୍ୟାଳୟରେ ଲାଗୁ ହେବ ବୋଲି ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।

ପରିବେଶ ସୁରକ୍ଷା ପ୍ରୟାସ ନିମନ୍ତେ ରାଉରକେଲା ଇସ୍ପାତ କାରଖାନା ଗ୍ରୋ କେୟାର ଇଣ୍ଡିଆ ସ୍ଵର୍ଣ୍ଣ ପୁରସ୍କାର- ୨୦୨୦ ରେ ସମ୍ମାନିତ ହୋଇଛି । ଆସନ୍ତା ଡିସେମ୍ବର ମାସରେ ଚଣ୍ଡିଗଡ଼ରେ ଅନୁଷ୍ଠିତ ହେବାକୁ ଥିବା ଚତୁର୍ଥ ବାର୍ଷିକ “ଗ୍ରୋ କେୟାର ଇଣ୍ଡିଆ ଏକ୍ସଲେନ୍ସ ଆୱାର୍ଡସ ୨୦୨୦” ଉତ୍ସବରେ ଏହି ପୁରସ୍କାର ପ୍ରଦାନ କରାଯିବ । ସୂଚନା ଯୋଗ୍ୟ ଯେ ଯେ ପରିବେଶ ସୁରକ୍ଷା ପାଇଁ ଆରଏସପି କ୍ରମାଗତ ଭାବରେ ପ୍ରଗତିଶୀଳ ରୂପେ ଅତ୍ୟାଧୁନିକ ପରିବେଶ ଅନୁକୂଳ ଇସ୍ପାତ ନିର୍ମାଣ ବୈଷୟିକ ଜ୍ଞାନକୌଶଳର ଉପଯୋଗ କରିଆସୁଛି। ଆରଏସପି ହେଉଛି ପ୍ରଥମ ଭାରତୀୟ ଇସ୍ପାତ କାରଖାନା ଯାହାକି ୬୦ ଦଶକ ପୂର୍ବରୁ ଏଲଡ଼ି ଟେକ୍ନୋଲୋଜି ବିକାଶ ପର୍ଯ୍ୟାୟରେ ଥିବା ବେଳେ ଇସ୍ପାତ ପ୍ରସ୍ତୁତିରେ ଉକ୍ତ ବୈଷୟିକ କୌଶଳ ଗ୍ରହଣ କରିଥିଲା ଯାହା ଶକ୍ତି ନିପୁଣ ଏବଂ ପରିବେଶ ଅନୁକୂଳ ରୂପେ ଜଣାଶୁଣା ଅଟେ।

ସାଧାରଣତଃ ଦେଖାଯାଏ ଯେ ଚୋରି କିମ୍ବା ଅନ୍ୟାନ୍ୟ ଆପରାଧିକ ଘଟଣାର ରିପୋର୍ଟ ପଞ୍ଜୀକରଣ କରିବାକୁ ଯାତ୍ରୀଙ୍କୁ ଯାତ୍ରା ସମୟରେ କୌଣସି ଷ୍ଟେସନ୍‌ରେ ଓହ୍ଲାଇବାକୁ ପଡ଼େ। ଏମିତିକି ଯାତ୍ରୀମାନେ ଗନ୍ତବ୍ୟସ୍ଥଳରେ ପହଞ୍ଚି ଅଭିଯୋଗ ଦାଖଲ କରନ୍ତି, ଯେଉଁଠାରେ ଏକ ମାମଲା ଶୂନ ନମ୍ବରରେ ଅଥବା ଜିରୋ ହେଡ୍‌ ପଞ୍ଜୀକୃତ ହୋଇଥାଏ। ପରବର୍ତ୍ତୀ ଅନୁସନ୍ଧାନ ପାଇଁ ସ୍ଥିରୀକୃତ ଜିଆରପି ଥାନାକୁ ମାମଲା ସ୍ଥାନାନ୍ତର କରାଯାଏ।

ଓଡ଼ିଆ ସମାଜ, ନୂଆଦିଲ୍ଲୀ ସଂଗଠନ ପକ୍ଷରୁ ‘ଓଡ଼ିଶାର କୃଷି ଓ ଆତ୍ମନିର୍ଭରତା’ ଶୀର୍ଷକକୁ ନେଇ ଆଜି ଭିଡିଓ କନଫରେନ୍ସିଂ ମାଧ୍ୟମରେ ଏକ ୱେବିନାର ଆୟୋଜିତ ହୋଇଯାଇଛି । ୱେବିନାରରେ କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ୍ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟଅତିଥି ଏବଂ ସିଦ୍ଧାର୍ଥ ପ୍ରଧାନ, ଆଇଆର୍‌ଏସ୍ (ଅବସରପ୍ରାପ୍ତ), ସଭାପତି, ଓଡ଼ିଆ ସମାଜ, ନୂଆଦିଲ୍ଲୀ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ ଡ. ଏସ୍ କେ ପଟ୍ଟନାୟକ, ଆଇଏଏସ୍ (ଅବସରପ୍ରାପ୍ତ), ମହାନିର୍ଦ୍ଦେଶକ, ଆଡ୍‌ମିନିଷ୍ଟ୍ରେଟିଭ୍ ଷ୍ଟାଫ୍ କଲେଜ ଅଫ୍ ଇଣ୍ଡିଆ, ଡ ତ୍ରିଲୋଚନ ମହାପାତ୍ର, ସଚିବ ଏବଂ ମହାନିର୍ଦ୍ଦେଶକ, ଭାରତୀୟ କୃଷି ଅନୁସନ୍ଧାନ ପରିଷଦ, ନୂଆଦିଲ୍ଲୀ, ଡ. ସୌରଭ ଗର୍ଗ, ପ୍ରମୁଖ ଶାସନ ସଚିବ, କୃଷି ଓ କୃଷକ ସଶକ୍ତୀକରଣ ବିଭାଗ, ଓଡ଼ିଶା ସରକାର, ପ୍ରଶାନ୍ତ କୁମାର ସ୍ୱାଇଁ, ଯୁଗ୍ମ ସଚିବ (ବିପଣନ ଏବଂ କୃଷି ବିପଣନ ପରାମର୍ଶଦାତା), କୃଷି, ସମବାୟ ଏବଂ କୃଷକ କଲ୍ୟାଣ ବିଭାଗ, ଭାରତ ସରକାର, ସଞ୍ଜୀବ କୁମାର ଚଢ଼ା, ପ୍ରବନ୍ଧନ ନିର୍ଦ୍ଦେଶକ, ନାଫେଡ ପ୍ରମୁଖ ବକ୍ତା ଭାବେ ଯୋଗଦେଇଥିଲେ ।

ବିଭିନ୍ନ ଦେଶରେ ରହୁଥିବା ଓଡ଼ିଆ କଳାକାରଙ୍କୁ ନେଇ କୁମାର ପୂର୍ଣ୍ଣମୀ କୁ ନିଆରା ଢଙ୍ଗରେ ପାଳନ କରାଯାଇଛି। ବିଶ୍ବର ବିଭିନ୍ନ ଦେଶମାନଙ୍କରେ ଅବସ୍ଥାନ କରୁଥିବା ବୁଦ୍ଧିଜୀବୀ ଓଡ଼ିଆଙ୍କ ଅନୁଷ୍ଠାନ ‘ଓଡ଼ିଶା ପଜିଟିଭ୍’ ପକ୍ଷରୁ ଆୟୋଜିତ ଏହି ଉତ୍ସବରେ ଅନୁଷ୍ଠାନର ଏସୀୟ ଦେଶ ମାନଙ୍କରେ ଥିବା ଶାଖାମାନେ ସାମିଲ୍‌ ହୋଇଥିଲେ। କାର୍ଯ୍ୟକ୍ରମରେ ବିଭିନ୍ନ ଦେଶର କଳାକାରଙ୍କୁ ଅନଲାଇନ୍‌ରେ ଯୋଡ଼ା ଯାଇଥିଲା ଓ କୁମାରପୂର୍ଣ୍ଣିମା ଉତ୍ସବ କୁ ନୃତ୍ୟ,ସଂଗୀତ ର ରଙ୍ଗାରଙ୍ଗ କାର୍ଯ୍ୟକ୍ରମ ଜରିଆରେ ପାଳନ କରାଯାଇଥିଲା ।

ମହିଳା ଯାତ୍ରୀଙ୍କୁ ସୁରକ୍ଷା ଯୋଗାଇଦେବା ଲାଗି ଦେଶର ସମସ୍ତ ଜୋନରେ ରେଳବାଇ ପକ୍ଷରୁ ‘ମେରି ସହେଲି’ ପଦକ୍ଷେପର ଶୁଭାରମ୍ଭ କରାଯାଇଛି। ମହିଳା ଯାତ୍ରୀମାନେ ସୁରକ୍ଷିତ ଭାବେ ଯେପରି ତାଙ୍କର ଯାତ୍ରା ଆରମ୍ଭରୁ ଗନ୍ତବ୍ୟସ୍ଥଳ ପର୍ଯ୍ୟନ୍ତ ପହଞ୍ଚି ପାରିବେ ତାହା ଏହି ଅଭିଯାନର ଲକ୍ଷ୍ୟ ବୋଲି ରେଳ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଚଳିତବର୍ଷ ସେପ୍ଟେମ୍ବର ମାସରେ ଦକ୍ଷିଣ ପୂର୍ବ ରେଳବାଇ ପକ୍ଷରୁ ଏହି ପାଇଲଟ ପ୍ରକଳ୍ପ ପ୍ରଥମେ ଆରମ୍ଭ କରାଯାଇଥିଲା। ଏହି ଅଭିଯାନକୁ ମହିଳାଯାତ୍ରୀମାନଙ୍କ ପକ୍ଷରୁ ପ୍ରୋତ୍ସାହନ ମିଳିବା ପରେ ଏହି ପ୍ରକଳ୍ପକୁ ସମସ୍ତ ଜୋନ୍‍କୁ ସଂପ୍ରସାରିତ କରାଯାଇଛି।

ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ସ୍ୱାଭିମାନ ଅଞ୍ଚଳ ରେ କର୍ତ୍ତବ୍ୟନିଷ୍ଠ ଅଙ୍ଗନୱାଡି କର୍ମୀଙ୍କ ବିପଦପୂର୍ଣ୍ଣ ଉଛୁଳା ନଈ ରେ ପାର ହେଉଥିବା ଦୃଶ୍ୟର ଭିଡିଓକୁ ରି ଟ୍ୱିଟ କରି ଶିଳ୍ପପତି ଆନନ୍ଦ ମହିନ୍ଦ୍ରା ସହଯୋଗ ପାଇଁ ଇଚ୍ଛା ପ୍ରକାଶ କରିଛନ୍ତି । ଜୀବନକୁ ବାଜି ଲଗାଇ ଅଣ୍ଟାରେ ଲାଉ ତୁମ୍ଭା ବାନ୍ଧି ଗଭୀର ନଦୀରେ ପ୍ରବେଶ କରିଥିବା ରାଲେଗଡ଼ା ପଞ୍ଚାୟତ ଅଙ୍ଗନୱାଡି କର୍ମୀ ଙ୍କ ଖବର ବିଭିନ୍ନ ଗଣମାଧ୍ୟମରେ ଗତ ମାସ ତଳେ ବିଭିନ୍ନ ଗଣମାଧ୍ୟମ ରେ ପ୍ରକାଶ ପାଇଥିଲା