ବିଶ୍ୱର ସପ୍ତମ ଆଶ୍ଚର୍ଯ୍ୟ କୁହାଯାଉଥିବା ତାଜମହଲରେ ନମାଜ ପଢାଯାଇପାରିବ ନାହିଁ । ସୁପ୍ରିମକୋର୍ଟ ସୋମବାର ଏଭଳି ରାୟ ଶୁଣାଇଛନ୍ତି । କହିଛନ୍ତି ଯେ ନମାଜ ପଢିବା ପାଇଁ ଅନ୍ୟ ଯାଗା ଦେଖ ।

ଜାତୀୟ ଖାଦ୍ୟ ସୁରକ୍ଷା ଯୋଜନା, ଅନ୍ତ୍ୟୋଦୟ ଅନ୍ନ ଯୋଜନା ଓ ଅନ୍ନପୂର୍ଣ୍ଣା ଯୋଜନାର ହିତାଧିକାରୀ ମାନଙ୍କୁ ଅଗଷ୍ଟ ମାସରେ ଅଗଷ୍ଟ ଓ ସେପ୍ଟେମ୍ବର ମାସ ପାଇଁ ଆଗୁଆ ଦୁଇ ମାସର ଚାଉଳ ପ୍ରଦାନ କରାଯିବ । ଏ ନେଇ ଖାଦ୍ୟ ଯୋଗାଣ ବିଭାଗ ପକ୍ଷରୁ ସମସ୍ତ ଜିଲ୍ଲାମାନଙ୍କୁ ନିର୍ଦ୍ଦେଶ ଦିଆଯାଇଛି ।

ଓଡ଼ିଶାରେ ୯ ଜିଲ୍ଲା ସହିତ ୧୧୭ ଜିଲ୍ଲାର ମୋଟ ୪୯,୧୭୮ଟି ଗ୍ରାମକୁ ତଦାରଖ କରିବେ ୮୦୦ ଆଇଏଏସ ଅଫିସର । ଜଣଙ୍କ ପିଚ୍ଛା ୭୫ଟି ଗ୍ରାମର ଭାର ପ୍ରଦାନ କରାଯାଇଛି । କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନାର ବାସ୍ତବ କାର୍ଯ୍ୟକାରୀତା ହୋଇଛି କି ନାହିଁ ସେମାନେ ଅନୁଧ୍ୟାନ କରିବେ । କେନ୍ଦ୍ରସରକାରଙ୍କ ଅଧିନ ବିଭିନ୍ନ ବିଭାଗରେ ଉପଶାସନ ସଚିବ, ଅନୁ ଶାସନ ସଚିବ ଓ ନିର୍ଦ୍ଦେଶକ ଭାବେ କାର୍ଯ୍ୟ କରୁଥିବା ଏହି ଅଫିସରମାନେ ମୋଟ ଗ୍ରାମାଂଚଳର ୧୫ ପ୍ରତିଶତ ଗ୍ରାମକୁ ତଦାରଖ କରିବେ । ଜୁନ୍ ୧ରୁ ଏହି ଟାର୍ଗେଟ ଦିଆଯାଇଛି । ଅଗଷ୍ଟ ୧୫ ସୁଦ୍ଧା ଗାଁ ବୁଲା କାମ ସରିବ । ୨ରୁ ୪ଜଣିଆ ଆଇଏଏସ ଟିମ୍ ଗଠନ କରାଯାଇଛି । ଏହି ଟିମ୍ ହିତାଧିକାରୀଙ୍କ ସହ ସିଧା ସଳଖ କଥାବାର୍ତ୍ତା କରିବେ ।

ଭଦ୍ରକରେ ସ୍ଥାପନ ହେବ ସୁତାକଳ । ଏଥିରେ ୧୨୦୦କୋଟି ଟଙ୍କାର ପୁଞ୍ଜିନିବେଶ କରାଯିବ । ଓଡ଼ିଶାର ଶ୍ରମ ସମ୍ବଳ ଓ ତୁଳା ଚାଷ ଉଭୟ କ୍ଷେତ୍ରକୁ ଲାଭ ମିଳିବ । ତା ସହିତ ୩୦ ହଜାର କୋଟି ଟଙ୍କାର ପୁଞ୍ଜିନିବେଶରେ ଆଇଓସିଏଲ ପକ୍ଷରୁ ପ୍ଲାଷ୍ଟିକ ଶିଳ୍ପ ପ୍ରତିଷ୍ଠା କରାଯିବ ବୋଲି କେନ୍ଦ୍ର ତୈଳ ପ୍ରାକୃତିକ ଗ୍ୟାସ ଦକ୍ଷତା ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି ।

ଭୁବନେଶ୍ୱର, ଜୁଲାଇ ୦୭(ଖବର ଓଡ଼ିଶା) : ଓଡ଼ିଶା ବିଧାନସଭା ପକ୍ଷରୁ ଶ୍ରେଷ୍ଠ ବିଧାୟକ ପୁରସ୍କାର ପାଇଁ ୨୪ ଜଣଙ୍କ ତାଲିକା ପ୍ରସ୍ତୁତ ହୋଇଛି । ୨୦୦୯ ଠାରୁ ୨୦୧୬ ମସିହା ପର୍ଯ୍ୟନ୍ତ ୮ ବର୍ଷର ବିଧାୟକଙ୍କୁ ଏହି ପୁରସ୍କାର ପାଇଁ ବଚ୍ଛାଯାଇଛି । ସେମାନଙ୍କ ମଧ୍ୟରୁ ୮ଜଣ ପୂର୍ବତନ, ୮ ଜଣ ବର୍ତ୍ତମାନର ଏବଂ ୮ଜଣ ନବାଗତ ବିଧାୟକଙ୍କୁ ନୀଳକଣ୍ଠ ସମ୍ମାନ, ଉତ୍କଳ ଗୋପବନ୍ଧୁ ସମ୍ମାନ ଓ ଉତ୍କଳ ଗୌରବ ମଧୁସୂଦନ ଆଦି ତିନୋଟି ବର୍ଗରେ ସମ୍ମାନୀତ କରାଯିବ । ନୀଳକଣ୍ଠ ସମ୍ମାନ ବର୍ଗରେ ୨୦୦୯ ବର୍ଷ ପାଇଁ ବିଷ୍ଣୁଚରଣ ଦାସ, ୨୦୧୦ପାଇଁ ଅରୁଣ କୁମାର ସାହୁ, ୨୦୧୧ ପାଇଁ ପ୍ରଭାତ ରଞ୍ଜନ ବିଶ୍ୱାଳ, ୨୦୧୨ ପାଇଁ ଡାକ୍ତର ପ୍ରଫୁଲ ମାଝୀ, ୨୦୧୩ ପାଇଁ ଅମର ପ୍ରସାଦ ଶତପଥୀ, ୨୦୧୪ ପାଇଁ ପ୍ରମିଳା ମଲ୍ଲିକ, ୨୦୧୫ ପାଇଁ ରଣେନ୍ଦ୍ର ପ୍ରତାପ ସ୍ୱାଇଁ ଏବଂ ୨୦୧୬ ପାଇଁ ଡାକ୍ତର ରମେଶଚନ୍ଦ୍ର ଚ୍ୟାଉ ପଟ୍ଟନାୟକଙ୍କ ନାମ ରହିଛି । ସେହିପରି ଉତ୍କଳମଣି ଗୋପବନ୍ଧୁ ସମ୍ମାନ ବର୍ଗରେ ସଞ୍ଜୟ କୁମାର ଦାସବର୍ମା, ପ୍ରୀତିରଞ୍ଜନ ଘଡ଼େଇ, ସମୀରରଞ୍ଜନ ଦାଶ, ପ୍ରଶାନ୍ତ କୁମାର ମୁଦୁଲି, ବିଜୟ ମହାନ୍ତି , ଡ଼ା ରାସେଶ୍ୱରୀ ପାଣିଗ୍ରାହୀ, କ୍ୟାପଟେନ ଦିବ୍ୟଶଙ୍କର ମିଶ୍ର ଏବଂ ପ୍ରଦୀପ ପୁରୋହିତଙ୍କୁ ଚୟନ କରାଯାଇଛି ।

ଲ କମିଶନ ନିଜର ସଦ୍ୟ ରିପୋର୍ଟରେ ଜୁଆକୁ ବୈଧ କରିବା ପାଇଁ ସୁପାରିଶ କରିଛନ୍ତି । ଜୁଆକୁ ଯେହେତୁ ସମ୍ପୂର୍ଣ୍ଣ ରୋକାଯାଇପାରୁନାହିଁ, ଆଇନ ଗତ କଟକଣା ସତ୍ୱେ ଖୁଲମଖୁଲା ଜୁଆ ଖେଳ ଚାଲିଛି ସେହି ଦୃଷ୍ଟିରୁ ଘୋଡ଼ା ଦୌଡ଼ ହେଉକି ଲଟେରୀ, କ୍ରିକେଟ ହେଉକି ନିର୍ବାଚନ ପୁଣି କୌଣସି ପ୍ରକାର ଖେଳା ଯାଉଥିବା ଜୁଆ ଏହାକୁ ଆଇନଗତ ମାନ୍ୟତା ପ୍ରଦାନ କରାଗଲେ ଜନସାଧାରଣ ଓ ସରକାର ଉଭୟଙ୍କୁ ଲାଭଜନକ ହୋଇପାରନ୍ତା ବୋଲି କୁହାଯାଇଛି ।

କେନ୍ଦ୍ର ଗୃହ ରାଜ୍ୟମନ୍ତ୍ରୀ ହଂସରାଜ ଗଙ୍ଗାରାମ ଅହୀର ସାଇବର ସଂପର୍କିତ ଅପରାଧ ଗୁଡ଼ିକ ପାଇଁ ଏକ ଅନଲାଇନ ପୋର୍ଟାଲର ପ୍ରଚଳନ କରାଯିବ ବୋଲି ଗୁରୁବାର ସୂଚନା ଦେଇଛନ୍ତି । ଦିଲ୍ଲୀ ପୋଲିସ ଦ୍ୱାରା ଆୟୋଜିତ ବରିଷ୍ଠ ନାଗରିକଙ୍କ ପାଇଁ ସାଇବର ସୁରକ୍ଷା ଏବଂ ଡ଼ିଜିଟାଲ ସଚେତନତା କାର୍ଯ୍ୟକ୍ରମରେ ଅହୀର ସଚେତନତାକୁ ପ୍ରାଥମିକତା ଦେଇଛନ୍ତି । ପୋଲିସ ସହିତ ପ୍ରତ୍ୟେକ ନାଗରିକ ସଚେତିତ ହେଲେ ଯାଇ ସାଇବର ଅପରାଧରୁ ରକ୍ଷା ମିଳିବ ବୋଲି ସେ କହିଛନ୍ତି ।

ସବର୍ଣ୍ଣ ହିନ୍ଦୁ ଓ ଅନୁସୂଚିତ ଜନଜାତି ମଧ୍ୟରେ ବିବାହ କଲେ ଲକ୍ଷେ ଟଙ୍କାର ପ୍ରୋତ୍ସାହନ ରାଶି ମିଳୁଥିଲା । ଏବେ ଏହାକୁ ଅଢେଇ ଲକ୍ଷ ଟଙ୍କାକୁ ବଢାଇ ଦିଆଯାଇଛି ।

ରାଜସ୍ଥାନ ସରକାର ରାଜ୍ୟର ସମସ୍ତ ସରକାରୀ ସ୍କୁଲ ଓ ମଦ୍ରାସା ଗୁଡ଼ିକରେ ପଢୁଥିବା ୬୨ ଲକ୍ଷ ପିଲାଙ୍କ ପାଇଁ ଅନ୍ନପୂର୍ଣ୍ଣା କ୍ଷୀର ଯୋଜନାର ଶୁଭାରମ୍ଭ କରିଛନ୍ତି । ରାଜସ୍ଥାନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସିନ୍ଧିଆ ନିଜ ହାତରେ କ୍ଷୀର ବାଣ୍ଟି ଏହି ଯୋଜନାର ପ୍ରଚଳନ କରାଇଛନ୍ତି । ଦହମିକଳାର ସରକାରୀ ଆଦର୍ଶ ଉଚ୍ଚ ବିଦ୍ୟାଳୟ ପରିସରରେ ଏଥିପାଇଁ ଏକ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ ହୋଇଥିଲା । ମୁଖ୍ୟମନ୍ତ୍ରୀ ଛୋଟ ଛୋଟ ପିଲାଙ୍କ ସହିତ ଢେର କିଛି ସମୟ ବିତାଇବା ସହିତ ନିଜ ହାତରେ ଉଷୁମ କ୍ଷୀର ପିଆଇଥିଲେ । ପିଲାଙ୍କ ପୁଷ୍ଟି ରକ୍ଷା ଦିଗରେ ପିତାମାତାଙ୍କ ସହିତ ସରକାରଙ୍କ ମଧ୍ୟ ଦାୟିତ୍ୱ ଥିବା ସେ ସୂଚାଇଥିଲେ । ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀ ଯାଏ ପଢୁଥିବା ସରକାରୀ ବିଦ୍ୟାଳୟର ପିଲାମାନଙ୍କୁ ଗତ କାଲି ଠାରୁ ପ୍ରାର୍ଥନା ପରେ ପରେ କ୍ଷୀର ବଣ୍ଟନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି ।

ଜମା ଓ ରିଟର୍ଣ୍ଣ କ୍ଷେତ୍ରରେ ଭାରତୀୟ ଡାକଘରରେ ମଧ୍ୟ କେତେକ ଉକ୍ରୃଷ୍ଟ ଯୋଜନା ଚାଲୁଛି । ଡାକଘରେ ପାଖାପାଖି ୯ ପ୍ରକାର ସଂଚୟ ଯୋଜନା ଚାଲୁଛି ଯେଉଁଥିରେ ୪ ପ୍ରତିଶତରୁ ଆରମ୍ଭ କରି ୮.୩ ପ୍ରତିଶତ ପର୍ଯ୍ୟନ୍ତ ସୁଧ ପ୍ରଦାନର ପ୍ରାବଧାନ ରହିଛି । ଏଥିରେ ଏଭଳି ଦୁଇଟି ଯୋଜନା ଏପରି ଯେଉଁଠାରୁ ୮ ପ୍ରତିଶତରୁ ଅଧିକ ସୁଧ ମିଳିଥାଏ ।

୩-୪ଟି ଜିଲ୍ଲାକୁ ଛାଡ଼ିଦେଲେ ଅବଶିଷ୍ଟ ଜିଲ୍ଲା ଗୁଡ଼ିକରେ ଶିଶୁ ମୃତ୍ୟୁହାର ଜାତୀୟ ହାର ଠାରୁ ବହୁ ଊଦ୍ଦ୍ୱର୍ରେ ରହିଛି । ପୁଷ୍ଟିହୀନତା ବଳୟରେ ରାଜ୍ୟର ଲକ୍ଷାଧିକ ଶିଶୁ ଅଛନ୍ତି । ପୁଷ୍ଟି ସାଧନ ପାଇଁ ରାଜ୍ୟ ସରକାର ଏବେ ଅଙ୍ଗନବାଡ଼ି କେନ୍ଦ୍ର ଉପରେ ନଜର ଦେଇଛନ୍ତି । ଏଣିକି ରାଜ୍ୟର ୭୧ ହଜାରରୁ ଊଦ୍ଧ୍ୱର୍ ଅଙ୍ଗନବାଡ଼ି କେନ୍ଦ୍ରକୁ ସପ୍ତାହରେ ୫ଟି କରି ଅଣ୍ଡା ଯୋଗାଇବାକୁ ରାଜ୍ୟସରକାର ନିଷ୍ପତ୍ତି ନେଇଛନ୍ତି ।

ବାମରା ବ୍ଲକ ଲରିଆପାଲି ପଂଚାୟତ ସୃଷ୍ଟି କରିଛି ଏକ ନୂଆ ଇତିହାସ । ଜିଲ୍ଲା ଓ ଆଖପାଖ ପଂଚାୟତରେ ମଦର ବନ୍ୟା ଛୁଟିଥିବାବେଳେ ଲରିଆପାଲି ଦେଖାଇଛି ସାହସିକ ପଦକ୍ଷେପ । ସରପଂଚ ଶୁକ୍ରୁ କୁଜୁରଙ୍କ ନେତୃତ୍ୱରେ ପଂଚାୟତର ପ୍ରତ୍ୟେକ ଗାଁରେ ୫୦ ଜଣ ଭାରତ ନିର୍ମାଣ ସ୍ୱେଚ୍ଛାସେବୀଙ୍କୁ ନେଇ ଆରମ୍ଭ ହୋଇଥିବା ନିଶାମୁକ୍ତି ଅଭିଯାନକୁ ଏବେ ସଫଳତା ମିଳିଛି । ଏହି ପଂଚାୟତର କୌଣସି ଯାଗାରେ କୌଣସି ପ୍ରକାର ନିଶା ବିକ୍ରୀ ହେଉନାହିଁ କି କେହି ସେବନ କରୁନାହାନ୍ତି । ବିନା ସରକାରୀ ନିଷ୍ପତ୍ତିରେ ଶତ ପ୍ରତିଶତ ନିଶା ନିବାରଣ ସମ୍ଭବ ହୋଇପାରିଛି ଲରିଆପାଲି ଭଳି ଏକ ଗ୍ରାମ ପଂଚାୟତ ଅଂଚଳରେ ।

ଏନଡ଼ିଏ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ଜାରୀ ରହିଛି । ଦକ୍ଷତା ବିକାଶ ମନ୍ତ୍ରଣାଳୟ ଦ୍ୱାରା ଗତ ତିନିବର୍ଷରେ ସ୍କିଲ ଇଣ୍ଡିଆ ଯୋଜନାରେ ୨.୫ କୋଟି ଯୁବକଙ୍କୁ ତାଲିମ ପ୍ରଦାନ କରାଯାଇଛି । ଗତ ଦୁଇବର୍ଷ ମଧ୍ୟରେ ଦେଶର ୪୫୦ଟି ପ୍ରଧାନମନ୍ତ୍ରୀ କୌଶଳ କେନ୍ଦ୍ର ସ୍ଥାପନା କରାଯାଇଛି । ଆଗାମୀ ଜୁଲାଇ ସୁଦ୍ଧା ଆଉ ୫୦ଟି କେନ୍ଦ୍ର ସ୍ଥାପିତ ହେବାକୁ ଥିବାବେଳେ ଚଳିତ ଆର୍ଥିକବର୍ଷ ଶେଷ ସୁଦ୍ଧା ମୋଟ ୭୦୦ଟି ଜିଲ୍ଲାରେ ପ୍ରଧାନମନ୍ତ୍ରୀ କୌଶଳ କେନ୍ଦ୍ର ସ୍ଥାପିତ ହେବ । ଲକ୍ଷ୍ୟ ଆଧାରିତ ଆତ୍ମ ନିଯୁକ୍ତି ପାଇଁ ଜୁଲାଇରୁ ସେପ୍ଟେମ୍ବର ପର୍ଯ୍ୟନ୍ତ ଏକ ଲକ୍ଷ ଯୁବକଙ୍କୁ ପ୍ରଶିକ୍ଷଣ ପ୍ରଦାନ କରାଯିବାର ଲକ୍ଷ୍ୟ ରହିଛି ବୋଲି କେନ୍ଦ୍ର ଦକ୍ଷତା ବିକାଶ ଓ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି ।

କେନ୍ଦ୍ରସରକାର ଚାଷୀମାନଙ୍କ ପାଇଁ ଆଣୁଛନ୍ତି ଆଉ ଏକ ଯୋଜନା । ଏହା ପରିବେଶ ପାଇଁ ମଧ୍ୟ ଲାଭଦାୟକ ହେବ । ଏହି ଯୋଜନାର ନାମ ରଖାଯାଇଛି କୁସୁମ । କୁସୁମ ନାମରେ ସୌରଶକ୍ତି ଯୋଜନା କାର୍ଯ୍ୟକାରୀ ହେବ । ଆଗାମୀ ଜୁଲାଇ ମାସଠାରୁ ଏହି ଯୋଜନା କାର୍ଯ୍ୟକାରୀ ହେବ ବୋଲି ଅକ୍ଷୟ ଶକ୍ତି ମନ୍ତ୍ରୀ ଆରକେ ସିଂହ କହିଛନ୍ତି ।

ଭୁବନେଶ୍ୱର, ମେ ୨୨ : ଓଡ଼ିଶାର ଜେଲ ଗୁଡ଼ିକରେ ମା’ ମାନଙ୍କ ସହିତ ୪୬ ଜଣ ନିଷ୍ପାପ ଶିଶୁ ଜେଲରେ ଦିନ କାଟୁଛନ୍ତି । କାହିଁକି ଏହି ଶିଶୁମାନଙ୍କୁ ଜେଲରେ ରଖାଯାଇଛି ତାହାକୁ ନେଇ ଜାତୀୟ ମାନବାଧିକାର ଆୟୋଗ ରାଜ୍ୟ ସରକାରଙ୍କ ଠାରୁ କୈଫିୟତ ତଲବ କରିଛନ୍ତି ।

ପାଟନା, ମେ ୨୧ : ନର୍ଥ ପ୍ରଂଣ୍ଟିୟର ରେଲୱେ ଦ୍ୱାରା ଉତ୍ତରପୂର୍ବ ରାଜ୍ୟର ଆଠରୁ ପାଂଚ ରାଜ୍ୟକୁ ରେଳପଥ ସହ ଯୋଡ଼ିବାର ପରିକଳ୍ପନାକୁ ସାକାର ପାଇଁ ପ୍ରୟାସକୁ ଗତି ଦିଆଯାଇଛି । ଏଥିପାଇଁ ୪୦ ହଜାର କୋଟି ଟଙ୍କାର ପୁଞ୍ଜିନିବେଶରେ ୭୯୫ କିଲୋମିଟର ଲମ୍ବା ପ୍ରକଳ୍ପର କାମ ଆରମ୍ଭ ହୋଇଯାଇଛି । ଏହି ପ୍ରକଳ୍ପ ଅନୁଯାୟୀ ମଣିପୁରର ନୋନେ ଠାରେ ଦେଶର ସବୁଠୁ ଉଚ୍ଚ ଗାର୍ଡ଼ର ରେଳ ପୋଲ ନିର୍ମାଣ ହେବ । ଏଥିରେ ମଣିପୁର, ମିଜୋରାମ, ମେଘାଳୟ ଏବଂ ସିକିମ ମଧ୍ୟରେ ଦେଶର ସବୁଠୁ ଲମ୍ବା ଟନେଲର ମଧ୍ୟ ନିର୍ମାଣ କରାଯିବ । ଏହି ପରିଯୋଜନା ସମ୍ପୂର୍ଣ୍ଣ ହେବା ପରେ ବିହାରର କିଷନଗଞ୍ଜ ରାସ୍ତାରେ ଏନଜେପି ନିକଟ ଦେଇ ମଣିପୁର, ମିଜୋରାମ, ମେଘାଳୟ, ସିକିମ ଏବଂ ନାଗାଲାଣ୍ଡ ଯିବା ସହଜ ହୋଇଯିବ ।

ଭୁବନେଶ୍ୱର, ମେ ୧୯ : କେନ୍ଦ୍ରସରକାରଙ୍କ ଜାତୀୟ ପୋଷଣ ମିଶନ ଜରିଆରେ ରାଜ୍ୟରେ କାର୍ଯ୍ୟରତ ଅଙ୍ଗନବାଡ଼ିକର୍ମୀଙ୍କୁ ଟାବଲେଟ ଓ ଫୋନ ଯୋଗାଇ ଦିଆଯିବ । କେନ୍ଦ୍ରସରକାରଙ୍କ ପକ୍ଷରୁ ଏଥିପାଇଁ ଏକ କମନ ଆପ୍ଲିକେଶନ ସଫ୍ଟୱେୟାର ପ୍ରସ୍ତୁତ କରାଯାଇଛି । ପ୍ରଥମ ପର୍ଯ୍ୟାୟରେ ୧୧ଟି ଜିଲ୍ଲାରେ ଏହାକୁ କାର୍ଯ୍ୟକାରୀ କରିବା ପାଇଁ ନିଷ୍ପତ୍ତି ନିଆଯାଇଥିବା ବେଳେ ଏବେ ୨୫ଟି ଜିଲ୍ଲାକୁ ଏହାକୁ ବୃଦ୍ଧି କରାଯାଇଛି । ପ୍ରାୟ ୫୦/୬୦ ହଜାର ଅଙ୍ଗନାବାଡ଼ିକର୍ମୀଙ୍କୁ ଟାବଲେଟ ଓ ଫୋନ ଦିଆଯିବ ।

ମୁମ୍ବାଇ, ମେ ୧୯ : ଦେବାଳିଆ ଘୋଷିତ ଭୂଷଣ ଷ୍ଟିଲକୁ ରନେ ଟାଟାଙ୍କ ଟାଟା ଷ୍ଟିଲ ଖର୍ବ୍ଦି କରିଛି । କିଣା ବିକାକୁ ଭାରତୀୟ ପ୍ରତିଯୋଗିତା କମିଶନ ଓ ଜାତୀୟ କମ୍ପାନୀର ଟ୍ରିବ୍ୟୁନାଲ ମଞ୍ଜୁରୀ ଦେଇଥିବା ଟାଟା ଷ୍ଟିଲ ପକ୍ଷରୁ କୁହାଯାଇଛି ।

ରାଜନଗର, ମେ ୧୮ : ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନରେ କୁମ୍ଭୀର ବସା ଚିହ୍ନଟ କାର୍ଯ୍ୟକ୍ରମ ମେ ୧ରୁ ଆରମ୍ଭ ହୋଇଛି । ଏହା ଆସନ୍ତା ଜୁଲାଇ ୩୧ ଯାଏଁ ଚାଲିବ । ଏହି ସମୟ ମଧ୍ୟରେ ଭିତରକନିକା ଅଭୟାରଣ୍ୟ ଭିତରକୁ ପ୍ରବେଶ ପାଇଁ ପର୍ଯ୍ୟଟକଙ୍କୁ ଅନୁମତି ମିଳିବ ନାହିଁ । ବର୍ତ୍ତମାନ ସୁଦ୍ଧା ଜାତୀୟ ଉଦ୍ୟାନର ନଦୀ ଓ ନାଳ ମାନଙ୍କରେ ବାସ କରୁଥିବା ବିରଳ ବଉଳା କୁମ୍ଭୀର ୧୮ଟି ବସାରେ ଅଣ୍ଡାଦାନ କରିଥିବା ଦେଖାଯାଇଛି । ଭିତରକନିକା ଓ ଡାଙ୍ଗମାଳ ଫରେଷ୍ଟ ବ୍ଲକର ଗଞ୍ଜେଇଖିଆ, ଶାଗୁଣାଚର, ଶୁଆଯୋର, ଭ୍ରମରମାରି ଆଦି ଅଂଚଳରେ ଏହି ବସା ଗୁଡ଼ିକ ଦେଖିବାକୁ ମିଳିଛି ।

ଭୁବନେଶ୍ୱର, ମେ ୧୮ : ଓଡ଼ିଶାର ଗୋଟିଏ ହେଲେ ବି ସହର ସ୍ୱଚ୍ଛ ସର୍ଭେକ୍ଷଣ ୨୦୧୮ରେ ଭଲ ମୂଲ୍ୟାଙ୍କ ପାଇ ନାହାନ୍ତି । ସାରା ଦେଶରେ ଇନ୍ଦୋର ସ୍ୱଚ୍ଛ ସହରର ମାନ୍ୟତା ପାଇଥିବାବେଳେ ଭୋପାଳ, ଚଣ୍ଡିଗଡ଼, ନୂଆଦିଲ୍ଲୀ ମ୍ୟୁନିସିପାଲିଟି କାଉନସିଲ, ଗ୍ରେଟର ମୁମ୍ବାଇ ପରିଚ୍ଛନ୍ନତା ସହରର ମାନ୍ୟତା ହାସଲ କରିଛନ୍ତି ।