ସ୍ୱର୍ଗଦ୍ୱାର ରେ ବାହାର ଜିଲା ଶବ ସତ୍କାର କୁ ମନା

ବାହାର ଜିଲ୍ଲା ଲୋକଙ୍କୁ ସ୍ବର୍ଗଦ୍ବାରରେ ଶବ ସତ୍କାର ଉପରେ କଟକଣା ଲଗାଯାଇଛି। ଜିଲ୍ଲା ବାହାରୁ ଯେଉଁ ଆତ୍ମୀୟସ୍ବଜନ ମୃତକଙ୍କୁ ନେଇ ସ୍ବର୍ଗଦ୍ବାର ଆସୁଥିଲେ, ସେମାନଙ୍କୁ ଆଜି ଠାରୁ ଜିଲ୍ଲା ଭିତରେ ପ୍ରବେଶ ପାଇଁ ଅନୁମତି ମିଳିବନି। କରୋନା ସଂକ୍ରମଣକୁ ରୋକିବା ପାଇଁ ଜିଲ୍ଲା ପ୍ରଶାସନ ଆଜି ଏହି କଠୋର ନିଷ୍ପତ୍ତି ନେଇଛି। ପରବର୍ତ୍ତୀ ଘୋଷଣା ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ ବୋଲି ଜିଲ୍ଲାପାଳ ବଲୱନ୍ତ ସିଂ କହିଛନ୍ତି।

ହଟ୍‌ସ୍ପଟ୍‌ରୁ କଟକ ଆସିଲେ କ୍ବାରାଣ୍ଟିନ ବାଧ୍ୟତାମୂଳକ

ମହାନଗର ନିଗମରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟ ବଢ଼ି ଚାଲିଥିବାବେଳେ ହଟ୍‌ସ୍ପଟ୍‌ ଜିଲ୍ଲା ଓ ବ୍ଲକ୍‌ରୁ ସିଏମସି ଅଞ୍ଚଳକୁ ଆସୁଥିବା ଲୋକଙ୍କୁ କ୍ବାରାଣ୍ଟିନ୍‌ରେ ରହିବା ବାଧ୍ୟତାମୂଳକ କରାଯାଇଛି। ମହାନଗର ନିଗମ ଅଞ୍ଚଳକୁ ବିଭିନ୍ନ କାମରେ ଗଞ୍ଜାମ, ଖୋର୍ଦ୍ଧା, ଯାଜପୁର, ଗଜପତି, ବାଲେଶ୍ବର ଜିଲ୍ଲା ସହିତ କଟକ ଜିଲ୍ଲାର ମାହାଙ୍ଗା, ନରସିଂହପୁର, ନିଶ୍ଚିନ୍ତକୋଇଲି, ବଡ଼ମ୍ବା ଓ ତିଗିରିଆ ବ୍ଲକ୍‌ ପରି ହଟ୍‌ସ୍ପଟ୍‌ ଅଞ୍ଚଳରୁ ଆସୁଥିବା ଲୋକଙ୍କୁ ୧୪ ଦିନ ପାଇଁ କ୍ବାରାଣ୍ଟିନ୍‌ରେ ରହିବାକୁ କୁହାଯାଇଛି।

ବାହାର ଶ୍ରମିକଙ୍କୁ ଭୁବନେଶ୍ୱର ମନା: ଜୁଲାଇ ୩୧ ଯାଏଁ ବାହାର ରାଜ୍ୟରୁ ଶ୍ରମିକ ନଆଣିବାକୁ ବିଏମସିର ନିର୍ଦ୍ଦେଶ

ରାଜଧାନୀରେ କରୋନା ସଂକ୍ରମଣ ରୋକିବା ପାଇଁ ଭୁବନେଶ୍ୱର ମହାନଗର ନିଗମର ଚରମ ପଦକ୍ଷେପ । ଆସନ୍ତା ତଥା ଜୁଲାଇ ୩୧ ତାରିଖ ଯାଏଁ ଭୁବନେଶ୍ୱରରେ ବାହାର ରାଜ୍ୟର ଶ୍ରମିକଙ୍କ ଉପରେ ଲାଗିଲା କଟକଣା । କରୋନା ମହାମାରୀକୁ ନଜରରେ ରଖି ରାଜଧାନୀର କୌଣସି ବି ଶିଳ୍ପାଂଚଳ କିମ୍ବା କାରଖାନାରେ ବାହାର ରାଜ୍ୟର ଶ୍ରମିକଙ୍କ ପ୍ରବେଶ ନିଷେଧ କରିଛି ବିଏମସି ।

ରାଜଧାନୀରେ ବିକ୍ଷୋଭ, ଧାରଣା ଉପରେ ଲାଗିଲା କଟକଣା

କରୋନା ବ୍ୟାପୁଥିବାରୁ ସର୍ବସାଧାରଣଙ୍କ ସୁରକ୍ଷା ନିମନ୍ତେ ବିଏମ୍‌ସି ପକ୍ଷରୁ ରାଜଧାନୀରେ ବିକ୍ଷୋଭ, ଧାରଣା ପ୍ରଦର୍ଶନ ଉପରେ ରୋକ୍‌ ଲଗାଯାଇଛି। ଏଣିକି କୌଣସି ସଂଗଠନ, ଗ୍ରୁପ୍‌, ରାଜନୈତିକ ଦଳ, ଏକାଧିକ ଲୋକ ବିକ୍ଷୋଭ କି ଧାରଣା କରିପାରିବେନି। ଯଦି କେହି କରୁଥିବାର ଦେଖାଯାଏ ତେବେ ତାଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ। ଯେଉଁ ଅଞ୍ଚଳରେ ବିକ୍ଷୋଭ/ଧାରଣା ହେଉଥିବ ସେଠାକାର ସ୍ଥାନୀୟ ଥାନାଧିକାରୀ କାହାର ଅଭିଯୋଗକୁ ଅପେକ୍ଷା ନକରି ତୁରନ୍ତ କାର୍ଯ୍ୟାନୁଷ୍ଠାନ ନେବେ।

ମାର୍ଚ୍ଚରେ ଖଣ୍ଡଗିରି ଫ୍ଲାଏଓଭର୍‌ ର ସରିବ ନିର୍ମାଣ,ସରିଛି ୮୦ କୋଟି ବ୍ୟୟ

ଆସନ୍ତା ମାର୍ଚ୍ଚ ମାସ ସୁଦ୍ଧା ଖଣ୍ଡଗିରି ଫ୍ଲାଏଓଭର ବ୍ରିଜ୍‌ର ନିର୍ମାଣ କାମ ସରିବ। ନୂଆ ରୂପରେ ଆବିର୍ଭାବ ହେବ ‌ଖଣ୍ଡଗିରି ଟ୍ରାଫିକ୍‌ ଛକ। ରାଜଧାନୀର ସମସ୍ତ ଫ୍ଲାଏଓଭର ବ୍ରିଜ୍‌ ମଧ୍ୟରେ ଏହା ହେବ ସବୁଠାରୁ ସୁନ୍ଦର। ଓଭରବ୍ରିଜ୍ ଉପର ଅଂଶ ଯେମିତି ତଳେ ସର୍ଭିସ୍‌ ରୋଡ୍‌କୁ ମଧ୍ୟ ସେମିତି ସୁନ୍ଦର ରୂପ ଦିଆଯିବ।

ବିଏମ୍‌ସି ଓ ବିଡିଏ ଅଫିସ ୧୫ଦିନ ପାଇଁ ସର୍ବସାଧାରଣଙ୍କୁ ମନା

ବିଡିଏ କାର୍ଯ୍ୟାଳୟରେ ଜଣେ ସୁରକ୍ଷାକର୍ମୀ କରୋନା ପଜିଟିଭ୍ ବାହାରିବା ପରେ ବିଏମ୍‌ସି ଓ ବିଡିଏ କାର୍ଯ୍ୟାଳୟରେ ଜୋରଦାର୍ କଟକଣା ଲଗାଯାଇଛି। ଏହି ଦୁଇଟି କାର୍ଯ୍ୟାଳୟକୁ ୧୫ଦିନ ପର୍ଯ୍ୟନ୍ତ ସର୍ବସାଧାରଣଙ୍କୁ ଆସିବାକୁ ମନା କରାଯାଇଛି। ଯାହାର ବି କିଛି ସମସ୍ୟା ଅଛି ସେମାନେ ୧୯୨୯ ନମ୍ବରରେ ଫୋନ୍‌ କରି ଜଣାଇବେ। ଯାହାର କିଛି ଆବେଦନ କରିବାର ଅଛି ବା ଟିକସ ପୈଠ କରିବାର ଅଛି ସେମାନେ ଭୁବନେଶ୍ବର.ମି ୱେବସାଇଟ୍‌କୁ ଯାଇ କରିପାରିବେ ବୋଲି ବିଏମ୍‌ସି କମିସନର ତଥା ବିଡିଏ ଉପାଧ୍ୟକ୍ଷ ପ୍ରେମଚନ୍ଦ୍ର ଚୌଧରୀ କହିଛନ୍ତି।

ନିଦ ହଜାଇଲାଣି ବସ୍ତି,ବାହାରିଲେଣି ୨୪ ପଜିଟିଭ୍

ରାଜଧାନୀରେ ଏବେ କରୋନା ହୁ ହୁ ହୋଇ ମାଡ଼ୁଛି। ମାର୍ଚ୍ଚ ୧୫ରୁ ମେ ୩୧ ସୁଦ୍ଧା ୬୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଜୁନ୍‌ ୧ରୁ ଜୁନ୍‌ ୨୭ ଭିତରେ ୨୧୮ଜଣ ଆକ୍ରାନ୍ତ ଚିହ୍ନଟ ହେଲେଣି। ୨୭ଦିନରେ ୨୧୮ଜଣ କରୋନା ଆକ୍ରାନ୍ତ ଚିହ୍ନଟ ହୋଇସାରିଲେଣି। କିନ୍ତୁ ଏଥିରେ ବସ୍ତିରୁ ବାହାରିଥିବା ଆକ୍ରାନ୍ତଙ୍କ ସଂଖ୍ୟା ଅଧିକ ଚିନ୍ତାଜନକ ହୋଇଛି। ବସ୍ତିରୁ ବସ୍ତିକୁ କରୋନା ମାଡ଼ୁଥିବାରୁ ବିଏମ୍‌ସି ଅଧିକାରୀଙ୍କ ନିଦ ହଜିଗଲାଣି।

୧୫ ଦିନ ପର୍ଯ୍ୟନ୍ତ ସହରାଞ୍ଚଳକୁ ନ ଆସିବା ପାଇଁ ଅନୁରୋଧ କଲେ ଗଞ୍ଜାମ ଜିଲ୍ଲାପାଳ

କରୋନା ସଂକ୍ରମଣକୁ ଆଖି ଆଗରେ ରଖି ଗଞ୍ଜାମ ଜିଲ୍ଲାପାଳ ଆସନ୍ତା ୧୫ ଦିନ ପର୍ଯ୍ୟନ୍ତ କଟକଣା ଜାରି କରିଛନ୍ତି। ଆସନ୍ତା ୧୫ ଦିନ ପର୍ଯ୍ୟନ୍ତ ସହରାଞ୍ଚଳକୁ ନ ଆସିବା ପାଇଁ ଜିଲାବାସୀ ଙ୍କୁ ଅନୁରୋଧ କରିଛନ୍ତି ଗଞ୍ଜାମ ଜିଲ୍ଲାପାଳ। କୌଣସି ଜରୁରୀ କାର୍ଯ୍ୟ ନ ଥିଲେ ସହରାଞ୍ଚଳକୁ ଆସନ୍ତୁ ନାହିଁ ବୋଲି ଟୁଇଟ୍ କରି ସେ କହିଛନ୍ତି

ପିପିଲିକୁ ଗଡ଼ିଲା ମୋ ବସ୍‌

ରଥଯାତ୍ରା ପାଇଁ ପୁରୀ ଜିଲ୍ଲାର ପ୍ରବେଶ ପଥକୁ ରାଜ୍ୟ ସରକାର ସିଲ୍‌ କରିଦେବା ଯୋଗୁଁ ୨୩ତାରିଖ ଅର୍ଥାତ୍‌ ଶ୍ରୀ ଗୁଣ୍ଡିଚା ଦିନ ଭୁବନେଶ୍ବରରୁ ପିପିଲିକୁ ମୋ ବସ୍‌ ସେବା ଆରମ୍ଭ ହୋଇପାରିଲାନି। ତେଣୁ ଗୁରୁବାର ଏହି ରୁଟ୍‌ରେ ମୋ ବସ୍‌ ସେବା ଆରମ୍ଭ ହୋଇଛି । ରୁଟ୍‌ ନଂ ୩୩ରେ ମୋ ବସ୍‌ ଭୁବନେଶ୍ବର ରେଳ ଷ୍ଟେସନରୁ ବାହାରି ପିପିଲି ହୋଇ ଦାଣ୍ଡମୁକୁନ୍ଦପୁର ପର୍ଯ୍ୟନ୍ତ ଯାଇଛି । ପ୍ରତି ୪୦ ମିନିଟରେ ଏହି ରୁଟ୍‌ରେ ଗୋଟିଏ ବସ୍‌ ଚଳାଚଳ କରିବ।

କୋଭିଡ ୧୯ ସମୟରେ କମିଛି ସହରାଞ୍ଚଳ ପ୍ରଦୂଷଣ

ସ୍ବାସ୍ଥ୍ୟଠାରୁ ଆରମ୍ଭ କରି ଆର୍ଥିକ, ସାମାଜିକ ଏବଂ ସାଂସ୍କୃତିକ କ୍ଷେତ୍ର ପାଇଁ ବିପଜ୍ଜନକ ହୋଇଥିବା କୋଭିଡ୍‌-୧୯ ବା କରୋନା ମହାମାରୀ ପରିବେଶ ନିମନ୍ତେ କିନ୍ତୁ ବରଦାନ ପାଲଟିଛି। ମାର୍ଚ୍ଚ ପୂର୍ବରୁ ପ୍ରଦୂଷଣରେ ଘାଣ୍ଟି ହେଉଥିବା ରାଜ୍ୟର ବହୁ ସହର ଏବେ ଅନେକାଂଶରେ ସ୍ବଚ୍ଛ ହୋଇଯାଇଛି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ କରାଯାଇଥିବା ସର୍ଭେରୁ ବାୟୁ ପ୍ରଦୂଷଣର ହାର ବହୁମାତ୍ରାରେ ହ୍ରାସ ପାଇଥିବା ତଥ୍ୟ ମିଳିଛି।

ରାଜଧାନୀ ଉପକଣ୍ଠର ଚିତ୍ର :ପାଞ୍ଚ ପଞ୍ଚାୟତକୁ ଭରସା ବାଉଁଶ ପୋଲ

ବାଉଁଶ ପୋଲ ଉପରେ ନିର୍ଭର କରୁଛନ୍ତି ପାଞ୍ଚ ପଞ୍ଚାୟତର ୫ ହଜାର ଲୋକ। ଯାତାୟାତରେ ଦୂରତା କମ୍ କରିବା ପାଇଁ ବର୍ଷ ବର୍ଷ ଧରି ଲୋକେ ଏହି ପୋଲକୁ ବ୍ୟବହାର କରୁଛନ୍ତି। ବର୍ଷା ଦିନରେ ନଈ ବଢ଼ି ହେଲେ ପୋଲ ନଷ୍ଟ ହୋଇଯାଉଛି ଓ ଲୋ‌କେ ପୁଣି ହାତରୁ ଟଙ୍କା ଖର୍ଚ୍ଚ କରି ପୋଲ ନିର୍ମାଣ କରୁଛନ୍ତି। ଏହା କୌଣସି ଅପହଞ୍ଚ ଅଞ୍ଚଳର କଥା ନୁହେଁ, ଖୋଦ୍ ରାଜଧାନୀ ଉପକଣ୍ଠର ଅବସ୍ଥା। ଏହି ‌ପୋଲଟି ରହିଛି କଲ୍ୟାଣପୁର ପଞ୍ଚାୟତ ଓସ୍ତପଡ଼ା ଗ୍ରାମରେ।

ଶ୍ରୀମନ୍ଦିର ସେବାୟତଙ୍କ ପାଇଁ ୫ହଜାର ମାସ୍କ ଦେବ ବୟନିକା

ଶ୍ରୀମନ୍ଦିର ସେବାୟତଙ୍କ ପାଇଁ ସ୍ବତନ୍ତ୍ର ଶୈଳୀରେ ମାସ୍କ ପ୍ରସ୍ତୁତ କରିବ ଓଡ଼ିଶା ରାଜ୍ୟ ହସ୍ତତନ୍ତ, ବୁଣାକାର ସମବାୟ ସମିତି ‘ବୟନିକା’। ରଥର ରଙ୍ଗ ଆଧାରରେ ସ୍ବତନ୍ତ୍ର ମାସ୍କ ପ୍ରସ୍ତୁତ କରାଯିବ। ତିନି ରଥର କପଡ଼ା ଯଥା ନାଲି-ହଳଦିଆ, କଳା-ନାଲି ଓ ସବୁଜ-ନାଲି ରଙ୍ଗରେ ମାସ୍କ ତିଆରି କରାଯିବ।

ଆପୋଲୋରେ ବିରଳ ଚିକିତ୍ସା

ଆପୋଲୋ ହସ୍ପିଟାଲରେ ଜଣେ ୪୩ବର୍ଷୀୟା ମହିଳାଙ୍କ ପାକସ୍ଥଳୀରୁ ୫ ସେ.ମିର ଏକ ଟ୍ୟୁମରକୁ ବିନା ଅସ୍ତ୍ରୋପଚାରରେ ବାହାର କରାଯାଇଛି। ରୋଗୀ ଜଣକ ଏବେ ସଂପୂର୍ଣ୍ଣ ସୁସ୍ଥ ଥିବା ହସ୍ପିଟାଲ ପକ୍ଷରୁ କୁହାଯାଇଛି। କେନ୍ଦୁଝର ଘଟଗାଁ ଅଞ୍ଚଳର ମହିଳାଜଣକ ଦୀର୍ଘ ଦିନ ହେବ ପେଟ ବ୍ୟଥା ଓ ରକ୍ତହୀନତାରେ ପୀଡ଼ିତ ଥିଲେ।

ରାଜଧାନୀ ପାଇଁ ଆଉ ଏକ ଭଲ ଖବର, ଭୁବନେଶ୍ବରରେ କମିଛି ଅଳିଆ ଆବର୍ଜନା

ମାର୍ଚ୍ଚ ୨୪ରୁ ଜାରି ରହିଥିବା ଲକ୍‌ଡାଉନ୍‌ ଭୁବନେଶ୍ବର ପାଇଁ ବରଦାନ ସଦୃଶ ହୋଇଛି। ଗ୍ରୀଷ୍ମ ସମୟରେ ଗରମ କମିଛି। ସବୁଜମୟ ପରିବେଶ ଦେଖିବାକୁ ମିଳୁଛି। ଏଭଳି ସମୟରେ ପରିବେଶ ପାଇଁ ଆଉ ଏକ ଭଲ ଖବର ସାମ୍ନାକୁ ଆସିଛି। ମାର୍ଚ୍ଚ ୨୪ରୁ ମେ’ ୩୧ ମଧ୍ୟରେ ଭୁବନେଶ୍ବରରେ ଅଳିଆ ଆବର୍ଜନା ବହୁ ପରିମାଣରେ କମିଛି। ଦୈନିକ ଯେତିକି ପରିମାଣରେ ବର୍ଜ୍ୟବସ୍ତୁ ବାହାରୁଥିବା ତାହା ପରିମାଣ ହ୍ରାସ ପାଇଛି।

ମହିଳା ଏସ୍‌ଏଚ୍‌ଜି କରିବେ ତରଳ ବର୍ଜ୍ୟବସ୍ତୁ ପରିଚାଳନା

ବ୍ରହ୍ମପୁର, ବାରିପଦା, ସମ୍ବଲପୁର ଓ କଟକ ମହାନଗର ନିଗମ ଅଞ୍ଚଳରେ ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ମିଳିଲା ୪ଟି ତରଳ ବର୍ଜ୍ୟବସ୍ତୁ ପ୍ଲାଣ୍ଟ୍‌ର ପରିଚାଳନା ଦାୟିତ୍ବ। ଏ ନେଇ ଶୁକ୍ରବାର ରାଜ୍ୟ ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗ ଚାରୋଟି ସ୍ଥାନୀୟ ସ୍ବୟଂ ସହାୟକ ଗୋଷ୍ଠୀମାନଙ୍କ ସହ ଚୁକ୍ତିନାମା ସ୍ବାକ୍ଷର କରିଛି। ଏସ୍‌ଏଚ୍‌ଜି ସଦସ୍ୟାମାନେ ଏଣିକି ଦୈନିକ ପ୍ଲାଣ୍ଟ୍‌କୁ ଆସୁଥିବା ସେସ୍‌ପୁଲ୍‌ ଗାଡ଼ିକୁ ନିରୀକ୍ଷଣ କରିବା ସହ ପ୍ଲାଣ୍ଟ୍‌ରୁ ନିର୍ଗତ ବର୍ଜ୍ୟବସ୍ତୁର ନିୟମାନୁଯାୟୀ ପରିଚାଳନା କରିବେ।

ଅଟୋରେ ଯାତ୍ରୀଙ୍କ ପାଇଁ ନିଆରା ବ୍ୟବସ୍ଥା କରିଛନ୍ତି ଗଣେଶ ,ସିଟ୍‌ ମଝିରେ ବାଡ଼, ବିନା ମାସ୍କରେ ମନା

ଯାତ୍ରୀଙ୍କ ପାଇଁ ଉଦ୍ଦିଷ୍ଟ ପଛ ସିଟ୍‌ ମଝିରେ ବାଡ଼ ଦେଇଛନ୍ତି। ଫଳରେ ଦୁଇ ଯାତ୍ରୀଙ୍କ ମଧ୍ୟରେ ଯଥାସମ୍ଭବ ଦୂରତା ବଜାୟ ରହୁଛି ଓ କେହି କାହା ସଂସ୍ପର୍ଶରେ ଆସିବା ଭୟ ରହୁନାହିଁ। ସେହିଭଳି ନିଜ ସିଟ୍‌ ପଛରେ ବି ଜରିପାଲ ଟାଣି ନିଜକୁ ଯାତ୍ରୀମାନଙ୍କଠାରୁ ଦୂରେଇ ରଖିଛନ୍ତି ଚାଳକ।

କରୋନା ମାଡ଼ରେ ବଦଳିଛି ବୃତ୍ତି,ଏବେ ସାହା ମାସ୍କ ଓ ସାନିଟାଈଜ ବେପାର

ମହାମାରୀ କରୋନା କଟକଣା ଜନିତ ତାଲାବନ୍ଦ ପ୍ରକ୍ରିୟା ବିଭିନ୍ନ ବର୍ଗର ଲୋକଙ୍କର ଜୀବନ ଜୀବିକା ଛଡ଼ାଇ ନେଇଛି। ତଥାପି ବଞ୍ଚିବା ପାଇଁ କିଛି ଲୋକ ସଂଘର୍ଷ ଜାରି ରଖିଛନ୍ତି। ଜୀବନ ସଂଗ୍ରାମରେ ଏତେ ସହଜରେ ହାର୍‌ ମାନିବାକୁ ସେମ‌ା‌ନେ ପ୍ରସ୍ତୁତ ନୁହନ୍ତି। ନିଜର ସ୍ବତନ୍ତ୍ର ବୃତ୍ତି ବଦଳାଇ ସେମାନେ ରୋଜଗାରର ନୂଆ ବାଟ ବାଛି ନେଇଛନ୍ତି। ଏଭଳି ଲୋକମାନେ ଏବେ ଅନ୍ୟମାନଙ୍କ ପାଇଁ ପ୍ରେରଣା ପାଲଟିଥିବା ଚର୍ଚ୍ଚା ହେଉଛି।

କାମରେ ନିୟୋଜିତ ଥିବା ବେଳେ ଟ୍ରାଫିକ୍‌ କର୍ମଚାରୀଙ୍କୁ ମୋବାଇଲ୍ ମନା

ଡ୍ୟୁଟିରେ ଥାଇ ବସି ମୋବାଇଲ ଫୋନ୍‌ରେ ଖେଳୁଛନ୍ତି ଟ୍ରାଫିକ୍‌ କର୍ମଚାରୀ। କେହି କେହି ସୋସିଆଲ ମିଡିଆରେ ମାତିଥିବା ବେଳେ କେହି କେହି ଗପ କରୁଛନ୍ତି। ଫଳରେ ଟ୍ରାଫିକ୍‌ ପରିଚାଳନା ବିଶୃଙ୍ଖଳିତ ହେଉଛି। ଏଭଳି ଖବର ପ୍ରକାଶ ପାଇବା ପରେ କମିସନରେଟ୍‌ ପୁଲସ ପକ୍ଷରୁ ବାସ୍ତବତା ଯାଞ୍ଚ କରାଯାଇଥିଲା। ଖବରର ସତ୍ୟାସତ୍ୟ ପ୍ରମାଣିତ ହେବା ପରେ ଏକ କଡ଼ା ନିର୍ଦ୍ଦେଶନାମା ଜାରି ହୋଇଛି। ଡ୍ୟୁଟିରେ ଥାଇ କୌଣସି ଟ୍ରାଫିକ୍‌ କର୍ମଚାରୀ ମୋବାଇଲ ଫୋନ୍‌ ବ୍ୟବହାର କରିପାରିବେ ନାହିଁ।

ସହରାଞ୍ଚଳ ଶୌଚାଳୟରେ ମାଗଣା ସେବା

ରାଜ୍ୟରେ ସହରାଞ୍ଚଳରେ ଥିବା ସାର୍ବଜନୀନ ଶୌଚାଳୟ ଓ ଗୋଷ୍ଠୀ ଶୌଚାଳୟଗୁଡ଼ିକରେ ଆଉ ୟୁଜର୍ସ ଫି’ ଆଦାୟ ହେବନି। ଲୋକମାନେ ମାଗଣାରେ ଏହି ସେବା ପାଇପାରିବେ। ଟଙ୍କା କାରବାରରେ ସଂକ୍ରମଣର ଆଶଙ୍କା ରହିଥିବାରୁ ନଗର ଉନ୍ନୟନ ବିଭାଗ ଏମିତି ନିଷ୍ପତ୍ତି ନେଇଛି। ଆଜି ବିଭାଗ ପକ୍ଷରୁ ଏ ସମ୍ପର୍କରେ ସମସ୍ତ ପୌରସଂସ୍ଥାକୁ ଜଣାଇ ଦିଆଯାଇଛି। ନଗର ଉନ୍ନୟନ ବିଭାଗର ପ୍ରମୁଖ ସଚିବ ଜି ମାଥିଭାଥାନନ୍‌ ଲେଖିଥିବା ଚିଠିରେ ଦର୍ଶାଇଛନ୍ତି, ସହରାଞ୍ଚଳଗୁଡ଼ିକରେ ଥିବା ଶୌଚାଳୟଗୁଡ଼ିକର ପରିଚାଳନା ଭାର ଆଉଟ୍‌ସୋର୍ସିଂ ଏଜେନ୍ସିକୁ ଦିଆଯାଇଛି।

ରାଜଧାନୀ ହେଉଛି ସ୍ୱାଭାବିକ,ଖୋଲିଲା ପାର୍କ,ଖୋଲିବ ତାରକା ହୋଟେଲ

ରାଜଧାନୀର ସମସ୍ତ ବଡ଼ ପାର୍କ ଖୋଲି ଯାଇଛି। ରବିବାର ବିଡିଏ ଅଧୀନରେ ଥିବା ସମସ୍ତ ୭୦ଟି ପାର୍କ ଓ ବିଏମ୍‌ସି ଅଧୀନରେ ଥିବା ୧୫ଟି ପାର୍କ ଖୋଲିଛି। ଏହିପରି ୮୫ଟି ପାର୍କ ଆଜି ଖୋଲିଥିବା ବେଳେ ସୋମବାର ବିଏମ୍‌ସିର ବାକି ୪୦ଟି ପାର୍କ ଖୋଲିଥିଲା । ପ୍ରାୟ ଦୁଇ ମାସ ବନ୍ଦ ରହିବା ପରେ ରବିବାର ବିଡିଏ କର୍ତ୍ତୃପକ୍ଷ ସମସ୍ତ ପାର୍କ ଖୋଲିବାକୁ ନିଷ୍ପତ୍ତି ନେଇଛନ୍ତି। ପୂର୍ବାହ୍ନରେ ରାଜଧାନୀର ତିନିଟି ପ୍ରମୁଖ ପାର୍କ ଫରେଷ୍ଟ ପାର୍କ, ଆଇଜି ପାର୍କ ଓ ମଧୁସୂଦନ ପାର୍କ ଖୋଲିଥିବା ବେଳେ ଅପରାହ୍‌ଣରେ ସବୁ ପାର୍କ ଖୋଲି ଦେଇଥିଲେ।


First Previous
1 2 3 4 5 6 7 8 9 10
Next Last Page 1 of 23

Recent Post