ରାଜ୍ୟର ୫୬ଟି ପ୍ରମୁଖ ଚିକିତ୍ସାଳୟ ନିକଟରେ ଅବସ୍ଥିତ ଆହାର କେନ୍ଦ୍ର ଗୁଡ଼ିକରେ ରୋଗୀଙ୍କ ଆତ୍ମୀୟ ଏବଂ ଚିକିତ୍ସା ପାଇଁ ଆସୁଥିବା ଜନସାଧାରଣଙ୍କ ପାଇଁ ଆହାର ଯୋଜନାରେ ଯୋଗାଇ ଦିଆଯିବ ରାତ୍ରିଭୋଜନ ।
ଦୈନିକ ରାତି ୭ଟାରୁ ୯ଟା ମଧ୍ୟରେ ୧୫ ହଜାର ଲୋକଙ୍କ ପାଇଁ ୫୬ଟି ଆହାର କେନ୍ଦ୍ରରେ ଏହି ସୁବିଧା ଉପଲବ୍ଧ କରାଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଡ଼ିସେମ୍ବର ୩୧ ସନ୍ଧ୍ୟା ୭ଟାରେ କ୍ୟାପିଟାଲ ହସ୍ପିଟାଲ ପରିସରରୁ ଏହାର ଶୁଭାରମ୍ଭ କରିବା ସହିତ ବୁର୍ଲାସ୍ଥିତ ଭିଏସଏସ ମେଡ଼ିକାଲ କଲେଜ ପରିସରରେ ଖୋଲୁଥିବା ନୁଆ ଆହାର କେନ୍ଦ୍ରର ଲୋକାର୍ପଣ କରିବେ ।
୨୦୧୫ ଏପ୍ରିଲ ମାସ ଠାରୁ ଆହାର କେନ୍ଦ୍ର ଗୁଡ଼ିକ ମଧ୍ୟାହ୍ନ ଭୋଜନ ଯୋଗାଇ ଦେଇ ଆସୁଛନ୍ତି । ୫ ଟଙ୍କା ମୂଲ୍ୟରେ ଭାତ ଓ ଡ଼ାଲମା ଥାଳି ପରିଷି ଏହି ଯୋଜନା ନଗରାଂଚଳ ଭୋଟରଙ୍କୁ ଆକର୍ଷିତ କରିପାରିଛି । ରାଜ୍ୟର ୭୬ଟି ନଗରାଂଚଳରେ ଏଭଳି ସୁବିଧା ଉପଲବ୍ଧ କରାଯାଇଛି ।
ଏହି ଯୋଜନାକୁ ନିରବଚ୍ଛିନ୍ନ ଭାବେ ଚାଲୁ ରଖିବା ପାଇଁ ନବୀନ ପଟ୍ଟନାୟକ ସରକାର ସର୍ବସାଧାରଣଙ୍କ ଠାରୁ ଦାନ ଲୋଡ଼ିଛନ୍ତି । ଆହାର ପାଇଁ ଅନଲାଇନ ଜରିଆରେ ଦାନ ସଂଗ୍ରହ ହେବ ଓ ଏହା ସମ୍ପୂର୍ଣ୍ଣ ଟିକସ ମୁକ୍ତ ହେବ ବୋଲି ଘୋଷଣା କରାଯାଇଛି ।
31/12/2018