ବ୍ରେନ ଟ୍ୟୁମରକୁ ନେଇ ସଂଘର୍ଷ କରୁଥିବା ୨ ବର୍ଷର ନିଜ ଶିଶୁକୁ ବଂଚାଇବା ପାଇଁ ପୁନେର ଏକ ଦମ୍ପତି ମୁମ୍ବାଇ ଆସିଥିଲେ । ହେଲେ ଡ଼ାକ୍ତର ଶିଶୁଟି ମସ୍ତିଷ୍କ-ମୃତ ବୋଲି ସୂଚନା ଦେବା ପରେ ଲୁହ ଓ କୋହଭରା ଏହି ଦମ୍ପତ୍ତି ଶିଶୁଟିର ଲିଭର, କିଡ଼ନୀ, ହାର୍ଟ ଏବଂ ଆଖି ଦାନ ଘୋଷଣା କରି ଜୀବନ ସହ ସଂଘର୍ଷ କରୁଥିବା ଆଉ ୬ଜଣଙ୍କ ମନରେ ଆଶା ଜଗାଇଛନ୍ତି । ମୃତପରେ ଶିଶୁଟି ସର୍ବ କନିଷ୍ଠ ଅଙ୍ଗଦାତା ଭାବେ କେବଳ ରେକର୍ଡ଼ରେ ସ୍ଥାନ ପାଇନି ବରଂ ଆଉ ୬ ଜଣଙ୍କ ଜୀବନ ଦାନରେ ଲାଗିପାରିଛି । ଥାନେର ଜୁପିଟର ହସ୍ପିଟାଲରେ ଲିଭର ପ୍ରତିରୋପଣ ଅପେକ୍ଷାରେ ଥିବା ୪ ବର୍ଷର ଆଉ ଜଣେ ଶିଶୁ ପାଇଁ ରକ୍ଷା କବଚ ସାବ୍ୟସ୍ତ ହୋଇଛି ।