ଦିଲ୍ଲୀର ସମୟପୁର ବାଦଲି ପୋଲିସ ଥାନାରେ ମୁତୟନ ଜଣେ ମହିଳା ହେଡ୍ କନଷ୍ଟେବଳଙ୍କୁ ମିଳିଛି ଆଉଟ୍ ଅଫ୍ ଟର୍ନ ପ୍ରମୋଶନ୍। ହେଡ୍ କନଷ୍ଟେବଳ ଜଣଙ୍କର ନିଜର କାର୍ଯ୍ୟପ୍ରତି ନିଷ୍ଠା ଓ ବିଶ୍ବସ୍ଥତା ଦେଖି ଉଚ୍ଚାଧିକାରୀମାନେ ତାଙ୍କୁ ଆଉଟ୍-ଅଫ୍-ଟର୍ନ ପ୍ରମୋଶନ୍ ଦେବାର ନିଷ୍ପତ୍ତି ନେଇଛନ୍ତି। ମହିଳା ହେଡ୍ କନଷ୍ଟେବଳ ଜଣଙ୍କ ହେଉଛନ୍ତି  ସୀମା ଢାକା ଯିଏକି କଠିନ ଚ୍ୟାଲେଞ୍ଜ ର ସାମ୍ନା କରି  ୭୬ ଜଣ ନିଖୋଜ ପିଲାଙ୍କୁ ଅଢେଇ ମାସ ଭିତରେ ଖୋଜି ବାହାର କରିଛନ୍ତି । ଉଦ୍ଧାର ହୋଇଥିବା ଏହି ପିଲାମାନଙ୍କ ମଧ୍ୟରୁ ୫୬ ଜଣଙ୍କର ବୟସ ୧୪ ବର୍ଷରୁ ବି କମ୍ । ସୀମା ଆଉଟ୍ ଅଫ୍ ଟର୍ନ ପ୍ରମୋଶନ୍ ପାଇଥିବା ଦିଲ୍ଲୀ ପୋଲିସର ପ୍ରଥମ କର୍ମଚାରୀ।