ଦେଶରେ ଶିକ୍ଷା ଅଧିକାର ଆଇନ ଲାଗୁ ହେବା ପରେ ରାଜ୍ୟରେ ୨୦୧୦ ପରଠାରୁ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ପାସ ଫେଲ ବ୍ୟବସ୍ଥା ବନ୍ଦ ହୋଇଯାଇଥିଲା । ତେବେ ଗତ ୪ ବର୍ଷ ମାଟ୍ରିକରେ ଫେଲ ହାର ବଢୁଥିବା ଦୃଷ୍ଟିରେ ରଖି ଆସନ୍ତା ଶିକ୍ଷା ବର୍ଷ ଠାରୁ ପୁଣି ଥରେ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ପାସ ଫେଲ ବ୍ୟବସ୍ଥା ଜାରୀ ରଖିବା ପାଇଁ ବିଚାର ବିମର୍ଷ ଚାଲିଥିବା ଜଣାଯାଇଛି ।
କେନ୍ଦ୍ରରେ ଏହାକୁ ନେଇ ସମୀକ୍ଷା ହୋଇଥିବାବେଳେ ରାଜ୍ୟରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ମଧ୍ୟ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟରେ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ବର୍ତ୍ତମାନ ୫୯ ଲକ୍ଷ ୭୨ହଜାର ୮୭୦ ପିଲା ପଢୁଛନ୍ତି । ଅଷ୍ଟମ ପାସ କରିଥିବା ପିଲାଙ୍କ ମଧ୍ୟରୁ ୪୦ ପ୍ରତିଶତ ପିଲା ନବମରେ ୩୦ ପ୍ରତିଶତରୁ କମ୍ ମାର୍କ ରଖିଛନ୍ତି । ଦଶମରେ ଗ୍ରେଡ଼େସନ ହୋଇଥିବାରୁ ଗତ କିଛି ବର୍ଷ ହେଲା ରାଜ୍ୟରେ ୯୦ ପ୍ରତିଶତରୁ ଅଧିକ ମାର୍କ ରଖୁଥିବା ପିଲାଙ୍କ ସଂଖ୍ୟା ହ୍ରାସ ପାଇଛି । ତେଣୁ ପୁଣି ଥରେ ପାସ ଫେଲ ବ୍ୟବସ୍ଥା ପ୍ରଚଳନ ପାଇଁ ଦାବି ଉଠିଛି ।
18/03/2019