କନ୍ଧମାଳ ବାଲ୍ୟ ବିବାହ ମୁକ୍ତ ବୋଲି ପ୍ରଶାସନ କହି ବୁଲୁଥିବା ବେଳେ ଅନେକ ନାବାଳିକା ବାହା ହୋଇ ଘରସଂସାର ର ବେଡି ପିନ୍ଧୁଥିବା ନଜରକୁ ଆସୁଛି । ଏବେ  ପୁଣି ଜଣେ ୧୪ ବର୍ଷର ଝିଅ ଗର୍ଭବତୀ ଜଣାପଡିବା ପରେ ବାଲ୍ୟବିବାହ ର ସତ ସାମ୍ନାକୁ ଆସିଛି ।ସୁତ୍ରୁକୁମ୍ପା ଅଞ୍ଚଳ ର ଏହି  ନାବାଳିକା ଜଣକ ଏବେ  ୩ ମାସର ଗର୍ଭବତୀ । ପୁଲିସ ଓ ଚାଇଲଡ ଲାଇନ ଟିମ୍ ସୁତ୍ରୁକୁମ୍ପାରେ ପହଞ୍ଚି ନାବାଳିକାକୁ ଉଦ୍ଧାର କରିଛନ୍ତି। ଗିରଫ ଭୟରେ ଅଭିଯୁକ୍ତ ଯୁବକ ଫେରାର ହୋଇ ଥିବା ଜଣା ଯାଇଛି । ଫେରାର ଅଭିଯୁକ୍ତର ଘର କନ୍ଧମାଳ ଜିଲାର ସୁଦୃକୁମ୍ପା ରେ ହୋଇଥିବା ବେଳେ ନାବାଳିକା ଝିଅଟିର ଘର ଗୋଛାପଡା ରେ । ଉଭୟ ପରିବାର ର ଜାଣତରେ ପ୍ରଶାସନ କୁ ଲୁଚାଇ ଏହି ବିବାହ ଆୟୋଜିତ ହୋଇଥିଲା । ଏବେ  ନାବାଳିକା ଜଣକ ୩ ମାସର ଗର୍ଭବତୀ ହେବାପରେ ଡାକ୍ତରଖାନା କୁ ଆସିବା ଦ୍ୱାରା ଘଟଣା ଟି ଲୋକଲୋଚନ କୁ ଆସିଲା ଓ ପ୍ରଶାସନ ର କାନରେ ପଡିଲା । ଏବେ ଗର୍ଭବତୀ ଝିଅଟି ଯେଉଁ ସମୟରେ ପରିବାର ର ସ୍ନେହ,ଯତ୍ନ ଓ ଆଦର ତଥା ସୁରକ୍ଷା ପାଇଥାଆନ୍ତା ସେହି ସମୟରେ ସୁଧାର ହୋମ ରେ ନିସଙ୍ଗ ଜୀବନ ଜିଇଁବାକୁ ବାଧ୍ୟ ହେଉଛି । ଏହି ଘଟଣାରେ ପ୍ରଶାସନ କୁ ଅନେକ ଦାୟୀ କରୁଛନ୍ତି ।