ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ମେରିକୋଟ ପଂଚାୟତ ମେରିକୋଟ ଉଚ୍ଚ ବିଦ୍ୟାଳୟରେ ନବମ ଶ୍ରେଣୀ ପଢୁଥିବା ବାବୁଲା ଗୌଡ଼ ଏକ ନିଆରା ତଲାରି ତିଆରି କରିଛନ୍ତି । ଏହା ସୌରଶକ୍ତି ସଂପନ୍ନ । ତଲାରି କେବଳ ଖରାବର୍ଷାରୁ ରକ୍ଷା କରିବନି ବରଂ ଖରାରେ ଏଥିରେ ଥିବା ପଙ୍ଖା ଘୁରିବ ଓ ରାତିରେ ଲାଇଟ ଜଳିବ ।
ଗଞ୍ଜାମ ତଥା ରାଜ୍ୟର ଅନ୍ୟାନ୍ୟ ଜିଲ୍ଲା ଗୁଡ଼ିକରେ ଚାଷୀ ଓ ମେଷପାଳକମାନେ ତଲାରି ବ୍ୟବହାର କରିଥାନ୍ତି । ଏହା ସେମାନଙ୍କୁ ଖରା ବର୍ଷାରୁ ରକ୍ଷା କରେ । ବାବୁଲା ଚାଷୀଙ୍କ ତଲାରିକୁ ଦେଇଛନ୍ତି ସ୍ମାର୍ଟ ଲୁକ୍ ।
ତଲାରିରେ ଏକ ସ୍ୱତନ୍ତ୍ର ରାଡ଼ାର ଖଞ୍ଜାଯାଇଛି । ଏହା ଦ୍ୱାରା ଏଫଏମ ରେଡ଼ିଓ ବାଜିବ । ପାଣିପାଗ ସୂଚନା ଜାଣିହେବ । ବିଜ୍ଞାନ ମେଳାରେ ବାବୁଲାଙ୍କ ଏହି ସ୍ମାର୍ଟ ତଲାରି ପ୍ରଥମ ହୋଇଛି । ବାବୁଲାଙ୍କ ଏହି ପ୍ରକଳ୍ପକୁ ସରକାର ସହାୟତା ପ୍ରଦାନ କଲେ ଚାଷୀମାନଙ୍କ ପାଇଁ ଏକ ନୂଆ ଉପକରଣ ଆସିପାରନ୍ତା ।
08/12/2018