ସଂଗ୍ରାମୀ ନୀଳମଣି ସାମଲଙ୍କୁ ରାଷ୍ଟ୍ରପତି ସମ୍ମାନ

ବଡ଼ଚଣା ମାଟିର ବର୍ଷୀୟାନ ସ୍ବାଧୀନତା ସଂଗ୍ରାମୀ ନୀଳମଣି ସାମଲଙ୍କୁ ଚତୁର୍ଥଥର ପାଇଁ ରାଷ୍ଟ୍ରପତି ସମ୍ମାନରେ ସମ୍ମାନିତ କରାଯାଇଛି। କ୍ରାନ୍ତିଦିବସ ଅବସରରେ ସଂଗ୍ରାମୀଙ୍କ ବାଲିପଡ଼ିଆସ୍ଥିତ ବାସଭବନରେ ଯାଜପୁର ଜିଲ୍ଲାପାଳ ରଂଜନ କୁମାର ଦାସ ପହଞ୍ଚି ତାଙ୍କୁ ରାଷ୍ଟ୍ରପତିଙ୍କ ପ୍ରଦତ୍ତ ସମ୍ମାନ ପ୍ରଦାନ କରିଥିଲେ। ରାଷ୍ଟ୍ରପତି ଭବନରୁ ଆସିଥିବା ଅଙ୍ଗବସ୍ତ୍ର ଓ ରାଷ୍ଟ୍ରପତିଙ୍କ ଶୁଭେଚ୍ଛା ବାର୍ତ୍ତା ତାଙ୍କୁ ପ୍ରଦାନ କରାଯାଇଥିଲା। ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ସଂଗ୍ରାମୀ ଶ୍ରୀ ସାମଲଙ୍କୁ ଶ୍ରୀମଦ୍‌ ଭାଗବତ ପୁସ୍ତକ ଉପହାର ଦିଆଯାଇଥିଲା। କୋଭିଡ୍‌-୧୯ କଟକଣା ଯୋଗୁଁ ନୂଆଦିଲ୍ଲୀସ୍ଥିତ ରାଷ୍ଟ୍ରପତି ଭବନକୁ ଏଥର ସ୍ବାଧୀନତା ସଂଗ୍ରାମୀଙ୍କୁ ଡକାନଯାଇ ନିଜ ଘରେ ଏହି ସମ୍ବର୍ଦ୍ଧନାର ବ୍ୟବସ୍ଥା କରାଯାଇଥିଲା।

ମିଳିଲା ୟୁନେସ୍କୋ ପ୍ରମାଣପତ୍ର :ଦୁର୍ବିପାକର ମୁକାବିଲା ପାଇଁ ସଦା ପ୍ରସ୍ତୁତ ଭେଙ୍କଟରାୟପୁର

ଗଞ୍ଜାମ ଜିଲ୍ଲାର ରଙ୍ଗେଇଲୁଣ୍ତା ବ୍ଲକ୍ ଅନ୍ତର୍ଗତ ଭେଙ୍କଟରାୟପୁର (ବକ୍ସିପଲ୍ଲୀ)ର ଲୋକମାନେ ସୁନାମି ସର୍ତକତା ବ୍ୟବସ୍ଥାକୁ କାର୍ଯ୍ୟକାରୀ କରିଛନ୍ତି। ଦେଶର ପ୍ରଥମ ଗ୍ରାମ ଭାବେ ଆନ୍ତର୍ଜାତିକ ପ୍ରମାଣପତ୍ର ହାସଲ କରିଛନ୍ତି। ସୁନାମି ଭଳି ଦୁର୍ବିପାକର ମୁକାବିଲା ପାଇଁ ଭେଙ୍କଟରାୟପୁର ଗ୍ରାମ ସର୍ବଦା ସଂପୂର୍ଣ୍ଣ ପ୍ରସ୍ତୁତ। ସମୁଦ୍ରତଟରେ ଗଞ୍ଜାମ ଜିଲ୍ଲାର ରଙ୍ଗେଇଲୁଣ୍ତା, ଛତ୍ରପୁର, ଚିକିଟି, ଗଞ୍ଜାମ ଓ ଖଲ୍ଲିକୋଟ ଏହି ୫ଟି ବ୍ଲକର ଅନେକ ଗ୍ରାମ ରହିଛି।

ଦରଜୀଙ୍କ ପୁଅ ହେଲେ ଆଇଏଏସସ

ମଙ୍ଗଳବାର ପ୍ରକାଶ ପାଇଛି ୟୁପିଏସସି ପରିଚାଳିତ ସର୍ବଭାରତୀୟ ପ୍ରସାଶନିକ ପରୀକ୍ଷା ଫଳ। ଏଥିରେ ହରିୟାଣା ର ଜଣେ କୃଷକ ଙ୍କ ପୁଅ ପ୍ରଦୀପ ସିଂହ ସର୍ବଭାରତୀୟ ଟପର ହୋଇଥିବା ବେଳେ ଓଡିଶା ଭୁବନେଶ୍ୱର ନୀଳାଦ୍ରି ବିହାର ସେକ୍ଟର ୩ସ୍ଥିତ ପ୍ଲଟ୍‌ ନମ୍ବର ୧୯୫ରେ ରହୁଥିବା ମହିଳା ଟେଲର ମିନତିଙ୍କ ପୁଅ କୁମାର ବିଶ୍ବରଂଜନ ୟୁପିଏସ୍‌ସି ପରୀକ୍ଷାରେ ୧୮୨ ରୢାଙ୍କ୍‌ରେ ଉତ୍ତୀର୍ଣ୍ଣ ହୋଇ ଅନେକଙ୍କ ପାଇଁ ପ୍ରେରଣା ସାଜିଛନ୍ତି

ମାନସୀ ଙ୍କ ବୁଦ୍ଧି ଓ ସାହସ ରୁ ଇଟାଭାଟିରୁ ମୁକୁଳି ଆସିଲେ ୬ ହଜାର ଶ୍ରମିକ

କରୋନା କଟକଣାରେ ରାଜ୍ୟ ବାହାରେ ଫସି ରହିଥିବା ପ୍ରବାସୀ ଶ୍ରମିକଙ୍କୁ ଘରକୁ ଫେରାଇ ଆଣିବା ଲାଗି ବିଭିନ୍ନ ରାଜ୍ୟ ସରକାରଙ୍କ ପକ୍ଷରୁ ବ୍ୟବସ୍ଥା କରାଯାଇଛି। ହେଲେ ମାଲିକ ଓ ଠିକାଦାରଙ୍କ ନିକଟରେ ଏବେ ବି ହଜାର ହଜାର ଦାଦନ ବନ୍ଧା ପଡ଼ିଛନ୍ତି। ଓଡ଼ିଶାର ଜଣେ ଆଦିବାସୀ ଯୁବତୀଙ୍କ ସାହସ ଓ ଉପସ୍ଥିତ ବୁଦ୍ଧି ପାଇଁ ତାମିଲନାଡ଼ୁର ବିଭିନ୍ନ ଇଟାଭାଟିରେ ନାନା ନିର୍ଯାତନାର ଶିକାର ୬ହଜାରରୁ ଊର୍ଦ୍ଧ୍ୱ ଶ୍ରମିକ ନିଜ ଭିଟାମାଟିକୁ ଫେରି ଜୀବନ ବଞ୍ଚାଇଥିବା ଜଣାପଡିଛି।

ରୋଷେୟା ସହାୟକଙ୍କ ପୁଅ ସ୍କୁଲ୍‌ ଟପର

ଆର୍ଥିକ ଅନଟନ ଏକ ଆଳ ମାତ୍ର। ନିଷ୍ଠା, ଏକାଗ୍ରତା ଓ ଇଚ୍ଛା ଥିଲେ ଯେ ଜଣେ ରୋଷେୟା ସହାୟକଙ୍କ ପୁଅ ସ୍କୁଲ୍‌ ଟପର ହୋଇପାରେ ତାହା ପ୍ରମାଣିତ କରି ଦେଖାଇଛନ୍ତି ଚିରଞ୍ଜୀବୀ ପାଣି। କଳିଙ୍ଗନଗର ଘାଟିକିଆସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିରର ଛାତ୍ର ୯୪ ପ୍ରତିଶତ ନମ୍ବର ରଖି କେବଳ ସ୍କୁଲ୍‌ରେ ଟପର ହୋଇନାହାନ୍ତି, ଯେଉଁମାନେ ଦାରିଦ୍ରୢକୁ ଆଳ କରି ପଢ଼ାରେ ଅଗ୍ରସର ହୋଇପାରିବେନି ବୋଲି ଭାବୁଛନ୍ତି ସେମାନଙ୍କ ପାଇଁ ଉଦାହରଣ ସାଜିଛନ୍ତି।

ଦୁଇ ଝିଅଙ୍କ ଭାଗ୍ୟ ବଦଳାଇଦେଲେ ସୋନୁ ସୁଦ,କାନ୍ଧରେ ଟାଣୁଥିଲେ ଲଙ୍ଗଳ -ଯୋଗାଇଦେଲେ ଟ୍ରାକ୍ଟର

ରିଲ୍ ଲାଇଫରେ ଭିଲିଆନ୍ । ହେଲେ ରିୟଲ୍ ଲାଇଫ୍‌ରେ ରିୟଲ ହିରୋ ପାଲଟି ଯାଇଛନ୍ତି ସୋନୁ ସୁଦ୍ ‌। ଏହି ବଲିଉଡ୍ ଅଭିନେତା ‌ଙ୍କ ପାଇଁ ଏବେ ସାରା ଦେଶରୁ ଛୁଟିଛି ପ୍ରସଂସାର ସୁଅ । ଆନ୍ଧ୍ରପ୍ରଦେଶ ଚିତୋର୍ ଜିଲ୍ଲାର ନାଗେଶ୍ୱର ରାଓଙ୍କ ଚାଷ ଜମିର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା। ଟମାଟୋ ଚାଷ କରୁଥିବା ନାଗେଶ୍ୱରଙ୍କ ପାଖରେ ଜମିରେ ଚାଷ କରିବାକୁ ବଳଦ କିମ୍ବା ଅନ୍ୟ କୌଣସି ଆନୁସଙ୍ଗିକ ବ୍ୟବସ୍ଥା ନଥିଲା। ଦୁଇ ଝିଅ ଭେନ୍ନେଲା ଓ ଚନ୍ଦନା କାନ୍ଧରେ ଲଙ୍ଗଳ ଧରି ଜମିରେ ଚାଷ କରିବା ଆରମ୍ଭ କରିଥିଲେ। ଏହାର ଫଟୋ ସୋସିଆଲ୍ ମିଡିଆରେ ଭାଇରାଲ ହୋଇଥିଲେ। ଏହି ଫଟୋ ସୋସିଆଲ୍ ମିଡିଆରେ ଦେଖିବା ପରେ ସହାୟତାର ହାତ ବଢ଼ାଇଥିଲେ ସୋନୁ। ସକାଳେ ଟ୍ୱିଟ୍ କରିଥିଲେ କି, ସଂଧ୍ୟାରେ ନାଗେଶ୍ୱରଙ୍କୁ ମିଳିବ ଟ୍ରାକ୍ଟର ।

ଜନଗହଳି ସମ୍ପର୍କରେ ସୂଚନା ଦେବ ଆପ୍‌:ବିକଶିତ କରି ପ୍ରଶଂସା ସାଉଣ୍ଟିଛନ୍ତି ଓଡ଼ିଆ ଉଦ୍ୟୋଗୀ

ସାରା ବିଶ୍ୱରେ କରୋନା ମହାମାରୀ ସଙ୍କଟ ସୃଷ୍ଟି କରିଛି। ଏପରିସ୍ଥଳେ ମାସ୍କ,ସାନିଟାଈଜ ଓ ସାମାଜିକ ଦୂରତା ବଜାୟ ରଖିବା ଅପରିହାର୍ଯ୍ୟ ହୋଇପଡ଼ିଛି। ତେବେ କେଉଁ ସ୍ଥାନରେ ଜନଗହଳି ରହିଛି ସେ ସମ୍ପର୍କରେ ସୂଚନା ଦେବା ପାଇଁ ଏକ ଆପ୍‌ ବିକଶିତ କରାଯାଇଛି। ଏକ୍ସପର୍ଟନେଷ୍ଟ କମ୍ପାନୀ ପକ୍ଷରୁ ଏହି ଆପ୍‌ ତିଆରି କରାଯାଇଛି। ଏହାର ପ୍ରତିଷ୍ଠାତା ଏବଂ କାର୍ଯ୍ୟ ନିର୍ବାହୀ ନିର୍ଦ୍ଦେଶକ ହେଉଛନ୍ତି ଜଣେ ଓଡ଼ିଆ। ସେ ହେଉଛନ୍ତି ଅରୁଣ କର। ଉଦ୍ୟୋଗୀ ଅରୁଣ ଏବେ ଏହି ଆପ୍‌ ନେଇ ପୃଥିବୀରେ ବେଶ୍‌ ଚର୍ଚ୍ଚାରେ ରହିଛନ୍ତି।

ଦିଲ୍ଲୀ ଆଇ ଆଇ ଟି ର ସବୁଠୁ ଶସ୍ତା କୋଭିଡ୍‌ କିଟ୍‌ କରୋସିଓର ର ବଜାର ପ୍ରବେଶ

ଦିଲ୍ଲୀ ଆଇଆଇଟି ଦ୍ବାରା ନିଜସ୍ବ ଜ୍ଞାନକୌଶଳରେ ବିକଶିତ ଏକ କମ୍‌ ମୂଲ୍ୟର କୋଭିଡ୍-୧୯ ପରୀକ୍ଷଣ କିଟ୍‌କୁ ଆଜି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିୟାଲ୍‌ ନିଶଙ୍କ ଲୋକାର୍ପଣ କରିଛନ୍ତି। ‘କରୋସ୍ୟୁଅର୍‌’ନାମକ ଉକ୍ତ କିଟ୍‌ ବିଶ୍ବର ସବୁଠୁ ଶସ୍ତା ବିଜ୍ଞାନାଗାର ମୁକ୍ତ କୋଭିଡ୍‌ ପରୀକ୍ଷଣ ସରଞ୍ଜାମ ବୋଲି କୁହାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟି ଅନୁସାରେ ଉକ୍ତ ପରୀକ୍ଷଣ କିଟ୍‌କୁ ସେ କେନ୍ଦ୍ର ମାନବ ସମ୍ବଳ ବିକାଶ ରାଷ୍ଟ୍ରମନ୍ତ୍ରୀ ସଞ୍ଜୟ ଧୋତରେଙ୍କ ସହିତ ମିଶି ଦେଶବାସୀଙ୍କ ଉଦ୍ଦେଶ୍ୟରେ ଉତ୍ସର୍ଗ କରିବେ ବୋଲି ମଙ୍ଗଳବାର ଟ୍ବିଟ୍ କରି ଜଣାଇଥିଲେ।

ନ୍ୟୁୟର୍କରେ ରହୁଥିବା ଭୁବନେଶ୍ୱର ର ଓଡ଼ିଆ ଡାକ୍ତରାଣୀ ସ୍ୱାବ ସଂଗ୍ରହ ପାଇଁ ଗଞ୍ଜାମକୁ ଦେଲେ ୧୫ ଲକ୍ଷ ଟଙ୍କା ମୂଲ୍ୟର ଭ୍ୟାନ

ସମଗ୍ର ବିଶ୍ବ କରୋନା ମହାବିପତ୍ତିର ମୁକାବିଲା କରୁଛି। ଏଭଳି ସମୟରେ ନ୍ୟୁୟର୍କରେ ରହୁଥିବା ଓଡ଼ିଆ ଡାକ୍ତରାଣୀ ତାପ୍ତି ପଣ୍ତା ମହାନତାର ପରିଚୟ ଦେଇଛନ୍ତି। ଗଞ୍ଜାମ ଜିଲ୍ଳାରେ କରୋନାର ମୁକାବିଲା ଲାଗି ସେ ୧୫ଲକ୍ଷ ଟଙ୍କା ମୂଲ୍ୟର ଏକ ସ୍ବାବ୍‌ ସ˚ଗ୍ରହ ଭ୍ୟାନ ଗଞ୍ଜାମ ଜିଲ୍ଲା ପ୍ରଶାସନକୁ ଦେଇଛନ୍ତି।

ମାଲକାନଗିରି ରୁ ପୁଡୁଚେରୀ,ଚାଷୀ ପୁଅକୁ ଡକ୍ଟରେଟ୍ ଡିଗ୍ରୀ

ପାଠ ପଢିବା ପାଇଁ ମନରେ ଦୃଢ ଇଚ୍ଛ ଶକ୍ତି ଥିଲେ କେହି ବି ହାର ମାନେନି । ଏହାର ଉଦାହରଣ ପାଲଟିଛନ୍ତି ମାଲକାନଗିରିର ମାନ୍ୟନକୋଣ୍ଡାର ଗଣନାଥ ଖିଲ । ପିଲାଟି ବେଳରୁ ପାଠ ପଢିବା ନେଇ ବହୁ ବାଧାବିଘ୍ନ ଆସିଥିଲେ ସୁଦ୍ଧା ନିଜର ଅଦମ୍ୟ ଇଚ୍ଛା ବଳରେ ସେ ଆଜି ଡକ୍ଟରେଟ୍ ହାସଲ କରିପାରିଛନ୍ତି ।ଏକ ଗରିବ ପରିବାରର ଗଣନାଥଙ୍କ ବାପା ମଧୁ ଖିଲ ଜଣେ ଚାଷୀ । ଚାଷରୁ ଯାହା ମିଳେ ସେଥିରେ ଚାରି ପୁଅ ଝିଅ ଓ ପତ୍ନୀଙ୍କୁ ନେଇ ଚଳନ୍ତି ।

୧୪ ଏକର ଜାଗା କିଣି ଜଙ୍ଗଲ କରିଛନ୍ତି ଶିକ୍ଷକ ଶତପଥୀ ,ରହୁଛନ୍ତି ଅନେକ ଜୀବଜନ୍ତୁ

ବରଗଡ଼ ଜିଲା ଅମ୍ବାଭୋନା ବ୍ଲକ୍‌ ବାରପାହାଡ଼ର ପାଦ ଦେଶରେ ରହିଛି ସନ୍ଥରା ଗାଁ। ଜନବସତି ସେଠାରେ ଅତି କମ୍‌। ଏହି ଗାଁକୁ ଲାଗି ୧୪ ଏକର ଜମି କିଣି ଏହାକୁ ଏକ ଘଞ୍ଚ ଜଂଗଲରେ ପରିଣତ କରିଛନ୍ତି ଶିକ୍ଷକ ଓ ସମାଜସେବୀ ଡ.ଡୋଳାମଣି ଶତପଥୀ । ୧୯୯୮ ମସିହାରେ ସେ ଏଠାରେ ଜଂଗଲ ସୃଷ୍ଟି କରିବା ଆରମ୍ଭ କରିଥିଲେ। ବିଭିନ୍ନ ସ୍ଥାନରୁ ଆମ୍ବ, କରଞ୍ଜ, ଲିମ୍ବ ଏବଂ ଔଷଧୀୟ ଗଛର ଚାରା କିଣି ସେ ପୋତି ଚାଲିଲେ। ବିନା କୌଣସି ବ୍ୟକ୍ତିବିଶେଷ କିମ୍ବା ସଂସ୍ଥାର ସହାୟତାରେ ସେ ନିଜେ ଏହି କାର୍ଯ୍ୟ ଚଲାଇଥିଲେ। ଏବେ ଏହା ଏକ ସବୁଜ ଜଂଗଲରେ ପରିଣତ ହୋଇଥିବାବେଳେ ଏଠାରେ ବହୁ ପ୍ରଜାତିର ଜଂଗଲୀ ଜୀବଜନ୍ତୁ ଆସି ରହିବା ଆ‌ରମ୍ଭ କରିଛନ୍ତି।

ସୋନପୁର ର ଯୁବକ ଏବେ ଡେ଼ନମାର୍କ ରେ ବୈଜ୍ଞାନିକ

ମନରେ ଅଦମ୍ୟ ଇଚ୍ଛା ଶକ୍ତି ଥିଲା, ଦିନେ ନା ଦିନେ ସେ ବୈଜ୍ଞାନିକ ହେବେ। ବିଦ୍ୟାଳୟରେ ପଢ଼ିବା ସମୟରୁ ଜାରି ରଖିଥିଲେ ପ୍ରୟାସ। ଆଉ ତାଙ୍କର ଏହି ପ୍ରୟାସ ସଫଳ ହୋଇଛି। ସୋନପୁର ଆମ୍ବେଦକର ଛକର ଆନନ୍ଦ ବାରିକ ଏବଂ ଶିବାନୀଙ୍କ ପୁଅ ଶୁଭା‌ଶିଷଙ୍କ ସ୍ବପ୍ନ ସାକାର ହୋଇଛି। ଯୁବ ବିଜ୍ଞା‌ନୀ ଶୁଭାଶିଷ ଡେନମାର୍କ ଯିବାକୁ ସ୍ବୀକୃତି ପାଇଛନ୍ତି।

ତାମିଲନାଡ଼ୁ ସରକାରଙ୍କ ମାର୍ଗଦର୍ଶକ ସାଜିଲେ କାଶୀପୁର ପୁଅ, ଦେଲେ ୧୦ ପୃଷ୍ଠାର ରିପୋର୍ଟ

କରୋନା ବିପତ୍ତି ସମୟରେ ଆର୍ଥିକ ସ୍ଥିତି ସୁଧାରିବାକୁ ତାମିଲନାଡ଼ୁ ସରକାରଙ୍କ ମାର୍ଗଦର୍ଶକ ସାଜିଛନ୍ତି କାଶୀପୁର ପୁଅ । ମାଡ୍ରାସ ଆଇଆଇଟିରେ ପ୍ରଫେସର ଭାବେ କାର୍ଯ୍ୟରତ ସନ୍ତୋଷ କୁମାର ସାହୁ ଅଣୁ, କ୍ଷୁଦ୍ର ଏବଂ ମଧ୍ୟମ ଶିଳ୍ପାନୁଷ୍ଠାନ (ଏମଏସଏମଇ) ମାଧ୍ୟମରେ ଲୋକଙ୍କୁ କିପରି ରୋଜଗାରକ୍ଷମ କରାଯିବ ଏବଂ ଶିଳ୍ପାନୁଷ୍ଠାନ ଗୁଡ଼ିକୁ ପୁଣି ସଚଳ କରାଯିବା ସେ ନେଇ ୧୦ ପୃଷ୍ଠାର ରିପୋର୍ଟ ତାମିଲନାଡ଼ୁ ସରକାରଙ୍କୁ ପ୍ରଦାନ କରିଛନ୍ତି।

ଦେବୀନଦୀରେ ଭାସି ଯାଉଥିବା ମହିଳାଙ୍କୁ ଦେଢ଼ କିଲୋମିଟର ପହଁରି ଉଦ୍ଧାର କଲେ ଯୁବକ

ଦେବୀନଦୀରେ ଭାସି ଯାଉଥିବା ଜଣେ ମହିଳାଙ୍କୁ ଆଜି ଦେଢ଼ କିଲୋମିଟର ବାଟ ପହଁରି ଉଦ୍ଧାର କରିଛନ୍ତି ଜଣେ ଯୁବକ। ଏହି ଯୁବକ ହେଉଛନ୍ତି ଜଟାଧାରୀ ନାୟକ। ତାଙ୍କ ଏହି ସାହସିକତାକୁ ସମସ୍ତେ ଭୁରି ଭୁରି ପ୍ରଶଂସା କରୁଛନ୍ତି। ଜଗତ୍‌ସିଂହପୁର ଜିଲ୍ଲା ନାଉଗାଁ ବ୍ଲକ୍‌ସ୍ଥିତ ବଛାଳୋ ପଞ୍ଚାୟତରେ ଏହି ଘଟଣା ଘଟିଛି ।

କରୋନା ପୀଡିତ ପୋଲିସ କର୍ମଚାରୀ ଙ୍କୁ ପ୍ରସଂଶା କଲେ ମୁଖ୍ୟମନ୍ତ୍ରୀ,ସୁସ୍ଥ ହେବା ମାତ୍ରେ ଯୋଗଦେଇଥିଲେ କାମରେ

ବ୍ରହ୍ମପୁରର ଜଣେ ପୋଲିସ ସବ୍‌-ଇନ୍ସପେକ୍ଟରଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ତାଙ୍କ ନାଁ ବି.ବି ସେଠୀ। ସେ କୋରନାରେ ଆକ୍ରାନ୍ତ ହୋଇଥିଲେ। ତେବେ ସୁସ୍ଥ ହେବା ପରେ ସଙ୍ଗେ ସଙ୍ଗେ ଆସି କାର୍ଯ୍ୟରେ ଯୋଗ ଦେଇଛନ୍ତି। ସେଥିପାଇଁ ମୁଖ୍ୟମନ୍ତ୍ରୀ ତାଙ୍କୁ ପ୍ରଶଂସା କରିଛନ୍ତି।

ନିଆରା ଡିଭାଇସ୍‌ ତିଆରି କଲା ରେଲୱେ, ପାଖକୁ ଆସିଲେ ବାଜି ଉଠିବ ଆଲାର୍ମ

କରୋନା ମହାମାରୀ ମଧ୍ୟରେ ଦକ୍ଷିଣ ରେଲୱେର ଜଣେ ସିଗ୍‌ନାଲ ଆଣ୍ଡ ଟେଲିକମ୍ୟୁନିକେସନ୍‌ ଇଞ୍ଜିନିୟର ଏକ ଏଭଳି ଡିଭାଇସ୍‌ ତିଆରି କରିଛନ୍ତି ଯାହା ଲୋକଙ୍କୁ ସାମାଜିକ ଦୂରତ୍ୱ ବଜାୟ ରଖବାକୁ ମନେ ପକାଇବ। ଏହି ଡିଭାଇସ୍‌ କମ୍‌ ସେ କମ୍‌ ତିନି ମିଟର ଦୂରତା ବଜାୟ ରଖିବାରେ ସାହାଯ୍ୟ କରିବ। ଡିଭାଇସଟି ଏତେ ଛୋଟ ଯେ ପର୍ସରେ ବି ସହଜରେ ରହିପାରିବ। ଏହାକୁ ଘଣ୍ଟାରେ ମଧ୍ୟ ଲଗାଇ ହେବ ବୋଲି ତିଆରି କରିଥିବା ଇଞ୍ଜିନିୟର କହିଛନ୍ତି

ବର୍ଜ୍ୟବସ୍ତୁରୁ ଅଟୋ‌ମେଟିକ୍‌ ହ୍ୟାଣ୍ଡ ସାନିଟାଇଜର୍‌ ମେସିନ୍

ଅଦରକାରୀ ଅବ୍ୟବହୃତ ସାମଗ୍ରୀ ବି ହୋଇପାରେ ସୁନ୍ଦର ଓ ବ୍ୟବହାର ଉପଯୋଗୀ। ଲକ୍‌ଡାଉନ୍‌ ଏବେ ସମସ୍ତଙ୍କୁ ଗୃହବନ୍ଦୀ କରିଥିବା ବେ‌ଳେ ଏହା ଅନେକଙ୍କ ସୃଜନଶୀଳତାକୁ ଇନ୍ଧନ ଯୋଗାଇଛି। ପୋଖରୀପୁଟ୍ ଅଞ୍ଚଳରେ ଶେଖ୍ ଫୟାଜ୍‌ଙ୍କ ଏଭଳି ସୃଜନଶୀଳତା ଏବେ ବର୍ଜ୍ୟବସ୍ତୁରେ ଝଲସୁଛି।

ଭିସୁଟ୍‌ ଛାତ୍ରଛାତ୍ରୀଙ୍କ ଆଉ ଏକ ସଫଳତା,ବିନା ସ୍ପର୍ଶରେ ସମଗ୍ର ଶରୀର ସାନିଟାଇଜ୍‌ ହେବ

ବୁର୍ଲାସ୍ଥିତ ବୀର ସୁରେନ୍ଦ୍ର ସା‌ଏ ବୈଷୟିକ ବିଶ୍ବବିଦ୍ୟାଳୟ(ଭିସୁଟ୍‌)ର ଛାତ୍ରଛାତ୍ରୀ ବର୍ତ୍ତମାନର କୋଭିଡ୍‌ ସ୍ଥିତିକୁ ଆଖି ଆଗରେ ରଖି ରୋବୋଟ୍‌ ପରିଚାଳିତ ଅତି ବାଇଗଣୀ ରଶ୍ମି ବିଶୋଧନ ମେସିନ୍‌ ତିଆରି କରି ଚର୍ଚ୍ଚାକୁ ଆସିଛନ୍ତି।ଏହି ମେସିନ୍‌ର ନାଁ ରହିଛି ୟୁଭିରାସ୍‌ (ଅଲଟ୍ରା ଭାଓଲେଟ୍‌ ରୋବେଟ୍‌ ଆସିଷ୍ଟେଡ୍‌ ସାନିଟାଇଜେସନ୍‌)। ସାଧାରଣତଃ ଅତି ବାଇଗଣୀ ରଶ୍ମି ଶରୀର ପକ୍ଷେ କ୍ଷତିକାରକ ହୋଇଥିବାବେଳେ ଏହି ମେସିନ୍‌ର ଏମିଟରରୁ ନିର୍ଗତ ହେଉଥିବା ରଶ୍ମି ମଣିଷ ଶରୀର ପାଇଁ କ୍ଷତିକାରକ ହେବନାହିଁ ବୋଲି ଭିସୁଟ୍‌ ରୋବୋଟିକ୍ସ ସୋସାଇଟି ପକ୍ଷରୁ ଦାବି କରାଯାଇଛି।

ବର୍ଜ୍ୟ ସାମଗ୍ରୀ ରୁ ନୂଆ ବାଇକ,ପୂରଣ କରିବ ବ୍ୟାୟାମ ର ଆବଶ୍ୟକତା

ନୂଆପଲ୍ଲୀସ୍ଥିତ ଗ୍ୟାରେଜ୍ ମାଲିକ ରମେଶ ଚନ୍ଦ୍ର ବସ୍ତିଆ ଏକ ଅଭିନବ ପ୍ରୟାସ କରିଛନ୍ତି। ତିଆରି କରିଛନ୍ତି ଏକ ଇଂଜିନ୍‌ ବିହୀନ ବାଇକ୍‌। କରୋନାକୁ ଦୃଷ୍ଟିରେ ରଖି ନୂତନ ଜ୍ଞାନକୌଶଳ ପ୍ରୟୋଗ କରି ସେ ଏହି ଦୁଇଚକିଆ ଯାନ ତିଆରି କରିଛନ୍ତି। ଅବିକଳ ବାଇକ୍ ଭଳି ଦେଖାଯାଉଥିବା ଏହି ଗାଡ଼ିର ପେଟ୍ରୋଲ୍ ଟାଙ୍କି ଜାଗାରେ ରହିଛି ହ୍ୟାଣ୍ଡ୍ ସାନିଟାଇଜର୍‌।

ପରିବା,ମାଛ,କୁକୁଡ଼ା ଚାଷ ଓ ଗୋପାଳନ ରେ ସ୍ୱାବଲମ୍ବୀ ର ବାର୍ତା ଦେଉଛନ୍ତି ଜଣେ ମେକାନିକାଲ ଇଂଜିନିୟର

ରାଜକନିକା ବ୍ଳକ୍‍ କୋଇଲିପୁର ପଞ୍ଚାୟତ ବିଶ୍ୱନାଥପୁର ଗ୍ରାମର ଅମର କୁମାର ରାଉତ ବୃତ୍ତିରେ ମେକାନିକାଲ ଇଞ୍ଜିନିୟର। ୨୦୦୯ରେ ସେ ପରିବାର ଭରଣପୋଷଣ ପାଇଁ ଗାଁ ଛାଡ଼ି ବିଦେଶ ଯାଇଥିଲେ। ଆଫ୍ରିକାର ମାର୍ଶାଲ ଆଇଲାଣ୍ଡରେ ସେ ରାମକୋ କମ୍ପାନୀରେ ଏକ ତେଲ ଖଣିରେ ମେକାନିକାଲ ଇଞ୍ଜିନିୟର ଭାବେ କାମ କରୁଥିଲେ। ମାସକୁ ଦେଢ଼ଲକ୍ଷ ଟଙ୍କା ରୋଜକାର କରୁଥିଲେ ହେଁ ଗାଁ ମାଟିର ମୋହ ତାଙ୍କୁ ସବୁବେଳେ ଟାଣୁଥିଲା।


First Previous
1 2 3 4 5 6 7 8 9 10
Next Last Page 1 of 26

Recent Post