ଶୀତଋତୁରେ ବିରଳ ଅଲିଭ ରିଡ଼ଲେ ପ୍ରଜାତିର କଇଁଛ ବେଳାଭୂମିକୁ ଗଣ ଅଣ୍ଡାଦାନ ପାଇଁ ଆସିଥାନ୍ତି । ଅଣ୍ଡାରୁ ଫୁଟି ସମୁଦ୍ରରେ ମିଶୁଥିବା କଇଁଛ ଶାବକମାନଙ୍କୁ ଦେଖିବା ପାଇଁ ବେଳାଭୂମିରେ ପର୍ଯ୍ୟଟକଙ୍କ ସମାଗମ ହୁଏ । ପର୍ଯ୍ୟଟକମାନଙ୍କ ମଧ୍ୟରେ ଆହୁରି ଅଧିକ ପ୍ରଚାର ପ୍ରସାର କରାଇ ପର୍ଯ୍ୟଟନର ବିକାଶ ପାଇଁ ଆଭିମୁଖ୍ୟ ରଖାଯାଇ ପୁରୀ ବେଳାଭୂମିରେ କକ୍ସ ଆଣ୍ଡ କିଙ୍ଗ୍ସ ଫାଉଣ୍ଡେସନ ଏବଂ ହ୍ୟୁମାନ ସୋସାଇଟି ଇଣ୍ଟରନ୍ୟାସନାଲର ମିଳିତ ଆୟୋଜନରେ ପ୍ରଥମ କଇଁଛ ଉତ୍ସବ ପୁରୀ ବେଳାଭୂମିରେ ପାଳିତ ହୋଇଯାଇଛି ।