ଓଟିପି ଦେଖାଇଲେ ମିଳିବ ଏଲ୍‌ପିଜି,ନଭେମ୍ବର ରୁ ରାଜଧାନୀରେ ଆରମ୍ଭ

ଆସନ୍ତା ନଭେମ୍ବରରୁ ଦେଶରେ ଏଲ୍‌ପିଜି ଡେଲିଭରି ନିୟମ ବଦଳିଯିବ। ଗ୍ୟାସ ବୁକିଂ ବେଳେ ମିଳିଥିବା ଓଟିପି ଦେଖାଇଲେ ଡେଲିଭରି ମ୍ୟାନ୍ ସଂପୃକ୍ତ ଗ୍ରାହକଙ୍କୁ ଏଲପିଜି ଭର୍ତ୍ତି ସିଲିଣ୍ଡର ହସ୍ତାନ୍ତର କରିବେ। ଗ୍ୟାସ୍‌ ଚୋରିକୁ ରୋକିବା ପାଇଁ ସରକାରୀ କମ୍ପାନି ଗୁଡ଼ିକ ଏହି ପଦକ୍ଷେପ ନେଇଛନ୍ତି।

ସୌରଶକ୍ତି ଆଲୋକରେ ଝଲସିବ ସୂର୍ଯ୍ୟମନ୍ଦିର କୋଣାର୍କ

ସୌରଶକ୍ତି ଆଲୋକରେ ଝଲସିବ କୋଣାର୍କ। ୨୦୨୧ ମାର୍ଚ୍ଚ ସୁଦ୍ଧା କାର୍ଯ୍ୟକାରୀ ହେବ ଏହି ପ୍ରକଳ୍ପ । କଳାହାଣ୍ଡିରେ ୧୦ ମେଗାୱାଟ ସୌରଶକ୍ତି ପ୍ଲାଣ୍ଟ୍‌ ସ୍ଥାପନ କରାଯିବ। ଏନେଇ ଶକ୍ତି, ଶିଳ୍ପ ଓ ଗୃହ ରାଷ୍ଟ୍ରମନ୍ତ୍ରୀ କ୍ୟାପ୍‌ଟେନ ଦିବ୍ୟଶଙ୍କର ମିଶ୍ରଙ୍କ ଅଧ୍ୟକ୍ଷତାରେ ଏକ ବୈଠକରେ ମତପ୍ରକାଶ ପାଇଛି । ପ୍ରକଳ୍ପର ଅଗ୍ରଗତି ସମ୍ପର୍କରେ ସମୀକ୍ଷା କରାଯାଇଛି। ପ୍ରକଳ୍ପ କାର୍ଯ୍ୟକାରୀ ହେଲେ ଐତିହ୍ୟ ଓ ବୈଷୟିକ ଜ୍ଞାନର ଆକର୍ଷଣୀୟ ଯୁଗଳବନ୍ଦୀ ଭାବେ କୋଣାର୍କର ପ୍ରସିଦ୍ଧି ଆହୁରି ବୃଦ୍ଧି ପାଇବ ବୋଲି ମନ୍ତ୍ରୀ ଶ୍ରୀ ମିଶ୍ର କହିଛନ୍ତି

ରେଳ ବୋର୍ଡରେ କର୍ପୋରେଟ୍‌ ଢାଞ୍ଚା, ଘରୋଇ ସଂସ୍ଥା ଚଲାଇବେ ଟ୍ରେନ୍

ଗତ ମାସରେ ରେଳ ବୋର୍ଡକୁ କର୍ପୋରେଟ୍ ଢାଞ୍ଚା ପ୍ରଦାନ କରାଯାଇଛି। ଏହାର ଅଧ୍ୟକ୍ଷ ଶ୍ରୀ ଯାଦବଙ୍କୁ ବୋର୍ଡର ପ୍ରଥମ ସିଇଓ ଭାବେ ନିଯୁକ୍ତ କରାଯାଇଛି। ପୂର୍ବରୁ ରେଳ ବୋର୍ଡରେ ଆଠ ବିଭାଗୀୟ ମୁଖ୍ୟ ଥିଲେ ଏବଂ ସମସ୍ତେ ଭାରତ ସରକାରଙ୍କ ସଚିବ ଥିଲେ। ପ୍ରତି ବିଭାଗ ନିଜ ନିଜ ସ୍ବାର୍ଥକୁ ଗୁରୁତ୍ବ ଦେଉଥିବାରୁ ରେଳବାଇର କାର୍ଯ୍ୟ ପ୍ରଭାବିତ ହେଉଥିଲା। ବିଶେଷ କରି ଭବିଷ୍ୟତ ଯୋଜନାଗୁଡ଼ିକ ଠିକ୍ ଭାବେ କାର୍ଯ୍ୟକାରୀ ହୋଇପାରୁନଥିଲା।

୧୩୨,୦୦୦ଲୋକଙ୍କୁ ମିଳିବ ଭୂସମ୍ପତ୍ତି ବିବରଣୀ ଥିବା କାର୍ଡ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସ୍ବାମୀତ୍ବ ଯୋଜନାର ଶୁଭାରମ୍ଭ କରିବେ। ଏହି ଯୋଜନା ଅଧୀନରେ ପ୍ରାୟ ଏକ ଲକ୍ଷ ସମ୍ପତ୍ତି ମାଲିକ ସେମାନଙ୍କ ମୋବାଇଲ୍ ଫୋନକୁ ଆସିଥିବା ଏସଏମଏସ ଲିଙ୍କ୍ ମାଧ୍ୟମରେ ସେମାନଙ୍କ ସମ୍ପତ୍ତି ବିବରଣୀ ଥିବା କାର୍ଡଗୁଡ଼ିକୁ ଡାଉନଲୋଡ୍ କରିପାରିବେ। ଏହି ଯୋଜନାକୁ ଲକଡାଉନ୍ ସମୟରେ ପ୍ରଧାନମନ୍ତ୍ରୀ ମୋଦୀ ଘୋଷଣା କରିଥିଲେ ଏବଂ ଆଜି ଏହାର ପ୍ରଥମ ପର୍ଯ୍ୟାୟ ଆରମ୍ଭ ହେବ। ଆଜି, ଜମି ମାଲିକମାନେ ସେମାନଙ୍କର ସମ୍ପତ୍ତିର ମାଲିକାନା ରେକର୍ଡ ସହ ଜଡ଼ିତ କାର୍ଡ ପାଇ ପାରିବେ।

ପ୍ରଭାବ-ଭିତ୍ତିକ ବାତ୍ୟା ସତର୍କତା’ ଦିଗରେ ପାଣିପାଗ ବିଭାଗ ର ଉଦ୍ୟମ

ବାତ୍ୟାଜନିତ ଆର୍ଥିକ କ୍ଷତି ଏବଂ ସମ୍ପଦ କ୍ଷତିକୁ ସର୍ବନିମ୍ନ ସ୍ତରରେ ରଖିବା ନିମନ୍ତେ ଖୁବ୍‌ଶୀଘ୍ର ଭାରତୀୟ ପାଣିପାଗ ବିଭାଗ ଏକ ନୂଆ ବ୍ୟବସ୍ଥା ‘ପ୍ରଭାବ ଭିତ୍ତିକ ବାତ୍ୟା ସତର୍କ’ ସୂଚନା ଜାରି କରିବ। ଏହାଦ୍ୱାରା ଜିଲ୍ଲା ସ୍ତରରେ ବାତ୍ୟାର ଭବିଷ୍ୟତବାଣୀ ମଧ୍ୟ କରାଯାଇପାରିବ। ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ଏହି ସୂଚନା ଦେଇଛନ୍ତି। ମହାନିର୍ଦ୍ଦେଶକ ଶ୍ରୀ ମହାପାତ୍ରଙ୍କ ସୂଚନା ଅନୁସାରେ, ‘ପ୍ରଭାବ ଭିତ୍ତିକ ବାତ୍ୟା’ ସତର୍କତା ଜାରି ହେବା ଦ୍ୱାରା ଜିଲ୍ଲାର ନିର୍ଦ୍ଦିଷ୍ଟ କେଉଁ ସ୍ଥାନ ପ୍ରତି ବିପଦ ରହିଛି ତାହା ଜାଣି ହେବ।

୩ ହସ୍ତତନ୍ତ ସମିତିକୁ ବିନା ସୁଧରେ ୨୫ କୋଟି ଋଣ

କରୋନା ସଂକ୍ରମଣ ଜନିତ ଲକ୍‌ଡାଉନ୍ ଯୋଗୁ ହସ୍ତତନ୍ତ ଓ ବୟନଶିଳ୍ପ କ୍ଷେତ୍ର ପ୍ରଭାବିତ ହୋଇଛି। ଏହି ପରିସ୍ଥିତିର ମୁକାବିଲା ନିମନ୍ତେ ସରକାର ବୁଣାକାର ପରିବାରର କର୍ମସଂସ୍ଥାନକୁ ଦୃଷ୍ଟିରେ ରଖି କଞ୍ଚାମାଲ ଯୋଗାଉଛନ୍ତି। ଉତ୍ପାଦିତ ହସତନ୍ତ ବସ୍ତ୍ରର ବିକ୍ରୟ ସୁବିଧା କରିବା ନିମନ୍ତେ ସ୍ବତନ୍ତ୍ର ସହାୟତାର ବ୍ୟବସ୍ଥା କରାଯାଇଛି।

ଓଡ଼ିଶାରେ ରାଜ୍ୟ ବାହାର ଗାଡ଼ି ପାଇଁ କଟକଣା

ରାଜ୍ୟ ବାହାରୁ ଆସୁଥିବା ବ୍ୟାବସାୟିକ ଗାଡ଼ିଗୁଡ଼ିକ ଓଡ଼ିଶାର ପରମିଟ୍ ନେଉନାହାନ୍ତି କି ଟ୍ୟାକ୍ସ ବି ପୈଠ କରୁନାହାନ୍ତି। ଏହି ଗାଡ଼ିଗୁଡ଼ିକ ଓଡ଼ିଶା ଆସିବା ପୂର୍ବରୁ ଅନଲାଇନରେ ଅର୍ଥରାଶି ପୈଠ କରିବାକୁ ଚେତାବନୀ ଦେଇଛନ୍ତି ପରିବହନ କମିସନର। ଯେଉଁମାନେ ନିୟମ ଖିଲାପ କରି ଓଡ଼ିଶା ସୀମା ଭିତରକୁ ଗାଡ଼ି ପ୍ରବେଶ କରାଇବେ ସେମାନଙ୍କ ଗାଡ଼ି ଜବତ କରାଯିବ। କମିସନଙ୍କ କାର୍ଯ୍ୟାଳୟ ରାଜ୍ୟର ସମସ୍ତ ଆରଟିଓଙ୍କୁ ଖିଲାପ ଗାଡ଼ି ମାଲିକଙ୍କ ଗାଡ଼ି ଜବତ କରିବାକୁ ନିର୍ଦ୍ଦେଶ ଦେଇଛନ୍ତି।

ପୁରିଲା ୨୦ ବର୍ଷ,ଅକ୍ଟୋବର ରେ ନିଜ ଗ୍ରାହକ ଙ୍କୁ ୨୫ ପ୍ରତିଶତ ଅଧିକ ଡାଟା ଦେବ ବିଏସଏନଏଲ

ବିଏସଏନଏଲ ଆରମ୍ଭ ହେବାର ୨୦ ବର୍ଷ ବିତିଗଲାଣି । ୨୦୦୦ ମସିହା ଅକ୍ଟୋବର ୧ରେ ବିଏସଏନଏଲର ଆରମ୍ଭ ହୋଇଥିଲା । ୨୦ ବର୍ଷ ପୂରଣ କରିବାର ଅବସରରେ ସରକାରୀ ଟେଲିକମ୍ କମ୍ପାନି ଗ୍ରାହକଙ୍କୁ ଏକ ବିଶେଷ ଉପହାର ଘୋଷଣା କରିଛି । ଅକ୍ଟୋବରରେ ବିଏସଏନଏଲ ଗ୍ରାହକଙ୍କୁ ୨୫ ପ୍ରତିଶତ ଡାଟା ମାଗଣାରେ ପ୍ରଦାନ କରିବ।

ଦେଶର ୧୦ ପ୍ରାଣୀ ଉଦ୍ୟାନ ହେବ ବିଶ୍ବସ୍ତରୀୟ,ନନ୍ଦନ କାନନ ରହିଛି ସୂଚୀରେ

ବିଶ୍ବର ପ୍ରାଣୀ ଉଦ୍ୟାନ ଓ ଆକ୍ବାରିୟମ୍‌ ମଧ୍ୟରେ ସ୍ବର୍ଣ୍ଣ ମାନ୍ୟତା ହାସଲ ପାଇଁ ଦେଶର ୧୦ଟି ପ୍ରାଣୀ ଉଦ୍ୟାନକୁ ପ୍ରସ୍ତୁତ କରାଯିବ। ସେଗୁଡ଼ିକ କିଭଳି ବାହାର ଦେଶର ଚିଡ଼ିଆଖାନା ସହ ସମତୁଲ ହୋଇପାରିବ, ସେଥିପାଇଁ ଭିତ୍ତିଭୂମି ବିକାଶ ହେବ। ଏଥିସହ ପର୍ଯ୍ୟଟକ ଉପଯୋଗୀ କରିବାକୁ ବି ଲକ୍ଷ୍ୟ ରଖାଯାଇଛି। ଦେଶର ଦ୍ବିତୀୟ ବୃହତ୍ତମ ତଥା ଓଡ଼ିଶାର ବିଶାଳ ପ୍ରାଣୀଉଦ୍ୟାନ ‘ନନ୍ଦନକାନନ’ ଏହି ୧୦ଟି ତାଲିକାରେ ସ୍ଥାନ ପାଇଛି।

ମହିଳାଙ୍କୁ ଅସଦାଚରଣ କଲେ ସହରରେ ଲାଗିବ ପୋଷ୍ଟର

ମହିଳାଙ୍କୁ ଅସଦାଚରଣ କରୁଥିବା ବ୍ୟକ୍ତିଙ୍କ ବିରୋଧରେ ଅଧିକ କଠୋର ହୋଇଛନ୍ତି ଯୋଗୀ ସରକାର । ମହିଳାଙ୍କ ବିରୋଧରେ ହେଉଥିବା ଅପରାଧକୁ ନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ଏକ ବଡ଼ ନିଷ୍ପତ୍ତି ନେଇଛନ୍ତି। ଉତ୍ତରପ୍ରଦେଶରେ, ଯଦି କେହି ମହିଳାଙ୍କୁ ଅସଦାଚରଣ କରୁଥିବାବେଳେ ଧରାପଡନ୍ତି , ତେବେ ସେମାନଙ୍କ ପୋଷ୍ଟର ସହରରେ ଲଗାଯିବ।ନାଗରିକତା ସଂଶୋଧନ ଅଧିନିୟମ (CAA) ବିରୋଧରେ ହିଂସା ସମୟରେ ଯୋଗୀ ସରକାର ମଧ୍ୟ ସମାନ ପଦକ୍ଷେପ ନେଇଥିଲେ ।

ସରକାରୀ ଆଇଟିଆଇରେ ଅଧା ସିଟ୍‌ ଖାଲି

ଦେଶର ଶ୍ରେଷ୍ଠ ଶହେ ଆଇଟିଆଇ ମଧ୍ୟରେ ଓଡ଼ିଶାରୁ ୧୧ଟି ସ୍ଥାନ ପାଇଛି। ତାହାକୁ ଆଧାର କରି ଓଡ଼ିଶା ଖଣିଜ ଅଞ୍ଚଳ ଉନ୍ନୟନ ନିଗମ(ଓଏମ୍‌ବାଡ୍‌ସି) ପାଣ୍ଠିରେ ଖଣି ଅଞ୍ଚଳରେ ଉତ୍କର୍ଷ ବୈଷୟିକ ଦକ୍ଷତା ବିକାଶ ତାଲିମ କେନ୍ଦ୍ର ପ୍ରତିଷ୍ଠା କରାଯିବ। ଏଠାକାର ଯୁବକ ଯୁବତୀଙ୍କୁ ଅତ୍ୟାଧୁନିକ ସେକ୍ଟରରେ ନିଯୁକ୍ତି ଦକ୍ଷତା ବୃ୍ଦ୍ଧି ପାଇଁ ତାଲିମ କାର୍ଯ୍ୟକ୍ରମ ଆରମ୍ଭ ହେବ। ଓଡ଼ିଶାର ଛାତ୍ରଛାତ୍ରୀଙ୍କୁ କୁଶଳୀ କରିବାକୁ ୪ଦିନ ତଳେ ଲୋକସେବା ଭବନରେ ସମୀକ୍ଷା କରାଯିବା ସହ ଲମ୍ବା ଚଉଡ଼ା ଯୋଜନା ପ୍ରସ୍ତୁତ ହୋଇଥିଲା। ତେବେ ବାସ୍ତବ ଚିତ୍ର କିନ୍ତୁ ସମ୍ପୂର୍ଣ୍ଣ ଭିନ୍ନ।

ଶାରଦା ପ୍ରସନ୍ନଙ୍କ ନାଁରେ ପୁରସ୍କାର ଘୋଷଣା କଲେ ମୁଖ୍ୟମନ୍ତ୍ରୀ

ବିଶିଷ୍ଟ ଗୀତିକାର ଓ ଚଳଚ୍ଚିତ୍ର ନିର୍ମାତା ଶାରଦା ପ୍ରସନ୍ନ ନାୟକଙ୍କ ସ୍ମୃତିରେ ଆଜି ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରତିବର୍ଷ ଶାରଦାଙ୍କ ନାଁରେ ଦିଆଯିବ ଗୀତି କବିତା ପୁରସ୍କାର।

କୋଭିଡ୍‌ରେ ମୃତ ପୁଲିସଙ୍କୁ ମିଳିବ ଅବଶିଷ୍ଟ ଚାକିରି କାଳର ଦରମା

କୋଭିଡରେ ମୃତ ପୁଲିସ ଅଧିକାରୀ ଓ କର୍ମଚାରୀ ତାଙ୍କ ଅବଶିଷ୍ଟ ଚାକିରି କାଳର ସଂପୂର୍ଣ୍ଣ ଦରମା ପାଇବେ। ଏହା ତାଙ୍କ ପରିବାର ସଦସ୍ୟଙ୍କୁ ଦିଆଯିବ। ଏହାସହିତ ସରକାରଙ୍କ ଘୋଷଣା ଅନୁଯାୟୀ ଅନୁକମ୍ପା ରାଶି ମଧ୍ୟ ପ୍ରଦାନ କରାଯିବ। ଏଥିରେ ଯେଭଳି ବିଳମ୍ବ ନହୁଏ ସେଥିପ୍ରତି ଦୃଷ୍ଟି ଦିଆଯିବ।

ଆଜିଠୁ ଦୂରଦର୍ଶନରେ ଯୁକ୍ତ୨ ପାଠପଢ଼ା

ଯୁକ୍ତ୨ ଦ୍ବିତୀୟ ବର୍ଷ(୨୦୨୧ରେ ପରୀକ୍ଷା ଦେବାକୁ ଥିବା) ଛାତ୍ରଛାତ୍ରୀଙ୍କୁ ସେପ୍ଟେମ୍ବର ୭ ତଥା ସୋମବାରଠାରୁ ଦୂରଦର୍ଶନ (ଡିଡି ଓଡ଼ିଆ ଚ୍ୟାନେଲ୍‌)ରେ ଶିକ୍ଷା ଦିଆଯିବ। ପ୍ରଥମ ପର୍ଯ୍ୟାୟରେ ବିଜ୍ଞାନ ବିଭାଗ ଛାତ୍ରଛାତ୍ରୀଙ୍କୁ ଶିକ୍ଷା ଦେବା ଲାଗି ବ୍ୟବସ୍ଥା ହୋଇଥିବା ବେଳେ ପର୍ଯ୍ୟାୟକ୍ରମେ ବାଣିଜ୍ୟ ଓ କଳା ବିଭାଗ ଛାତ୍ରଛାତ୍ରୀଙ୍କ କ୍ଲାସ ହେବ। ସୋମବାରରୁ ଶୁକ୍ରବାର ପର୍ଯ୍ୟନ୍ତ ପୂର୍ବାହ୍ନ ୧୦ଟାରୁ ୧୧ଟା ପର୍ଯ୍ୟନ୍ତ ଅଭିଜ୍ଞ ଅଧ୍ୟାପକ ଅଧ୍ୟାପିକା ପଢ଼ାଇବେ।

ବ୍ୟାଙ୍କ ଫେରାଇବେ ଡିଜିଟାଲ୍‌ କାରବାର ଚାର୍ଜ

ଡିଜିଟାଲ୍ ଓ ୟୁପିଆଇ କାରବାର ଉପରେ ବ୍ୟାଙ୍କ କିମ୍ବା ପେମେଣ୍ଟ୍ ସେବା ପ୍ରଦାନ କରୁଥିବା ସଂସ୍ଥାଗୁଡ଼ିକ ଗ୍ରାହକଙ୍କ ଠାରୁ କୌଣସି ଚାର୍ଜ ବା ଶୁଳ୍କ ଆଦାୟ କରିପାରିବେ ନାହିଁ। କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ (ସିବିଡିଟି) ଏହା ସ୍ପଷ୍ଟ କରିଛି। ପେମେଣ୍ଟସ୍‌ ଆଣ୍ଡ୍‌ ସେଟଲମେଣ୍ଟ୍‌ ସିଷ୍ଟମସ୍‌ ଆକ୍ଟ, ୨୦୦୭ର ଧାରା ୧୦ ଓ ଆୟକର ନିୟମର ଧାରା ୨୬୯ ଏସ୍‌ୟୁ ଅନୁସାରେ ଏହି ଶୁଳ୍କ ଗ୍ରାହକ କିମ୍ବା ମର୍ଚାଣ୍ଟ୍‌ଙ୍କ ଠାରୁ ଆଦାୟ କରାଯାଇପାରିବ ନାହିଁ ।

ଘରୋଇ ହସ୍ପିଟାଲ ରେ କରୋନା ରୋଗୀ ଙ୍କ ଚିକିତ୍ସା ପାଇଁ ଧାର୍ଯ୍ୟ ହେଲା ଦର

ଘରୋଇ ହସ୍ପିଟାଲରେ କରୋନା ଚିକିତ୍ସା ନେଇ ରାଜ୍ୟ ସରକାର ଆଜି ଦର ଧାର୍ଯ୍ୟ କରିଛନ୍ତି। ସାଧାରଣ ଶଯ୍ୟା ପାଇଁ ଦୈନିକ ୨୯୫୦ରୁ ୪୭୫୦, ଆଇସିୟୁ ୧୦ରୁ ୧୭ ହଜାର ଓ ଆଇସିୟୁ ସହ ଭେଣ୍ଟିଲେଟର୍‌ ପାଇଁ ୧୨ରୁ ୧୮ ହଜାର ଟଙ୍କା ଧାର୍ଯ୍ୟ କରାଯାଇଛି। ଏହି ଦର ୩୦ରୁ ଅଧିକ ଶଯ୍ୟା ବିଶିଷ୍ଟ ଘରୋଇ ହସ୍ପିଟାଲ ପାଇଁ ଲାଗୁ ହେବ। ପୂର୍ବରୁ ରାଜ୍ୟ ସରକାର ସରକାରୀ କୋଭିଡ୍‌ ହସ୍ପିଟାଲ ପାଇଁ ଦରଧାର୍ଯ୍ୟ କରିଥିଲେ।

ଆଧାର କାର୍ଡ଼କୁ ସଂଶୋଧନ କରିବା ପାଇଁ ଦେବାକୁ ପଡ଼ିବ ମାତ୍ର ୧୦୦ଟଙ୍କା

ଆଧାର କାର୍ଡ଼ ଦେଶବ୍ୟାପି ପରିଚୟର ପ୍ରମାଣ ପାଇଁ ସବୁଠୁ ଅଧିକ ବ୍ୟବହୃତ ହୋଇଥାଏ। ୟୁଆଇଡିଏଆଇ ବାୟୋମେଟ୍ରିକ ଡିଟେଲକୁ ନେଇ କିଛି ଅପଡେଟ୍ ସେୟାର କରିଛି। ଯଦି ଜଣେ ୟୁଜରଙ୍କ ପାଖରେ ଆଧାର କାର୍ଡ଼ ରହିଛି ତେବେ ସେ ଆଧାର ନାମାଙ୍କନ କେନ୍ଦ୍ରକୁ ଯାଇ କିମ୍ବା ଓ୍ବେବସାଇଟ୍ ଜରିଆରେ ଆଧାର କାର୍ଡ଼ ପରିବର୍ତ୍ତନ କରି ପାରିବେ ।

ସ୍କୁଲରେ ହେବ ପୋଷଣ ଉଦ୍ୟାନ,ଖର୍ଚ୍ଚ ହେବ ୨୧ କୋଟି ରୁ ଅଧିକ

ରାଜ୍ୟର ୪୩ ହଜାର ସ୍କୁଲରେ ହେବ ପୋଷଣ ଉଦ୍ୟାନ। ଏହାଦ୍ୱାରା ମଧ୍ୟାହ୍ନଭୋଜନରେ ଛାତ୍ରଛାତ୍ରୀଙ୍କୁ ପୁଷ୍ଟିସାର ଯୁକ୍ତ ଖାଦ୍ୟ ମିଳିବ। କଦଳୀ, ଅମୃତଭଣ୍ଡା ସହ ଋତୁକାଳୀନ ପନିପରିବା ଚାଷ ହେବାକୁ ଥିବାରୁ ଛାତ୍ରଛାତ୍ରୀ ପୋଷଣଯୁକ୍ତ ଖାଦ୍ୟ ଖାଇପାରିବେ। ୨୦୧୮ରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଜାରି ହୋଇଥିବା ଗାଇଡ୍‌ଲାଇନ୍‌କୁ ଆଧାର କରି ସ୍କୁଲ କ୍ୟାମ୍ପସରେ ଉଦ୍ୟାନର ବିକାଶ କରିବାକୁ କୁହାଯାଇଛି। ପୋଷଣ ଉଦ୍ୟାନ ହେବାକୁ ଥିବା ୪୩ ହଜାର ସ୍କୁଲ ପାଇଁ ୨୧ କୋଟି ୫୦ ଲକ୍ଷ ଟଙ୍କାର ବ୍ୟୟ ଅଟକଳ କରାଯାଇଛି।

କେନ୍ଦ୍ରାପଡ଼ାର ପ୍ରତି ବ୍ଲକ୍‌କୁ ମିଳିବ ଭେଣ୍ଟିଲେଟର ଯୁକ୍ତ ଆମ୍ବୁଲାନ୍ସ

କେନ୍ଦ୍ରାପଡା ଜିଲ୍ଲାବାସୀଙ୍କ ସୁବିଧା ପାଇଁ ଜିଲ୍ଲାର ପ୍ରତି ବ୍ଲକ୍‌କୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଗୋଟିଏ ଲେଖାଏ ଭେଣ୍ଟିଲେଟର ଯୁକ୍ତ ଆମ୍ବୁଲାନ୍ସ ଦିଆଯିବ। କେନ୍ଦ୍ରାପଡା ପ୍ରତି ସେ ସବୁବେଳେ ସ୍ବତନ୍ତ୍ର ଦୃଷ୍ଟି ଦେଇ ଆସିଛନ୍ତି ବୋଲି ପ୍ରକାଶ କରି ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଭଳି ଘୋଷଣା କରିଛନ୍ତି। ଏଥିସହିତ ଖାଦ୍ୟ ସୁରକ୍ଷାରୁ ବଞ୍ଚିତ ସବୁ ଯୋଗ୍ୟ ହିତାଧିକାରୀଙ୍କୁ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ କରି ତୁରନ୍ତ ରାସନ୍‌ କାର୍ଡ ଯୋଗାଇ ଦେବାପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି।ଭିଡ଼ିଓ କନଫରେନ୍ସିଂ ମାଧ୍ୟମରେ କେନ୍ଦ୍ରାପଡ଼ା ଜିଲ୍ଲାର ବିଧାୟକ ଓ ସରପଞ୍ଚଙ୍କ ସହିତ ମୁଖ୍ୟମନ୍ତ୍ରୀ କଥା େହାଇଥିଲେ।

ସ୍ପଷ୍ଟ ଅକ୍ଷରରେ ପ୍ରେସକ୍ରିପସନ୍ ଲେଖିବେ ଡାକ୍ତର-ହାଇକୋର୍ଟ

ଡାକ୍ତରଙ୍କ ଅସ୍ପଷ୍ଟ ହସ୍ତାକ୍ଷର ଯୋଗୁଁ ଜଣେ ମାରାତ୍ମକ ପରିଣତି ଭୋଗ କରିବାର ଆଶଙ୍କା ରହିଥିବା ପ୍ରସଂଗକୁ ଦୃଷ୍ଟିରେ ରଖି ହାଇକୋର୍ଟ ଡାକ୍ତର ମାନଙ୍କୁ ସ୍ପଷ୍ଟ ଅକ୍ଷର ରେ ଔଷଧ ଚିଠା ଲେଖିବାପାଇଁ ନିର୍ଦ୍ଦେଶ ପ୍ରଦାନ କରିଛନ୍ତି। ଜଷ୍ଟିସ୍ ସଂଜୀବ କୁମାର ପାଣିଗ୍ରାହୀଙ୍କୁ ନେଇ ଗଠିତ ଖଣ୍ଡପୀଠ ଏକ ଅନ୍ତରୀଣ ଜାମିନ ଆବେଦନର ଶୁଣାଣି କରି ଏପରି ରାୟ ରଖିବା ସହିତ ସଂପୃକ୍ତ ବ୍ୟକ୍ତିଙ୍କୁ ଏକ ମାସ ଅନ୍ତରୀଣ ଜାମିନ ପ୍ରଦାନ କରିଛନ୍ତି।


First Previous
1 2 3 4 5 6 7 8 9 10
Next Last Page 1 of 34

Recent Post