ପାରାଦ୍ୱୀପ ବାସୀଙ୍କ  ପାଇଁ ଖୁସି ଖବର । ଖୁବଶିଘ୍ର ଏଠାରେ ନିର୍ମାଣ ହେବାକୁ ଯାଉଛି ବିମାନ ବନ୍ଦର। ଏଥିପାଇଁ ଗତ ଜାନୁଆରୀ ମାସରୁ ବୁଝାମଣା ପତ୍ର  ସ୍ୱାକ୍ଷରିତ  ହୋଇ ସାରିଥିବା କହିଛନ୍ତି  ପୋର୍ଟ ଅଥରିଟି ଅଫ ଇଣ୍ଡିଆର(ଏଏଆଇ) ଅଧ୍ୟକ୍ଷ ଗୁରୁପ୍ରସାଦ ମହାପାତ୍ର ।

ପାରାଦ୍ବୀପ ପୋର୍ଟ ଅଥରିଟି ଓ ଇଣ୍ଡିଆନ ଅଏଲ କର୍ପୋରେସନ(ଆଓସିଏଲ) ର ମିଳିତ ସହଯୋଗରେ ନିର୍ମାଣ ହେବାକୁ ଥିବା ପାରାଦ୍ୱୀପ ବିମାନ ବନ୍ଦର ପାଇଁ ଏୟାର ପୋର୍ଟ ଅଥରିଟି ଅଫ ଇଣ୍ଡିଆ ପକ୍ଷରୁ ବୈଷୟିକ ସହାୟତା ଯୋଗାଇ ଦିଆଯିବ ବୋଲି ମହାପାତ୍ର ସୂଚନା ଦେଇଛନ୍ତି । ଏଠାରେ ଅପେକ୍ଷାକୃତ ଛୋଟ ବିମାନ  ୧୯ ସିଟର କିମ୍ବା ୨୯ ସିଟର ର  ଉଡାଣ ଓ ଅବତରଣ  ସୁବିଧା ରହିବ ।

ଏହାବ୍ୟତିତ ଭୁବନେଶ୍ବରରେ ୯୦୦ କୋଟି ଟଙ୍କା ବ୍ୟୟରେ ତୃତୀୟ ଟର୍ମିନାଲ ବିଲ୍ଡିଂ ନିର୍ମାଣ ପାଇଁ ପ୍ରାଥମିକ କାର‌୍ୟ୍ୟ ଚୂଡାନ୍ତ ପର‌୍ୟ୍ୟାୟରେ ପହଞ୍ଚିଛି। ଯାହାର ନିର୍ମାଣ କାର‌୍ୟ୍ୟ ଆସନ୍ତା ୭ ମାସ ମଧ୍ୟରେ ଆରମ୍ଭ ହେବ ବୋଲି ସୂଚନା ମିଳିଛି । ଯାହାକି ଦୁଇ ରୁ ଅଢେଇ ବର୍ଷ ମଧ୍ୟରେ ସମାପ୍ତ କରାଯିବ ବୋଲି ସେ ଜଣାଇଛନ୍ତି।

ଏନେଇ  ଶନିବାର  ଭୁବନେଶ୍ବର ବିମାନ ବନ୍ଦର ପରିସରରେ ଆୟୋଜିତ କାର‌୍ୟ୍ୟକ୍ରମରେ କେନ୍ଦ୍ରମନ୍ତ୍ରୀ  ଧର୍ମେନ୍ଦ୍ର ପ୍ରଧାନ, ଭୁବନେଶ୍ବର ବିମାନ ବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ଓ ଏୟାର ପୋର୍ଟ ଅଥରିଟିର ରିଜିଓନାଲ ଡ଼ାଇରେକ୍ଟର ଏସପି ଯାଦବ ପ୍ରମୁଖ ଉପସ୍ଥିତ ଥିଲେ।ଏବେ ଝାରସୁଗୁଡା ,ରାଉରକେଲା ଆଦି ଛୋଟ ଓ ମଧ୍ୟମ ସହରରୁ ବିମାନ ଉଡାଣ ରାଜ୍ୟ ଅର୍ଥନୀତି ଓ ଯୋଗାଯୋଗ ବ୍ୟବସ୍ଥା ରେ ସୁଧାର ଆଣିବ