ଗୋଟିଏ ଦିଗରେ ଦେଶରେ ଖାଦ୍ୟ ଶସ୍ୟ ଉତ୍ପାଦନ ବଢୁଛି, ଅନ୍ୟ ପଟରେ ଖାଦ୍ୟ ଶସ୍ୟ କ୍ରୟ କରିବାର ସାମର୍ଥ୍ୟ ହରାଉଥିବା ଲୋକଙ୍କ ସଂଖ୍ୟା ଯୋଡ଼ି ହେବାରେ ଲାଗିଛି । ୨୦୧୫ରେ ଖାଦ୍ୟ ଏବଂ କୃଷି ସଂଗଠନ ଦ୍ୱାରା ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ଦେଶରେ ୧୯୪.୬ ମିଲିୟନ ଲୋକ କୁପୋଷଣ ଭୋଗୁଛନ୍ତି । ପ୍ରତିଦିନ ପ୍ରାୟ ୩୦୦୦ ଲୋକ କ୍ଷୁଧା ଏବଂ ଏହାର କାରଣରୁ ରୋଗ ସହିତ ସଂଘର୍ଷ କରୁଛନ୍ତି ।
ଅନାହାର ଓ କ୍ଷୁଧାକୁ ନେଇ କେତେକ ଲୋକ ଆଖି ବୁଜି ଦେଉଥିଲେ ହେଁ ଆଉ କେତେକ ଲୋକ ବ୍ୟକ୍ତିଗତ ସ୍ତରରେ କିଛି ସହାୟତା ପାଇଁ ଆଗକୁ ଆସିଥାନ୍ତି । ୨୬ ବର୍ଷ ବୟସର ଜଣେ ଯୁବକ ହର୍ଷିଲ ମିତ୍ତଲ ହେଉଛନ୍ତି ଏପରି ଜଣେ ବ୍ୟକ୍ତି ଯିଏକି ବଳକା ଖାଦ୍ୟକୁ ସଂଗ୍ରହ କରି ଭୋକିଲାଙ୍କ ନିକଟରେ ପହଂଚାଇବାର ପ୍ରୟାସ ଜାରୀ ରଖିଛନ୍ତି । ହଷିଲଙ୍କ ସହ ତାଙ୍କ ବନ୍ଧୁ ଆଶୁତୋଷ ଶର୍ମା ଋଷି ଓମ୍ ଶାହ ଓ ସେଲିନା ଇଲିୟସ ପ୍ରମୁଖ ଯୋଡ଼ି ହୋଇ let's feet ନାମରେ ବାଙ୍ଗାଲୁରରେ ଏକ ଅଭିଯାନ ଆରମ୍ଭ କରିଛନ୍ତି । ପ୍ରଥମେ ୪୦ ପ୍ୟାକେଟ ଭୋଜନ ବାଣ୍ଟି ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା । ଆଜି ସେମାନଙ୍କ ନିକଟରେ ୪ ହଜାରରୁ ଅଧିକ ସ୍ୱେଚ୍ଛାସେବୀ ଯୋଡ଼ି ହୋଇଛନ୍ତି । ଘର ଘର ବୁଲି ଏମାନେ ଅତିରିକ୍ତ ଭୋଜନ ରାନ୍ଧିବା ପାଇଁ ଅନୁରୋଧ କରିଥାନ୍ତି । ରନ୍ଧନ ପରେ ପ୍ୟାକେଟ କରି ସଂଗ୍ରହ କରନ୍ତି । ପରେ ଏହାକୁ ନେଇ ସହରର ବିଭିନ୍ନ ଯାଗାରେ ବାର୍ଦ୍ଦକ୍ୟ, ରୋଗ ଓ ଦିବ୍ୟାଙ୍ଗ ପାଇଁ କାମ କରିପାରୁନଥିବା ବ୍ୟକ୍ତିଙ୍କ ନିକଟରେ ପହଂଚାଇଥାନ୍ତି । ଖାଦ୍ୟ ସହିତ ଏମାନେ ୨୦ ହଜାର ପୋଷାକ ପତ୍ର ସଂଗ୍ରହ କରି ଦେଇଥିବା ଜଣାଯାଇଛି । ସୋସିଆଲ ମିଡ଼ିଆର ସଦୁପଯୋଗ କରି ହର୍ଷିଲ ଓ ତାଙ୍କ ବନ୍ଧୁମାନେ ଅଧିକରୁ ଅଧିକ ସ୍ୱେଚ୍ଛାସେବୀ ଓ ଗରିବଙ୍କ ମଧ୍ୟରେ ସେତୁ ଭଳି କାମ କରିପାରୁଛନ୍ତି ।
15/04/2019