ସଂଚୟକାରୀଙ୍କ ପାଇଁ ସୁଖବର, ବଢିଲା ସ୍ୱଳ୍ପ ସଂଚୟ ଯୋଜନାରେ ସୁଧ ହାର

ପବ୍ଲିକ ପ୍ରୋଭିଡ଼େଣ୍ଟ ଫଣ୍ଡ (ପିପିଏଫ୍) ଜାତୀୟ ସଂଚୟ ପ୍ରମାଣ ପତ୍ର (ଏନଏସସି) ସୁକନ୍ୟା ସମୃଦ୍ଧି ଯୋଜନା ଏବଂ ଡ଼ାକଘର ଅବଧି ଯୋଜନା(ଆରଡ଼ି) ଆଦି ସ୍ୱଳ୍ପ ସଂଚୟ ଯୋଜନାରେ ସଂଚୟକାରୀଙ୍କ ପାଇଁ ଆସିଛି ଭଲ ଖବର । କେନ୍ଦ୍ର ସରକାର ଏହାର ସୁଧହାରରେ ୪୦ ବେସିକ ପଏଣ୍ଟ ବା ୦.୪% ବୃଦ୍ଧି କରିଛନ୍ତି । ଅକ୍ଟୋବରରୁ ଡ଼ିସେମ୍ବର ମଧ୍ୟରେ ଏହି ସଂଶୋଧିତ ସୁଧ ଲାଗୁ ହେବ ।

ମିରଠରୁ ଅଷ୍ଟ୍ରେଲିଆ ଯିବ ଗଣପତିଙ୍କ ମୂର୍ତ୍ତି, ଜାଣନ୍ତୁ ମୂର୍ତ୍ତିର ବୈଶିଷ୍ଟ୍ୟତା

ଗଣେଷ ଚତୁର୍ଥି ଅବସରରେ ମିରଠରେ ପୂଜା ପାଇଥିବା ଗଜାନନଙ୍କ ମୂର୍ତ୍ତି ଏବେ ସାତ ସମୁଦ୍ର ପାର ହୋଇ ବିଦେଶ ମାଟିକୁ ଯିବ । ମିରଠର ଏକ କମ୍ପାନୀ ୨୫ ହଜାର ଗଣେଷ ମୂର୍ତ୍ତିଙ୍କୁ ଅକ୍ଟୋବର ସୁଦ୍ଧା ଅଷ୍ଟ୍ରେଲିଆରେ ପହଂଚାଇବ । ସେଗୁଡ଼ିକର ଏକ ଭବ୍ୟ ପ୍ରଦର୍ଶନ ଦୀପାବଳୀରେ କରାଯିବ । ଏହି ସବୁ ମୂର୍ତ୍ତି ୱାଟର ପ୍ରୁଫ୍ ହେବା ସାଙ୍ଗକୁ ପରିବେଶ ପାଇଁ ଅନୁକୂଳ ।

ଏବେ କଲେଜରେ ଚା ଦୋକାନ ଚଳାଇବେ ଛାତ୍ର, ହେବେ ବ୍ୟବସାୟୀ

ମିରଠ ଏବଂ ସହାରନପୁରର କେତେକ ଡ଼ିଗ୍ରୀ କଲେଜରେ ଛାତ୍ରଙ୍କ ଭିତରେ ଷ୍ଟାର୍ଟଅପ ବିକଶିତ କରିବାର ଏକ ନୂଆ ଯୋଜନା ପ୍ରସ୍ତୁତ କରାଯାଇଛି । କଲେଜରେ ଛାତ୍ରଛାତ୍ରମାନଙ୍କୁ ଇଣ୍ଡଷ୍ଟ୍ରିର କଳା କୌଶଳତା ଶିଖାଇ ଦିଆଯିବ । କଲେଜ ଗୁଡ଼ିକରୁ ମତାମତ ଲୋଡ଼ାଯାଇଛି । ଶିଳ୍ପ ପରିଚାଳକ କଲେଜ ଗୁଡ଼ିକୁ ବୁଲି ଦେଖିଛନ୍ତି । ଅପରପକ୍ଷରେ କଲେଜ ସ୍ତରରୁ ଛାତ୍ରଛାତ୍ରୀଙ୍କ ମଧ୍ୟରୁ କମ୍ ପୁଞ୍ଜିନିବେଶରେ ନିଜର ଷ୍ଟାର୍ଟଅପକୁ ଆଗକୁ କିଭଳି ନେଇ ହେବ ସେ ଦିଗରେ ଶିକ୍ଷା ଦିଆଯିବ । ଏଥିପାଇଁ ଏକ ନମୁନା ପ୍ରକଳ୍ପର ଅଂଶ ସ୍ୱରୂପ କଲେଜରେ ଛାତ୍ରଛାତ୍ରୀମାନଙ୍କୁ ନେଇ ଟି-ଷ୍ଟ୍ରଲ ଖୋଲି ଷ୍ଟାର୍ଟଅପ ଶିଖିପାରିବେ ।

ଗ୍ରାମୀଣ ମହିଳାଙ୍କୁ ସଶକ୍ତ କରାଇଛି ଦୁଗ୍ଧ ସମବାୟ

କେନ୍ଦ୍ରାପଡ଼ା ଜିଲ୍ଲା ବଳାନନ୍ଦପୁର ଗାଁର ୩୮ ବର୍ଷ ବୟସ୍କା କଲ୍ୟାଣୀ ରାଉତ ଗାଁରେ ଦୁଗ୍ଧ ସମବାୟ ସମିତି ପରିଚାଳନା କରି ୧୪୦ ପରିବାରର ରୋଜଗାର ବୃଦ୍ଧିରେ ସହଯୋଗ କରି ପ୍ରଶଂସା ଅର୍ଜିଛନ୍ତି ।

ଭୁବନେଶ୍ୱରରେ ଖୋଲିଲା ଟ୍ରାଇବସ ଇଣ୍ଡିଆ ଆଉଟଲେଟ, ମିଳିବ ସାରା ଦେଶର ଜନଜାତି ବ୍ୟବହୃତ ସାମଗ୍ରୀ

ଭୁବନେଶ୍ୱର ସତ୍ୟନଗର ନିକଟରେ ଟ୍ରାଇବସ ଇଣ୍ଡିଆର ନୁଆ ଆଉଟଲେଟ ଖୋଲିଛି । କେନ୍ଦ୍ର ଆଦିବାସୀ କଲ୍ୟାଣ ମନ୍ତ୍ରୀ ଜୁଏଲ ଓରାମ ଏହାକୁ ଲୋକାର୍ପିତ କରି ଏହା ସମଗ୍ର ଉତ୍ତରପୂର୍ବ ରାଜ୍ୟର ଜନଜାତି ସାମଗ୍ରୀ କ୍ଷେତ୍ରରେ ଏକ ମେଗା ସୋ ରୁମ ହେବ ବୋଲି ସୂଚାଇଥିଲେ । ଏହି ଆଉଟଲେଟରେ ପାରମ୍ପରିକ ଜନଜାତି ହସ୍ତକଳା, ସାର୍ଟ କୁର୍ତ୍ତା, କୁର୍ତ୍ତି, ହସ୍ତତନ୍ତ, ବିଭିନ୍ନ ଘର କରଣା, ଅଳଙ୍କାର, ଘର ସାଜସଜ୍ଜା ସାମଗ୍ରୀମାନ ବିକ୍ରୀ ପାଇଁ ସୁବ୍ୟବସ୍ଥା ରହିଛି ।

ଭାରତୀୟ ଗ୍ରାହକଙ୍କ ପାଇଁ ଆମାଜନ ହିନ୍ଦୀରେ ଆରମ୍ଭ କଲା କିଣାକିଣି ସୁବିଧା

ଏବେ ଗ୍ରାହକ କୌଣସି ବି ସମାନ ହିନ୍ଦୀରେ ଖୋଜିପାରିବେ । ଆମାଜନର ଏହି ପଦକ୍ଷେପ ପ୍ରତିଦ୍ୱନ୍ଦୀ ଫ୍ଲିପକାର୍ଟର ଗତିରୋଧ ପାଇଁ ଆରମ୍ଭ ହୋଇଛି ବୋଲି କୁହାଯାଉଛି । ପ୍ରକୃତ କଥା ହେଉଛି ଅନଲାଇନ ରିଟେଲ କମ୍ପାନୀମାନେ ଅର୍ଦ୍ଦସହର ଓ ଗ୍ରାମାଂଚଳର ଗ୍ରାହକମାନଙ୍କୁ ପ୍ରଲୁବ୍ଧ କରିବା ପାଇଁ ଏଭଳି ପଦକ୍ଷେପ ନେଉଛନ୍ତି ।

ରାଜ୍ୟରେ ୧୮ ବର୍ଷରେ ସୃଷ୍ଟି ହୋଇଛନ୍ତି ୪୫ ହଜାର ମହିଳା ଉଦ୍ୟୋଗୀ

ରାଜ୍ୟରେ ଉଦ୍ୟୋଗ ପ୍ରତିଷ୍ଠା ଓ ପରିଚାଳନା ଦିଗରେ ମହିଳାଙ୍କ ସଂଖ୍ୟା ଯୋଡ଼ି ହେବାରେ ଲାଗିଛି । ୧୯୯୦-୯୧ ମସିହାରୁ ୨୦୧୭-୧୮ ୧୮ ବର୍ଷ ମଧ୍ୟରେ ମହିଳା ଉଦ୍ୟୋଗୀମାନେ ୪୫,୭୩୦ ଟି ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ପ୍ରତିଷ୍ଠା କରିଛନ୍ତି । ଏହି ଉଦ୍ୟୋଗ ଗୁଡ଼ିକରେ ପାଖାପାଖି ୨ଲକ୍ଷରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି ହୋଇଛି । ୨୦୧୫-୧୬ ମସିହାରେ ମହିଳାଙ୍କ ଦ୍ୱାରା ରାଜ୍ୟରେ ସର୍ବାଧିକ ୧୨,୫୮୦ଟି ଉଦ୍ୟୋଗ ସୃଷ୍ଟି ହୋଇଛି ବୋଲି ସମ୍ବଲପୁର ବିଧାୟିକା ରାସେଶ୍ୱରୀ ପାଣିଗ୍ରାହୀଙ୍କ ପ୍ରଶ୍ନର ଉତ୍ତରରେ ଏମଏସଏମଇ ମନ୍ତ୍ରୀ ପ୍ରଫୁଲ୍ଲ ସାମଲ ଏହି ତଥ୍ୟ ଦେଇଛନ୍ତି ।

ବାଇଗଣ ଚାଷରୁ ଛତିଶଗଡ଼ର ଚାଷୀ ପାଉଛନ୍ତି ବର୍ଷକୁ ୧୦ ଲକ୍ଷ ଟଙ୍କାର ରୋଜଗାର

ଛତିଶଗଡ଼ର ଚାଷୀମାନେ ବାଇଗଣ ଚାଷ କରି ବାର୍ଷିକ ଲକ୍ଷାଧିକ ଟଙ୍କା ଆୟ କରୁଥିବା ଭଳି ଏକ ସୁସମ୍ବାଦ ସାମ୍ନାକୁ ଆସିଛି । କେତେକ ଚାଷୀ ଏକ ଏକର ଜମିରେ ୪୦ ହଜାର ଟଙ୍କା ପୁଞ୍ଜି ଖଟାଇ ପାଂଚ ଲକ୍ଷ ଟଙ୍କାର ଆୟ ପାଇଛନ୍ତି ।

ବିହାରର ଏହି ଦୁଇ ଯୁବକ ଚାକିରୀ ଛାଡ଼ି ଆରମ୍ଭ କଲେ ଚାଷ, ଚାଷୀଙ୍କୁ ମିଳିଗଲା ରୋଜଗାର

ଧୀରେନ୍ଦ୍ର ଏବଂ ଆଦିତ୍ୟଙ୍କ ମଧ୍ୟରେ ଥିଲା ବନ୍ଧୁତା । ଏବେ ବିଗତ ୨ବର୍ଷ ଧରି ଦୁହେଁ ପାଲଟି ଯାଇଛନ୍ତି ବ୍ୟବସାୟିକ ଅଂଶୀଦାର । ମ୍ୟାନେଜମେଣ୍ଟ ଓ ଆଇନ ଶିକ୍ଷା ପରେ ଧୀରେନ୍ଦ୍ର ଏବଂ ବହୁ ରାଷ୍ଟ୍ରୀୟ କମ୍ପାନୀରେ ଏବଂ ମାଇକ୍ରୋବାଇଓଲୋଜି ପରେ ଆଦିତ୍ୟ ପ୍ରବାସୀ ଭାରତୀୟ ଭାବେ ନିଜ ନିଜ କ୍ଷେତ୍ରରେ ନିୟୋଜିତ ଥିଲେ । ଉଭୟେ ମତ ବିନିମୟ କରି ଚାକିରି ଛାଡ଼ିଲେ ଓ ନିଜର ରୋଜଗାର ସହ ଚାଷୀଙ୍କୁ ଆତ୍ମ ନିର୍ଭରଶୀଳତାର ଶିକ୍ଷା ଦେବା ପାଇଁ ଆରମ୍ଭ କଲେ ଆଧୁନିକ କୃଷି ।

୯୯୯ ଟଙ୍କାରେ ବିମାନ ଯାତ୍ରା, ଆଜିଠୁ ୪ ଦିନ ପାଇଁ ଏ ସୁବିଧା ଦେଉଛି ଇଣ୍ଡିଗୋ

ଦେଶର ସବୁଠୁ ବଡ଼ ବିମାନ କମ୍ପାନୀ ଇଣ୍ଡିଗୋ ନିଜର ୧୦ ଲକ୍ଷ ସିଟର ସେଲ ଆରମ୍ଭ କରିଛି । ଏହା ଅନୁଯାୟୀ ଟିକଟର ମୂଲ୍ୟର ୯୯୯ ଟଙ୍କାରୁ ଆରମ୍ଭ ହେଉଛି । ସୀମିତ ସମୟ ପାଇଁ ଏହି ସେଲରେ ଗୋଟିଏ ପଟର ବିମାନ ଭଡ଼ା ବାବଦକୁ ୯୯୯ ଟଙ୍କା ଯାତ୍ରୀ ଭଡ଼ା ଧାର୍ଯ୍ୟ କରାଯାଇଥିବା କମ୍ପାନୀ କହିଛି ।

ଏପରି ଆରମ୍ଭ କରନ୍ତୁ ସିମେଣ୍ଟରୁ ଇଟା ତିଆରି ବ୍ୟବସାୟ, ପ୍ରତି ମାସରେ ହେବ ଲକ୍ଷାଧିକ ଟଙ୍କାର ରୋଜଗାର

ନିୟମିତ ରୋଜଗାର ପାଇଁ ଭଲ ଏକ ବ୍ୟବସାୟ ଖୋଜୁଥିବାବେଳେ ଫ୍ଲାଇଆସ ଇଟା ତିଆରି ଏକ ଭଲ ଉପାୟ ହୋଇପାରିବ । ଫ୍ଲାଇଆସ ଇଟାକୁ ସାଧାରଣରେ ସିମେଣ୍ଟ ଇଟା ବୋଲି କୁହାଯାଇଥାଏ । ଏଥିରୁ ବେଶ ଦୁଇ ପଇସା ରୋଜଗାର ହେବାର ସମ୍ଭାବନା ଅଛି ।

ଏ ହେଉଛି ବିଜୁଳିରେ ଚାଲୁଥିବା ସ୍କୁଟର : ମୋବାଇଲରେ ହେବ ନିୟନ୍ତ୍ରଣ, ଚୋରୀ ହେଲେ ଚାଲିବା ହୋଇଯିବ ବନ୍ଦ

ଭାରତର ଏକ ଷ୍ଟାର୍ଟଅପ୍ କମ୍ପାନୀ ଟ୍ୱେଣ୍ଟିଟୁ ମୋଟର ନିକଟରେ ନିଜର ପ୍ରଥମ ବୈଦ୍ୟୁତିକ ସ୍କୁଟର ର ଶୁଭାରମ୍ଭ କରିଛି । ଦିଲ୍ଲୀର ଅଟୋ ଏକ୍ସପୋ-୨୦୧୮ରେ ଏହାକୁ ଉପସ୍ଥାପିତ କରାଯାଇଥିଲା । ମାତ୍ର ୮୫ କିଲୋଗ୍ରାମ ଓଜନର ଏହି ସ୍କୁଟର ଥରେ ଚାର୍ଯ୍ୟ ହେଲେ ୮୦ କିମି ଯାଏ ଚାଲିପାରିଥାଏ ।

Sumanta-pradhan-sells-village-farmers-product-in-new-accent

ନିଜେ ସ୍ୱାବଲମ୍ବୀ ହେବା ସହ ଗାଁ ଚାଷୀଙ୍କ ଉତ୍ପାଦ ବିକ୍ରୀରେ ସହୟତାର ହାତ ବଢାଇ ଦେଇଛନ୍ତି ନୟାଗଡ଼ ଜିଲ୍ଲାର ଜଣେ ୨୨ ବର୍ଷର ଯୁବକ ସୁମନ୍ତ ପ୍ରଧାନ । ସୁମନ୍ତ ନୟାଗଡ଼ ଜିଲ୍ଲାର ଦୁଗ୍ଧ ଚାଷୀଙ୍କ ଠାରୁ ଛେନା କିଣି ନିଜେ ତିଆରି କରୁଛନ୍ତି ସ୍ୱାଦିଷ୍ଟ ଛେନା ପୋଡ଼ । ଦ୍ୱାର ମୁହଁରେ ଛେନା ପୋଡ଼ ପହଂଚାଇ ଦେବାର ସେବା ଯୋଗାଉଥିବା ସୁମନ୍ତଙ୍କୁ ରାଜଧାନୀର ବିଭିନ୍ନ ଜନ ଗହଳିପୂର୍ଣ୍ଣ ଛକରେ ଛେନା ପୋଡ଼ ବିକ୍ରୀ କରୁଥିବା ଦେଖାଯାଉଛି । ଗୋଟିଏ ଟେବୁଲ ଉପରେ ଛେନା ପୋଡ଼କୁ ସଜାଇ ସେ ଗ୍ରାହକଙ୍କ ଦୃଷ୍ଟି ଆକର୍ଷଣ କରିଥାନ୍ତି । ଆମ ଗାଁ ଚାଷୀ ହାତ ତିଆରି ପଡ଼କ୍ଟ ଲେଖାଥିବା ସୁମନ୍ତଙ୍କ ଏକ ବ୍ୟାନର ଗ୍ରାହକଙ୍କୁ ଅଟକାଇ ଦିଏ । ସହରବାସୀଙ୍କୁ ଗାଁ ସ୍ମୃତି ମନେପକାଇ ଦିଏ ତାଙ୍କର ଏହି ଛୋଟ ବ୍ୟାନର । ଗ୍ରାହକ ଅଟକିଲେ ସୁମନ୍ତଙ୍କ ବ୍ୟବସାୟ ହୁଏ । ଛେନା ପୋଡ଼ର ମିଠା ଠାରୁ ସୁମନ୍ତଙ୍କ ବ୍ୟବସାୟ ହୁଏ । ଛେନା ପୋଡ଼ର ମିଠା ଠାରୁ ସୁମନ୍ତଙ୍କ ବ୍ୟବହାରର ମିଠା ଗ୍ରାହକଙ୍କୁ ଆକର୍ଷିତ କରୁଥିବା ଅନୁଭବ ହୋଇଥିଲା ।

ସ୍ୱାଧୀନତା ଦିବସ ଅବସରରେ ବିଏସଏନଏଲର ଲୋଭନୀୟ ପ୍ଲାନ, ୯ ଟଙ୍କାରେ ମିଳିବ ଅସୀମିତ କଲ୍ ଓ ୨ଜିବି ଡ଼ାଟା

୭୨ତମ ସ୍ୱାଧୀନତା ଦିବସ ଅବସରରେ ବିଏସଏନଏଲର ନୂଆ ଫ୍ରିଡ଼ମ ପ୍ୟାକର ପ୍ରଚଳନ କରାଯାଇଛି । ସୀମିତ ଅବଧି ପାଇଁ ବିଏସଏନଏଲ ୯ ଟଙ୍କା ଏବଂ ୨୯ ଟଙ୍କାରେ ଦୁଇ ପ୍ରକାର ପ୍ୟାକର ବଜାର ପ୍ରବେଶ କରାଇଛି ।

ଜୈବିକ ଚାଷରୁ କରନ୍ତୁ ରୋଜଗାର, ସରକାର ଦେଉଛନ୍ତି ତାଲିମ ଓ ପ୍ରୋତ୍ସାହନ

ଦିନକୁ ଦିନ ବଜାରରେ ଜୈବିକ ଉତ୍ପାଦର ଚାହିଦା ବଢିବା ଦେଖାଯାଉଛି । ୨୦୨୦ ସୁଦ୍ଧା ଦେଶର ଜୈବିକ ଉତ୍ପାଦ ବଜାର ୧୨ ହଜାର କୋଟି ଟଙ୍କା ଛୁଇଁବ ବୋଲି ଏକ ରିପୋର୍ଟରୁ ଜଣାପଡ଼ିଛି । ଜୈବିକ ଉତ୍ପାଦ ପ୍ରତି ସୃଷ୍ଟି ହୋଇଥିବା ସମ୍ଭାବନାକୁ ଦେଖି କେନ୍ଦ୍ରସରକାର ବେରୋଜଗାର ଯୁବକମାନଙ୍କ ପାଇଁ କୃଷି ବ୍ୟବସାୟର ମନ୍ତ୍ର ଶିକ୍ଷା ଦିଆଯିବାର ପ୍ରାବଧାନ ସୃଷ୍ଟି କରାଯାଇଛି ।

ପଞ୍ଜାବର ଏହି ଚାଷୀ କାକୁଡ଼ି ଚାଷରୁ ୪ ମାସରେ ପାଇଛନ୍ତି ୧୮ ଲକ୍ଷ ଟଙ୍କାର ରୋଜଗାର

ପାରମ୍ପରିକ ଧାନ, ଗହମ ଅପେକ୍ଷା ପଲି ହାଉସରେ ଦେଶୀ କାକୁଡ଼ି ଚାଷ କରି ପଞ୍ଜାବର ଯୁବ ଚାଷୀ ବଲଜିନ୍ଦର ସିଂହ ୪ ମାସରେ ୧୮ ଲକ୍ଷ ଟଙ୍କାର ଆୟ ପାଇପାରିଛନ୍ତି ।

୨୫ ହଜାର ଟଙ୍କାରେ ଆରମ୍ଭ କରନ୍ତୁ ଝୋଟ ବ୍ୟାଗ ତିଆରି ୟୁନିଟ୍, ବର୍ଷକୁ ହେବ ୪ ଲକ୍ଷ ଲଙ୍କାର ଆୟ

ଯଦି କମ୍ ପୁଞ୍ଜି ନିବେଶରେ କିଛି ବ୍ୟବସାୟ ଆରମ୍ଭ କରିବାକୁ ଚିନ୍ତା କରୁଥାନ୍ତି ତେବେ ଝୋଟ ତିଆରି ବ୍ୟାଗ ୟୁନିଟ ଖୋଲିବା କଥା ଚୂଡ଼ାନ୍ତ କରନ୍ତୁ । ଏଥିପାଇଁ ଆପଣଙ୍କୁ ୬୫ ପ୍ରତିଶତ ମୁଦ୍ରା ଋଣ ମିଳିପାରିବ । ୨୫ ପ୍ରତିଶତ ସୁଧ ମୁକ୍ତ ଋଣ ନ୍ୟାସନାଲ ସେଣ୍ଟର ଫର ଜୁଟ ଡ଼ାଇଭରଫିକେଶନ ଠାରୁ ମିଳିପାରିବ ।


First Previous
1 2 3 4 5
Next Last Page 1 of 5

Recent Post