ରାଜ୍ୟର ବିଭିନ୍ନ ପର୍ଯ୍ୟଟନ ସ୍ଥଳୀରେ ସ୍ୱତନ୍ତ୍ର ଭାବେ ଟୁରିଷ୍ଟ ସେଲ ନିର୍ମାଣ ହେବ । ରାଜ୍ୟ ପର୍ଯ୍ୟଟନ ବିଭାଗ ଏ ଦିଗରେ ଆବଶ୍ୟକୀୟ ପ୍ରକ୍ରିୟା ଗ୍ରହଣ କରିଛି । ପ୍ରଥମ ପର୍ଯ୍ୟାୟରେ ୮ ଟି ଜାଗାରେ ଏହା କରାଯିବ ଲାଗି ନିଷ୍ପତ୍ତି ହୋଇଛି ।ଉକ୍ତ ସେଲ ରେ ଟୁରିଷ୍ଟ ପୋଲିସ ରହିବ ସହ ପର୍ଯ୍ୟଟକ ମାନଙ୍କୁ ସୁରକ୍ଷା ଓ ପର୍ଯ୍ୟଟନ ସ୍ଥଳୀ ର ସୁରକ୍ଷା ଯୋଗାଇଦେବା ଦିଗରେ ସେମାନେ କାମ କରିବେ । ପ୍ରତି ସେଲ ରେ ୭ ରୁ ୮ ଜଣ ଟୁରିଷ୍ଟ ପୋଲିସ ରହିବେ। ପୁରୀର ସମୁଦ୍ର ବେଳାଭୂମି,କୋଣାର୍କର ଚନ୍ଦ୍ରଭାଗା,ବାଲେଶ୍ୱର ର ଚାନ୍ଦିପୁର,ବ୍ରହ୍ମପୁର ର ଗୋପାଳପୁର,ପୁରୀ ର ସାତପଡ଼ା,ଭୁବନେଶ୍ୱର ର ଲିଙ୍ଗରାଜ ମନ୍ଦିର,ନନ୍ଦନ କାନନ,ଓ ଧଉଳି ଅଞ୍ଚଳରେ ଏହି ଟୁରିଷ୍ଟ ସେଲ ଆରମ୍ଭ ହେବ । ପର୍ଯ୍ୟଟନ ପୋଲିସ ପର୍ଯ୍ୟଟକ ମାନଙ୍କୁ ଉତ୍ତମ ବ୍ୟବହାର ଓ ପର୍ୟଟନ ସ୍ଥଳୀର ସୁରକ୍ଷା ଦିଗରେ ତାଲିମ ପ୍ରଦାନ କରାଯାଇଛି ।ପର୍ଯ୍ୟଟକ ମାନେ ଏହି ସ୍ଥଳୀ ଗୁଡିକ ରେ ଯଦି କିଛି ସମସ୍ୟାରେ ପଡନ୍ତି ତେବେ ଏହି ସେଲ ର ପରାମର୍ଶ ଓ ଅଭିଯୋଗ କରିପାରିବେ । ଟୁରିଷ୍ଟ ସେଲ ଯଦି ଅଭିଯୋଗ ଗୁଡିକର ସମାଧାନ କରି ନ ପାରେ ତେବେ ଏହାର ଅଧିନସ୍ଥ ପୋଲିସ ଥାନା କୁ ଜଣାଇବେ ।
09/08/2019