କୋଭିଡ ଯୋଦ୍ଧା ଙ୍କୁ ସମ୍ମାନ,ଆଜି ସନ୍ଧ୍ୟାରେ ବନ୍ଦେ ଉତ୍କଳ ଜନନୀ ରେ ମୁଖରିତ ହେବ ଓଡିଶା

କୋଭିଡ୍‌ ଯୋଦ୍ଧାମାନଙ୍କ ତ୍ୟାଗ ଓ ଉତ୍ସର୍ଗୀକୃତ ସେବାକୁ ପ୍ରଶଂସା କରିବା ସହ ଉତ୍ସାହିତ କରିବା ପାଇଁ ଓଡ଼ିଶା ସରକାର ଶନିବାର ସନ୍ଧ୍ୟା ୫ଟା୩୦ରେ "ବନ୍ଦେ ଉତ୍କଳ ଜନନୀ' ଗାନ କରିବାକୁ ନିଷ୍ପତ୍ତି ନେଇଛନ୍ତି । ଏହି ମହତ୍‌ କାର୍ଯ୍ୟରେ ସାମିଲ ହେବାକୁ ପୂର୍ବତଟ ରେଳପଥର ମହାପ୍ରବନ୍ଧକଙ୍କ ସମେତ ରାଜ୍ୟର ସମସ୍ତ ବିମାନବନ୍ଦରର ନିର୍ଦ୍ଦେଶକମାନଙ୍କୁ ଅନୁରୋଧ କରାଯାଇଛି ।ଏ ନେଇ ରାଜ୍ୟ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ଚିଠି ମାଧ୍ୟମରେ ଅନୁରୋଧ କରାଯାଇଛି

ସରିଲା ମୋଦି ସରକାରଙ୍କ ଦ୍ୱିତୀୟ ପାଳିର ପ୍ରଥମ ବର୍ଷ,୬୨% ଲୋକ ଖୁସି

୨୦୧୯ ମସିହା ମେ ୩୦ ତାରିଖରେ ପ୍ରଧାନମନ୍ତ୍ରୀ ‌ନରେନ୍ଦ୍ର ମୋଦିଙ୍କ ମନ୍ତ୍ରିମଣ୍ଡଳ ଶପଥ ନେଇଥିଲା । ସେହିଦୃଷ୍ଟିରୁ ମୋଦି ସରକାରଙ୍କ ଦ୍ବିତୀୟ ପାଳିର ପ୍ରଥମ ବର୍ଷ ଆଜି ପୂରଣ ହୋଇଛି। ଦେଶରେ କରୋନା ସଂକଟ ଦେଖାଦେଇଥିବାରୁ ପ୍ରଥମ ବାର୍ଷିକ ଉତ୍ସବକୁ ନିରାଡମ୍ବର ଭାବେ ପାଳନ କରାଯାଉଛି। ବିଜେପି ପକ୍ଷରୁ ଭର୍ଚୁଆଲ ରାଲି ଏବଂ ଲୋକଙ୍କ ପାଖରେ ପହଞ୍ଚିବା କାର୍ଯ୍ୟକ୍ରମ ଆୟୋଜନ କରାଯାଇଛି। ଦ୍ବିତୀୟ ପାଳିର ପ୍ରଥମ ବର୍ଷରେ ମୋଦୀ ସରକାର ହାସଲ କରିଥିବା ସଫଳତା ସମ୍ପର୍କରେ ଲୋକଙ୍କୁ ଅବଗତ କରାଯିବ।

ଭ୍ରାମ୍ୟମାଣ ଏଟିଏମ୍ବ ପାଇଁ ବ୍ୟାଙ୍କ ଗୁଡିକୁ କହିଲେ ସରକାର

ପ୍ରାୟ ପ୍ରତିବର୍ଷ ରାଜ୍ୟ ପ୍ରାକୃତିକ ବିପର୍ଯ୍ୟୟ ସାମ୍ନା କରୁଛି। ସେହି ସମୟରେ ଲୋକମାନେ ବ୍ୟାଙ୍କିଙ୍ଗ ସେବା ପାଇବାରେ ଅସୁବିଧା ଭୋଗୁଛନ୍ତି। ବିଶେଷ କରି ଟଙ୍କା ଉଠାଣକୁ ନେଇ ସମସ୍ୟା ରହୁଛି। ସେହି ସମସ୍ୟାର ସମାଧାନ ଲାଗି ବ୍ୟାଙ୍କଗୁଡ଼ିକ ନିଜ ପାଖରେ ସ୍ବତନ୍ତ୍ର ଭାବେ କିଛି ପରିମାଣର ଭ୍ରାମ୍ୟମାଣ ଏଟିଏମ୍‌ ରଖିବାର ଆବଶ୍ୟକତା ରହିଛି ବୋଲି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କହିଛନ୍ତି। ଆଜି ଭିଡିଓ କନଫରେନ୍ସିଂ ଜରିଆରେ ଲୋକସେବା ଭବନରେ ଅନୁଷ୍ଠିତ ୧୫୮ତମ ଓ ୧୫୯ତମ ରାଜ୍ୟସ୍ତରୀୟ ବ୍ୟାଙ୍କର୍ସ କମିଟି (ଏସ୍‌ଏଲ୍‌ବିସି) ବୈଠକରେ ଯୋଗ ଦେଇ ସେ କହିଛନ୍ତି, ବ୍ୟାଙ୍କଗୁଡ଼ିକ ଏଭଳି ଭ୍ରାମ୍ୟମାଣ ଏଟିଏମ୍‌ର ବ୍ୟବସ୍ଥା କରିବା ଦରକାର

କାମରେ ନିୟୋଜିତ ଥିବା ବେଳେ ଟ୍ରାଫିକ୍‌ କର୍ମଚାରୀଙ୍କୁ ମୋବାଇଲ୍ ମନା

ଡ୍ୟୁଟିରେ ଥାଇ ବସି ମୋବାଇଲ ଫୋନ୍‌ରେ ଖେଳୁଛନ୍ତି ଟ୍ରାଫିକ୍‌ କର୍ମଚାରୀ। କେହି କେହି ସୋସିଆଲ ମିଡିଆରେ ମାତିଥିବା ବେଳେ କେହି କେହି ଗପ କରୁଛନ୍ତି। ଫଳରେ ଟ୍ରାଫିକ୍‌ ପରିଚାଳନା ବିଶୃଙ୍ଖଳିତ ହେଉଛି। ଏଭଳି ଖବର ପ୍ରକାଶ ପାଇବା ପରେ କମିସନରେଟ୍‌ ପୁଲସ ପକ୍ଷରୁ ବାସ୍ତବତା ଯାଞ୍ଚ କରାଯାଇଥିଲା। ଖବରର ସତ୍ୟାସତ୍ୟ ପ୍ରମାଣିତ ହେବା ପରେ ଏକ କଡ଼ା ନିର୍ଦ୍ଦେଶନାମା ଜାରି ହୋଇଛି। ଡ୍ୟୁଟିରେ ଥାଇ କୌଣସି ଟ୍ରାଫିକ୍‌ କର୍ମଚାରୀ ମୋବାଇଲ ଫୋନ୍‌ ବ୍ୟବହାର କରିପାରିବେ ନାହିଁ।

ପ୍ରବାସୀ ଓଡ଼ିଆଙ୍କର ହେବ ଏଚ୍‌ଆଇଭି ସ୍କ୍ରିନିଂ

ଲକ୍‌ଡାଉନ୍‌ ସମୟରେ ଓଡ଼ିଶାକୁ ଫେରିଥିବା ପ୍ରବାସୀ ଓଡ଼ିଆଙ୍କ କରାଯିବ ଏଚ୍‌ଆଇଭି ସ୍କ୍ରିନିଂ। ଏଥିପାଇଁ ଓଡ଼ିଶା ରାଜ୍ୟ ଏଡ୍‌ସ ନିୟନ୍ତ୍ରଣ ସମିତି (ଓସାକ୍ସ) ପକ୍ଷରୁ ଜିଲ୍ଲାଗୁଡ଼ିକୁ ଏଥିପାଇଁ ଚିଠି ଦିଆଯାଇଛି। କିଭଳି ଗୁପ୍ତ ଭାବେ ସ୍କ୍ରିନିଂ କରାଯିବ ତାହାର ଏକ ମାଇକ୍ରୋ ପ୍ଲାନିଂ ପ୍ରସ୍ତୁତ କରିବା ପାଇଁ କୁହାଯାଇଛି।

୨ ମାସ ପରେ ରାଜ୍ୟରେ ଆଜିଠୁ ଗଡ଼ିଲା ବସ୍

ରାଜ୍ୟରେ ଆଜିଠୁ ଆରମ୍ଭ ହୋଇଛି ଘରୋଇ ବସ୍ ସେବା । ଦୀର୍ଘ ୨ ମାସ ପରେ ରାଜ୍ୟରେ ଗଡ଼ିଛି ବସ୍ । ଭୁବନେଶ୍ୱର ବରମୁଣ୍ଡା ଷ୍ଟେସନରୁ ବୌଦ୍ଧ ଜିଲ୍ଲା ଅଭିମୁଖେ ଗଡ଼ିଛି ପ୍ରଥମ ବସ୍। ୧୫ ଜଣ ଯାତ୍ରୀଙ୍କୁ ନେଇ ଏହି ବସ୍ ଯାତ୍ରା କରିଥିବା ସୂଚନା । ସରକାରଙ୍କ ନିର୍ଦ୍ଦେଶ ସତ୍ତ୍ୱେ ଅନେକ ସ୍ଥାନରେ ସ୍ୱାଭାବିକ ହୋଇ ପାରିନାହିଁ ବସ ଚଳାଚଳ।କଟକ ବାଦାମବାଡ଼ିରେ ଯାତ୍ରୀମାନେ ବସ କୁ ଅପେକ୍ଷା କରିଥିବା ବେଳେ ଏଠାରେ ବସ ନଥିବା ଜଣାପଡ଼ିଛି ।

ରାଜ୍ୟ ସରକାର ଓ ଆଇଆଇଟି-ତିରୁପତି ସହାୟତାରେ ଲୋକଙ୍କ ଗତିବିଧିକୁ ନଜର ରଖୁଛି ଜିଓକୋଭ-୧୯

ରେଡ୍‌ ଜୋନ୍‌ ଓ ସଂକ୍ରମଣ ଅବରୋଧ ଅଞ୍ଚଳରେ ଲୋକଙ୍କ ଗତିବିଧିକୁ ନଜର ରଖାଯାଉଛି। ଲୋକମାନଙ୍କ ଯାତାୟାତ ଉପରେ ସରକାର ନଜର ରଖିଛନ୍ତି। ଆଇଆଇଟି ତିରୁପତି ସହାୟତାରେ ରାଜ୍ୟ ସରକାର ଏଭଳି ଅଭିନବ ଉପାୟ ଆପଣାଇଛନ୍ତି। ଯଦିଓ ଏହାର ଉପଯୋଗିତା ଏବେ ପ୍ରାରମ୍ଭିକ ପର୍ଯ୍ୟାୟରେ ରହିଛି, ମାତ୍ର ଆଗାମୀ ଦିନରେ କରୋନା ନିୟନ୍ତ୍ରଣ ଦିଗରେ ଏହା ଯଥେଷ୍ଟ ସହାୟକ ହେବ ବୋଲି ଆଶା କରାଯାଉଛି। ଆଇଆଇଟି ତିରୁପତିର କମ୍ପ୍ୟୁଟର ସାଇନ୍‌ସ ବିଭାଗର କାଳିଦାସ ୟେତୁରୁଙ୍କ ନେତୃତ୍ବରେ ଏକ ଟିମ୍ ଆର୍ଟିଫିସିଆଲ ଇଣ୍ଟିଲିଜେନ୍‌ସ (ଏଆଇ) ସହାୟତାରେ ଲୋକଙ୍କ ଗତିବିଧି ଉପରେ ନଜର ରଖିବା ପାଇଁ ଏକ ସଫ୍ଟୱେୟାର ବିକଶିତ କରିଛନ୍ତି

ପଶ୍ଚିମ ଜଳୁଛି, ରାଜଧାନୀ ଥଣ୍ଡା

ପଶ୍ଚିମ ଓ ଆଭ୍ୟନ୍ତରୀଣ ଓଡ଼ିଶା ଜଳୁଛି। ୧୪ଟି ସହରର ତାପମାତ୍ରା ୪୦ ଟପିଗଲାଣି। କିଛି ସ୍ଥାନରେ ହିଟ୍‌ ୱେଭ୍‌ ୱାର୍ଣ୍ଣିଂ ବା ଅଂଶୁଘାତ ସତର୍କତା ଜାରି ହୋଇଛି। କିନ୍ତୁ ରାଜଧାନୀ ଏହି ହିଟ୍‌ ୱେଭ୍‌ ପ୍ରକୋପରୁ ବର୍ତ୍ତି ଯାଇଛି। ସକାଳୁ ସକାଳୁ ମେଘୁଆ ପାଗ ସହ ଥଣ୍ଡା ଥଣ୍ଡା ପବନ ଲୋକଙ୍କୁ ଆଶ୍ବସ୍ତି ଦେଉଛି। ଦିନତମାମ୍‌ ବି ଅସହ୍ୟ ଗରମ ନାହିଁ। ଏଥିସହିତ ସନ୍ଧ୍ୟାରେ ବହୁଥିବା ଦକ୍ଷିଣା ଥଣ୍ଡା ପବନ ରାଜଧାନୀର ପରିବେଶକୁ ଆହୁରି ମନଲୋଭା କରୁଛି।

ଆସିଲା ଅମ୍ଫାନ ଦ୍ୱାରା ଜଙ୍ଗଲ କ୍ଷତିର ପ୍ରାରମ୍ବିକ ଆକଳନ,୨୦ହଜାର ବୃକ୍ଷ ଧରାଶାୟୀ,୧.୨୫ କୋଟି କ୍ଷତି

ମେ’ ୨୦ର ବାତ୍ୟା ‘ଅମ୍ଫାନ’ ପ୍ରଭାବରେ ଓଡ଼ିଶା ଉପକୂଳରେ ୨୦ ହଜାର ବୃକ୍ଷ ଧରାଶାୟୀ ହୋଇଛି। ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ପ୍ରାଥମିକ ଆକଳନ ପରେ ଏହା ଜଣାପଡ଼ିଛି। ଏହି ବାତ୍ୟାରେ ଭଦ୍ରକ, ରାଜନଗର ବନ୍ୟପ୍ରାଣୀ ଡିଭିଜନ୍‌ରେ ସର୍ବାଧିକ ବୃକ୍ଷ ଓ ଚାରା ନଷ୍ଟ ହୋଇଛି। ଏହି ବାତ୍ୟା ପ୍ରଭାବରେ ପାଖାପାଖି ୧ କୋଟି ୨୫ ଲକ୍ଷ ଟଙ୍କାର ବୃକ୍ଷ ନଷ୍ଟ ହୋଇଥିବା ପ୍ରାରମ୍ଭିକ ରି ପୋର୍ଟରୁ ଜଣାପଡ଼ିଛି। ପୂର୍ଣ୍ଣାଙ୍ଗ ରିପୋର୍ଟ ଆସିବା ପରେ ଠିକ୍‌ ତଥ୍ୟ ମିଳିପାରିବ ବୋଲି ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ସୂଚନା ଦିଆଯାଇଛି।

ଲକ ଡାଉନ ପରେ ଘାରିଲା ଭୋକ ଓ ଭୟ,ସାଇକେଲ୍‌ରେ ଚେନାଇ ରୁ ଓଡିଶା -୧୭ ଦିନ ପରେ ଘରେ ପହଞ୍ଚିଲେ ଦମ୍ପତ୍ତି

ଚେନ୍ନାଇରୁ ସାଇକେଲ୍‌ ଯୋଗେ ଦୀର୍ଘ ୧୭ ଦିନ ଯାତ୍ରା କରିବା ପରେ ଜଗତସିଂହପୁରରେ ଆସି ପହଞ୍ଚିଛନ୍ତି ଏକ ଦମ୍ପତି-ଉଦୟ କିରଣ ଓ ମମତା ଦାସ । ଏକ ହଜାର କିଲୋମିଟରରୁ ଅଧିକ ଲମ୍ବା ରାସ୍ତା ପାର୍‌ କରିବା ସମୟରେ ପତି ପତ୍ନୀ ଦୁହେଁ ରାସ୍ତାରେ ନାନା ଅସୁବିଧାର ସମ୍ମୁଖୀନ ହୋଇଛନ୍ତି ।

ଆଜିଠୁ ମାଟ୍ରିକ ଖାତା ମୂଲ୍ୟାଙ୍କନ,ଜୁଲାଇ ଶେଷ ବେଳକୁ ପରୀକ୍ଷା ଫଳ

ଓଡ଼ିଶା ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ପକ୍ଷରୁ ଆଜିଠାରୁ ୬୦ଟି କେନ୍ଦ୍ରରେ ମାଟ୍ରିକ ଖାତା ମୂଲ୍ୟାୟନ ଆରମ୍ଭ ହେବ । ପୂର୍ବାହ୍ଣ ୯ଟାରୁ ଅପରାହ୍ଣ ୩ଟା ପର୍ଯ୍ୟନ୍ତ ଖାତା ଦେଖାଯିବ । ଏଥିପାଇଁ ପରୀକ୍ଷକମାନେ ମୂଲ୍ୟାୟନ କେନ୍ଦ୍ରରେ ସକାଳ ୮ଟାରେ ପହଞ୍ଚିବା ପରେ ଭଲ ଭାବେ ସାବୁନ୍‍ ଦ୍ୱାରା ଧୋଇହୋଇ ସାନିଟାଇଜ୍‍ ହେବେ ।

ଗ୍ରାମାଞ୍ଚଳରେ ବଢ଼ିଲା ବେକାରୀ ହାର, ପ୍ରତି ୪ରେ ଜଣେ ବେକାର

ଗ୍ରାମାଞ୍ଚଳରେ ବେକାରି ସମସ୍ୟା ଉତ୍କଟ ହୋଇଛି। ପ୍ରତି ଚାରି ଜଣଙ୍କ ମଧ୍ୟରୁ ଜଣେ ବେକାର ଥିବା ଜଣାପଡ଼ିଛି। ସେଣ୍ଟର୍‌ ଫର ମନିଟରିଂ ଇଣ୍ଡିଆନ୍ ଇକୋନମି (ସିଏମ୍‌ଆଇଇ) ରିପୋର୍ଟ ଅନୁଯାୟୀ, ମେ’ ୨୪ ସୁଦ୍ଧା ଗ୍ରାମାଞ୍ଚଳର ବେକାରି ହାର ୨୫.୦୯ ପ୍ରତିଶତକୁ ବୃଦ୍ଧି ପାଇଛି। ଏହାର ପୂର୍ବ ସପ୍ତାହରେ ଏହି ହାର ୨୨.୭୯ ପ୍ରତିଶତ ଥିଲା। ଅର୍ଥାତ ସପ୍ତାହକ ଭିତରେ ଅନେକ ଲୋକ ବେକାର ହୋଇଛନ୍ତି

ଝଡ଼ ପରେ ତାତି ର ମାଡ଼,ବାତ୍ୟା ଅମ୍ପନ ଯିବା ପରେ ରାଜ୍ୟରେ ୧୪ଟି ସ୍ଥାନରେ ୪୦ ଟପିଲା ତାପମାତ୍ରା

ସାମୁଦ୍ରିକ ବାତ୍ୟା ଚାଲିଯିବା ପରେ ପ୍ରବେଶ କରିଛି ଅସହ୍ୟ ରୋୖଦ୍ରତାପ । ଦିନକୁ ଦିନ ଖରା ତାତି ଟାଣ ହେବାରେ ଲାଗିଛି। ପାରଦ ବଢ଼ିବାରେ ଲାଗିଛି ଆଉ ଆଗକୁ ମଧ୍ୟ ଅନୁରୂପ ସ୍ଥିତି ବଳବତ୍ତର ରହିବ। ରବିବାର ରାଜ୍ୟର ୧୪ଟି ସ୍ଥାନରେ ତାପମାତ୍ରା ୪୦ ଡିଗ୍ରୀ ଅତିକ୍ରମ କରିଛି। ଟିଟିଲାଗଡ଼ରେ ଆଜି ସର୍ବାଧିକ ୪୫.୮ ଡିଗ୍ରୀ ସେଲସିୟସ୍ ରେକର୍ଡ ହୋଇଛି। ପରିସ୍ଥିତିକୁ ଦେଖି ଭାରତୀୟ ପାଣିପାଗ ବିଭାଗ ପକ୍ଷରୁ ଆସନ୍ତା ୨୯ ତାରିଖ ଯାଏଁ ୧୦ ଜିଲା ପାଇଁ ହିଟ୍‌ୱେଭ୍ ସତର୍କ ସୂଚନା ଜାରି କରାଯାଇଛି।

କରୋନା ପାଇଁ ୬୦% ପରିବାରର ଆୟ ପ୍ରଭାବିତ

କରୋନା ଯୋଗୁଁ ଦେଶର ଅର୍ଥନୀତି ଭୁଶୁଡ଼ି ପଡ଼ିଛି। ଏଥିଯୋଗୁ ଦେଶର ୬୦ ପ୍ରତିଶତ ପରିବାରର ଆୟ ପ୍ରଭାବିତ ହୋଇଛି। ମାର୍ଚ୍ଚ-ଜୁନ୍‌ ମଧ୍ୟରେ ଲୋକମାନେ ଖର୍ଚ୍ଚ କରିବା ପାଇଁ ଯେଉଁ ପୁରୁଣା ଯୋଜନା କରିଥିଲେ ତାହାକୁ ବଦଳାଇ ଦେଇଛନ୍ତି ବୋଲି ନିଲ୍‌ସନ୍ ପକ୍ଷରୁ କରାଯାଇଥିବା ଏକ ସର୍ଭେରେ ଏହା କୁହାଯାଇଛି। ୧୨ଟି ସହରର ଲୋକଙ୍କୁ ନେଇ କରାଯାଇଥିବା ସର୍ଭେରୁ ଏହି ନିଷ୍କର୍ଷ ବାହାରିଛି। ଲକ୍‌ଡାଉନ୍‌ର ଅବଧି ଯେତେ ବଢ଼ି ବଢ଼ି ଯାଉଛି ଲୋକଙ୍କ ଆର୍ଥିକ ଅସୁବିଧା ବି ସେହି ମାତ୍ରାରେ ବଢ଼ୁଛି।

ଅନ୍ତର୍ଜାତୀୟ ଜୈବ ବିବିଧତା ଦିବସ,୩୦ ଜିଲ୍ଲାରେ ସରିଲାଣି ଜୈବ ବିବିଧତା ପଞ୍ଜିକା ,ଏଣିକି ପଞ୍ଚା‌ୟତସ୍ତରରେ

ଜଳବାୟୁ ପରିବର୍ତନ ଓ ପ୍ରାକୃତିକ ବିପର୍ଯ୍ୟୟ ଯୋଗୁଁ ଲକ୍ଷାଧିକ ଲୋକ ପ୍ରଭାବିତ ହେଉଛନ୍ତି। ବାତ୍ୟା, ବନ୍ୟା, ଭୂସ୍ଖଳନ ପରି ବିପର୍ଯ୍ୟୟରେ ପ୍ରତିବର୍ଷ ଧନ ଜୀବନ ଯାଉଛି। ଏହାକୁ ରୋକିବା ପାଇଁ ଓଡ଼ିଶାର ଜୈବ ବିବିଧତାକୁ ସୁଦୃଢ଼ କରିବାକୁ ପଡ଼ିବ। ଉପକୂଳରେ ହେନ୍ତାଳ ବଣ, ଝାଉଁ ଜଙ୍ଗଲ, ବାଲୁକା ସ୍ତୂପ ସୃଷ୍ଟି ସହ ପାହାଡ଼ିଆ ଅଞ୍ଚଳରେ ବ୍ୟାପକ ବୃକ୍ଷ ରୋପଣ ଓ ସହରରେ ବର୍ଷା ଜଳ ସଂରକ୍ଷଣ, ରୁଫ୍‌ଟପ୍‌ ଗାର୍ଡେନ, ଗ୍ରିନ୍ ଜୋନ୍‌ ସୃଷ୍ଟି କରାଯିବାର ଆବଶ୍ୟକତା ରହିଛି।

ପ୍ରବାସୀ ଶ୍ରମିକଙ୍କୁ ଖାଦ୍ୟଶସ୍ୟ, ଏମ୍‌ଏସ୍‌ଏମ୍‌ଇକୁ ସୁଲଭ ଋଣ

କରୋନା ସଙ୍କଟର ମୁକାବିଲା ଲାଗି ଘୋଷଣା କରାଯାଇଥିବା ଲକ୍‌ଡାଉନ୍ ପ୍ରଭାବରେ ଅର୍ଥନୀତିରେ ହୋଇଥିବା କ୍ଷତିକୁ ଭରଣା କରିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯେଉଁ ୨୦ ଲକ୍ଷ କୋଟି ଟଙ୍କାର ‘ଆତ୍ମନିର୍ଭର ଭାରତ ଅଭିଯାନ’ ଘୋଷଣା କରିଥିଲେ ତାହାର ଅଧିକାଂଶ ଭାଗକୁ ଆଜି କେନ୍ଦ୍ର କ୍ୟାବିନେଟ୍‌ରେ ମଞ୍ଜୁରି ପ୍ରଦାନ କରାଯାଇଛି।

ଏପ୍ରିଲ ୧ରୁ ଆଜି ଯାଏଁ ମାଗଣାରେ ବଣ୍ଟା ହୋଇଛି ୬.୮ କୋଟି ସିଲିଣ୍ଡର

କୋଭିଡ-୧୯ ଦ୍ବାରା ଅର୍ଥବ୍ୟବସ୍ଥାରେ ଦେଖାଦେଇଥିବା ପ୍ରଭାବକୁ ଦୃଷ୍ଟିରେ ରଖି, କେନ୍ଦ୍ର ସରକାର ଗରିବଙ୍କ ପାଇଁ “ପ୍ରଧାନମନ୍ତ୍ରୀ ଗରିବ କଲ୍ୟାଣ ପ୍ୟାକେଜ” (ପିଏମଜିକେପି)ର ପ୍ରବର୍ତ୍ତନ କରିଛନ୍ତି । ଏହି ଯୋଜନା ଅଧୀନରେ ଗତ ଏପ୍ରିଲ ୧ ତାରିଖରୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରାଳୟ ୮ କୋଟିରୁ ଅଧିକ ପ୍ରଧାନମନ୍ତ୍ରୀ ଉଜ୍ଜ୍ଵଳା ଯୋଜନା (ପିଏମୟୁୱାଇ) ହିତାଧିକାରୀଙ୍କୁ ୩ ମାସ ପାଇଁ ମାଗଣା ଏଲପିଜି ସିଲିଣ୍ଡର ଯୋଗାଇ ଦେଇଆସୁଛି।

ରାଜ୍ୟରୁ ଚିହ୍ନଟ ହେଲେ ଆଉ ୫୨ ପଜିଟିଭ ,ଜଣେ ମୃତ ,ମୃତ୍ୟୁ ସଂଖ୍ୟା ପହଁଚିଲା ୭ ରେ

ରାଜ୍ୟରେ ଆଜି ଚିହ୍ନଟ ହୋଇଥିବା ୫୨ ନୂଆ କରୋନା ସଂକ୍ରମିତଙ୍କ ସମ୍ପର୍କରେ ତଥ୍ୟ ଦେଇଛନ୍ତି ରାଜ୍ୟ ସରକାର। ଏହି ସଂକ୍ରମିତମାନଙ୍କ ମଧ୍ୟରୁ ନୟାଗଡ଼ ଏବଂ କଳାହାଣ୍ଡି ଜିଲାର ୧୧ ଜଣ ଲେଖାଏ ରୋଗୀ ରହିଛନ୍ତି। ସେହିପରି ଗଞ୍ଜାମ ଜିଲାରୁ ୪, ଯାଜପୁର ଜିଲାରୁ ୫, କଟକ ଜିଲାରୁ ୯, ଜଗତସିଂହପୁର ଜିଲାରୁ ୨, ଅନୁଗୋଳ ଜିଲାରୁ ୨, ମୟୂରଭଞ୍ଜ ଜିଲାରୁ ୩, ସମ୍ବଲପୁର ଜିଲାରୁ ୨ ଏବଂ ମାଲକାନଗିରି ଓ ପୁରୀ ଜିଲାରୁ ଜଣେ ଲେଖାଏ ସଂକ୍ରମିତ ଠାବ ହୋଇଛନ୍ତି।

ବାତ୍ୟା କ୍ଷୟକ୍ଷତି ରିପୋର୍ଟ ତୁରନ୍ତ ଦେବାକୁ ଜିଲ୍ଲାପାଳ ମାନଙ୍କୁ ପରାମର୍ଶ

ବାତ୍ୟାରେ ଜଗତସିଂହପୁର, କେନ୍ଦ୍ରାପଡ଼ା, ବାଲେଶ୍ବର ଓ ଭଦ୍ରକ ଜିଲା ସମେତ ମୟୂରଭଞ୍ଜ ଓ ଯାଜପୁର ଜିଲା ମଧ୍ୟ ବିଶେଷ ଭାବେ ପ୍ରଭାବିତ ହୋଇଛି। ମିଳିଥିବା ପ୍ରାଥମିକ ରିପୋର୍ଟ ଭିତ୍ତିରେ ୧୨ଘଣ୍ଟା ଭିତରେ ରାସ୍ତାରୁ ଗଛ କାଟି ସଫା କରିବାକୁ ଲକ୍ଷ୍ୟ ରହିଛି। ରାସ୍ତାରେ ପଡ଼ିଥିବା ଗଛକଟା କାମ ଦ୍ରୁତ ଗତିରେ ଚାଲିଛି।

ଜୁନ ପହିଲାରୁ ଗଡିବ ଟ୍ରେନ,ଆଜିଠୁ ଅନଲାଇନ ରେ ଟିକେଟ ବିକ୍ରି

ଜୁନ୍‌ ପହିଲାରୁ ଭାରତୀୟ ରେଳପଥ ପକ୍ଷରୁ ଦେଶର ବିଭିନ୍ନ ସ୍ଥାନକୁ ୨୦୦ ଯାତ୍ରୀବାହୀ ନନ୍‌-ଏସି ଟ୍ରେନ୍‌ ଚଳାଚଳ କରିବ। ଏହିକ୍ରମରେ ପୂର୍ବତଟ ରେଳପଥ ମଧ୍ୟରେ ୧୨ ଯୋଡ଼ା ଟ୍ରେନ୍‌ ଚଳାଚଳ କରିବାକୁ ନିଷ୍ପତ୍ତି ନିଆଯାଇଛି। ଏଥିପାଇଁ ଗୁରୁବାର(ମେ’ ୨୧)ରୁ କେବଳ ଅନ୍‌ଲାଇନ୍‌(ଆଇଆରସିଟିସି ୱେବସାଇଟ୍‌)ରେ ଟିକେଟ୍‌ ବୁକିଂ କରାଯାଇପାରିବ। କୌଣସି ବି ଷ୍ଟେସନରେ ଟି‌କେଟ୍‌ ବିକ୍ରି ହେବ ନାହିଁ। ତେଣୁ ଯାତ୍ରୀମାନେ ଟିକେଟ୍‌ କିଣିବା ପାଇଁ ଷ୍ଟେସନ ଆସିବାର ଆବଶ୍ୟକତା ନାହିଁ।


First Previous
1 2 3 4 5 6 7 8 9 10
Next Last Page 1 of 36

Recent Post