ଚାଷୀଙ୍କ ମୁହଁରେ ହସ ଆଣିଦେଲା ସବଜି କୁଲର

ଓଡ଼ିଶାର ଅନେକ ଚାଷୀଙ୍କ ପାଇଁ ଶୀତଳ ଭଣ୍ଡାର ଦୂରସ୍ବପ୍ନ ହୋଇ ରହିଥିବା ବେଳେ ସୁନ୍ଦରଗଡ଼ ର ଚାଷୀ ମାନେ ଏବେ ଘର ପାଖରେ କମ ଖର୍ଚ୍ଚରେ ପାଇଯାଇଛନ୍ତି ଶୀତଳ ଭଣ୍ଡାର ଭଳି ପରିବା ସାଇତି ରଖିବା ଭଳି ବ୍ୟବସ୍ଥା। ଏହାକୁ ସେମାନେ ସବଜି କୁଲର ବୋଲି କହୁଛନ୍ତି । ମୁମ୍ବାଇର ଏକ ପ୍ରଯୁକ୍ତି ସଂସ୍ଥା ଆବଶ୍ୟକୀୟ କୌଶଳ ଓ ଜ୍ଞାନ ଦେଇଛି

ରାବଣମୂର୍ତ୍ତି ଓ ମୁଖା କଳାକାର ଏବେ ଵୃତ୍ତିହରା

କରୋନା କଟକଣା କୋହଳ ହେବା ପରଠାରୁ ବିଭିନ୍ନ ବର୍ଗର ଶ୍ରମିକ, ବେପାରୀ ଓ ବ୍ୟବସାୟିକ ପ୍ରତିଷ୍ଠାନ କିଛି କିଛି ରୋଜଗାର ପାଇଲେଣି। ବହୁ ଘରୋଇ ସଂସ୍ଥାର କିଛି କିଛି ଛଟେଇ କର୍ମଚାରୀ ପୁଣି ନିଯୁକ୍ତି ପାଇଲେଣି। ଆର୍ଥିକ ସ୍ଥିତି ବିଗିଡ଼ି ଯାଇଥିବା ବହୁ ପରିବାରରେ ଧୀରେ ଧୀରେ ସ୍ବାଭାବିକ ଅବସ୍ଥା ଆସୁଥିବା ଦେଖାଗଲାଣି। କିନ୍ତୁ ଏବେ ବି ବହୁ ବର୍ଗର ଶ୍ରମିକ ଓ କଳାକାର ଭୋକ ଉପାସରେ ଦିନ କାଟିବାକୁ ବାଧ୍ୟ ହେଉଛନ୍ତି। ସେମାନଙ୍କ ଉପରୁ କରୋନା ସଂକଟ ଟଳିବା ନାଁ ଧରୁନାହିଁ। ବିଶେଷକରି କଳାକାରମାନେ ବଡ଼ ହନ୍ତସନ୍ତ ହେଉଛନ୍ତି। ସେମିତି ଅବସ୍ଥା ଏବେ ରାବଣ ମୂର୍ତ୍ତି କାରିଗରମାନଙ୍କର।ଦଶହରା ଦିନ ରାଜଧାନୀରେ ହୁଏ ରାବଣ ପୋଡ଼ି।

ବ୍ରାଜକ ପକ୍ଷୀଙ୍କ କଳରବ ରେ ମୁଖରିତ ହେଲାଣି ଚିଲିକା

ଚିଲିକା ହ୍ରଦକୁ ଏବେ ଅସିଲେଣି ବିଦେଶୀ ପକ୍ଷୀ। ସୁଦୂର କାଜକ୍‌ସ୍ଥାନ, ସାଇବେରିଆ, ଅଷ୍ଟ୍ରେଲିଆ, କାନାଡ଼ା, ଫ୍ରାନ୍ସ ଆଦି ବରଫାବୃତ୍ତ ଅଞ୍ଚଳରୁ ହଜାର ହଜାର କିଲୋମିଟର ଉଡ଼ିଆସି ‌ଏହି ବିଦେଶୀ ପକ୍ଷୀ ଏବେଠାରୁ ନୀଳାମ୍ବୁ ଚିଲିକାର ଶୋଭାବର୍ଦ୍ଧନ କଲେଣି। ସାଧାରଣତଃ ପ୍ରତ୍ୟେକବର୍ଷ ଅକ୍ଟୋବର ମାସ ପ୍ରଥମ କିମ୍ବା ଦ୍ୱିତୀୟ ସପ୍ତାହରେ ଏହି ବିଦେଶାଗତ ପକ୍ଷୀମାନେ ଚିଲିକାକୁ ଆସିଥା’ନ୍ତି। ଚଳିତବର୍ଷ ମଧ୍ୟ ଇଂରାଜୀ ଅକ୍ଷର ‘ଭି’ ଭଳି ଆକୃତିର ଆକାଶରେ ଉଡ଼ି ଆସୁଥିବା ଦେଖାଯାଇଥିଲା

କିଲୋ ୬୦ ଛୁଇଁଲା ପିଆଜ

ପୁଣି ପିଆଜ ଦର ବୃଦ୍ଧି ଘଟିଛି। ମଙ୍ଗଳବାର ରାଜଧାନୀର ଖୁଚୁରା ବଜାରରେ ପିଆଜ କିଲୋ ୬୦ ଟଙ୍କା ଛୁଇଁଛି। ଆମଦାନୀରେ କୌଣସି ପ୍ରଭାବ ପ୍ରଭାବ ପଡ଼ିନଥିଲେ ହେଁ ମହାରାଷ୍ଟ୍ର ଓ କର୍ଣ୍ଣାଟକରେ ଦର ବୃଦ୍ଧି ଓଡ଼ିଶା ବଜାରକୁ ପ୍ରଭାବିତ କରିଥିବା କୁହାଯାଉଛି। ଦରବୃଦ୍ଧିକୁ ନିୟନ୍ତ୍ରଣ କରିବାକୁ ସରକାର ରପ୍ତାନି ଉପରେ କଟକଣା ଲଗାଇଥିବା ସତ୍ତ୍ବେ ପିଆଜ ବଜାର ତାତି ହ୍ରାସ ପାଇବା ନାଁ ଧରୁନାହିଁ। ଅମଳ ଋତୁ ଆରମ୍ଭ ହେବାକୁ ଯାଉଥିଲେ ବି ନିକଟ ଭବିଷ୍ୟତରେ ପିଆଜ ଦର ହ୍ରାସ ପାଇବା ଆଶା କମ୍ ବୋଲି ବ୍ୟବସାୟୀ ମହଲରୁ ସୂଚନା ମିଳିଛି। ନଭେମ୍ବର ମାସ ବେ‌ଳକୁ ପିଆଜ ଦର କମିବା ସମ୍ଭାବନା ରହିଛି, ମାତ୍ର ସେହି ସମୟ ପର୍ଯ୍ୟନ୍ତ ପିଆଜ ଦର ଆହୁରି ବଢ଼ିବା କିଛି ଅସମ୍ଭବ ନୁହେଁ ବୋଲି ବ୍ୟବସାୟୀମାନେ ଆକଳନ କରୁଛନ୍ତି।

କରୋନା ବଦଳାଇ ଦେଲା ପରିଚୟ,ଥିଲେ କଣ୍ଠଶିଳ୍ପୀ ଏବେ ସାଜିଛନ୍ତି ଡେଲିଭେରି ଲେଡି

ନିଜର ନିଶା ଆଉ ପେସା ଥିଲା ସଂଗୀତ। ଜଣେ କଣ୍ଠଶିଳ୍ପୀ ଭାବେ ନିଜର ପରିଚୟ ବି ସୃଷ୍ଟି କରିଥିଲେ। କିନ୍ତୁ କରୋନା ତାଙ୍କର ପେସା ବଦଳାଇ ଦେଲା। ଯେଉଁ ସମୟରେ ମେଲୋଡି ଓ ସଂଗୀତ କାର୍ଯ୍ୟକ୍ରମ ବର୍ଷକର ଆୟର ବ୍ୟବସ୍ଥା କରେ ସେ ସମୟରେ କରୋନା ପାଇଁ ସବୁ ବନ୍ଦ ହେଇଗଲା। ଗଣେଶ ପୂଜାରୁ ଏଯାଏ ସବୁ ସାଂସ୍କୃତିକ କାର୍ଯ୍ୟକ୍ରମ ବନ୍ଦ ଥିବା ବେଳେ ବାଲିଯାତ୍ରା ବା କାର୍ତ୍ତିକେଶ୍ବର ପୂଜା ପର୍ଯ୍ୟନ୍ତ କାର୍ଯ୍ୟକ୍ରମ ଆୟୋଜନର ସୁଯୋଗ ବି ନାହିଁ।

ବରା, ପିଆଜି ବିକୁଛନ୍ତି ଶିଳ୍ପୀଗ୍ରାମ ରଘୁରାଜପୁର ର ପ୍ରସିଦ୍ଧ ପଟ୍ଟଚିତ୍ର ଶିଳ୍ପୀ

ଐତିହ୍ୟ ଗ୍ରାମ ରଘୁରାଜପୁର ପଟ୍ଟଚିତ୍ର ଶିଳ୍ପ ପାଇଁ ଆଜି ବିଶ୍ବ ଦରବାରରେ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ପଟ୍ଟଚିତ୍ରର ଅନ୍ତୁଡ଼ିଶାଳ ଏହି ଗାଁ କେବଳ ଜିଲ୍ଲା ତଥା ରାଜ୍ୟର ନାଁ ଉଚ୍ଚା କରିନି, ଭାରତକୁ ବି ବିଶ୍ବ ଦରବାରରେ ସ୍ବତନ୍ତ୍ର ପରିଚୟ ଦେଇଛି। ଯେଉଁଥିପାଇଁ ପଟ୍ଟଚିତ୍ର ନେବା ପାଇଁ ଦେଶବିଦେଶରୁ ପର୍ଯ୍ୟଟକମାନେ ଏଠାକୁ ଦୌଡ଼ି ଆସନ୍ତି। ଏହି ଐତିହ୍ୟ ଗ୍ରାମ ଆଜି ପେଟପାଟଣା ପାଇଁ ସଂଘର୍ଷ କରୁଛି। କରୋନା ମହାମାରୀ ଏମାନଙ୍କ ରୋଜଗାରର ପନ୍ଥା ଛଡ଼ାଇ ନେଇଛି।

ପରିବେଶ ପର୍ଯ୍ୟଟନ,୪ ବର୍ଷରେ ପର୍ଯ୍ୟଟକଙ୍କ ସଂଖ୍ୟା ୪ ଗୁଣ ବୃଦ୍ଧି

୫ ବର୍ଷିଆ ଯୋଜନା ମାଧ୍ୟମରେ ୧୮ଟି ଜିଲ୍ଲାରେ ୪୭ଟି ପରିବେଶ ପର୍ଯ୍ୟଟନ ସ୍ଥଳୀକୁ ବିକଶିତ କରାଯାଇଛି। ୨୦୧୯-୨୦ ଆର୍ଥିକ ବର୍ଷରେ ୪୬ ହଜାରରୁ ଅଧିକ ପର୍ଯ୍ୟଟକ ପରିବେଶ ପର୍ଯ୍ୟଟନର ସୁଯୋଗ ନେଇଥିଲେ ଏବଂ ଏଥିରୁ ୬ କୋଟି ୮୫ ଲକ୍ଷ ଟଙ୍କା ରାଜସ୍ୱ ମିଳିଥିଲା। କେବଳ ଶିମିଳିପାଳ ଓ ସାତକୋଶିଆ ପରିବେଶ ପର୍ଯ୍ୟଟନ କ୍ଷେତ୍ରରୁ ସ୍ଥାନୀୟ ଅଧିବାସୀମାନେ ଗତ ଦୁଇ ବର୍ଷରେ ୨ କୋଟି ଟଙ୍କା ଉପାର୍ଜନ କରିଥିଲେ।

କୋଟପାଡ଼ ମାସ୍କ ର ବଢୁଛି ଚାହିଦା

ବିଶ୍ୱ ମହାମାରୀ କରୋନା କାଳରେ ମାସ୍କ ଏବେ ପାଲଟିଛି ଦୈନନ୍ଦିନ ଜୀବନରେ ଏକ ଗୁରୁତ୍ବପୂର୍ଣ୍ଣ ସାମଗ୍ରୀ । ଆବଶ୍ୟକତା ବଢ଼ିଛି ।ବଜାରରେଦେଖିବାକୁ ମିଳୁଛି ବିଭିନ୍ନ ପ୍ରକାରର ମାସ୍କ । ଏମିତିକି ସମ୍ବଲପୁରୀ ମାସ୍କ, ପଶାପାଲ୍ଲୀ ମାସ୍କ ସହ ବିଦେଶୀ ବ୍ରାଣ୍ଡର ମାସ୍କ ବଜାରରେ ବିକ୍ରି ହେଉଛି । ମାସ୍କ ବଜାର ରେ ଏବେ ଦେଖିବାକୁ ମିଳୁଛି ରାଜ୍ୟର ବହୁଚର୍ଚ୍ଚିତ କୋଟପାଡ଼ ଫେବ୍ରିକସର ମାସ୍କ । ଯାହାକୁ ତିଆରି କରୁଛନ୍ତି କୋଟପାନ ଅଂଚଳର କିଛି ମହିଳା ।

ମାଛର ମୂଲ୍ୟ ୩ ଲକ୍ଷ,ଧରିଥିବା ମହିଳା ହେଲେ ମାଲାମାଲ

ପଶ୍ଚିମବଙ୍ଗର ଜଣେ ବୃଦ୍ଧା ମହିଳା ମାଛ ଧରୁଥିବା ବେଳେଏକ ବିଶାଳକାୟ ମାଛ ଦେଖିଥିଲେ ।ଏହାକୁ ଧରିବା ପାଇଁ ସେ ବେଶ କିଛି ସମୟ ସଂଘର୍ଷ କରିଥିଲେ । କାରଣ ମାଛଟି ଛୋଟ ନ ଥିଲା। ଏହାର ଓଜନ ୫୨ କିଲୋ ଥିଲା । ୫୨ କିଲୋ ଓଜନର ମାଛଟିକୁ ମହିଳା ଜଣଙ୍କ ଧରିପାରିନଥାନ୍ତେ ଯଦି ମାଛଟି ଆଗରୁ ମାଡ଼ ଖାଇ ଅଧାମରା ଅବସ୍ଥାରେ ନ ଥାନ୍ତା। ମହିଳା ଜଣଙ୍କ ମାଛଟି କୁ କୂଳକୁ ଆଣିବା ପରେ ଆରମ୍ଭ ହୋଇଗଲା କିଣାକିଣି ର ପ୍ରକ୍ରିୟା ।

ସୁଧୁରୁଛି ଅର୍ଥନୀତି, ସେପ୍ଟେମ୍ବରରେ ଜିଏସଟି ସଂଗ୍ରହ ସର୍ବାଧିକ

ଅର୍ଥ ମନ୍ତ୍ରଣାଳୟ ପ୍ରଦତ୍ତ ସୂଚନା ଅନୁଯାୟୀ ଚଳିତ ବର୍ଷ ସେପ୍ଟେମ୍ବରରେ ଦ୍ରବ୍ୟ ଏବଂ ସେବା କର – ଜିଏସଟି ସଂଗ୍ରହ ପରିମାଣ ଗତ ୬ ମାସ ମଧ୍ୟରେ ସର୍ବାଧିକ ରହିଛି। ଏହା ଦେଶର ଅର୍ଥନୈତିକ କ୍ଷେତ୍ର ସୁଧାର ହେଉଥିବା ସୂଚିତ କରୁଛି ବୋଲି ମନ୍ତ୍ରାଳୟ କହିଛି। ସେପ୍ଟେମ୍ବର ମାସରେ ମୋଟ ଦ୍ରବ୍ୟ ଏବଂ ସେବା କର ରାଜସ୍ୱ ସଂଗ୍ରହ ୯୫ ହଜାର ୪୮୦ କୋଟି ଟଙ୍କା ଥିଲା। ସେପ୍ଟେମ୍ବରରେ ରାଜସ୍ୱ ସଂଗ୍ରହ ଚଳିତ ଆର୍ଥିକ ସମୟରେ ଏପର୍ଯ୍ୟନ୍ତ ସର୍ବାଧିକ ଅଟେ।ମୋଟ ଜିଏସଟି ସଂଗ୍ରହ ମଧ୍ୟରେ କେନ୍ଦ୍ରୀୟ ଜିଏସଟି ୧୭ ହଜାର ୭୪୧ କୋଟି ଟଙ୍କା, ରାଜ୍ୟ ଜିଏସଟି ୨୩ ହଜାର ୧୩୧ କୋଟି ଟଙ୍କା, ସମନ୍ଵିତ ଜିଏସଟି ୪୭ ହଜାର ୪୮୪ କୋଟି ଟଙ୍କା ଏବଂ ୭ ହଜାର ୧୨୪ କୋଟି ଟଙ୍କା ସେସ୍ ରହିଥିବା ଜଣାପଡିଛି।

ଜୀବିକା କାର୍ଯ୍ୟକ୍ରମ ଜରିଆରେ ଗାଁ ଲୋକଙ୍କ ରୋଜଗାର ବଢ଼ାଇବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

କୋଭିଡ ଜନିତ ଆର୍ଥକ ମାନ୍ଦା ଅବସ୍ଥାରୁ ଗ୍ରାମାଞ୍ଚଳର ଲୋକମାନଙ୍କୁ ସୁରକ୍ଷିତ ରଖିବା ପାଇଁ ଅର୍ଥନୈତିକ କାର୍ଯ୍ୟକ୍ରମକୁ ବ୍ୟାପକ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନ୍‌ଫରେନ୍‌ସିଂ ଜରିଆରେ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ବିଭିନ୍ନ ଜୀବିକା ପ୍ରକଳ୍ପକୁ ଅଧିକ ପାଣ୍ଠି ଯୋଗାଇବା ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଦେଇଛନ୍ତି । କୋଭିଡ ପରିଚାଳନା ଵିଷୟରେ ସମୀକ୍ଷା କରି ମୁଖ୍ୟମନ୍ତ୍ରୀ କହିଥିଲେ ଯେ ମନରେଗା ସମେତ ଅନ୍ୟ ଜୀବିକା କାର୍ଯ୍ୟକ୍ରମ ଜରିଆରେ ଯେପରି ଗାଁ ଲୋକମାନେ ଅଧିକରୁ ଅଧିକ ରୋଜଗାର ପାଇପାରିବେ, ସେଥିପ୍ରତି ଦୃଷ୍ଟି ଦେବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

କୃଷି ଭିତ୍ତିଭୂମି ପାଣ୍ଠି ଯୋଜନା, ଓଡ଼ିଶାକୁ ମିଳିବ ୨୫୦୦ କୋଟିର ଋଣ

ଚଳିତ ବର୍ଷ କୃଷି ଭିତ୍ତିଭୂମି ପାଣ୍ଠି ଯୋଜନାରେ କୃଷକମାନଙ୍କୁ ବ୍ୟାଙ୍କ ଓ ଆର୍ଥିକ ଅନୁଷ୍ଠାନଗୁଡ଼ିକ ଏକ ଲକ୍ଷ କୋଟି ଟଙ୍କାର ଋଣ ପ୍ରଦାନ କରିବା ନେଇା ବ୍ୟବସ୍ଥା କରାଯାଇଛି। ସେଥିରୁ ଓଡ଼ିଶାକୁ ୨୫୦୦ କୋଟି ଟଙ୍କାର ଋଣ ମିଳିବ ବୋଲି କୃଷି ବିଭାଗର ପ୍ରମୁଖ ସଚିବ ଡକ୍ଟର ସୌରଭ ଗର୍ଗ କହିଛନ୍ତି। ଓଡ଼ିଶା କର୍ପୋରେଟ୍‌ ଫାଉଣ୍ଡେସନ ପକ୍ଷରୁ ଆୟୋଜିତ ‘କୃଷି ବ୍ୟବସାୟ: ଓଡ଼ିଶାରେ ସୁଯୋଗ ଓ ପରିସର’ ସମ୍ପର୍କିତ ୱେବିନାର୍‌ରେ ମୁଖ୍ୟ ଅତିଥି ଭାବେ ଯୋଗ ଦେଇ ସେ କହିଛନ୍ତି ଯେ କୃଷି ଭିତ୍ତିଭୂମି ପାଣ୍ଠି ଯୋଜନାରେ ଯେଉଁ ଋଣ ମିଳିବ ତାହା ଦ୍ବାରା କୃଷକ ଓ କୃଷି କ୍ଷେତ୍ରରେ ନିବେଶ କରିବାକୁ ଆଗ୍ରହୀ ଥିବା ଉଦ୍ୟୋଗୀମାନେ ଉପକୃତ ହେବେ ।

ହୋମ୍‌ ଡେଲିଭରୀରେ ଆମୱେ ଇଣ୍ଡିଆର ୨୦୦% ବୃଦ୍ଧି

ଦେଶର ଅନ୍ୟତମ ଅଗ୍ରଣୀ ଏଫଏମସିଜି ପ୍ରତ୍ୟକ୍ଷ ବିକ୍ରୟକାରୀ କମ୍ପାନୀ ଆମୱେ ଇଣ୍ଡିଆ ଅନ୍‌ଲାଇନ ଅର୍ଡର ବୃଦ୍ଧିକୁ ସହଯୋଗ କରିବା ପାଇଁ ନିଜର ହୋମ ଡେଲିଭରୀ (ବାସଗୃହକୁ ଯୋଗାଣ) ସଞ୍ଚଳନକୁ ମଜଭୁତ କରିବା ଉପରେ ଦୃଷ୍ଟିନିବଦ୍ଧ କରୁଛି । ଔଦ୍ୟୋଗିକ କ୍ଷମତାର ଉପଯୋଗ ଉପରେ ଆଧାରିତ ଆମୱେର ୧୦ବର୍ଷିଆ ଅଭିବୃଦ୍ଧି ଲକ୍ଷ୍ୟର ଅଂଶବିଶେଷ ସହିତ ସାମାଜିକ ସ୍ତରରେ ବ୍ୟବସାୟର ନବୀନତମ ଧାରାର ସମ୍ମିଶ୍ରଣରେ ବିଶ୍ୱସ୍ତରୀୟ ଏହି ପ୍ରତ୍ୟକ୍ଷ ବିକ୍ରୟକାରୀ ସଂସ୍ଥା ଲକ୍ଷ୍ୟଭିତ୍ତିକ ଫଳାଫଳ ହାସଲ କରିବାକୁ ଚଳିତ ବର୍ଷ ପ୍ରାରମ୍ଭରୁ ଅନ୍‌ଲାଇନ ସହିତ ଅଫ୍‌ଲାଇନକୁ ସମନ୍ୱିତ କରିବା ପ୍ରକ୍ରିୟା ଆରମ୍ଭ କରିଥିଲା ।

୪୫୦ କୋଟି ବ୍ୟୟ ରେ ଗୋପାଳପୁରରେ ହେବ ସ୍ୱତନ୍ତ୍ର ମାଛଧରା ବନ୍ଦର

ଗୋପଳପୁରରେ ହେବ ସ୍ୱତନ୍ତ୍ର ମାଛଧରା ବନ୍ଦର। ପ୍ରାୟ ୪୫୦ କୋଟି ଟଙ୍କା ବ୍ୟୟ କରି ଏହି ମାଛଧରା ବନ୍ଦର ପ୍ରତିଷ୍ଠା କରାଯିବ । ଏଭଳି ଯୋଜନାକୁ ଆଗେଇବା ପାଇଁ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି । ଆଗାମୀ ଦିନରେ ଗୋପାଳପୁର ବନ୍ଦରକୁ ନୋ-ଫିସିଂ ଜୋନ୍‌ ଘୋଷଣା କରାଯିବ। ଅର୍ଥାତ୍‌ ଗୋପାଳପୁର ବନ୍ଦରକୁ ଆଉ ମାଛ ଧରା କାର୍ଯ୍ୟ ପାଇଁ ବ୍ୟବହାର କରାଯିବ ନାହିଁ । ଗୋପାଳପୁର ବନ୍ଦରର ସୁରକ୍ଷାକୁ ଦୃଷ୍ଟିରେ ରଖି ଏହାକୁ ନୋ-ଫିସିଂ ଜୋନ୍‌ ଘୋଷଣା କରିବା ପାଇଁ ବନ୍ଦର କର୍ତ୍ତୃପକ୍ଷ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି।

ଇଜ୍‌ ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ୍‌ ରାଙ୍କିଙ୍ଗ୍: ତଳକୁ ଖସିଲା ଓଡ଼ିଶା

ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ୍‌ (ବ୍ୟବସାୟ ଅନୁକୂଳ ପରିବେଶ)ରେ ଓଡ଼ିଶା ସବୁଠୁ ପଛରେ। ୨୦୧୮ରେ ୧୪ତମ ସ୍ଥାନରେ ଥିବା ଓଡ଼ିଶା ୨୦୧୯ରେ ୨୯ତମ ର‌୍ୟାଙ୍କ୍‌କୁ ଖସିଆସିଛି। ଅର୍ଥାତ୍‌ ତଳପଟୁ ପ୍ରଥମ। କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରାଳୟ ପକ୍ଷରୁ ଶନିବାର ପ୍ରକାଶିତ ଷ୍ଟେଟ୍‌ ବିଜ୍‌ନେସ୍‌ ରିଫର୍ମ ଆକ୍ସନ ପ୍ଲାନ୍‌ ର‌୍ୟାଙ୍କିଙ୍ଗ୍‌ରୁ ଏହା ଜଣାପଡ଼ିଛି । ଓଡ଼ିଶା ବ୍ୟତୀତ ଅରୁଣାଚଳ ପ୍ରଦେଶ, ଚଣ୍ଡିଗଡ଼, ମଣିପୁର, ମେଘାଳୟ, ନାଗାଲାଣ୍ଡ, ସିକିମ୍‌ ଓ ତ୍ରିପୁରା ମଧ୍ୟ ଏହି ତାଲିକାର ୨୯ତମ ସ୍ଥାନରେ ରହିଛନ୍ତି ।

ଓଡ଼ିଶାର ନଦୀ ଓ ସମୁଦ୍ରରେ ପର୍ଯ୍ୟଟକ ଙ୍କ ପାଇଁ ହେବ ନୌକା-ବିହାର

କୋଭିଡ୍ ପ୍ରଭାବିତ ପର୍ଯ୍ୟଟନ ଶିଳ୍ପକୁ ପୁନଃ ଚଳଚଞ୍ଚଳ କରିବା ନିମନ୍ତେ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି। ରାଜ୍ୟରେ ନୌକା-ବିହାର ପର୍ଯ୍ୟଟନ ଆରମ୍ଭ କରିବାକୁ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ ଗୁରୁବାର ପର୍ଯ୍ୟଟନ ବିଭାଗକୁ ନିର୍ଦେଶ ଦେଇଛନ୍ତି। ପର୍ଯ୍ୟଟନ ବିଶେଷଜ୍ଞ ଏବଂ ଏହି ଶିଳ୍ପ ସହ ସଂପୃକ୍ତ ବିଭାଗ ଓ ସଂସ୍ଥାମାନଙ୍କ ସହ ମୁଖ୍ୟଶାସନ ସଚିବ ଆଲୋଚନା କରିଥିଲେ। ରାଜ୍ୟ ଲୋକସେବା ଭବନରୁ ଡିଜିଟାଲ୍ ପ୍ରକ୍ରିୟାରେ ଅନୁଷ୍ଠିତ ଏହି ବୈଠକରେ ପର୍ଯ୍ୟଟନ ବିଭାଗ ଶାସନ ସଚିବ ବିଶାଳ କୁମାର ଦେବ ରାଜ୍ୟରେ ନୌକାବିହାର ପର୍ଯ୍ୟଟନ ସମ୍ବନ୍ଧିତ ବିଭିନ୍ନ ନୀତିଗତ ଓ ବୈଷୟିକ ଆବଶ୍ୟକତା ବିଷୟରେ ଆଲୋଚନା ନିମନ୍ତେ ତଥ୍ୟ ଉପସ୍ଥାପନ କରିଥିଲେ।

କରୋନା ର ମାଡ଼,ଦେଶର ବିକାଶ ହାର ୨୩.୯% କମିଲା

କରୋନା ର ଶକ୍ତ ପ୍ରହାରରେ ଦେଶର ଅର୍ଥନୀତି ବେଶ ପ୍ରଭାବିତ ହୋଇଛି । କେନ୍ଦ୍ର ସରକାରଙ୍କ ପକ୍ଷରୁ ଜାରି କରାଯାଇଥିବା ଚଳିତ ଆର୍ଥିକ ବର୍ଷ ପ୍ରଥମ ତିନି ମାସ (ଏପ୍ରିଲ୍-ଜୁନ୍‌)ର ଅଭିବୃଦ୍ଧି ତଥ୍ୟରେ ଏହା ସ୍ପଷ୍ଟ ପ୍ରତିଫଳିତ ହୋଇଛି। ଏହି ତିନି ମାସରେ ଅଭିବୃଦ୍ଧି ୨୩.୯ ପ୍ରତିଶତ ହ୍ରାସ ପାଇଛି। ୧୯୯୬ରେ ସରକାର ଜିଡିପି ତଥ୍ୟ ଜାରି କରିବା ପ୍ରକ୍ରିୟା ଆରମ୍ଭ କରିବା ପରଠାରୁ ଅର୍ଥନୀତିର ଏହା ସବୁଠୁ ଖରାପ ସ୍ଥିତି ବୋଲି କୁହାଯାଉଛି।

ଯାତ୍ରା କଳାକାର ଖୋଲିବେ କ୍ଷୁଦ୍ର ଉଦ୍ୟୋଗ

ମୁହଁରେ ରଙ୍ଗ ବୋଳି ମଞ୍ଚରେ ଦର୍ଶକଙ୍କୁ ମନୋରଂଜନ ଭେଟି ଦେଉଥିବା ଯାତ୍ରା କଳାକାର ଏଥର ଭେଟିଦେବେ ଉତ୍ପାଦ। ଜେକେ-୨ ନାଁରେ ମାର୍କେଟରେ ଉପଲବ୍ଧ ହେବ ଯାତ୍ରା କଳାକାରଙ୍କ ଦ୍ବାରା ପ୍ରସ୍ତୁତ ଭିନ୍ନ ଭିନ୍ନ ଉତ୍ପାଦ। କରୋନା କଷଣ ଦେବା ପରେ ରୋଜଗାରର ଏଭଳି ବିକଳ୍ପ ବାଟ ଖୋଲିଛନ୍ତି ଯାତ୍ରା ଜଗତର କିଛି ଚିହ୍ନା ମୁହଁ। ମିନେ‌ରାଲ ପାଣିଠୁ ନେଇ ଧୂପକାଠି, ତେଲ, ମସଲା, କ୍ଷୀର ଉତ୍ପାଦ, ସାନିଟାରି ପ୍ୟାଡ୍‌ ଆଦିର ଉଦ୍ୟୋଗ ଖୋଲିବେ ଯାତ୍ରା କଳାକାର।

୨୪, ୭୧୩ କୋଟି ଟଙ୍କାରେ କିଶୋର ବିୟାନିଙ୍କ ବିଗ ବଜାର କୁ କିଣିଲେ ମୁକେଶ ଅମ୍ବାନୀ

ଦେଶର ଏକ ନମ୍ବର ଧନୀ ମୁକେଶ ଅମ୍ବାନି ଆଉ ଏକ ବଡ଼ ସଂସ୍ଥା କିଣିଛନ୍ତି। ବିଗ୍ ବଜାର ଭଳି ଷ୍ଟୋର୍‌ ଥିବା ଫ୍ୟୁଚର୍‌ ଗ୍ରୁପ୍‌ର ରିଟେଲ୍‌, ହୋଲ୍‌ସେଲ୍‌, ଲଜିଷ୍ଟିକ୍ସ ଓ ଓୟାରହାଉସ୍‌ କାରବାରକୁ ସେ ୨୪,୭୧୩ କୋଟି ଟଙ୍କାରେ କିଣିଥିବା ବିଷୟରେ ଆଜି ତାଙ୍କ କଂପାନି ପକ୍ଷରୁ ଘୋଷଣା କରାଯାଇଛି।

ଗରିବ କଲ୍ୟାଣ ରୋଜଗାର ଯୋଜନା, ୮୫ ହଜାରରୁ ଅଧିକ ଜଳଅମଳ ପ୍ରକଳ୍ପର କାର୍ଯ୍ୟ ସମ୍ପୂର୍ଣ୍ଣ ହୋଇଛି

କରୋନ ମହାମାରୀ ବ୍ୟାପିବା ପରେ ଗାଁକୁ ଫେରି ଆସିଥିବା ପ୍ରବାସୀ ଶ୍ରମିକ ଏବଂ ସ୍ଥାନୀୟ କର୍ମଜୀବୀଙ୍କୁ ଜୀବିକା ଊପାର୍ଜନ ପାଇଁ ନିଯୁକ୍ତି ସୁଯୋଗ ଯୋଗାଇଦେବା ନିମନ୍ତେ ଗରିବ କଲ୍ୟାଣ ରୋଜଗାର ଅଭିଯାନ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଓଡିଶା, ବିହାର, ଝାଡଖଣ୍ଡ, ମଧ୍ୟପ୍ରଦେଶ, ରାଜସ୍ଥାନ ଓ ଉତ୍ତର ପ୍ରଦେଶ ଭଳି ଅଧିକ ଶ୍ରମିକ ବହୁଳ ଏବଂ ପ୍ରବାସୀ ଶ୍ରମିକପ୍ରବଣ ରାଜ୍ୟରେ ଏହି ଯୋଜନା କାର୍ଯ୍ୟକାରୀ ହେଉଛି।


First Previous
1 2 3 4 5 6 7 8 9 10
Next Last Page 1 of 13

Recent Post