ଛୋଟ ଉଦ୍ୟୋଗ ଠାରୁ ଆରମ୍ଭ କରି ବହୁ ରାଷ୍ଟ୍ରୀୟ କମ୍ପାନୀ ଯାଏଁ ଅନେକ କମ୍ପାନୀ ଏବେ ଘି କୁଆଁରି (ଆଲୋଭେରା) ରୁ ବିଭିନ୍ନ ଉତ୍ପାଦ ପ୍ରସ୍ତୁତ କରି କୋଟି କୋଟି ଟଙ୍କା ରୋଜଗାର କରୁଛନ୍ତି ।
ଏଲୋଭେରାର ବ୍ୟବସାୟ ଦୁଇ ପ୍ରକାର ଭାବେ କରାଯାଇପାରେ । ଆରମ୍ଭରୁ ଆପଣ ଏହାର ଚାଷ କରିପାରନ୍ତି । ଏଥିପାଇଁ ଆପଣ ୧ହେକ୍ଟର ଜମିରେ କେବଳ ୫୦ ହଜାର ଖର୍ଚ୍ଚ କରି ୫ ବର୍ଷ ପର୍ଯ୍ୟନ୍ତ ପ୍ରତିବର୍ଷ ବର୍ଷକୁ ୮ରୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ । ଦ୍ୱିତିୟତଃ ଆପଣ ଏଲୋଭେରା ପ୍ରକ୍ରିୟାକରଣ ୟୁନିଟ୍ ସ୍ଥାପନ କରି ଏହାର ରସ ବିକ୍ରୟ କରି ମୋଟା ଅଙ୍କ ରୋଜଗାର କରିପାରିବେ । ଏଥିପାଇଁ ୬ରୁ ୭ ଲକ୍ଷ ଟଙ୍କା ପୁଞ୍ଜିନିବେଶ କରିବାକୁ ହେବ ଏବଂ ଆୟ ୨୦ ଲକ୍ଷରୁ ଆରମ୍ଭ କରି ୧କୋଟି ଟଙ୍କା ପର୍ଯ୍ୟନ୍ତ କରିହେବ । ଥରେ ଆପଣ ଏହାକୁ ଲଗାଇ ଦେଲେ ୩ ବର୍ଷ ପର୍ଯ୍ୟନ୍ତ ଫସଲ ଅମଳ କରିବେ । ଏଲୋଭେରାର ବହୁ ଉନ୍ନତ ପ୍ରଜାତିର କିସମ ବଜାରରେ ଉପଲବ୍ଧ ହେଉଛି । ଇଣ୍ଡିଆନ କାଉନସିଲ ଫର ଏଗ୍ରିକଲଚର ରିସର୍ଚ୍ଚ ଅନୁଯାୟୀ ଏକ ହେକ୍ଟର ଜମିରେ ରୋପଣ କରାଗଲେ ଖର୍ଚ୍ଚ ପାଖାପାଖି ୨୭୫୦୦ ଟଙ୍କା ଆସିଥାଏ । ପ୍ରଥମ ବର୍ଷ ମଜୁରୀ, ଜମି ପ୍ରସ୍ତୁତି, ସାର ଆଦି ମିଶାଇଲେ ୫୦ ହଜାର ଟଙ୍କା ଖର୍ଚ୍ଚ ହୁଏ । ପ୍ରତି ଏକର ଜମିରୁ ୪୦ରୁ ୫୦ ଟନ୍ ପତ୍ର ଅମଳ ହୁଏ । ଟନ୍ ପ୍ରତି ୧୫ ହଜାରରୁ ୨୫ ହଜାର ଟଙ୍କାରେ ବିକ୍ରୀ ହୁଏ । ଦ୍ୱିତୀୟ ଏବଂ ତୃତୀୟ ବର୍ଷରେ ପତ୍ରର ଅମଳ ୬୦ ଟନ୍ ହୋଇଥାଏ । ଚତୁର୍ଥ ଏବଂ ପଂଚମ ବର୍ଷ ୨୦ରୁ ୨୫ ପ୍ରତିଶତ ଅମଳ ହ୍ରାସ ପାଏ ।
08/11/2018