ପଞ୍ଜାବର ଆଦମପୁର ସାରଙ୍ଗପୁର ଗ୍ରାମର ବିକାଶ ଜ୍ୱାଣୀ ପାଇଲଟ ଭାବେ ନିଯୁକ୍ତି ପାଇବା ପରେ ନିଜ ଗାଁର ସବୁଠୁ ବୟସ୍କ ୨୨ ଜଣ ଗ୍ରାମବାସୀଙ୍କୁ ଆକାଶରେ ବିମାନ ଯାତ୍ରାର ସୁଯୋଗ ପ୍ରଦାନ କରି ହୃଦୟ ଜିତିଛନ୍ତି ।
ବିକାଶଙ୍କ ବିମାନରେ ଯାତ୍ରା କରିଥିବା ୨୨ ଜଣ ବରିଷ୍ଠ ଗ୍ରାମବାସୀଙ୍କ ବୟସ ୭୨ରୁ ଅଧିକ ଥିବା ଜଣାଯାଇଛି, ଯେଉଁମାନେ କି ନିଜର ଏତେ ବର୍ଷର ଜୀବନ କାଳ ମଧ୍ୟରେ ବିମାନରେ ବସିବାର ସୁଯୋଗ ପାଇନଥିଲେ । ସେମାନଙ୍କ ମଧ୍ୟରୁ ୧୫ ଜଣ ବିମାନ ବନ୍ଦର ଭିତରେ ପ୍ରବେଶ ସୁଦ୍ଧା କରିବାର ଅନୁଭବ ନଥିବା କହିଥିଲେ ।
ବିକାଶ ସେମାନଙ୍କ ସ୍ୱପ୍ନ ପୁରା କରିଛନ୍ତି । ନୂଆଦିଲ୍ଲୀରୁ ଅମୃତସର ନେବା ସହ ସେଠାରେ ସ୍ୱର୍ଣ୍ଣମନ୍ଦିର, ଜାଲିୟାନାୱାଲା ଏବଂ ୱାଗା ବର୍ଡ଼ର ବୁଲାଇ ଦେଖାଇଛନ୍ତି ।
10/10/2018