ବାଲେଶ୍ଵର ଜିଲ୍ଲା ନୀଳଗିରି ଏନଏସି ୨ ନମ୍ବର ୱାର୍ଡ ଘାଟଘରସାହି ଅଂଚଳର ସୌମ୍ୟକାନ୍ତ ଓରଫ ରାଜା । ୨୦୧୩ ମସିହାରେ ଡିପ୍ଲୋମା ଇଞ୍ଜିନିୟର ପାସ କରିବା ପରେ ରାଜ୍ୟ ବାହାରୁ ବିଭିନ୍ନ କମ୍ପାନୀରୁ ଚାକିରୀ ଅଫର ଆସିଲା ସତ ହେଲେ ସେ ମନ ବଳାଇଲେ ନାହିଁ।ପାହାଡ଼ ତଳେ  ଥିବା ନିଜ ୭ ଏକର ଜମିରେ ଫାର୍ମ ହାଉସ କରି ଜୈବିକ ଚାଷ ପ୍ରତି ବଳାଇଥିଲେ ମନ । ବଜାର ରେ ଅଧିକ ଚାହିଦା ଥିବା ଔଷଧୀୟ କଳାଧାନ ପ୍ରଜାତି ପ୍ରତି ସେ ରୁଚି ରଖିଥିଲେ। ଜୈବିକ  ଉପାୟରେ ଏହି ପ୍ରଜାତି ଅମଳକରି ସେ ଖ୍ୟାତି ଅର୍ଜନ କରିଛନ୍ତି । ।ଏହି ଧାନର ଚାଉଳ ହାର୍ଟ,ଡାଇବେଟିସ ରୋଗୀଙ୍କ ପାଇଁ ବରଦାନ ହୋଇଥିବାରୁ ଏହି ଚାଉଳ ର ଚାହିଦା ବଜାରରେ ବେଶ୍ ରହିଛି । ସାଢ଼େ ୭ ଏକର ଜମିରେ ସାଳଫୁଲ, ସ୍ୱର୍ଣ୍ଣ ଧାନ ଚାଷ କରିଥିବାବେଳେ କଳା ଧାନ ମଧ୍ୟ ଚାଷ କରିଛନ୍ତି । ୫ କେଜି ବିହନରୁ ଦୁଇଟି ଧାନ କିଆରୀରେ  ଚାଷ କରି ସେ ଯେତିକି ଆଶା କରିଥିଲେ ସେତିକି ଫଳିଥିବା ଦେଖି ଖୁସି ହୋଇଛନ୍ତି ସୌମ୍ୟ । ଚଳିତ ବର୍ଷ ବେଶ ଭଲ ଧାନ ଫଳିଥିବା ସେ କହନ୍ତି ।ଏହି କଳା ଧାନର ଚାଉଳ ର ମୂଲ୍ୟ ୪୫୦ ଟଙ୍କା କେଜି ଦର ରେ ବାହାର ମାର୍କେଟ ରେ ବିକ୍ରୟ ହେଉଥିବା ବେଳେ ଏହି ଚାଷ ମଧ୍ୟ ଅନ୍ୟ ଚାଷୀଙ୍କୁ କିଛିକିଛି କରିବାକୁ ସେ ଆହ୍ୱାନ ଦେଇଛନ୍ତି ।