ଜାତୀୟ ରାଜଧାନୀ ଦିଲ୍ଲୀରେ ମହିଳା ସୁରକ୍ଷାକୁ ନେଇ ନିର୍ବାଚନୀ ପ୍ରତିଶୃତି ଦେଇଥିବା ଆମ୍ ଆଦମୀ ପାର୍ଟି ସରକାର ମହାନଗରର ବିଭିନ୍ନ ସ୍ଥାନରେ ସିସିଟିଭି ଲଗାଇବାର ପ୍ରକ୍ରିୟା ଆରମ୍ଭ କରିଛନ୍ତି । ତେବେ ସହର ସାରା ଲାଗିବା ପୂର୍ବରୁ ନମୁନା ସ୍ୱରୂପ ୩-୪ ବିଧାନସଭା ନିର୍ବାଚନ ମଣ୍ଡଳୀରେ ୩୦୦ ସିସିଟିଭି ଲଗାଇବାର କାମ ଆରମ୍ଭ କରିଛନ୍ତି । ଦିଲ୍ଲୀ ସହରରେ ୧.୪ ଲକ୍ଷ ସିସିଟିଭି ଲଗାଯିବା ନିଷ୍ପତ୍ତି ଚୂଡ଼ାନ୍ତ ହୋଇଛି ।
ସହରର ସମ୍ବେଦନଶୀଳ ସ୍ଥାନ ଗୁଡ଼ିକ ଚିହ୍ନଟ ପ୍ରକ୍ରିୟା ଚାଲିଛି । ୭୦ ବିଧାନସଭା ଅଂଚଳରେ ୧.୪ ଲକ୍ଷ କ୍ୟାମେରା ପାଇଁ କଣ୍ଟ୍ରାକ୍ଟ ସାଇନ ସରିଛି । ୧.୪ ଲକ୍ଷ ସିସିଟିଭି ଲଗାଇବା ବାବଦକୁ ୩୨୨ କୋଟି ଓ ତଦାରଖ ତଥା ୫ ବର୍ଷର ରକ୍ଷଣାବେକ୍ଷଣ ଓ ସମୁଦାୟ ଖର୍ଚ୍ଚ ୫୭୧ କୋଟି ଟଙ୍କା ଏହି ପ୍ରକଳ୍ପରେ ଖର୍ଚ୍ଚ ହେବ । ୨୦୧୫ରେ ସରକାରକୁ ଆସିବା ପୂର୍ବରୁ ଆପର ଏହା ଥିଲା ସବୁଠୁ ବଡ଼ ନିର୍ବାଚନୀ ପ୍ରତିଶୃତି । ନିର୍ଭୟା ଘଟଣା ପରେ ଦିଲ୍ଲୀର ଆଇନ ଶୃଙ୍ଖଳାକୁ ନେଇ ଉଠିଥିବା ପ୍ରଶ୍ନ ଆଧାରରେ ସିସିଟିଭି ଲଗାଇବା ପାଇଁ ବିଭିନ୍ନ ମହଲରୁ ଦାବୀ ହୋଇଥିଲା ।
12/11/2018