ଚଳିତ ବର୍ଷ କୌନ ବନେଗା କରୋଡପତି ମଞ୍ଚରେ ଜଣଙ୍କ ପରେ ଜଣେ ମହିଳା ପ୍ରତିଦ୍ବନ୍ଦୀ ନିଜର ବୁଦ୍ଧିମତ୍ତା ସହିତ ଜୀବନ ସଂଘର୍ଷ ରେ କିଭଳି ଅଗ୍ରଣୀ ଭୂମିକା ନିର୍ବାହିତ କରିଛନ୍ତି ତାହା ପ୍ରଦର୍ଶିତ କରି ଆଂକର ଓ ଦର୍ଶକ ମାନଙ୍କ ଭାବାବେଗ କୁ ପ୍ରଭାବିତ କରିବାରେ ଲାଗିଛନ୍ତି ।ସଦ୍ୟତମ ଅଧ୍ୟାୟ ରେ ବିହାର ପାଟଣା ର ରାଜଲକ୍ଷ୍ମୀ ନାମକ  ଜଣେ ମହିଳା ପ୍ରତିଯୋଗୀ ନିଜ ପରିବାର ର ଘୋର ଆର୍ଥିକ ସ୍ଥିତି ଓ ଏଥିରେ ନିଜ ସଞ୍ଚୟ ର ଭୂମିକା କୁ ନେଇ ଯେଉଁ ମର୍ମସ୍ପର୍ଶୀ କଥା କହିଥିଲେ ତାହା ଅନେକ ଦର୍ଶକ ଙ୍କ ଆଖିପତା କୁ ଓଦା କରିଦେଇଥିଲା । ରାଜଲକ୍ଷ୍ମୀ ନିଜ ପରିବାର ର କାହାଣୀ ବେଶ ଆବେଗିକ ଭାବେ ବର୍ଣ୍ଣନା କରିଥିଲେ । ତାଙ୍କ ଚାଚା ପରିବାର ଠାରୁ ଭିନ୍ନ ହେଲା ବେଳକୁ ସ୍ଥାୟୀ ସଞ୍ଚୟ ଜମା ର କାଗଜପତ୍ର ସହ ଘରେ ଥିବା ସବୁ ଟଙ୍କା ନେଇଯାଇଥିଲେ  । ଏଭଳି ସମୟରେ ରାଜଲକ୍ଷ୍ମୀ ନିଜ ସଞ୍ଚୟ ରୁ ୬୦୦୦୦ ଟଙ୍କା ନିଜ ପିତାଙ୍କୁ ଦେବାରୁ ତାଙ୍କ ପରିବାର ଏକ ଛୋଟ ବ୍ୟବସାୟ କରି ଉଠିଥିଲା  । ନିଜ ଜୀବନରେ ଟଙ୍କାର ମହତ୍ୱ କେତେ ଅଧିକ ଦର୍ଶାଇଥିଲେ ରାଜଲକ୍ଷ୍ମୀ  । ୨୫ ଲକ୍ଷ ଟଙ୍କା ପାଇଁ ପଚରାଯାଇଥିବା ପ୍ରଶ୍ନର ସ୍ପଷ୍ଟ ଉତ୍ତର ନ ଥିବାରୁ ସେ ପ୍ରତିଯୋଗିତାରୁ ବାହାରି ଆସିଥିଲେ  । ତାଙ୍କୁ ୧୨ଲକ୍ଷ ୫୦ ହଜାର ଟଙ୍କାର ଚେକ ପ୍ରଦାନ କରି ଅମିତାଭ ବଚନ ପ୍ରସଂଶା ରେ ଶତମୁଖ ହୋଇଉଠିଥିଲେ  ।