ଇଣ୍ଟରନ୍ୟାସନାଲ ଜଷ୍ଟିସ ମିସନର ପ୍ରୟାସ, ୧୭ ବର୍ଷରେ ମୁକୁଳିଛନ୍ତି ୧୭ ହଜାର ଦାଦନ ଶ୍ରମିକ

ଦାନାପାଣି ଯୋଗାଡ଼ର ଆଶା ନେଇ ସେମାନେ ଦାଦନ ଯାଆନ୍ତି । କାମ ଯାଗାରେ ପହଂଚିବା ପରେ ହୁଏ ମୋହ ଭଙ୍ଗ । ଦାଦନ ସର୍ଦ୍ଦାରର ଜୁଲୁମ, କଠିନ ପରିଶ୍ରମ ଓ ମଜୁରୀ ମିଳିବାରେ ସମସ୍ୟା ସହିତ ମାଡ଼ ଗାଳି ମଧ୍ୟ ସହିବାକୁ ହୁଏ । ଦାଦନରେ ଏମିତି ଅସରନ୍ତି ଦୁଃଖ ବୋହୁଥିବା ଏଭଳି ଅନେକ ଶ୍ରମଜୀବିଙ୍କ ସଂଘର୍ଷର କାହାଣୀ ଶୁଣିବାକୁ ମିଳିଥିଲା ଭୁବନେଶ୍ୱର ପ୍ରେସକ୍ଲବ ପରିସରରେ ।

ଡ଼ିଜିଟାଲ ଜେଣ୍ଡର ଆଟଲାସ ପ୍ରସ୍ତୁତ କଲା ଉଚ୍ଚଶିକ୍ଷା ବିଭାଗ, ୱେବସାଇଟରୁ ମିଳିବ ଉଚ୍ଚଶିକ୍ଷା ସ୍ଥିତି ଓ ସଫଳତା

ରାଜ୍ୟର ଉଚ୍ଚଶିକ୍ଷା ବିଭାଗ ଆନୁକୁଲ୍ୟରେ ଡ଼ିଜିଟାଲ ଜେଣ୍ଡର ଆଟଲାସ ୱେବସାଇଟ ଗୁରୁବାର ଲୋକାର୍ପିତ ହୋଇଛି । ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ ଏହାକୁ ଉନ୍ମୋଚନ କରି କହିଛନ୍ତି ଯେ ଏହି ୱେବସାଇଟରୁ ରାଜ୍ୟରେ ଥିବା ଡ଼ିଗ୍ରୀ କଲେଜ, ବିଶ୍ୱବିଦ୍ୟାଳୟ ଛାତ୍ରଛାତ୍ରୀଙ୍କ ଯୋଗଦାନ, ସ୍ଥିତି ଓ ସଫଳତା ସଂପର୍କରେ ତଥ୍ୟ ମିଳିବ ।

ବର୍ଜ୍ୟ ବସ୍ତୁରୁ ତିଆରି କଳାକୃତ୍ତିକୁ ନେଇ ପ୍ରଦର୍ଶନୀ

ବ୍ରହ୍ମପୁର ସରକାରୀ ଶିଳ୍ପ ତାଲିମ ପ୍ରତିଷ୍ଠାନ (ଆଇଟିଆଇ)ର ଛାତ୍ରଛାତ୍ରୀମାନେ ବିଭିନ୍ନ ପ୍ରକାର ବର୍ଜ୍ୟ ଦ୍ରବ୍ୟକୁ ବ୍ୟବହାର କରି ପ୍ରସ୍ତୁତ କରିଥିବା ଆକର୍ଷଣୀୟ କଳାକୃତ୍ତି ସମୂହକୁ ନେଇ ଏକ ପ୍ରଦର୍ଶନୀର ଆୟୋଜନ କରିଛନ୍ତି । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ବିଦ୍ୟାର୍ଥିମାନଙ୍କ ସ୍ୱଚ୍ଛତା ହିଁ ସେବା ଥିମକୁ ନେଇ ବର୍ଜ୍ୟ ବସ୍ତୁରେ ପ୍ରସ୍ତୁତ ଆକର୍ଷଣୀୟ କଳା ଗୁଡ଼ିକର ପ୍ରଦର୍ଶନୀକୁ ଉଦଘାଟନ କରିଥିଲେ ।

ସ୍କୁଲ ପରିବେଶକୁ ସଜାଡ଼ିଲେ ସ୍ୱେଚ୍ଛାସେବୀ

ଚନ୍ଦକା ଜଙ୍ଗଲ କଡ଼ରେ ଥିବା କନ୍ଦଳେଇ ପ୍ରକଳ୍ପ ପ୍ରାଥମିକ ବିଦ୍ୟାଳୟକୁ ସବୁଜିମାମୟ କରିବା ପାଇଁ ପ୍ରୟାସ କରାଯାଇଛି । ଜଙ୍ଗଲ କଡ଼ରେ ଥିଲେ େଁ ପଡ଼ିଆ ଜମିରେ ଗଢି ଉଠିଥିବା ସ୍କୁଲଟି ନଣ୍ଡା ଦେଖାଯାଉଥିଲା । ଏହାକୁ ନୂଆ ରୂପ ଦେବା ପାଇଁ ଆଗେଇ ଆସିଛନ୍ତି ସ୍ୱେଚ୍ଛାସେବୀ । ନୂଆଦିଲ୍ଲୀର ସାମାଜିକ ସଂଗଠନ ଆଶ୍ରା ସହଯୋଗର ହାତ ବଢାଇ ଦେଇଛି । କନ୍ଦଳେଇ ପ୍ରାଥମିକ ବିଦ୍ୟାଳୟ ଚାରିପଟରେ ୨୦୦ରୁ ଊଦ୍ଧ୍ୱର୍ ଦେବଦାରୁ ବୃକ୍ଷର ଚାରା ରୋପଣ କରାଯାଇଛି ।

ବୀର ସୁରେନ୍ଦ୍ର ସାଏଙ୍କ ନାମରେ ଝାରସୁଗୁଡ଼ା ବିମାନବନ୍ଦର ପାଇଁ ପାରିତ ହେଲା ସଂକଳ୍ପ

ଆସନ୍ତା ୨୨ ତାରିଖରେ ଉଦଘାଟନ ହେବ ଝାରସୁଗୁଡ଼ା ବିମାନବନ୍ଦର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉଦଘାଟନ କରିବେ । ଏହା ପୂର୍ବରୁ ବିମାନବନ୍ଦରର ନାମକରଣ ବୀରସୁରେନ୍ଦ୍ର ସାଏଙ୍କ ନାମରେ କରାଯିବା ପାଇଁ ବିଧାନସଭାରେ ସର୍ବ ସମ୍ମତ୍ତିକ୍ରମେ ସଂକଳ୍ପ ପାରିତ ହୋଇଯାଇଛି । ବିକ୍ରମ କେଶରୀ ଆରୁଖ ସଂକଳ୍ପ ଆଗତ କରିବା ପରେ ଉଭୟ ବିଜେପି ଓ କଂଗ୍ରେସ ସଦସ୍ୟମାନେ ଏହାକୁ ସମର୍ଥନ କରିଥିଲେ ।

ସେପ୍ଟେମ୍ବର ୨୫ରେ ଉଦଘାଟନ ହେବ ଚେନ୍ନାଇରେ ନିର୍ମିତ ଓଡ଼ିଶା ଭବନ

ଚେନ୍ନାଇଠାରେ ନିର୍ମିତ ଓଡ଼ିଶା ଭବନର ଉଦଘାଟନ ଆଗାମୀ ସେପ୍ଟେମ୍ବର ୨୫ ତାରିଖରେ ତାମିଲନାଡ଼ୁ ମୁଖ୍ୟମନ୍ତ୍ରୀ ଇ କେ ପାଲାନିସ୍ୱାମୀଙ୍କ ଦ୍ୱାରା ଅନୁଷ୍ଠିତ ହେବ । ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିରେ ଉପସ୍ଥିତ ରହିବେ ।

ସତ୍ୟବାଦୀ ବକୁଳ ବନରେ ଓଡ଼ିଆ ବିଶ୍ୱବିଦ୍ୟାଳୟ

ଓଡ଼ିଆ ନବଜାଗରଣର ପୀଠ ତଥା ଉତ୍କଳମଣି ଗୋପବନ୍ଧୁଙ୍କ ସମେତ ପଂଚସଖାଙ୍କ କର୍ମଭୂମି ସତ୍ୟବାଦୀର ବକୁଳବନରେ ଓଡ଼ିଆ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବ । ଅତୀତରେ ସ୍ଥାପନ କରିଥିବା ଆଦର୍ଶକୁ ଜୀବିତ କରିବା ପାଇଁ ରାଜ୍ୟ ସରକାର ଏହି ଭୂମିରେ ଓଡ଼ିଆ ବିଶ୍ୱବିଦ୍ୟାଳୟ ନିର୍ମାଣକୁ ନେଇ ନିଷ୍ପତ୍ତି ନେଇଛନ୍ତି ।

ରୋଗୀକୁ ବନ୍ଧକ ରଖିପାରିବ ନାହିଁ ହସପିଟାଲ

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ରୋଗୀଙ୍କ ଅଧିକାରକୁ ନେଇ ଏକ ଚାର୍ଟର ଜାରୀ ରହିଛି । ଏହା ଲାଗୁ ହୋଇଥିବା ମାତ୍ରକେ ହସପିଟାଲ ବିନା ଅନାଦେୟ ପାଇଁ ରୋଗୀ ଓ ତାଙ୍କ ସଂପର୍କିୟମାନଙ୍କୁ କୌଣସି ହାଲତରେ ବି ଅଟକାଇ ପାରିବନାହିଁ ।

ପଡ଼ିଆ ଜମିରେ ଚହଟୁଛି ଗୋଲାପ ଚାଷର ମହକ

ସରକାରଙ୍କ ବିନା ସହାୟତାରେ ବିଏସଏନଏଲର ଜଣେ ସେବା ନିବୃତ୍ତ କର୍ମଚାରୀ ଉମାଚରଣ ବେହେରା ନିଜସ୍ୱ ପ୍ରୟାସରେ ପଡ଼ିଆ ଜମିରେ ଗୋଲାପ ଫୁଟାଇ ନଜରକୁ ଆସିଛନ୍ତି ।

ଅନୁପ୍ରବେଶକୁ ରୋକିବା ପାଇଁ ସୀମାରେ ହେଲା ସ୍ମାର୍ଟ ଫେନ୍ସିଂ ବ୍ୟବସ୍ଥା

ଆଜି ଗୃହମନ୍ତ୍ରୀ ରାଜନାଥ ସିଂ ଭାରତ ପାକିସ୍ଥାନ ସୀମାରେ ସ୍ମାର୍ଟ ଫେନ୍ସିଂ ପ୍ରକଳ୍ପର ଶୁଭାରମ୍ଭ କରିବେ । ସୀମାରେ ଅନୁପ୍ରବେଶକୁ ରୋକିବା ଦିଗରେ ଏହି ପଦକ୍ଷେପ ସହାୟକ ହେବ ।

୧୩ ହଜାର କୋଟି ପୁଞ୍ଜିନିବେଶରେ ପୁନଃରୁଦ୍ଧାର ହେବ ତାଳଚେର ସାର କାରଖାନା

ସାର କାରଖାନା ପାଇଁ ସୁନାମ ଅର୍ଜିଥିଲା ତାଳଚେର । ସତୁରି ଦଶକରେ ତାଳଚେର ସାର କାରଖାନା ହଜାର ହଜାର ଶ୍ରମିକ ଓ କୃଷକଙ୍କ ସାହା ଭରଷା ପାଲଟିଥିଲା । ଆର୍ଥିକ ସଙ୍କଟ ଓ ପ୍ରଯୁକ୍ତି ଅଭାବ ସାଜିଲା ବାଧକ । ଏବେ ଅତ୍ୟାଧୁନିକ ବୈଷୟିକ ଜ୍ଞାନ କୌଶଳ ସହାୟତାରେ ଏହାର ପୁନଃରୁଦ୍ଧାର କରାଯିବ । କୋଇଲାକୁ ବ୍ୟବହାର କରି ଗ୍ୟାସ ଏବଂ ୟୁରିଆ ଉତ୍ପାଦନ ହେବ । ଏଥିରେ ୧୩ ହଜାର କୋଟି ଖର୍ଚ୍ଚ କରାଯାଉଛି । ସେପ୍ଟେମ୍ବର ୨୨ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଳଚେର ଗସ୍ତ କରି ଏହାର ଶୁଭ ଦେବେ । ସେହିଦିନ ହିଁ କାର୍ଯ୍ୟ ଆରମ୍ଭ ହେବ ବୋଲି ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।

ଭିକ୍ଷା ବୃତ୍ତି ଅର୍ଥରେ ଶୌଚାଳୟ ନିର୍ମାଣ କରି ପୁରସ୍କୃତ ହେଲେ ଦୁଇ ମହିଳା

ସ୍ୱଚ୍ଛ ଭାରତ ଅଭିଯାନକୁ ସଫଳ କରିବା ପାଇଁ ଅମିତାଭ ବଚ୍ଚନଙ୍କ ଠାରୁ ରତନ ଟାଟାଙ୍କ ଯାଏ ବିଭିନ୍ନ ବର୍ଗର ଲୋକେ ସାମିଲ ହୋଇ ଏହାକୁ ଏକ ଜନଆନ୍ଦୋଳନରେ ପରିଣତ କରିଥିବାବେଳେ ଏଥିରେ ଏକ ନୁଆ ଅଧ୍ୟାୟ ଯୋଡ଼ିଛନ୍ତି ଦୁଇଜଣ ଗ୍ରାମୀଣ ମହିଳା ।

ଜିଲ୍ଲାପାଳ ପଢାଇଲେ ଗଣିତ ପାଠ

କେନ୍ଦ୍ରାପଡ଼ା ଜିଲ୍ଲାପାଳ ଦାସରଥୀ ଶତପଥୀ ନିଜର ବ୍ୟସ୍ତ ବହୁତ କର୍ମସୂଚୀରୁ ସମୟ ବାହାର କରି ସରକାରୀ ସ୍କୁଲର ପିଲାମାନଙ୍କୁ ଗଣିତ ପାଠ ସଂପର୍କରେ କେତେକ ପରାମର୍ଶ ଦେଇଛନ୍ତି ।

ବାଜି ରାଉତଙ୍କ ଉପରେ ସିନେମା କରୁଛନ୍ତି ଛାତ୍ରଛାତ୍ରୀ

ରେଭେନ୍ସା ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନେ ପ୍ରସ୍ତୁତ କରୁଛନ୍ତି ଏକ ନିଆରା ସିନେମା । ଏଥିରେ ଓଡ଼ିଶାର ବୀର ବାଳକ ବାଜି ରାଉତଙ୍କ ଆତ୍ମବଳିଦାନ ପ୍ରସଙ୍ଗକୁ ଚିତ୍ରାୟିତ କରାଯିବ । ସ୍ୱାଧିନତା ସଂଗ୍ରାମରେ ଦେଶର ସବୁଠୁ କନିଷ୍ଠ ଏହି ସହୀଦଙ୍କୁ ସାରା ଦେଶବାସୀଙ୍କ ନିକଟରେ ଉପସ୍ଥାପିତ କରିବା ପାଇଁ ବିଦ୍ୟାର୍ଥିମାନେ ଏଭଳି ଏକ ପ୍ରୟାସ ହାତକୁ ନେଇଛନ୍ତି ।

କୃଷକ ମାନଙ୍କ ପାଇଁ ଡ଼ିଜିଟାଲ ସୂଚନା ସେବା ଲୋକାର୍ପିତ

ଏଣିକି ଜିଲ୍ଲାର ଚାଷୀମାନଙ୍କ ପାଇଁ ହାତ ମୁଠାରେ ରହିବ ଚାଷ ସଂପର୍କିତ ସୂଚନା । ଏହା ପୁଣି ନିଜ ମାତୃଭାଷାରେ ଉପଲବ୍ଧ ହେବ । କୃଷି ବିଭାଗ ଉପନିର୍ଦ୍ଦେଶକ ଶ୍ରୀ ଧର ଦାସ ଡ଼ିଜିଟାଲ ସୂଚନା ସେବାକୁ ଆତ୍ମା (ଏଗ୍ରିକଲଚର ଟେକ୍ନୋଲୋଜି ମେନେଜମେଣ୍ଟ ଏଜେନ୍ସି) କାର୍ଯ୍ୟାଳୟରେ ଶୁଭାରମ୍ଭ କରି ଏହି ସୂଚନା ପ୍ରଦାନ କରିଛନ୍ତି ।

ଅପରେସନ ପରୀ, ୧୧ ଦିନରେ ଓଡ଼ିଶା ପୋଲିସ ଦ୍ୱାରା ୧୯୪୭ ଶିଶୁ ଉଦ୍ଧାର

ନିଖୋଜ ଶିଶୁଙ୍କୁ ଖୋଜିବା ପାଇଁ ଆରମ୍ଭ ହୋଇଛି ପରୀ ଅଭିଯାନ । ଓଡ଼ିଶା ପୋଲିସ ପକ୍ଷରୁ ସେପ୍ଟେମ୍ବର ୧ରୁ ଆରମ୍ଭ ହୋଇଥିବା ପରୀ-୨ ଅଭିଯାନରେ ବର୍ତ୍ତମାନ ସୁଦ୍ଧା ୧୪୯୭ ଶିଶୁଙ୍କୁ ଉଦ୍ଧାର କରାଯାଇଥିବା ଜଣାଯାଇଛି ।

ବର୍ଷକରେ ହେଲା ୭୧୭୬ କିମିି ରାସ୍ତା, ପ୍ରଧାନମନ୍ତ୍ରୀ ଗ୍ରାମସଡ଼କ ନିର୍ମାଣରେ ଓଡ଼ିଶା ପ୍ରଥମ

ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ଅନ୍ତର୍ଗତ ରାସ୍ତା ନିର୍ମାଣ କରି ଓଡ଼ିଶା ଆଗରେ ରହିଛି । ୨୦୧୭-୧୮ ବର୍ଷରେ ଓଡ଼ିଶା ସମୁଦାୟ ୭୧୭୬ କିମି ରାସ୍ତା ନିର୍ମାଣ କରି ଦେଶର ପ୍ରଥମ ରାଜ୍ୟ ଭାବେ କେନ୍ଦ୍ରସରକାରଙ୍କ ଠାରୁ ପୁରସ୍କୃତ ହୋଇଥିବା ଜଣାଯାଇଛି ।

ରାଜଧାନୀର ୧୦୦ ଯାଗାରେ ହେବ ବସ୍ ରହଣୀ ସ୍ଥଳ, ୫୦ରେ ଆରମ୍ଭ ହୋଇଗଲାଣି କାମ

ସ୍ମାର୍ଟ ସିଟି ଭୁବନେଶ୍ୱରର ସାର୍ବଜନୀନ ଯାତାୟତ ବ୍ୟବସ୍ଥାକୁ ଅଧିକ କ୍ରିୟାଶୀଳ ଓ ଫଳପ୍ରଦ କରାଇବା ପାଇଁ ବ୍ୟାପକ ବ୍ୟବସ୍ଥା ହାତକୁ ନିଆଯାଇଛି ।

ମୁଖ୍ୟମନ୍ତ୍ରୀଙ୍କ ପୁଞ୍ଜିନିବେଶ ମିଶନ : ଦିଲ୍ଲୀରେ ମେକ୍ ଇନ ଓଡ଼ିଶା ରୋଡ଼ ସୋ

ନୂଆଦିଲ୍ଲୀରେ ଆୟୋଜିତ ହେଉଛି ମେକ୍ ଇନ ଓଡ଼ିଶା କନକ୍ଲେଭ । ପୁଞ୍ଜିନିବେଶକାରୀଙ୍କୁ ଆକୃଷ୍ଟ କରିବା ପାଇଁ ଏହି କନକ୍ଲେଭରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିବେଶକଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।


First Previous
1 2 3 4
Next Last Page 1 of 4

Recent Post