ଆଜିଠୁ ଗଞ୍ଜାମ ଜିଲ୍ଲାର ସହରାଞ୍ଚଳରେ ଡୋର୍ ଟୁ ଡୋର୍ ସ୍କ୍ରିନିଂ

ଗଂଜାମ ଜିଲ୍ଲାରେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ମୁକାବିଲା ପାଇଁ କଟକଣାକୁ କଡ଼ାକଡ଼ି କରିଛି ପ୍ରଶାସନ । ସ୍ୱାସ୍ଥ୍ୟ ପରୀକ୍ଷାକୁ ବି ଗୁରୁତ୍ୱ ଦିଆଯାଉଛି । ଆଜିଠୁ ଅର୍ଥାତ ଜୁଲାଇ ୭ ତାରିଖ ମଙ୍ଗଳବାର ଠାରୁ ଜିଲ୍ଲାର ସହରାଞ୍ଚଳରେ ଆରମ୍ଭ ହେଉଛି ଡୋର୍ ଟୁ ଡୋର୍ ସ୍କ୍ରିନିଂ । ସ୍ୱାସ୍ଥ୍ୟ ବିଭାଗର ଟିମ୍ ଘରକୁ ଘର ବୁଲି ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରିବେ । ଯେଉଁ ସବୁ ଅଞ୍ଚଳରେ ସ୍କ୍ରିନିଂ ଅଭିଯାନ ଚାଲିବ ସେସବୁ ଅଞ୍ଚଳକୁ ତିନିରୁ ଚାରି ଘଣ୍ଟା ସଟଡାଉନ୍ କରାଯିବ ।

ଅନଲାଇନ ଠକେଇର ଶିକାର ହେଉଥିବା ବ୍ୟକ୍ତିଙ୍କ ପାଇଁ ଆସିଲା ବୀମା, ମିଳିବ ୫୦ ହଜାର ଟଙ୍କାରୁ ୧୦ ଲକ୍ଷ ଟଙ୍କା ଯାଏଁ କ୍ଷତିପୂରଣ

ପ୍ରଯୁକ୍ତିବିଦ୍ୟାର ଦୁନିଆରେ ଆଜିକାଲି ଅନଲାଇନ ଠକେଇର ସମସ୍ୟା ମଧ୍ୟ ବଢ଼ିବାରେ ଲାଗିଛି। ଅସାବଧାନତା ଯୋଗୁଁ ଚୁଟକିରେ ଲକ୍ଷ ଲକ୍ଷ ଟଙ୍କା ସାଇବର ଠକମାନେ ଲୁଟିନେଉଛନ୍ତି । ଯାହାକୁ ନେଇ ସାଇବର ଥାନାରେ ଅନେକ ଅଭିଯୋଗ ମଧ୍ୟ ହେଉଛି। ତେବେ ଅନଲାଇନ ଠକେଇର ଶିକାର ହେଉଥିବା ଲୋକଙ୍କୁ ଏଥିରୁ ନିସ୍ତାର ଦେବା ପାଇଁ ତଥା ତାଙ୍କୁ କିଛି ସାନ୍ତ୍ୱନାମୂଳକ ଅର୍ଥରାଶି ଦେବାକୁ ଏବେ ଆଇସିଆଇସିଆଇ ଲୋମ୍ବାରଡ ଜେନେରାଲ ଇନସୁରାନ୍ସ କମ୍ପାନୀ ଏକ ବୀମା ଆଣିଛି ।

୧୦ ଦିନ ପାଇଁ ଗଞ୍ଜାମ ଜିଲ୍ଲାର ସମସ୍ତ ସରକାରୀ ଅଫିସ୍‌ ଜନସାଧାରଣଙ୍କ ପାଇଁ ବନ୍ଦ

ଆଜି ଅର୍ଥାତ ଜୁନ ୨୪ ବୁଧବାର ଠାରୁ ପରବର୍ତ୍ତୀ ୧୦ ଦିନ ପର୍ଯ୍ୟନ୍ତ ଗଞ୍ଜାମ ଜିଲ୍ଲାର ସମସ୍ତ ସରକାରୀ ଅଫିସ୍ ସାଧାରଣ ଲୋକଙ୍କ ପାଇଁ ମନା ବୋଲି ଗଞ୍ଜାମ ଜିଲ୍ଲାପାଳ କହିଛନ୍ତି। ଟୁଇଟ୍ କରି ଜିଲ୍ଲାପାଳ ଜଣାଇଛନ୍ତି ଯେ, ଆଜି ଠାରୁ ଆଜି ଠାରୁ ଆଗାମୀ ୧୦ ଦିନ ପର୍ଯ୍ୟନ୍ତ ଗଞ୍ଜାମ ଜିଲ୍ଲାର ସମସ୍ତ ସରକାରୀ ଅଫିସ୍ ସାଧାରଣ ଲୋକଙ୍କ ପାଇଁ ବନ୍ଦ କରାଯାଇଛି। ସରକାରୀ ଅଫିସ୍‌ର ବରିଷ୍ଠ ଅଧିକାରୀମାନ‌େ କରୋନାଭାଇରସ୍ ଦ୍ବାରା ଆକ୍ରାନ୍ତ ହୋଇଯାଉଥିବାରୁ ଜିଲ୍ଲା ପ୍ରଶାସନ ଏ ଭଳି ନିଷ୍ପତ୍ତି ଗ୍ରହଣ କରିଛି।

ବିଶ୍ବପ୍ରସିଦ୍ଧ ରଥଯାତ୍ରା ବନ୍ଦ କରିବାକୁ ନିର୍ଦେଶ ଦେଲେ ସୁପ୍ରିମକୋର୍ଟ

ମହାପ୍ରଭୁଙ୍କ ରଥଯାତ୍ରା ହେବ କି ନ‌ାହିଁ ତାକୁ ନେଇ ଦ୍ବନ୍ଦ୍ବ ଲାଗି ରହିଥିଲା, ତାକୁ ଆଜି ଦୂର କରିଛନ୍ତି ସୁପ୍ରିମକୋର୍ଟ। ଜୁନ୍ ୨୩ ତାରିଖରେ ଅନୁଷ୍ଠିତ ହେବାକୁ ଥିବା ପୁରୀର ବିଶ୍ବପ୍ରସିଦ୍ଧ ରଥଯାତ୍ରା ସ୍ଥଗିତ ରଖିବାକୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି। ରଥଯାତ୍ରା ନେଇ ଦାୟର ହୋଇଥିବା ମାମଲାର ଶୁଣାଣି କରି ସୁପ୍ରିମକୋର୍ଟର ମୁଖ୍ୟ ବିଚାରପତି କହିଛନ୍ତି ଯେ ଯଦି ବିଶ୍ବପ୍ରସିଦ୍ଧ ରଥଯାତ୍ରା ପାଇଁ ଅନୁମିତ ଦିଆଯିବ, ତେବେ ଆମକୁ ଜଗନ୍ନାଥ କ୍ଷମା ଦେବେ ନାହିଁ।

ପ୍ରବାସୀ ଶ୍ରମିକଙ୍କୁ ରେଳ ବିଭାଗ ଦେବ କାମ

ମହାମାରୀ କରୋନା ଦ୍ବାରା ପ୍ରଭାବିତ ହୋଇ ଘରକୁ ଫେରିଥିବା ଲକ୍ଷାଧିକ ପ୍ରବାସୀ ଶ୍ରମିକଙ୍କୁ କାମ ଦେବା ଲାଗି କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରାଳୟ ପକ୍ଷରୁ ଇତିମଧ୍ୟରେ ପ୍ରସ୍ତୁତି ଆରମ୍ଭ ହୋଇଛି। ଏହି କ୍ରମରେ ଦେଶବ୍ୟାପୀ ରେଳ ବିଭାଗ ‌ଦ୍ବାରା ଚାଲିଥିବା ବିଭିନ୍ନ ପ୍ରକଳ୍ପରେ ଉକ୍ତ ଶ୍ରମିକମାନଙ୍କୁ କିପରି ନିୟୋଜିତ କରାଯାଇପାରିବ ସେ ନେଇ ବିଚାରବିମର୍ଶ ଚାଲିଥିବା ସୂଚନା ମିଳିଛି।

୧୧ ଜିଲ୍ଲା ସଟଡାଉନର ଆଜି ଦ୍ୱିତୀୟ ଦିନ,ସ୍ମାର୍ଟ ସିଟି ଭୁବନେଶ୍ୱର ରେ କଡା କଟକଣା

କରୋନା ମୁକାବିଲା ରାଜ୍ୟରେ ୧୧ ଜିଲ୍ଲାରେ ଚାଲିଛି ଦୁଇଦିନିଆ ସଟଡାଉନ । ୧୧ ଜିଲ୍ଲାରେ ଲାଗୁ ହୋଇଛି ସାପ୍ତାହିକ ସଟଡାଉନ୍ । କରୋନା ପ୍ରଭାବ ଅଧିକ ଥିବା ୧୧ଟି ଜିଲ୍ଲା ଗଞ୍ଜାମ, ପୁରୀ, ନୟାଗଡ, ଖୋର୍ଦ୍ଧା, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ଭଦ୍ରକ, ବାଲେଶ୍ୱର, ବଲାଙ୍ଗିର ସଟଡାଉନ ରହିଛି । ଏହି ସମୟରେ କେବଳ ଜରୁରୀକାଳୀନ ସେବା ଜାରି ରହିବ । ଡାକ୍ତରଖାନା ଓ ଔଷଧ ଦୋକାନ ଖୋଲା ରହିବ ।

ଆଜି ବିଶ୍ୱ ପରିବେଶ ଦିବସ,ଜୈବ ବିବିଧତା ୮୦ ପ୍ରତିଶତ ଗରିବ ଙ୍କ ଜୀବିକାର ସାଧନ

ପ୍ରତିବର୍ଷ ଜୁନ ୫ ରେ ପାଳିତ ହୁଏ ବିଶ୍ୱ ପରିବେଶ ଦିବସ। ଏହି ଦିବସ ପ୍ରତିଶ୍ରୁତିବଦ୍ଧ ପରିବେଶ ସଂରକ୍ଷଣ କାର୍ଯ୍ୟକ୍ରମ ପାଇଁ ଉଦ୍ଦିଷ୍ଟ। ବିଶ୍ୱ ପରିବେଶ ଦିବସ ୧୯୭୨ରୁ ଆରମ୍ଭ ହୋଇ ଅଦ୍ୟାବଧି ମିଳିତ ଜାତିସଂଘର ଏକ ଅଗ୍ରାଧିକାର କାର୍ଯ୍ୟକ୍ରମ ମାଧ୍ୟମରେ ବିଶ୍ୱବ୍ୟାପୀ ପରିବେଶ ସଚେତନତା, ଦାୟିତ୍ୱବୋଧ ସୃଷ୍ଟି କରିବା ସହ ରାଜନୈତିକ ଦୃଷ୍ଟି ଆକର୍ଷଣ ଓ ଆଗାମୀ ପରିବେଶ ସୁରକ୍ଷା ଦିଗରେ ନେବାକୁ ଥିବା ବିଭିନ୍ନ ପଦକ୍ଷେପ ପାଇଁ ଉତ୍ସାହିତ କରାଯାଏ।

ଜଳ ଜୀବନ ମିସନ୍‌‌ରେ ଓଡିଶା ପାଇଲା ୮୧୨ କୋଟି କେନ୍ଦ୍ରୀୟ ସହାୟତା

ଦେଶର ପ୍ରତ୍ୟେକ ଗ୍ରାମୀଣ ଘରେ ନିୟମିତ ଓ ଦୀର୍ଘକାଳୀନ ଯୋଜନାରେ ବିଶୁଦ୍ଧ ପାନୀୟ ଜଳ ଉପଲବ୍ଧ କରାଇବା ଉଦ୍ଦେଶ୍ୟରେ କେନ୍ଦ୍ର ସରକାର ଆରମ୍ଭ କରିଥିବା ‘ଜଳ ଜୀବନ ମିସନ୍‌’ରେ ଓଡ଼ିଶାକୁ ୨୦୨୦-୨୧ ପାଇଁ ୮୨୧ କୋଟି ଟଙ୍କା ମଂଜୁର କରିଛନ୍ତି। ୨୦୨୪ ସୁଦ୍ଧା ପ୍ରତ୍ୟେକ ଘରକୁ ନଳ ପାଣି ଉପଲବ୍ଧ କରାଇବା ଉଦ୍ଦେଶ୍ୟରେ କେନ୍ଦ୍ର ସରକାର ଦେଶବ୍ୟାପୀ ଜଳ ଜୀବନ ମିସନର କ୍ରିୟାନ୍ବୟନ ପାଇଁ ୩.୬୦ ଲକ୍ଷ କୋଟି ଟଙ୍କାର ବ୍ୟୟବରାଦ ରଖିଛନ୍ତି।

୩୦ ତାରିଖ ସନ୍ଧ୍ୟା ସାଢ଼େ ୫ଟା,କୋଭିଡ୍‌ ଯୋଦ୍ଧାଙ୍କ ପାଇଁ ରାଜ୍ୟ ଗାଇବ ବନ୍ଦେ ଉତ୍କଳ ଜନନୀ

ଲକ୍‌ଡ଼ାଉନ୍ ପୂର୍ବରୁ ପ୍ରଧାନମନ୍ତ୍ରୀ ଥରେ ଥାଳି, ତାଳି ବଜାଇବା ଲାଗି ଦେଶବାସୀଙ୍କୁ ଆହ୍ବାନ ଦେଇଥିଲେ। ପରବର୍ତୀ ସମୟରେ ସମଗ୍ର ଦେଶବାସୀଙ୍କୁ ପ୍ରବର୍ତାଇଥିଲେ, ଦୀପ, ଟର୍ଚ୍ଚ, ମୋବାଇଲ୍ ଲାଇଟ୍ ଜଳାଅ। ସମଗ୍ର ଦେଶ ଏହାକୁ ମାନିଥିଲା।ଦେଶ କରୋନା ସହ ବଡ଼ ଧରଣର ଲଢ଼େଇ କରୁଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଆହ୍ବାନ ଦେଇଛନ୍ତି, ‘ଯିଏ ଯେଉଁଠି ବି ଥାନ୍ତୁ, ଆସନ୍ତା ୩୦ ତାରିଖ ଦିନ ସନ୍ଧ୍ୟା ସାଢେ ପାଞ୍ଚଟାରେ ସାମାଜିକ ଦୂରତ୍ବ ରକ୍ଷା କରି ବନ୍ଦେ ଉତ୍କଳୀ ଜନନୀ ଗୀତ ଗାନ କରିବେ।

ବିପଦ କୁ ସୁଯୋଗ ରେ ପରିଣତ କରିବାର ଆହ୍ୱାନ ଦେଇଥିଲେ ପ୍ରଧାନମନ୍ତ୍ରୀ ,ଏବେ ପିପିଇ ଉପକରଣ ତିଆରି ରେ ଭାରତ ବିଶ୍ୱରେ ଦ୍ୱିତୀୟ

ବିଶ୍ୱରେ କରୋନା ମହାମାରୀକୁ ମୁକାବିଲା କରିବାରେ ସବୁଠୁ ବଡ଼ ଅସ୍ତ୍ର ଭାବେ ମାସ୍କ,ସାନିଟାଇଜର ଓ ବ୍ୟକ୍ତିଗତ ସୁରକ୍ଷା ଉପକରଣ ର ଆବଶ୍ୟକତା ଭାରତ ଯେତେବେଳେ ଅନୁଭବ କରିଥିଲା ସେତେବେଳେ ଏହା ପାଖରେ ନଥିଲା । ଭାରତ ଏସବୁ ସାମଗ୍ରୀ ଚୀନସମେତ ଅନ୍ୟ ଦେଶରୁ ଆଣିଥିଲା ।

ଆଜି ଅପରାହ୍ନରେ ପ୍ରଧାନମନ୍ତ୍ରୀ ପହଂଚିବେ ଭୁବନେଶ୍ୱରରେ,ବାତ୍ୟାଂଚଳ କରିବେ ପରିଦର୍ଶନ

ଅମ୍ଫାନର କ୍ଷୟକ୍ଷତିର ଅନୁଧ୍ୟାନ ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଓଡ଼ିଶା ଆସୁଛନ୍ତି। ପ୍ରାପ୍ତ ସୂଚନା ଅନୁଯାୟୀ, ଆଜି ଅପରାହ୍ନ ୨ଟା ୫୦ ମିନିଟ୍ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୁବନେଶ୍ବର ବିମାନବନ୍ଦରରେ ଅବତରଣ କରିବେ। ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ୨ଟା ୫୫ରେ ହେଲିକପ୍ଟରରେ ପ୍ରଧାନମନ୍ତ୍ରୀ ଅପରାହ୍ନ ରାଜ୍ୟପାଳ ପ୍ରଫେସର ଗଣେଶୀ ଲାଲ, ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରତାପ ଷଡଙ୍ଗୀ ପ୍ରମୁଖଙ୍କ ସହିତ ଆକାଶମାର୍ଗରୁ ବାତ୍ୟା ପ୍ରଭାବିତ ଅଞ୍ଚଳ ବୁଲି ଦେଖିବେ।

କେନ୍ଦ୍ର ସରକାରଙ୍କ ଯୋଜନାକୁ କାର୍ଯ୍ୟକାରୀ କରିବ ଅକ୍ଷୟ ଶକ୍ତି ବିକାଶ ସଂସ୍ଥା,ସୌର ଶକ୍ତିରେ ଆଲୋକିତ ହେବ କୋଣାର୍କ

ଓଡିଶାର କୋଣାର୍କ ମନ୍ଦିର ଓ ସହରକୁ ସଂପୂର୍ଣ୍ଣ ସୌରଶକ୍ତି ଚାଳିତ କରିବା ପାଇଁ କେନ୍ଦ୍ର ନୂତନ ଓ ଅକ୍ଷୟ ଶକ୍ତି ମନ୍ତ୍ରାଳୟ ନିଷ୍ପତ୍ତି ନେଇଛି । ଏହି ଯୋଜନା ସମ୍ପର୍କରେ ସୂଚନା ଦେଇ ଶକ୍ତି ରାଷ୍ଟ୍ରମନ୍ତ୍ରୀ ରାଜ କୁମାର ସିଂହ କହିଛନ୍ତି ଯେ, କୋଣାର୍କର ସୂର୍ଯ୍ୟ ମନ୍ଦିର ଓ ସହରକୁ ସୂର୍ଯ୍ୟନଗରୀ ଭାବେ ବିକଶିତ କରିବା ପାଇଁ ପ୍ରଧାନମନ୍ତ୍ରୀଙ୍କ ପରିକଳ୍ପନାକୁ ଦୃଷ୍ଟିରେ ରଖି ଏହି ଯୋଜନା ପ୍ରସ୍ତୁତ କରାଯାଇଛି ।

ଜୁନ ପହିଲାରୁ ଚାଲିବ ୨୦୦ ନନ-ଏସି ଟ୍ରେନ । ରାସ୍ତାରେ ଶ୍ରମିକ ଚାଲୁଥିଲେ ଷ୍ଟେସନରେ ଛାଡିବାକୁ ରାଜ୍ୟ ସରକାରଙ୍କୁ କେନ୍ଦ୍ର ରେଳମନ୍ତ୍ରୀ ପୀୟୂଷ ଗୋୟଲଙ୍କ ଅନୁରୋଧ ।

ରେଳଯାତ୍ରୀଙ୍କ ପାଇଁ ବଡ ଖବର । ଜୁନ ପହିଲାରୁ ଚାଲିବ ଟ୍ରେନ । ୨୦୦ ନନ-ଏସି ଟ୍ରେନ ପ୍ରତିଦିନ ଚାଲିବ । ଟ୍ୱିଟ କରି ସୂଚନା ଦେଲେ ରେଳ ମନ୍ତ୍ରୀ ପୀୟୂଷ ଗୋୟଲ । ତେବେ ଖୁବ ଶୀଘ୍ର ବୁକିଂ ହେବ ଅନଲାଇନ ଟିକେଟ । ସବୁ ବର୍ଗର ଲୋକଙ୍କୁ ଏହି ଟିକେଟ ମିଳିବ । ଟିକେଟ ପାଇଁ ବୁକିଂ ଜଲଦି ହେବ । ତେବେ କେଉଁ ଟାଇମ ଟେବୁଲରେ ଚାଲିବ ତାହା ପରେ ସ୍ପଷ୍ଟ କରାଯାଇନି । ତେବେ ଶ୍ରମିକଙ୍କୁ ମୁଖ୍ୟ ଷ୍ଟେସନରେ ଛାଡିବାକୁ ରେଳମନ୍ତ୍ରୀଙ୍କ ଅନୁରୋଧ ।

ଏଯାଏଁ ସ୍ଥାନାନ୍ତର ହେଲେଣି ୯୦ ହଜାର ଲୋକ । କଚ୍ଚା ଘରେ ଥିବା ଲୋକଙ୍କୁ କରାଯାଉଛି ଆଶ୍ରୟସ୍ଥଳୀକୁ ସ୍ଥାନାନ୍ତର । ବାତ୍ୟା ପରବର୍ତ୍ତୀ ସ୍ଥିତି ପାଇଁ ବି ସରକାର ପ୍ରସ୍ତୁତ

ବାତ୍ୟା ଅମ୍ଫାନ ପାଇଁ ସଜାଗ ଅଛି ଓଡିଶା । ମହାବାତ୍ୟା ମୁକାବିଲା ଏସଆରସିଙ୍କ କାର୍ଯ୍ୟାଳୟରେ ସମୀକ୍ଷା ବୈଠକ । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ସମୀକ୍ଷା ବୈଠକ । ବାଲେଶ୍ୱର, ଭଦ୍ରକ, ଜଗତସିଂହପୁର ଜିଲ୍ଲାପାଳଙ୍କ ସହ ଭିଡିଓ କନଫରେନସିଂରେ ସମୀକ୍ଷା ବୈଠକ । ତେବେ ଅମ୍ଫାନ ଆସିବା ଆଗରୁ ପ୍ରାୟ ୯୦ ହଜାର ଲୋକଙ୍କୁ ସ୍ଥାନାନ୍ତର କରାଯାଇଥିବା ମୁଖ୍ୟ ସଚିବ ସୂଚନା ଦେଇଛନ୍ତି

କରୋନା କ୍ଷତର ଭରଣା ,କୃଷି ପାଇଁ ୧.୬୩ ଲକ୍ଷ କୋଟି

କରୋନା କ୍ଷତର ଭରଣା ପାଇଁ କେନ୍ଦ୍ର ସରକାର ଆପ୍ରାଣ ପ୍ରୟାସ ଚଳାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଥିବା ୨୦ ଲକ୍ଷ କୋଟି ଟଙ୍କାର ‘ଆତ୍ମନିର୍ଭର ଭାରତ ଅଭିଯାନ’ର ତୃତୀୟ ପର୍ଯ୍ୟାୟରେ କୃଷି କ୍ଷେତ୍ର ଉପରେ ଜୋର୍‌ ଦିଆଯାଇଛି। କରୋନା ସଙ୍କଟ ଦ୍ବାରା ପ୍ରଭାବିତ ହୋଇଥିବା ଚାଷୀକୁଳ ଏବଂ କୃଷି କ୍ଷେତ୍ରର ସମସ୍ୟା ଦୂର କରିବା ଲାଗି ପ୍ରୟାସ କରାଯାଇଛି। କୃଷି ଓ ଆନୁଷଙ୍ଗିକ କ୍ଷେତ୍ର ଲାଗି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ୧.୬୩ ଲକ୍ଷ କୋଟି ଟଙ୍କାର ପ୍ୟାକେଜ୍ ଘୋଷଣା କରିବା ସହ ବ୍ୟାପକ ସଂସ୍କାର ନେଇ ସୂଚନା ଦେଇଛନ୍ତି।

ଖୁସି ଖବର,ରାଜ୍ୟର ୧୪ ବର୍ଷରୁ କମ ବୟସର ସମସ୍ତ ୨୦ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି

ଶିଶୁମାନେ କରୋନା ଭାଇରସକୁ ଭଲ ମୁକାବିଲା କରିପାରୁଛନ୍ତି । ଓଡ଼ିଶାରେ ଏହା ପ୍ରମାଣିତ ହୋଇଛି । ରାଜ୍ୟରେ ବିଗତ ଦିନରେ ୨୦ ଜଣ ଶିଶୁ କରୋନା ଭାଇରସ ସଂକ୍ରମଣର ଶିକାର ହୋଇଥିଲେ । ଏମାନଙ୍କର ବୟସ ୧୪ବର୍ଷରୁ କମ ଥିଲା । କିନ୍ତୁ ଏବେ ଏମାନେ ସଂପୂର୍ଣ୍ଣ ରୂପେ ସୁସ୍ଥ ହୋଇ ଘରକୁ ଫେରିଛନ୍ତି ।

ସରପଞ୍ଚ ବି କରୋନା ଯୋଦ୍ଧା,ମିଳିବ ୫୦ ଲକ୍ଷର ବୀମା ରାଶି

ସରପଞ୍ଚଙ୍କୁ କରୋନା ଯୋଦ୍ଧାର ମାନ୍ୟତା ଦେଇଛନ୍ତି ରାଜ୍ୟ ସରକାର । ପୂର୍ବରୁ ଏହି ତାଲିକାରେ ଡ଼ାକ୍ତର, ପୁଲିସ, ସ୍ବାସ୍ଥ୍ୟକର୍ମୀଙ୍କୁ ରଖା ଯାଇଥିଲା । ଏବେ ସରପଞ୍ଚ ବି କରୋନା ଯୋଦ୍ଧାର ମାନ୍ୟତା ପାଇଛନ୍ତି । ଗ୍ରାମାଞ୍ଚଳରେ କ୍ବାରେଣ୍ଟାଇନ ସେଣ୍ଟର ପରିଚାଳନାରେ ସରପଞ୍ଚଙ୍କ ଭୂମିକା ଅତ୍ୟନ୍ତ ଗୁରୁତ୍ବପୂର୍ଣ୍ଣ ଥିବାରୁ ତାଙ୍କୁ ଯୋଦ୍ଧାର ମାନ୍ୟତା ଦିଆଯାଇଛି ।

ପ୍ରବାସୀ ଶ୍ରମିକଙ୍କ ପାଇଁ ଚିନ୍ତା,ଦୁଇମାସ ପାଇଁ ମାଗଣା ଖାଦ୍ୟଶସ୍ୟ, ଶସ୍ତାରେ ଭଡ଼ାଘର

ଲକ୍ ଡାଉନ୍ ଯୋଗୁଁ ପ୍ରଭାବିତ ପ୍ରବାସୀ ଶ୍ରମିକମାନଙ୍କୁ ଆସନ୍ତା ୨ ମାସ ଲାଗି ମାଗଣା ଖାଦ୍ୟଶସ୍ୟ ଯୋଗାଇ ଦିଆଯିବ। ସେମାନଙ୍କ ରହିବା ଲାଗି ଶସ୍ତାରେ ଭଡ଼ା ଘରର ବ୍ୟବସ୍ଥା କରାଯିବ। ‘ଗୋଟିଏ ଦେଶ ଗୋଟିଏ ରାସନ କାର୍ଡ’ ବ୍ୟବସ୍ଥା ଆସନ୍ତା ବର୍ଷ ମାର୍ଚ ସୁଦ୍ଧା ଶତ ପ୍ରତିଶତ କାର୍ଯ୍ୟକାରୀ ହେବ।

ଲକ୍ଷାଧିକ ନିଯୁକ୍ତି ସୃଷ୍ଟି କରିବ କେନ୍ଦ୍ର ସରକାରଙ୍କ ଆର୍ଥିକ ପ୍ୟାକେଜ -ମୁଖ୍ୟମନ୍ତ୍ରୀ ଓଡିଶା

କେନ୍ଦ୍ର ସରକାରଙ୍କ ପକ୍ଷରୁ ଦେଶର ଅର୍ଥନୀତିକୁ ପୁନରୁଦ୍ଧାର କରିବା ପାଇଁ ଘୋଷଣା କରାଯାଇଥିବା ଆର୍ଥିକ ପ୍ୟାକେଜ୍‌ ଦେଶର ଲଘୁ, କ୍ଷୁଦ୍ର ଏବଂ ମଧ୍ୟମ (ଏମ୍‌ଏସ୍‌ଏମ୍‌ଇ) ଉଦ୍ୟୋଗ ପାଇଁ ଏକ ନୂଆ ଆଶା ସୃଷ୍ଟି କରିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି। ଏହି ଆର୍ଥିକ ପ୍ୟାକେଜ୍‌ ଦେଶର ବୃହତ୍‌ ଏମ୍‌ଏସ୍‌ଏମ୍‌ଇ କ୍ଷେତ୍ରରେ କାର୍ଯ୍ୟରତ ଶ୍ରମିକଙ୍କ ପାଇଁ ଲକ୍ଷାଧିକ ନିଯୁକ୍ତି ସୃଷ୍ଟି କରିବ। ନିଯୁକ୍ତି ସୃଷ୍ଟି ଏବଂ ଆର୍ଥିକ ପୁନରୁଦ୍ଧାର ନିମନ୍ତେ ଅଣାଯାଇଥିବା ଏହି ପ୍ୟାକେଜ୍‌ କୋଭିଡ୍‌ -୧୯ ମହାମାରୀ ଏବଂ ଏହାର ପରବର୍ତ୍ତୀ ସମୟରେ ହୋଇଥିବା ଲକ୍‌ଡାଉନ୍‌ ଯୋଗୁଁ ପ୍ରଭାବିତ ଶ୍ରମିକ ଶ୍ରେଣୀର ​ଲୋକଙ୍କ ସମସ୍ୟା ଦୂର କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି।

ପିଏମ୍‌ କେୟାର୍ସରୁ ୩୧୦୦ କୋଟି ମଞ୍ଜୁର,ପ୍ରବାସୀ ଶ୍ରମିକଙ୍କ ପାଇଁ ଖର୍ଚ୍ଚ ହେବ ୧୦୦୦ କୋଟି

ପ୍ରଧାନମନ୍ତ୍ରୀ କେୟାର୍ସ ପାଣ୍ଠି ଟ୍ରଷ୍ଟରୁ କେନ୍ଦ୍ର ସରକାର କୋଭିଡ୍‌-୧୯ ମୁକାବିଲା ପାଇଁ ୩୧୦୦ କୋଟି ଟଙ୍କା ଆଜି ମଞ୍ଜୁର କରିଛନ୍ତି। ୩୧୦୦ କୋଟି ଟଙ୍କା ମଧ୍ୟରୁ ପ୍ରାୟ ୨୦୦୦ କୋଟି ଟଙ୍କାରେ ଭେଣ୍ଟିଲେଟର କିଣାଯିବ। ‌ଏଥିସହିତ ପ୍ରବାସୀ ଶ୍ରମିକଙ୍କ ପାଇଁ ୧୦୦୦ କୋଟି ଟଙ୍କା ପ୍ରଦାନ କରାଯାଇଥିବାବେଳେ ଟିକାର ବିକାଶ ପାଇଁ ୧୦୦ କୋଟି ଟଙ୍କା ବିନିଯୋଗ ହେବ। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଆଜି ‌ଏହି ଘୋଷଣା କରାଯାଇଛି।


First Previous
1 2 3 4 5 6
Next Last Page 1 of 6

Recent Post