ସଡ଼କ ଦୁର୍ଘଟଣା ରେ ମୃତ୍ୟୁ ବରଣ କରୁଥିବା ଅନେକ ଙ୍କ ଜୀବନ ମୁଣ୍ଡରେ ଆଘାତ ଜନିତ କାରଣରୁ ହେଉଥିବା ବିଶେଷଜ୍ଞ ମାନେ ଦର୍ଶାନ୍ତି ।ମୁଣ୍ଡକୁ ସୁରକ୍ଷା ଦେବାପାଇଁ ସରକାର ହେଲମେଟ ପିନ୍ଧିବାକୁ ବାଧ୍ୟତାମୂଳକ କଲେ ଓ ଅମାନୀକାରୀଙ୍କ ପ୍ରତି ଦଣ୍ଡବିଧାନ କଲେ । ଏସବୁ ପରେ ଲୋକେ ଶସ୍ତା ହେଲମେଟ ପରିଧାନ କରି ଜୀବନ ଦେଉଥିବା ଖବର ଜଣାପଡିବା ପରେ ସରକାର ଆଉ ପାଦେ ଆଗକୁ ଯାଇ କଠୋର ହୋଇଛନ୍ତି । ଦେଶରେ ବିଆଇଏସ୍ ପ୍ରମାଣପତ୍ର ଥିବା ହେଲମେଟ୍‌ର ଉତ୍ପାଦନ ଓ ବିକ୍ରିକୁ ବାଧ୍ୟତାମୂଳକ କରାଯିବ। ନିଷ୍ପତ୍ତି ନିଆଯାଇଛି । ଏ ଦିଗରେ ଭାରତ ସରକାର ପ୍ରସ୍ତୁତି ଆରମ୍ଭ କରିଦେଇଛନ୍ତି। ଦୁର୍ଘଟଣାରୁ ମୁଣ୍ଡକୁ ସୁରକ୍ଷା ଦେବା ପାଇଁ ଏଭଳି ନିଷ୍ପତ୍ତି ନିଆଯାଇଛି ବୋଲି ଆଜି କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରାଳୟ ପକ୍ଷରୁ କୁହାଯାଇଛି। ଏହାଦ୍ବାରା ହେଲମେଟ୍‌ର ମାନରେ ଉନ୍ନତି ଆସିବ ଏବଂ ଦୁଇ ଚକିଆ ଯାନ ଚାଳକଙ୍କ ସୁରକ୍ଷା ମଧ୍ୟ ବୃଦ୍ଧି ପାଇବ। ମନ୍ତ୍ରାଳୟ ପକ୍ଷରୁ ଏ ସଂକ୍ରାନ୍ତରେ ଏକ ଚିଠା ବିଜ୍ଞପ୍ତି ଜାରି ହୋଇଛି। ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡସ୍ ଆଇନ ୨୦୧୬ ଆଧାରରେ ଏହା କରାଯିବ। ମନ୍ତ୍ରାଳୟ ପକ୍ଷରୁ ଏହି ପ୍ରସ୍ତାବ ଉପରେ ପରାମର୍ଶ ଓ ମତାମତ ଲୋଡ଼ାଯାଇଛି।