ଓଡ଼ିଶା ବାହାରେ ମିନି ଓଡ଼ିଶା । ୭ ଲକ୍ଷରୁ ଅଧିକ ଓଡ଼ିଆ ରହୁଛନ୍ତି ସୁରଟରେ । ପ୍ରବାସୀ ଓଡ଼ିଆ ସମାଜ ସେଠାରେ ଓଡ଼ିଶା ଉତ୍ସବ ଆୟୋଜନ କରୁଛି । ୧୯ ବର୍ଷ ଓଡ଼ିଶାକୁ ଶାସନ କରୁଥିବା ବିଜେଡ଼ି ସରକାର ପ୍ରଥମ ଥର ପାଇଁ ୨୦୧୯ ସାଧାରଣ ନିର୍ବାଚନ ଅବ୍ୟବହିତ ପୂର୍ବରୁ ସୁରଟର ପ୍ରବାସୀ ଓଡ଼ିଆଙ୍କୁ ମନେପକାଇ ସୁରଟ ଯାତ୍ରା କରିଛନ୍ତି । ମୁଖ୍ୟମନ୍ତ୍ରୀଙ୍କ ସୁରଟ ଗସ୍ତ ପୂର୍ବରୁ ଗତ ଅକ୍ଟୋବର ମାସରେ ପୋଲସରା, ସୋରଡ଼ା ଓ ଗୋପାଳପୁରର ତିନି ବିଜେଡ଼ି ବିଧାୟକ ସୁରଟ ଯାଇ ଓଡ଼ିଆଙ୍କ ସମସ୍ୟା ବୁଝି ଆସିଥିଲେ । ଅର୍ଥମନ୍ତ୍ରୀ ଶଶିଭୂଷଣ ବେହେରା ମଧ୍ୟ ପ୍ରବାସୀ ଓଡ଼ିଆଙ୍କୁ ଭେଟି ସେମାନଙ୍କ ରୋଷର ଶିକାର ହେବା ପରେ ମୁଖ୍ୟମନ୍ତ୍ରୀଙ୍କ ଲୋକପ୍ରିୟତାକୁ ଆଧାର କରି ପ୍ରବାସୀ ଓଡ଼ିଆଙ୍କ ଭୋଟ ବ୍ୟାଙ୍କକୁ ହାତେଇବା ପାଇଁ ବିଜେଡ଼ି ମହୋତ୍ସବ ନାମରେ ରାଜନୀତି କରୁଛି ବୋଲି ବିରୋଧୀ କହିଛନ୍ତି ।