ଘୋର ଆର୍ଥିକ ସଙ୍କଟକୁ ସାମ୍ନା କରିଛି ଜେଟ ଏୟାରୱେଜ । ଗତ କାଲିଠାରୁ ଜେଟ ତାର ଉଡ଼ାଣ ବନ୍ଦ କରିଛି । କମ୍ପାନୀର ୨୨ ହଜାର କର୍ମଚାରୀ ଦରମା ଓ ଚାକିରୀ ହରାଇ ସଡ଼କ ଉପରକୁ ଚାଲିଆସିଛନ୍ତି । ଭାରତୀୟ ଷ୍ଟେଟ ବ୍ୟାଙ୍କ ନେତୃତ୍ୱରେ ଗଠିତ କନସୋର୍ଟିୟମ ବିମାନ କମ୍ପାନୀକୁ ୪୦୦ କୋଟି ଟଙ୍କାର ଅନ୍ତରୀଣ ପାଣ୍ଠି ଦେବାକୁ ଅଗ୍ରାହ୍ୟ କରିବା ପରେ କମ୍ପାନୀ ମଙ୍ଗଳବାର ଦିନ ଏହାର ସମସ୍ତ ଉଡ଼ାଣକୁ ରବ୍ଦ କରିଦେଇଛି । ଜେଟ ଇତିହାସରେ ଦୀର୍ଘ ୨୫ ବର୍ଷ ପରେ ଏଭଳି ଏକ ଖରାପ ଦିନ ଆସିଥିବା ନେଇ ଚର୍ଚ୍ଚା ହେଉଛି । ପୁନର୍ବାର କେବେ ଏହା ଉଡ଼ିବ ସେ ନେଇ କାହା ନିକଟରେ ତଥ୍ୟ ନାହିଁ ।