ଆସିଗଲା ନୂଆ ଉପକରଣ ,୪୦୦ଟଙ୍କାରେ କରିପାରିବେ କରୋନା ପରୀକ୍ଷା
ଆଇଆଇଟି ଖଡ଼ଗପୁରର ଗବେଷକମାନେ କରୋନା ରାପିଡ୍ ଟେଷ୍ଟ ପାଇଁ ଏକ ନୂଆ ଟେକ୍ନୋଲଜି ବିକଶିତ କରିଛନ୍ତି । ଏହି ଅଲଟ୍ରା ପୋର୍ଟେବଲ ଡିଭାଇସ୍ର ଦାମ୍ ୪୦୦ଟଙ୍କା ବୋଲି କୁହାଯାଉଛି । ଏହି ଡିଭାଇସ୍ ଏକ ମୋବାଇଲ୍ ଆପ୍ଲିକେସନ ଜରିଆରେ ଯାଞ୍ଚର ଏକ ଘଣ୍ଟା ଭିତରେ ପରୀକ୍ଷଣର ଫଳାଫଳ ଦେବାରେ ସକ୍ଷମ ହେବ । ଏତେ କମସମୟ ଭିତରେ ଅନ୍ୟ କୌଣସି ଉପକରଣ ଜରିଆରେ ଏ ଯାଏଁ ଯାଞ୍ଚ ସମ୍ଭବ ହୋଇପାରିନାହିଁ । ଏବେ କରୋନା ଟେଷ୍ଟ ପାଇଁ ସାଧାରଣରେ ଆରଟି-ପିସିଆର ଟେଷ୍ଟରେ ଲୋକଙ୍କୁ ୨୦୦୦ରୁ ୨୪୦୦ଟଙ୍କା ଖର୍ଚ୍ଚ କରିବାକୁ ପଡ଼ିଥାଏ । ଯଦି ଆଇଆଇଟି ଖଡ଼ଗପୁର ଦ୍ୱାରା ବିକଶିତ ଅଲଟ୍ରା ପୋର୍ଟେବଲ ଡିଭାଇସ୍ ରାପିଡ୍ ଟେଷ୍ଟିଂ ପାଇଁ ସଫଳ ସାବ୍ୟସ୍ତ ହେବ , ତେବେ କମ୍ ଦାମ୍ରେ ଲୋକଙ୍କ ଟେଷ୍ଟ ସମ୍ଭବ ହୋଇପାରିବ । ଏହାର ଫଳାଫଳ କୁ ନେଇ ଆବଶ୍ୟକୀୟ ପରୀକ୍ଷଣ ଦ୍ରୁତ ଗତିରେ ଚାଲିଛି । ଆଇଆଇଟି ଖଡ଼ଗପୁର ଦ୍ୱାରା ବିକଶିତ କରୋନା ଟେଷ୍ଟ ଡିଭାଇସ୍ର ନାମକରଣ ନୋବଲ ଟେକ୍ନୋଲଜି ରଖାଯାଇଛି । ଏହି ଡିଭାଇସ୍କୁ ୨୫ ଜୁଲାଇ ସକାଳ ୧୧.୩୦ ରେ ଲଞ୍ଚ କରାଯାଇଛି। କରୋନା ଲଢ଼େଇରେ ଏହି ଡିଭାଇସ ଏକ ଶକ୍ତ ଅସ୍ତ୍ର।
26/07/2020